Zang Shonang Yeesɔ 1:2 - Nyaa Shɔɔ Ɓɔɔ Laa a Ɓɛɛ

² à nɛɛ mani ka diki ɓɔɔ Laa tuu wu daa nɛɛ wu ka lapa ɓɛɛ. Ɓɔɔ bɛ̀ɛ́ daa lapa gn kpang, Suru Laa yi wu naa ka bii, a rang rɛɛ zang ɓɔɔ wu shɛ̃ɛrɛ ri nɛɛ ri nwang zang ɓɔɔ wu shong ri ɓɛɛ yee.

Zang Shonang Yeesɔ 1:2 Σταυροειδείς Αναφορές

Matiyu 12:28

A n nɛɛ nwangsɛ suru shi kpang nɛɛ Suru Laa, kpanti roonang Laa a bii manɛ tɔ.

Matiyu 3:16

Ɓɔɔ Yɔhana pàlɛ̀ wu batizima hn, Yeesɔ nwang kaa nɛɛ mii, a lapa tantɛ kaa puunang, a zi Suru Laa shooro kaa naa koro, naa nwáng ka yuu ɓiɓɛ.

Maraku 6:30

Zang kopi tu ziti ɓɔɔ ri mantɛ vuu ka bii Yeesɔ kaɓa, ri gbãayu ka bii ɓiɓɛ, a ri kɔɔ wu vuu piti ɓɔɔ ri palɛ nɛɛ ɓɔɔ ri tusu ɓɛɛ.

Luka 24:51

A ɓɔɔ bɛ̀ɛ́ gàá ri Laa doo naa, zang tuu wu zang daa nɛɛ wu ka lapa.

Luka 9:51

Ɓɔɔ diki ɓɔɔ Yeesɔ gbãayu daa lapa yaa kaa tɔkɔlɔng, Yeesɔ shing jĩng daanang kaa Urushalima.

Yɔhana 1:16

Ka ruu vuu ɓɔɔ Laa a wu gaagaa, rùu ti wàlɛ́ tɔ̃ɔ kana ka yuu zɔɔ yuu zɔɔ.

Yɔhana 13:1

Bɛɛ diki nyaalaa pasika ɓɔɔ zang kpaa danggn diki ɓɔɔ Laa tɛɛ ɓɛɛ, yaa kaa tɔkɔlɔng. Yeesɔ zi tɔ nɛɛ diki a tɔ, ɓɔɔ wu yaa koo keɓe, wu daa ka bii Daa ɓiɓɛ ɓɛɛ. Yeesɔ kasɛ zang ɓiɓɛ ɓɔɔ ka koo keɓe, ka ruu nɔngkɔ, kasɛ nɛɛ wu tusu ri naa ɓɔɔ wu kasɛ ri dɔɔli ɓɛɛ.

Yɔhana 13:18

“N kɔɔ ruu keɓe ka yuu manɛ nandon kpang. N zi zang ɓɔɔ n shɛ̃ɛrɛ ri m tɔ. Vuu keɓe nwáng nɔngkɔ, naa ɓɔɔ zang bee ka yeti Labeenang Laa ɓɛɛ. Labeenang Laa kɔɔyi tɔɔ, ‘Zang ɓɔɔ n basɛ borodi mɛɛ nɛɛ wu, ràa m yuu knti tɔ. Nwáng zang ɓɔɔ shing jĩng nɛɛ n kpang tɔ.’

Yɔhana 13:3

Yeesɔ ti zi tɔ, nɛɛ Daa ɓiɓɛ a wu naa vuu palɛnang tɔ nandon. Ti zi tɔ nɛɛ wu à nɛɛ bii Laa, nɛɛ wu ti gbãayu ka bii Laa ka nɔng.

Yɔhana 16:28

N à nɛɛ bii Daa, a n à ka koo keɓe. N naa yaa koo keɓe ditɔ tɔkn, n gbãayu ka bii Daa.”

Yɔhana 17:13

Kãntang keɓe, n gbãayu kaa tɔ ka bii ɓaaɓɛ. Wee n dòo ka koo nɛɛ ri ɓee, n kɔ̀ɔ́ vuu keɓe, tɔ̀ɔ, ri tãa tĩnang ɓɔɔ n tãa ɓɛɛ kaa jong. Tĩnang ɓarɛ wu ti nwang kaa nyaa kiiri.

Yɔhana 20:17

Yeesɔ kɔɔ wu tɔɔ, “Mɔ́ɔ yi m naa gn bii kpang, ka ruu ɓɔɔ, n gbãayu gn lapa ka bii Daa mɛɛ kpang ɓɛɛ. Dàa ka bii rɛɛ manzung, mɔɔ daa kɔɔ ri nɛɛ, N gbãayu kana ka bii Daa mɛɛ ɓɔɔ dòo Daa manɛ kɔ ɓɛɛ, Laa mɛɛ, ɓɔɔ ti dòo Laa manɛ kɔ ɓɛɛ.”

