Zang Shonang Yeesɔ 1:16 - Nyaa Shɔɔ Ɓɔɔ Laa a Ɓɛɛ

¹⁶ Kɔɔyi tɔɔ, “Rɛɛ manzung, vuu ɓɔɔ labeenang kɔɔyi nwáng ditɔ niizang. Suru Laa rang yee ka tĩng nɛɛ nyaa Dawuda ka yuu Yahuda ɓɔɔ sɔ̀ɔ zang ɓɔɔ ri daa yí Yeesɔ tĩng ɓɛɛ.

Zang Shonang Yeesɔ 1:16 Σταυροειδείς Αναφορές

Matiyu 26:14

A zang gbete ka teteng zang ɓɔɔ ri mantɛ vuu ka bii Yeesɔ ɓɔɔ zang ɓaa wu nɛɛ Yahuda Isikariyoti, daa ka bii zang bang bang zang ɓɔɔ ri dɔɔ vuu ka Gãa Laa,

Matiyu 26:47

Yeesɔ rang yee doo naa nyaa, a Yahuda zang gbete ka teteng zang kopi tu ziti ɓɔɔ ri mantɛ vuu ka bii ɓiɓɛ a kati. Yahuda a nɛɛ zang dɔɔli ɓɔɔ rɛɛ zang bang bang zang ɓɔɔ ri dɔ́ɔ vuu ka Gãa Laa, nɛɛ zang bang bang zang Yahudi ri shong ɓɛɛ ning. Zang kaɓa, ri see yere bang, nɛɛ labasaa ka naa ning.

Matiyu 26:54

A n nɛɛ palɛ tɔ nɔngkɔ, Ruu Laa ɓɔɔ kɔɔyi tɔɔ, vuu keɓe naa nwang ditɔ naa weɓe, nwang kaa bɛ̀ɛ́ niizang viya?”

Matiyu 26:56

Vuu kɔ zang palɛ ɓée, ɓee ɓi kaa nyaa vuu ɓɔɔ rɛɛ zang nyaa shonang Laa ri bèe ka yeti labeenang Laa ka tĩng tɛ̃ɛ tɛ̃ɛ ɓɛɛ.” A zang ɓɔɔ ri mantɛ vuu ka bii ɓiɓɛ, ri yuku nandon ri yaa wu.

Maraku 12:36

Suru Laa kɔɔ nɛɛ nyaa Dawuda tɔɔ, “ ‘Kpanti Laa kɔɔ Kpanti mɛɛ tɔɔ, “Nwang ka naa nakn mɛɛ, n shing zang ɓɔɔ ri shing jĩng nɛɛ mɔɔ kpang ditɔ, mɔɔ naa ri nɛɛ doo ɓaaɓɛ.” ’

Maraku 14:43

Yeesɔ rang yee doo naa nyaa, a Yahuda zang gbete ka teteng zang kopi tu ziti ɓɔɔ ri mantɛ vuu ka bii Yeesɔ a kati. Yahuda nɛɛ zang ɓɔɔ rɛɛ zang bang, bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, nɛɛ zang bang, bang zang Yahudi ri shong ɓɛɛ. Ri see yee bang nɛɛ labasaa ka naa ning.

Luka 22:47

Ɓɔɔ bɛ̀ɛ́ rang yee doo ka nyaa, zang dɔɔli nwang nyaa. Zang gbete ka teteng rɛɛ zang kopi tu ziti, ɓɔɔ ri mantɛ vuu ka bii ɓiɓɛ, ɓɔɔ zang ɓaa wu nɛɛ Yahuda ɓɛɛ, wukɔ sɔɔ ri tĩng. A ka bii Yeesɔ naabm nɛɛ wu kɔ̃ng wu katɔ.

Yɔhana 10:35

Ruu zi tɔ nɛɛ vuu ɓɔɔ labeenang Laa kɔɔyi ɓi niizang dòndòng. Laa nɛɛ ɓaa zang ɓɔɔ wu shong ri nɛɛ yee ɓiɓɛ tɛ̃ɛ tɛ̃ɛ nɛɛ ri nwang naa Laa,

Yɔhana 13:18

“N kɔɔ ruu keɓe ka yuu manɛ nandon kpang. N zi zang ɓɔɔ n shɛ̃ɛrɛ ri m tɔ. Vuu keɓe nwáng nɔngkɔ, naa ɓɔɔ zang bee ka yeti Labeenang Laa ɓɛɛ. Labeenang Laa kɔɔyi tɔɔ, ‘Zang ɓɔɔ n basɛ borodi mɛɛ nɛɛ wu, ràa m yuu knti tɔ. Nwáng zang ɓɔɔ shing jĩng nɛɛ n kpang tɔ.’

