3 Yɔhana 1:10 - Nyaa Shɔɔ Ɓɔɔ Laa a Ɓɛɛ

¹⁰ Ka ruu nɔngkɔ, n nɛɛ a tɔ, n naa nwangsɛ vuu ɓɔɔ wu pálɛ́ ɓɛɛ ditɔ. Vuu shi kpang ɓɔɔ wu kɔ̀ɔrɔ́ ka yuu ɓuru, nɛɛ sèé ɓɔɔ suuru ka yuu ɓuru ɓɛɛ. Ti palɛ vuu shi kpang ɓɔɔ ɓa weɓe katɔ kagn tɔkn. Naa zang ɓɔɔ ri dũng Laa arɛ, tà ri kpang. Ti zãa zang ɓɔɔ ri kasɛ zang kaɓa tanang ɓɛɛ katɔ. Wu ti nwángsɛ́ zang ɓɔɔ ta zang zanti kaɓa nɛɛ teteng zang ɓɔɔ ri dũng Laa ɓɛɛ.

3 Yɔhana 1:10 Σταυροειδείς Αναφορές

Luka 6:22

Tĩnang tãanang ɓi ɓɔɔ manɛ kɔ, naa zang kasɛ ruu manɛ kpang, zang bɛ̃ɛ nɔɔ, zang dãa nɔɔ, zang kɔɔ nɛɛ nɔɔ shi kpang, ka ruu Jaa Shɔnzang.

Yɔhana 9:22

Rɛɛ zang ɓɔɔ yi yɔɔ ri kasɛ nyaa nɔngkɔ, ka ruu ɓɔɔ, ri kaa vɔrɔ zang Yahudi bii katɔ ɓɛɛ. Rɛɛ zang Yahudi ri kɔɔ tɔ nɛɛ, zang ɓɔɔ nɛɛ kɔɔyi nɛɛ, wu kasɛ tɔ nɛɛ Yeesɔ kɔ Kirisi, ri zãa wu gãa zɔɔ kpalɛnang daanang katɔ.

Zang Shonang Yeesɔ 1:15

Ka diki ɓɔɔ kagn, zang ɓɔɔ ri shíng danggn tɔ laa maani tu bmati, ri kpalɛ zɔɔ. A Bituru seepaa a shiiyi, rang yee.

2 Koranti 13:2

N kasɛ, n tɔ̀ɔ́, n shàarɛ́ zang ɓɔɔ ka teteng manɛ ɓɔɔ ri palɛ vuu shi kpang tɔ, ka ting ɓɛɛ, nɛɛ zang nimbang nandon, nyaa. N shàarɛ̀ nɔɔ nyaa tɔ, ka ɓɔɔ bɛ̀ɛ́ n leng jĩng ka nɔɔ dòo doo ziti kɔ nwani ɓɛɛ. N shàarɛ́ nɔɔ nyaa tɔkn ka wee n tɔ̀ɔ́ nɛɛ nɔɔ kpang ɓee. Naa n a tɔkn, zang ɓɔɔ naa wɔ ka naa mɛɛ gbete kpang.

Galati 6:10

Ka ruu nɔngkɔ, diki diki naa ɓɔɔ ruu zunung katɔ ɓɛɛ, ruu pàlɛ̀ zang piti tɔ̃ɔ. Ruu pàlɛ̀ manzung ɓuru ɓɔɔ ri shing danggn tɔ ka bii Laa kɔ tɔ̃ɔ gbãng gbãng.

1 Timoti 5:13

Naa ti nɔngkɔ kpang, ri si kaa rang, ri kɔng kaa bii ɓɔɔ ri rakɛ ka gãa gãa ɓɛɛ. Bɛ̀ɛ́ ri gaa kaa yuu zang rannang, ri ti ràngkɛ́ yee kaa yuu vuu ɓɔɔ ruu ɓarɛ hãa kagn kpang ɓɛɛ.

2 Yɔhana 1:10

Zang piti ɓɔɔ nɛɛ alɛ ka bii manɛ, a à nɛɛ vuu kpɛ̃ɛrɛnang keɓe kɔ kpang, nɔ́ɔ ta wu ka gãa manɛ kpang. Nɔ́ɔ ti jee wu nyaa kpang tingkiring.

2 Yɔhana 1:12

Vuu ɓɔɔ n kasɛ nɛɛ n kɔ̀ɔ́ nɔɔ ka gn dɔɔli, a n bèe nɔɔ kaa takpang, ka ruu ɓɔɔ, n kasɛ n tɔɔ n naa leng nɔɔ, n kɔɔ nɔɔ kaa nɛɛ nyaa mɛɛ, jĩng ɓuru wu zi zɔɔ, tɔ̀ɔ tĩnang tàanang ɓuru wu nwang kaa nyaa kiriri.

3 Yɔhana 1:3

N tãa tĩnang dɔɔli, ka ruu ɓɔɔ, zang Laa ɓɔɔ ri arɛ, ri naa kɔɔ m naa ɓɔɔ mɔɔ yiti Ruu Laa nɛɛ yeti gbete, a mɔɔ ti palɛ vuu naa ɓɔɔ Ruu Laa kɔɔ ɓɛɛ.

3 Yɔhana 1:5

Masang ɓɔɔ n kasɛ mɔɔ katɔ dɔɔli ɓɛɛ, vuu kɔ mɔɔ pálɛ̀ ɓaazung ɓɔɔ ri dũng Laa, ɓɔɔ mɔɔ zi ri nung katɔ, nɛɛ ɓɔɔ mɔɔ zi ri nung kpang, mɔɔ pálɛ̀ vuu ɓɔɔ Laa kasɛ ɓɛɛ kɔ.