Yɔhana 20:21

Yeesɔ kɔɔ ri tɔkn tɔɔ, “Yeti manɛ wu lasɛ kpang. Naa ɓɔɔ Daa shong m ka koo, n shong nɔɔ doo nɔngkɔ ka koo.”

Yɔhana 3:34

Ka ruu ɓɔɔ, zang ɓɔɔ Laa shongnɛ, rang ɓi doo yee Laa kɔ ɓɛɛ. Laa a wu Suru ɓiɓɛ, di nyaa kpang.

Yɔhana 6:62

A naa nɔɔ zi m, ɓɔɔ n Jaa Shɔnzang, n gbãayu kana ka nɔng ɓɔɔ bɛ̀ɛ́ n kagn, nɔɔ palɛ biya?

Yɔhana 6:70

Yeesɔ kasɛ ri nyaa tɔɔ, “Wu nkɔ shɛ̃ɛrɛ nɔɔ wee nɔɔ kopi tu ziti ɓee kpang ya? Zang gbete ka teteng manɛ ɓi suru shi kpang.”

Zang Shonang Yeesɔ 1:11

Zang varɛ ziti keɓe kɔɔ ri tɔɔ, “Zang tipi Galili, nɔɔ shiiri ka ruu vi nɔɔ pɛ̃ɛrɛ lapa viya? Yeesɔ kɔ zang tuu wu, zang daa nɛɛ wu ka lapa ɓee, naa gbãayu doo naa ɓɔɔ nɔɔ zi wu daa ɓɛɛ kɔ.”

Zang Shonang Yeesɔ 1:13

Ri shɛ̃ɛ yeti gari tɔ, ri daa ka gãa lapa ɓɔɔ bɛ̀ɛ́ ri nwáng kagn ɓɛɛ. Zang keɓe rikɔ rɛɛ, Bituru, nɛɛ Yɔhana, nɛɛ Yakub, a ɓɔɔ Anduru, nɛɛ Filibu, nɛɛ Tooma, nɛɛ Batolomi, nɛɛ Matiyu, nɛɛ Yakub jaa Alifaya, a ɓɔɔ Siman ɓɔɔ kasɛ nɛɛ tipi ɓarɛ wu gbãayu nɛɛ knti kpang, nɛɛ Yahuda jaa Yakub.

Zang Shonang Yeesɔ 1:22

Gaayu nɛɛ diki ɓɔɔ Yɔhana pàlɛ̀ zang batizima kagn, a nɛɛ mani ka diki ɓɔɔ zang tuu Yeesɔ nɛɛ teteng ɓuru zang daa nɛɛ wu ka lapa ɓɛɛ. Wu ti nwang zang gbete ka teteng ɓuru ɓɔɔ naa kɔɔ zang naa ɓɔɔ Laa wisi Yeesɔ paa nɛɛ saa ɓɛɛ.”

Zang Shonang Yeesɔ 1:9

Kɔɔ ruu keɓe tɔ, a Laa tuu wu kati daa kaa nɛɛ wu ka lapa. Ri pɛ̃ɛrɛ wu nɛɛ jĩng. A sãmbong ɓɔɔ arɛ naa zuu wu, ri zi wu takpang.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Galati 1:1

Labeenang keɓe nɛɛ bii mɛɛ nkɔ Bulu ɓɔɔ zang ɓàa m nyaa nɛɛ n nwang zang shonang Yeesɔ ɓɛɛ. Nyaa keɓe wu shɔnzang ɓaayi kpang, wu ti shɔnzang shingnɛ kpang, ɓi Yeesɔ Kirisi shingnɛ nɛɛ Laa ɓɔɔ wukɔ Daa ɓɔɔ wisi wu paa nɛɛ sàa ɓɛɛ.

Afisa 2:20

Nɔɔ nwang manɛ naa gãa ɓɔɔ zang mãa ɓɛɛ, a zang shonang Yeesɔ nɛɛ zang nyaa shonang Laa, rikɔ ɓarɛ kaa doo gãa ɓɔɔ zang loo ka tipi ɓɛɛ. Yeesɔ Kirisi nɛɛ yuu ɓiɓɛ, ɓi kaa tari ɓɔɔ yiti gãa ɓɛɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

Yahudi 9:24

Kirisi dàa ka yeti putali ɓɔɔ shɔnzang palɛ nɛɛ naa, ɓɔɔ ɓi jasuru ɓɔɔ niizang ɓɛɛ kpang. Daa ɓi ka lapa dɔ̃ɔ gbete, nɔng ɓɔɔ wu shii kagn, ka tĩng Laa, ka nung ɓuru ɓɛɛ.

1 Bituru 3:22

Yeesɔ Kirisi daa tɔ ka lapa, nwàng ɓi kaa nɔng nwannang bang ka nakn Laa. Ti roo kpanti jong ka yuu rɛɛ zang nyaa shonang Laa ɓɔɔ ri ka lapa nɛɛ rɛɛ suru ɓɔɔ naa vuu palɛnang ɓarɛ kagn piti.