Yɔhana 17:12

Ɓɔɔ bɛ̀ɛ́ n doo nɛɛ ri, n yiti ri waasɛ̃ nɛɛ naa vuu palɛnang ɓaaɓɛ, ɓɔɔ mɔɔ á m ɓɛɛ. N yiti ri waasɛ̃, vuu ɓɔɔ lee ri naa ka bii kpang, a ɓɔɔ gbete ti ning kpang. Ɓi zang gbete ɓɔɔ bɛ̀ɛ́ nɛ̀ɛ́ ning ɓi katɔ kɔ nwani kɔ gbete. Ti ning ɓi ka náa ɓɔɔ zang bee ka yeti labeenang Laa tɛ̃ɛ tɛ̃ɛ nɛɛ naa ning ɓi katɔ kɔ nwani ɓɛɛ.

Yɔhana 19:36

Zang palɛ vuu keɓe naa ɓɔɔ zang bee ka yeti labeenang Laa tɛ̃ɛ tɛ̃ɛ ɓɛɛ. Zang beeyi tɔɔ, “Zang ká kaka ɓiɓɛ gbete kpang.”

Zang Shonang Yeesɔ 1:20

Bituru ti kɔɔ tɔkn nɛɛ, “Zang bee ka yeti labeenang Zabura nɛɛ, “ ‘Gãa ɓiɓɛ wu nwang dãzãa, zang ɓɔɔ wu nwàng kagn kpang.’ Zang ti bee tɔkn nɛɛ, ‘Zang ɓɔɔ wu ta nɔng shonang ɓiɓɛ.’

Zang Shonang Yeesɔ 13:15

Ka knti ɓɔɔ zang hangsɛ labeenang nyaa dannang Musa nɛɛ rɛɛ labeenang zang nyaa shonang Laa gãnang tɔ, zang bang gãa zɔɔ kpalɛnang, ri shong nyaa ka bii ɓarɛ tɔɔ, “Rɛɛ manzung ɓuru, vuu ɓɔɔ nɔɔ nɛ́ɛ tɔɔ nɔɔ kɔɔ zang kagn, ɓɔɔ mã ri danggn, nɔɔ kɔɔ ta.”

Zang Shonang Yeesɔ 13:38

“Ka ruu nɔngkɔ rɛɛ manzung, nɔɔ zirɛ, zang kɔɔ nɔɔ nɛɛ zang yàá nɔɔ gbalang vuu shi kpang manɛ katɔ ka ruu yɔɔ keɓe kɔ̀.

Zang Shonang Yeesɔ 15:13

Ri hangsɛ yee ranang tɔ, a Yakub rang yee kati tɔɔ, “Nɔɔ ɓaa shoo karɛ rɛɛ manzung.

Zang Shonang Yeesɔ 15:7

Ri làa zɔɔ nyaa tɔ gbãng gbãng, a Bituru yupaa kɔɔyi tɔɔ, “Rɛɛ manzung, nɔɔ zi tɔ diki bee tɔ ɓɔɔ Laa zɔ̃ng m ka teteng manɛ, nɛɛ n kɔɔ zang ɓɔɔ ri zang Isirela kpang Ruu Tɔ̃ɔ ɓiɓɛ, tɔ̀ɔ, ri tãayi, ri ti shing danggn ɓɛɛ.

Zang Shonang Yeesɔ 2:23

Zang a nɔɔ yɔɔ keɓe, ka naa ɓɔɔ Laa shíng doo ka tĩng ɓɛɛ. Ti Laa kɔ kasɛ a nɔɔ ɓaa wu naa ka laa. Zang ɓɔɔ ri zi Laa kpang ri nyɔ wu vɔrɔ.

Zang Shonang Yeesɔ 2:37

Ɓɔɔ zang ri tãa ruu keɓe, kpãa ri ka yeti dɔɔli, a ri hɛ̃ɛ Bituru nɛɛ rɛɛ zang shonang ɓɔɔ nimbang tɔɔ, “Rɛɛ manzung, rúu palɛ ɓu kaa viya?”

