Zang Shonang Yeesɔ 10:2 - Nyaa Shɔɔ Ɓɔɔ Laa a Ɓɛɛ

² Koneliyu ɓi zang ɓɔɔ dũng Laa ɓɛɛ. Bang Laa nɛɛ zang gãa ɓiɓɛ piti. Yi rɛɛ zang Yahudi ɓɔɔ vuu ka naa ɓarɛ kpang naa ka bii, ti gaa Laa diki diki.

Zang Shonang Yeesɔ 10:2 Σταυροειδείς Αναφορές

Matiyu 25:17

A zang gbete ɓɔɔ ta saka jaka ziti, ti daa walɛ ɓɔɔgn nɔ́ng ziti.

Luka 18:1

A Yeesɔ rang zang ɓɔɔ ri mantɛ vuu ka bii ɓiɓɛ, nyaa vuu jeenang keɓe, nɛɛ tɔ̀ɔ wu tusu ri kati nɛɛ ri gaa Laa diki diki, ri yaa gn naa kpang.

Luka 2:25

Ka diki kaɓa, yɔɔ ɓɔɔ kagn Urushalima, zang ɓaa wu nɛɛ Simiyon. Simiyon zang ɓɔɔ kasɛ Ruu Laa katɔ, a ti ɓaa shoo ka nyaa ɓɔɔ Laa dang ɓɛɛ tɔ̃ɔ tɔ̃ɔ. Bɛɛ Simiyon kaɓa gã ɓi diki ɓɔɔ Laa naa ta yuu zang Isirela ɓɛɛ. Suru Laa ɓi kagn bii ɓiɓɛ.

Zang Shonang Yeesɔ 10:22

Ri kasɛ wu nyaa tɔɔ, “Zang bang sɔɔja ɓɔɔ zang ɓaa wu nɛɛ Koneliyu kɔ shong ruu. Koneliyu zang tɔ̃ɔ, bang Laa, a zang Yahudi nandon, ri a wu bannang dɔɔli. Zang nyaa shonang Laa ɓɔɔ ka lapa ɓɛɛ gbete, kɔɔ wu nɛɛ wu ɓaa mɔɔ nyaa ka gãa ɓiɓɛ. Nɛɛ tɔ̀ɔ wu tãa vuu ɓɔɔ mɔɔ kɔɔ ɓɛɛ.”

Zang Shonang Yeesɔ 10:31

a kɔɔyi tɔɔ, ‘Koneliyu, Laa tãa gaanang ɓɔɔ mɔɔ gaa wu tɔ, danggn vuu tɔ̃ɔ ɓɔɔ mɔɔ pàlɛ́ zang ti ning wu kpang.

Zang Shonang Yeesɔ 10:35

Ka zɔ̃ng zang kɔ ka koo nandon, zang ɓɔɔ nɛɛ kaa vɔrɔ Laa, nɛɛ ti palɛ vuu ɓɔɔ wu kasɛ, Laa ta wu ɓi katɔ.

Zang Shonang Yeesɔ 10:4

Koneliyu ã̀tɛ zang nyaa shonang Laa ɓɔɔ ka lapa ɓɛɛ jĩng ka bii. Bii kaa wu vɔrɔ, a kasɛ nyaa tɔɔ, “Ɓu viya Kpanti.” Zang nyaa shonang Laa ɓɔɔ ka lapa, kasɛ wu nyaa tɔɔ, “Laa tãa gaanang ɓɔɔ mɔɔ gaa wu tɔ. Ti zi tɔ̃ɔ ɓɔɔ mɔɔ pàlɛ́ zang tɔ, ka ruu nɔngkɔ, danggn ɓaaɓɛ ning Laa kpang.

Zang Shonang Yeesɔ 10:7

Ɓɔɔ zang nyaa shonang Laa ɓɔɔ ka lapa ɓɔɔ rang yee nɛɛ wu daa tɔ, Koneliyu ɓaa nyaa ka rɛɛ zang varɛ ziti ka teteng zang ɓɔɔ ri palɛ shonang ka gãa ɓiɓɛ, nɛɛ yɔɔ sɔɔja gbete ka teteng rɛɛ sɔɔja ɓɔɔ ri gã wu ɓɛɛ. Yɔɔ keɓe dũng doo Laa kɔ.

Zang Shonang Yeesɔ 11:14

Naa kɔ̀ɔ́ mɔɔ ruu ɓɔɔ ta yuu ɓaaɓɛ nɛɛ zang ɓɔɔ ri ka yeti gãa ɓaaɓɛ nandon.’

Zang Shonang Yeesɔ 13:16

A Bulu yupaa kati, wii naa, a kɔɔyi tɔɔ, “Zang Isirela nɛɛ zang ɓɔɔ nɔɔ zang Isirela kpang, ɓɔɔ nɔɔ káa vɔrɔ Laa katɔ ɓɛɛ, nɔɔ ɓaa shoo.

