Zang Shonang Yeesɔ 10:3 - Nyaa Shɔɔ Ɓɔɔ Laa a Ɓɛɛ

³ Diki ɓɔɔ kagn bɛ̀ɛ́ laa kpɛ̃ɛ tɔ, nung saka taati, Koneliyu rɔ̃kɔ. Ka rɔ̃kɔnang keɓe, zi zang nyaa shonang Laa ɓɔɔ ka lapa ɓɛɛ gbàrɛ gbàrɛ arɛ a ɓaa wu nyaa tɔɔ, “Koneliyu.”

Zang Shonang Yeesɔ 10:3 Σταυροειδείς Αναφορές

Matiyu 27:46

Laa naa kpɛ̃ɛ tɔ, Yeesɔ mɛɛ nyaa ka lapa nɛɛ, “Eloyi, Eloyi, lama Sabatani.” Dĩiri yee keɓe, ɓi “Laa mɛɛ, Laa mɛɛ, mɔɔ yaa m ka ruu viya?”

Luka 1:11

A zang nyaa shonang Laa ɓɔɔ ka lapa naa nwáng nyaa ka bii Zakariya, a shii ka nakn ka nɔng ɓɔɔ zang dɔɔ Laa vuu ɓɔɔ á sɛ̃ɛ tɔ̃ɔ tɔ̃ɔ kagn ɓɛɛ.

Luka 2:13

A ri tantɛ zang nyaa shonang Laa ɓɔɔ ka lapa keɓe zinang, nɛɛ zang nyaa shonang Laa ɓɔɔ ka lapa ɓɔɔgn gaagaa, ri dɔɔ Laa kana. Ri kɔ̀ɔ́yi nɛɛ,

Zang Shonang Yeesɔ 10:17

Bituru rɛ̃rɛ dɔɔ kana ka yuu dĩiri rɔ̃kɔnang kɔ wu rɔ̃kɔ ɓee, a zang ɓɔɔ Koneliyu shong ri, hɛ̃ɛ nɔng gãa Siman tɔ, ri ĩi tɔ, a ri shii kaa nyaa gãa.

Zang Shonang Yeesɔ 10:19

Bituru rɛ̃rɛ doo kana ka yuu vuu ɓɔɔ wu zi ɓɛɛ, a Suru Laa kɔɔ wu tɔɔ, “Siman, zang varɛ taati ri kãa nɔng ɓaaɓɛ.

Zang Shonang Yeesɔ 10:30

Koneliyu kasɛ wu nyaa tɔɔ, “Diki daa lɛɛkɔ dɛ̃ɛti bɛ̀ɛ́ n ka yeti gãa mɛɛ, n gàá Laa bɛ̀ɛ́ laa naa weɓe kɔ saka taati. A zang ɓɔɔ hãa fɔ̃ɔrɔ kɔlɔ katɔ nwang nyaa a shii ka tĩng mɛɛ,

Zang Shonang Yeesɔ 10:9

Nɔng gãntɛ tɔ rɛɛ zang keɓe, ri yi gbalang tɔ, ri a tɔ naabm nɛɛ Joopa. Bituru vang ɓi kaa gãa lapa bɛ̀ɛ́ laa kaa dalɛ yuu nɛɛ wu gaa Laa.

Zang Shonang Yeesɔ 11:13

A Koneliyu kɔɔ ruu naa ɓɔɔ wu zi zang nyaa shonang Laa ɓɔɔ ka lapa, ka yeti gãa ɓiɓɛ a kɔɔ wu tɔɔ, ‘Shong zang ɓɔɔ, wu daa ka Joopa, zang daa ɓaa mɔɔ nyaa ka Siman ɓɔɔ zang ɓaa wu nɛɛ Bituru ɓɛɛ.

Zang Shonang Yeesɔ 27:23

Ka ruu ɓɔɔ, ka ɓɔɔrɔ nɛɛ zĩi, zang nyaa shonang Laa ɓɔɔ ka lapa nɛɛ a ka bii mɛɛ. Laa ɓɔɔ n zang ɓiɓɛ, a n ti bang wu ɓɛɛ.

Zang Shonang Yeesɔ 3:1

Diki ɓɔɔgn, Bituru nɛɛ Yɔhana ri daa ka Gãa Laa, ka laa ɓɔɔ zang daarɛ Laa gaanang ɓɛɛ, ka saka taati ɓɔɔ laarang.

Zang Shonang Yeesɔ 5:19

Nɛɛ zĩi zang nyaa shonang Laa ɓɔɔ ka lapa arɛ naa puu nyaa sãa, a nwangsɛ ri ka biling. A kɔɔ ri tɔɔ,

Zang Shonang Yeesɔ 9:10

Ka gari Damasiku, yɔɔ ɓɔɔ dũng Laa kagn, zang ɓaa wu nɛɛ Hananiya. Yeesɔ rang yee nɛɛ wu bɛ̀ɛ́ rɔ̃kɔ katɔ tɔɔ, “Hananiya.” A kasɛ nyaa nɛɛ, “Wee n ɓee, Kpanti.”

Zang Shonang Yeesɔ 9:4

Watɛ ka tipi, a tãa yee kɔ̀ɔ́ wu nɛɛ, “Shaawulu, Shaawulu, mɔɔ dang m jĩng nɔngkɔ, ka ruu viya?”

Yahudi 1:14

Ka ruu nɔngkɔ zang nyaa shonang Laa ɓɔɔ ri ka lapa, ri ɓarɛ zang ɓɔɔ ri pàlɛ́ Laa shonang ɓɛɛ waati. Laa shong ri, nɛɛ ri yi rɛɛ zang ɓɔɔ wu naa ta yuu ɓarɛ naa ka bii.

Yahudi 1:4

Ka ruu nɔngkɔ, bannang Jaa Laa ɓa ɓɔɔ rɛɛ zang nyaa shonang Laa ɓɔɔ ri ka lapa kati, naa ɓɔɔ nung ɓɔɔ Laa a wu, ti ɓa ɓɔɔ ɓarɛ doo katɔ kɔ ɓɛɛ.