Zang Shonang Yeesɔ 22:1

“Rɛɛ manzung, nɛɛ rɛɛ daa mɛɛ, nɔɔ ɓaa shoo, ka ruu kɔ n kɔ̀ɔ́ nɔɔ ka yuu mɛɛ ɓee.”

Zang Shonang Yeesɔ 23:1

Bulu shù zang ɓɔɔ ri jɛ̃ɛ zang ruu jĩng ka bii, a kɔɔyi tɔɔ, “Rɛɛ manzung, n palɛ shonang ka tĩng Laa nɛɛ rɛ̃rɛnang mɛɛ kalang kalang, a nɛɛ mani lɛɛkɔ keɓe.”

Zang Shonang Yeesɔ 23:6

Bulu zirɛ nɛɛ zang ɓɔɔ ri jɛ̃ɛ ruu keɓe vaa ɓarɛ ziti. Nyaa dang gbete zang Saduki, nyaa dang gbete ɓi kaa rɛɛ Farisi. A mɛɛ nyaa ka nɔng ruu jɛ̃ɛnang tɔɔ, “Rɛɛ manzung, n zang Farisi, n ti jaa rɛɛ Farisi. Zang nɛɛ zang jɛ̃ɛ m ruu ka ruu danggn ɓɔɔ n shingnɛ nɛɛ zang nɛɛ vɔ tɔ zang naa seepaa ditɔ nɛɛ saa ɓɛɛ.”

Zang Shonang Yeesɔ 28:17

Diki ɓuru daa tɔ taati, a Bulu kpalɛ rɛɛ zang bang bang zang Yahudi ɓɔɔ ri ka gari ɓɛɛ. Ri kpalɛ zɔɔ, a kɔɔ ri tɔɔ, “Rɛɛ manzung, n pálɛ̀ rɛɛ zang ɓuru vuu ɓɔɔ kagn kpang. N ti shii bàng nɛɛ gbalang ɓɔɔ rɛɛ dabang ɓuru tusu ruu kpang. Zang mã m ka sãa ka Urushalima, a zang tuu m zang a zang Rooma.

Zang Shonang Yeesɔ 28:25

Ka ruu nɔngkɔ, ri daayi, nyaa ɓarɛ daa gbete kpang. Bulu kɔɔ ri ruu keɓe ka gbongkarɛ, a ri tantɛ, tɔɔ, “Suru Laa kɔɔ rɛɛ dabang manɛ ruu ɓɔɔ niizang nɛɛ nyaa Ishaya tɔɔ,

Zang Shonang Yeesɔ 7:2

Istifanu kasɛ wu nyaa tɔɔ, “Rɛɛ manzung nɛɛ rɛɛ daa mɛɛ, nɔɔ ɓaa shoo. Laa ɓɔɔ wukɔ ɓa zang piti bannang ɓɛɛ, nwang nyaa ka bii dabang ɓuru Ibirayi, bɛ̀ɛ́ wu doo ka tipi Masopotaami. Bɛ̀ɛ́ daa nwang gn ka gari Haran kpang.

1 Bituru 1:11

Suru Kirisi ɓɔɔ nwang ka yeti ɓarɛ kɔɔrɔ ri naa ɓɔɔ Kirisi naa dang jĩng, tɔ̀ɔ, zang naa a wu bannang kati ɓɛɛ. Ri kãa nɔng, ri kasɛ nɛɛ ri zi làa ɓɔɔ zang naa pálɛ̀ vuu keɓe kagn, nɛɛ naa ɓɔɔ zang naa pálɛ̀ ɓɛɛ.

2 Bituru 1:21

Ruu ɓɔɔ rɛɛ zang nyaa shonang ri kɔɔyi nwang ɓi nɛɛ rɛ̃rɛnang shɔnzang kpang. Ɓi Suru Laa kɔ a zang naa, wu ti shing zang, zang kɔɔ ruu ɓɔɔ a nɛɛ bii Laa ɓɛɛ.

2 Bituru 2:21

Ri nɛ̀ɛ́ zi gbalang ɓɔɔ tɔ̃ɔ kpang gbã̀ágbãa, wukɔ nɛɛ tɔ̃ɔ. Ka ɓɔɔ ri zi tɔ, ri naa yaa nyaa dannang Laa tɔkn ri dũng takpang ɓɛɛ.