2 Bituru 3:2

N kasɛ nɛɛ danggn ruu ɓɔɔ zang nyaa shonang Laa ri kɔɔ ka tĩng doo tɛ̃ɛ tɛ̃ɛ wu ning nɔɔ kpang. Danggn nyaa dannang ɓɔɔ dabang ɓuru Yeesɔ Kirisi, ɓɔɔ wukɔ ta yuu ɓuru kɔɔ zang shonang, ɓɔɔ wu shongko ri ka bii manɛ, nɛɛ ri kɔɔ nɔɔ ɓɛɛ, wu ti ning nɔɔ kpang.

Vuu ɓɔɔ zang nwangsɛ Yɔhana 1:1

Wee vuu ɓɔɔ Yeesɔ Kirisi nwangsɛ zang, ɓɔɔ Laa á wu nɛɛ wu tusu zang ɓɔɔ ri pàlɛ́ Laa shonang nɛɛ tɔ̀ɔ, ri zi vuu ɓɔɔ naa palɛ diki bee takpang ɓɛɛ. A Yeesɔ shong zang nyaa shonang Laa ɓɔɔ ka lapa ɓɛɛ, ka bii zang shonang ɓiɓɛ Yɔhana nɛɛ tɔ̀ɔ wu tusu wu rɛɛ vuu keɓe.

Vuu ɓɔɔ zang nwangsɛ Yɔhana 2:11

Zang ɓɔɔ shoo ɓiɓɛ nɛɛ kagn wu ɓaayi wu tãa vuu ɓɔɔ Suru Laa kɔɔ rɛɛ zang ɓɔɔ dũng Laa ɓɛɛ. Zang ɓɔɔ shii gbãng gbãng nɛɛ ɓa vuu gãsɛnang yuu, vɔrɔ ɓɔɔ zang naa vɔ tɔkn, daa kaa doo ziti, naa palɛ wu vuu ɓɔɔ kpang tingkiring.”

Vuu ɓɔɔ zang nwangsɛ Yɔhana 2:17

Zang ɓɔɔ shoo ɓiɓɛ nɛɛ kagn, wu ɓaayi, wu tãa vuu ɓɔɔ Suru Laa kɔɔ rɛɛ zang ɓɔɔ ri dũng Laa ɓɛɛ. Zang piti ɓɔɔ nɛɛ ɓa vuu gãsɛnang yuu, n á wu vuu shaanang ɓɔɔ zang ɓaa nɛɛ maanaa ɓɔɔ zang waasɛ katɔ ɓɛɛ. N ti á wu tari ɓɔɔ kagn puru nɛɛ nung shɔɔ ɓɔɔ zang bee ka yuu tari bìí. Zang ɓɔɔ zi nung bìí kpang ɓi zang ɓɔɔ tarɛ kɔ zi shɛ̃ɛning.”

Vuu ɓɔɔ zang nwangsɛ Yɔhana 2:29

Zang ɓɔɔ shoo ɓiɓɛ nɛɛ kagn, wu ɓaayi wu tãa ruu kɔ Suru kɔɔrɔ rɛɛ zang Laa ɓee.”

Vuu ɓɔɔ zang nwangsɛ Yɔhana 2:7

Zang ɓɔɔ shoo ɓiɓɛ nɛɛ kagn, wu ɓaayi wu tãa vuu kɔ Suru Laa kɔɔ rɛɛ zang ɓɔɔ ri dũng Laa ɓee. Zang ɓɔɔ nɛɛ mã danggn nɛɛ ɓa vuu gãsɛnang yuu, n naa yaa wukɔ, wu shaa jĩng laa ɓɔɔ ra ka laa ɓɔɔ a zang suru bii ɓɔɔ waa nyaa kpang, ɓɔɔ ta ka yeti jaa ɓɔɔ Laa shĩili ɓɛɛ.”

Vuu ɓɔɔ zang nwangsɛ Yɔhana 21:14

Zang loo doo binting bìí ka yuu tari kopi tu ziti. Zang beere nung rɛɛ zang shonang Jaa Mɛ̀ɛrɛ́, ɓɔɔ ri kopi tu ziti ka rɛɛ tari bìí.

Vuu ɓɔɔ zang nwangsɛ Yɔhana 3:13

Zang ɓɔɔ shoo ɓiɓɛ nɛɛ kagn wu ɓaayi wu tãa vuu ɓɔɔ Suru Laa kɔɔ zang ɓɔɔ ri dũng Laa ɓɛɛ.”

Vuu ɓɔɔ zang nwangsɛ Yɔhana 3:16

Wee nɔɔ nwãa lulupu waati ɓee, n vang nɔɔ katɔ nɛɛ yeti nyaa mɛɛ.

Vuu ɓɔɔ zang nwangsɛ Yɔhana 3:22

Zang ɓɔɔ shoo ɓiɓɛ nɛɛ kagn, wu ɓaayi wu tãa vuu ɓɔɔ Suru Laa kɔɔ rɛɛ zang ɓɔɔ ri dũng Laa ɓɛɛ.”