Zang Shonang Yeesɔ 1:3 - Nyaa Shɔɔ Ɓɔɔ Laa a Ɓɛɛ

³ Ka knti vɔrɔ ɓiɓɛ, tusu ri yuu ɓiɓɛ diki laa ziti. Nwang nyaa ka bii ɓarɛ ka diki ka bm bm, naa ɓɔɔ ri làa nyaa takpang nɛɛ wu doo ningkãari kpang ɓɛɛ. Ri zi wu, a ti rang yee nɛɛ ri ka yuu Kpanti roonang Laa.

Zang Shonang Yeesɔ 1:3 Σταυροειδείς Αναφορές

Matiyu 21:43

“Ka ruu nɔngkɔ n kɔɔ nɔɔ, zang naa ta gbalang ɓɔɔ zang zi kagn nɛɛ Laa kɔ Kpanti ditɔ nɛɛ naa manɛ, zang a zang ɓɔɔ ri naa palɛ vuu ɓɔɔ Laa kasɛ katɔ ɓɛɛ.

Matiyu 28:9

A Yeesɔ naa ɓee ri yuu, a jee ri nyaa tɔɔ, “Palɛ biya?” Ɓudo ɓɔɔ ri zi wu naa weɓe, ri see zɔɔ, ri daa yi wu ka doo, ri báng wu kati.

Matiyu 3:2

Kɔɔ zang tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, kpanti roonang Laa a naabm tɔ ɓɛɛ.”

Matiyu 4:2

Yeesɔ seng nyaalaa tɔ ka waala diki laa ziti, a nyɔkɔ naa nyɔ wu kati.

Maraku 16:19

Kpanti Yeesɔ hangsɛ ri nyaa yee rannang tɔ, Laa tuu wu kaa ningkãari daa nɔng ka lapa. A daa nwáng ka naa nakn Kpanti Laa.

Yɔhana 20:26

Diki ɓa tɔ mantaati zang ɓɔɔ ri mantɛ vuu ka bii Yeesɔ ri kaa nyaa zɔɔ, ka yeti gãa. Tooma nɛɛ ri. Ri kulu nyaa gãa katɔ, a Yeesɔ a doo nɛɛ mani, naa shii ka teteng ɓarɛ, a kɔɔ ri tɔɔ, “Yeti manɛ wu lasɛ kpang.”

Yɔhana 21:1

Nɛɛ knti, Yeesɔ nwang nyaa ka bii zang ɓɔɔ ri mantɛ vuu ka bii ɓiɓɛ, ɓɔɔ bɛ̀ɛ́ ka nyaa waapo ɓɔɔ zang ɓaa nɛɛ Tiberiya ɓɛɛ. Tusu ri yuu ɓiɓɛ naa weɓe.

Yɔhana 21:14

Ɓu doo ɓɔɔ Yeesɔ yupaa nɛɛ sàa, nwang nyaa tɔ ka bii zang ɓɔɔ ri mantɛ vuu ka bii ɓiɓɛ, daa kaa nɛɛ weɓe doo taati.

Zang Shonang Yeesɔ 13:31

Nwálɛ́ nyaa diki dɔɔli ka bii rɛɛ zang ɓɔɔ ri a nɛɛ wu nɛɛ Galili, ri a ka Urushalima ɓɛɛ. Rikɔ kɔɔ zang vuu keɓe.

Zang Shonang Yeesɔ 19:8

Bulu daa ka yeti gãa zɔɔ kpalɛnang, kɔɔ zang Ruu Laa nɛɛ gbãng gbãng ning. Nwang nɛɛ ri ka nɔngkɔ shala taati. Làá nyaa nɛɛ zang, kasɛ nɛɛ ri ta ruu ɓɔɔ wu kɔ̀ɔ́ ri ka yuu Kpanti roonang Laa ɓɛɛ.

Zang Shonang Yeesɔ 28:23

Ka ruu nɔngkɔ, ri kà zɔɔ diki nɛɛ Bulu. Ɓɔɔ diki ɓɔɔ ri ka zɔɔ naa arɛ zang dɔɔli ri kpalɛ zɔɔ ka nɔng ɓɔɔ Bulu nwàng kagn ɓɛɛ. Bulu nwangsɛ ri dĩiri ruu a ti kɔɔ ri ruu ka yuu Kpanti roonang Laa nɛɛ gãndi sasak nɔng tɔɔ nɛɛ mani. Kasɛ nɛɛ ri ta ruu ɓɔɔ wu kɔɔ ri ka yuu Yeesɔ ɓɛɛ, ka ruu nɔngkɔ, rang ri yee ka yuu ɓiɓɛ ka yeti labeenang Musa nɛɛ ɓɔɔ rɛɛ zang nyaa shonang Laa.

Zang Shonang Yeesɔ 28:31

Kɔɔ zang ruu ka yuu Kpanti roonang Laa. Ti tusu zang vuu ka yuu Kpanti Yeesɔ Kirisi, kaa vɔrɔ kpang. Zang ɓɔɔ ti zãa wu ruu keɓe kɔɔnang kpang.

Zang Shonang Yeesɔ 8:12

Ɓɔɔ ri shing danggn ka Ruu Tɔ̃ɔ kpanti roonang Laa ɓɔɔ Filibu kɔɔ ri, a ɓɔɔ kaa nung Yeesɔ Kirisi, zang palɛ ri batizima, zang varɛ nɛɛ zang soro nandon.

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Kolosi 1:13

Tà yuu ɓuru nɛɛ nɔng ɓɔɔ tɔ̀ɔ katɔ ɓɛɛ, atɛ ruu ka nɔng ɓɔɔ Jaa ɓiɓɛ ɓɔɔ wu kasɛ dɔɔli, roo kpanti ɓɛɛ.

1 Tesalonika 2:12

Ruu tusu nɔɔ vuu ɓɔɔ daa bii katɔ ɓɛɛ. Ruu mã nɔɔ danggn, ruu yi tĩng, ruu kɔɔ nɔɔ nɛɛ nɔɔ nwang zɔ̃ng nwannang ɓɔɔ shing Laa, Laa tãa tĩnang ɓɛɛ. Laa ɓɔɔ ɓáa nɔɔ nyaa nɛɛ nɔɔ naa nwang jong ka teteng zang ɓɔɔ wu nwang kpanti ɓarɛ ɓɛɛ, nɔɔ zi bannang ɓiɓɛ.

1 Yɔhana 1:1

Ruu bèé nɔɔ ruu ka yuu zang ɓɔɔ a zang suru bii ɓɛɛ. Ɓɔɔ nwang ka tĩng tɛ̃ɛ tɛ̃ɛ bɛ̀ɛ́ Laa gaayu koo mãanang gn kpang ɓɛɛ. Ruu tãa ruu ɓiɓɛ, a ruu ti zi wu nɛɛ jĩng ɓuru. Ruu pɛ̃ɛrɛ wu, a ruu ti lee wu nɛɛ naa ɓuru.