Zang Shonang Yeesɔ 13:26

“Rɛɛ manzung zɔ̃ng Ibirayi, nɛɛ rɛɛ zang ɓɔɔ nɔɔ zi Laa kpang, ɓɔɔ nɔɔ kaa vɔrɔ Laa kaa tɔ ɓɛɛ, zang shong rùu kɔ nyaa nɛɛ ruu, ɓɔɔ ta yuu ɓuru keɓe.

Zang Shonang Yeesɔ 13:50

Rɛɛ zang Yahudi ri dɔ̃lɔ rɛɛ zang soro ɓɔɔ ri bang Laa ɓɛɛ, ɓɔɔ zang a ri bannang katɔ ɓɛɛ, nɛɛ rɛɛ zang bang gari kaɓa. Ri shing zang nɛɛ zang ri dang rɛɛ Bulu nɛɛ Baranaba jĩng. Ri hing ri nɛɛ tipi kaɓa.

Zang Shonang Yeesɔ 18:8

Kiripu ɓɔɔ wukɔ zang bang gãa zɔɔ kpalɛnang shing danggn ka bii Kpanti Laa nɛɛ zang ɓɔɔ ri ka gãa ɓiɓɛ piti. Zang Koranti ɓɔɔ ri ti ɓaa shoo ka Ruu Laa ɓɔɔ Bulu rang ɓɛɛ, ri shing danggn, a zang palɛ ri batizima.

Zang Shonang Yeesɔ 2:5

Zang Yahudi kagn ka Urushalima ka diki kaɓa. Zang varɛ ɓɔɔ ri dṹng Laa ɓɛɛ, ɓɔɔ ri a nɛɛ tipi koolaa nandon ɓɛɛ.

Zang Shonang Yeesɔ 22:12

“Yɔɔ ɓɔɔ kagn ka gari Damasiku zang ɓaa wu nɛɛ Hananiya. Dṹng nyaa ɓɔɔ Laa dang ɓɛɛ gbãng gbãng, zang Yahudi ɓɔɔ ka gari kaɓa, ri rang ruu ɓiɓɛ tɔ̃ɔ.

Zang Shonang Yeesɔ 8:2

Zang ɓɔɔ ri bang Laa nɛɛ yeti gbete ri gbãa Istifanu, ri kaa wu nyavɔ gbãng gbãng.

Zang Shonang Yeesɔ 9:11

A Yeesɔ kɔɔ wu tɔɔ, “Yupaa mɔɔ daa ka gãa Yahuda ɓɔɔ ka gbalang ɓɔɔ zang ɓaa nɛɛ, ‘Gbalang ɓɔɔ shiiri katɔ’ ɓɛɛ, mɔ́ɔ daa hɛ̃ɛ nɔng yɔɔ gari Taasu, ɓɔɔ zang ɓaa wu nɛɛ Shaawulu ɓɛɛ. Kãntang keɓe, gaa Laa kana.

Zang Shonang Yeesɔ 9:31

Ka diki kaɓa, zang ɓɔɔ ri dũng Laa ɓɔɔ ri ka tipi Yahudi, nɛɛ tipi Galili, nɛɛ tipi Samariya nandon, ri tãa tĩnang nwannang ɓarɛ kati. Suru Laa yi ri naa kagn, a mã ri danggn. Ri shang kaa jong ka ɓɔɔ ri nwangnɛ ri a Laa bannang ɓɛɛ.

Zang Shonang Yeesɔ 9:36

Jaa soro ɓɔɔ kagn dũng Laa, ka gari Joopa zang ɓaa nung ɓiɓɛ nɛɛ Tabita (Tabita nɛɛ nyaa Heleni ɓi Dorika, nung ɓɔɔ zang ɓaa mákà ɓɛɛ). Jaa soro keɓe pálɛ̀ ɓi tɔ̃ɔ diki diki, ti yi zang ɓɔɔ vuu ka naa kpang, naa ka bii.

Kolosi 4:2

Nɔɔ gaa Laa diki diki, nɔɔ gãng jĩng waasɛ̃, nɔɔ ti zãa wu.

1 Tesalonika 5:17

Nɔɔ gaa Laa, nɔ́ɔ suu diki kpang.

Yakubu 1:5

Zang ɓɔɔ nɛɛ zũng kpang, wu gàa Laa, Laa a wu zũnang katɔ, ka ruu ɓɔɔ Laa a zang piti vuu katɔ, ti a zang naa ka zingzing ɓɛɛ. Zãa zang vuu ɓɔɔ zang gaa ɓɛɛ kpang.

Vuu ɓɔɔ zang nwangsɛ Yɔhana 15:4

Ɓu wi kaa vɔrɔ ɓaaɓɛ, wu ti a mɔɔ bannang kpang wiya kpanti Laa? Ɓi mɔkɔ gbete ɓɔɔ shi kpang ka bii ɓaaɓɛ kpang ɓɛɛ. Zɔ̃ng zang tipi piti piti ri naa arɛ ri bang mɔɔ, ka ruu ɓɔɔ, ri zi naa ɓɔɔ mɔɔ dɔng ruu tɔ tɔ̃ɔ ɓɛɛ.”