2 Timoti 4:1 - Nyaa Shɔɔ Ɓɔɔ Laa a Ɓɛɛ

¹ N gàa mɔɔ nɛɛ nung Laa nɛɛ ɓɔɔ Yeesɔ Kirisi ɓɔɔ naa jɛ̃ɛ zang ɓɔɔ ri vɔlɔ tɔ, nɛɛ zang ɓɔɔ ri doo ningkãari ruu ɓɛɛ. Ka ruu ɓɔɔ, Yeesɔ Kirisi naa nwang nyaa ditɔ, naa roo kpanti, ka ruu nɔngkɔ, n kɔɔ mɔɔ ruu keɓe.

2 Timoti 4:1 Σταυροειδείς Αναφορές

Matiyu 16:27

Jaa Shɔnzang naa a ditɔ nɛɛ bannang diiɓɛ, nɛɛ zang nyaa shonang ɓiɓɛ ɓɔɔ ka lapa ɓɛɛ. Tɔ̀ɔ, wu naa alɛ zang vuu, ka naa vuu ɓɔɔ ri palɛ ɓɛɛ.

Luka 19:12

Yeesɔ kɔɔ ri tɔɔ, “Yɔɔ ɓɔɔ kagn zang bang, daayi nɛɛ zang daa yi wu kpanti ka koolaa ɓɔɔgn kpala kpala. Nɛɛ tɔɔ, wu gbãayu gãa ɓiɓɛ kati.

Luka 19:15

“Zang daa yi yɔɔ kpanti ɓiri, a gbãayu. Naa shong zang ka bii zang shonang ɓiɓɛ, ɓɔɔ wu a ri saka ɓɛɛ. Nɛɛ tɔ̀ɔ wu tãa naa saka ɓɔɔ zang shonang ɓiɓɛ ri walɛ ka yuu ɓɔɔ wu a ri ɓɛɛ.

Luka 23:42

A raa nyaa kɔɔ Yeesɔ nɛɛ, “Mɔɔ nɛɛ a tɔ ka ɓɔɔ mɔɔ naa roo Kpanti, danggn mɛɛ wu ning mɔɔ kpang.”

Zang Shonang Yeesɔ 10:42

A á ruu nyaa nɛɛ ruu kɔɔ zang Ruu Tɔ̃ɔ Laa. Rùu kɔ̀ɔ́ zang nɛɛ Laa zɔ̃ng wukɔ nɛɛ wu nwang zang ɓɔɔ naa jɛ̃̀ɛ́ rɛɛ zang ɓɔɔ vɔ katɔ, nɛɛ zang ɓɔɔ nwang doo ningkãari ruu.

Zang Shonang Yeesɔ 17:31

Ka ruu ɓɔɔ, Laa zɔ̃́ng diki tɔ gbete, ɓɔɔ wu naa jɛ̃ɛ zang koo ruu kagn ɓɛɛ. Naa jɛ̃̀ɛ zang ruu gn dang gbete kpang. Jɛ̃̀ɛ́ zang ruu nɛɛ bii zang ɓɔɔ wu zɔ̃ng ɓɛɛ. Vuu keɓe nwàng niizang ka ɓɔɔ wu wisi zang keɓe paa nɛɛ saa ɓɛɛ.”

Rooma 2:16

Ka diki keɓe, Laa naa jɛ̃ɛ zang ɓu ruu ka yuu vuu ɓɔɔ zang ɓu waasɛ katɔ ɓɛɛ. Jɛ̃ɛ ruu keɓe, nɛɛ bii Yeesɔ Kirisi naa ɓɔɔ n kɔɔ ka Ruu Laa kɔ n kɔ̀ɔrɔ̀ nɔɔ ɓee.

Kolosi 3:4

Suru bii manɛ ɓɔɔ niizang ɓi Yeesɔ Kirisi. Nɛɛ nwang nyaa tɔ, nɔɔ naa nwang nyaa jong nɛɛ wu, nɔɔ walɛ bannang kaa jong.

2 Tesalonika 2:8

Tɔ̀ɔ, Laa wu nwangsɛ zang ɓɔɔ dũ̀ng nyaa dannang ɓi kpang kati. Kpanti Yeesɔ Kirisi nɛɛ a tɔ naa nyɔ wu vɔrɔ, wu ti ningsi wu nɛɛ ɔ̃kɔnang nyaa ɓiɓɛ.

1 Timoti 5:21

N gaa mɔɔ nɛɛ nung Laa, nɛɛ ɓɔɔ Yeesɔ Kirisi nɛɛ rɛɛ zang nyaa shonang Laa ɓɔɔ ka lapa ɓɔɔ Laa shɛ̃ɛrɛ ri katɔ ɓɛɛ. N kɔɔ mɔɔ, mɔɔ dũ̀ng nyaa kɔ n dang mɔɔ ɓee. Ka vuu ɓɔɔ mɔɔ palɛ nandon, mɔɔ shɛ̃ɛrɛ zang katɔ kpang, mɔɔ pálɛ̀ vuu gn dang gbete kpang.

2 Timoti 1:10

A kãntang keɓe naa nwàngsɛ̀ rùu tɔ̃ɔ ɓiɓɛ kaa nɛɛ anang Yeesɔ Kirisi, zang ɓɔɔ wukɔ ta yuu ɓuru ɓɛɛ. Yeesɔ Kirisi ɓɔɔ wukɔ ɓa kaka vɔrɔ, a nwangsɛ ruu suru bii nɛɛ nwannang ɓɔɔ gbinggbing ɓɛɛ, ka gbalang Ruu Tɔ̃ɔ Laa.

2 Timoti 2:14

Kpaa rɛɛ zang ɓaaɓɛ danggn vuu keɓe, mɔɔ ti shaarɛ ri nyaa gbãng gbãng ka tĩng Laa, nɛɛ ri gaa nyaa ka yuu ruu kpang. Nwàng zang vuu ɓɔɔ tɔ̃ɔ ɓi kpang, lasɛ zang ɓɔɔ ri tãa ɓɛɛ ɓarɛ katɔ kɔ shɛ̃ɛning.

2 Timoti 4:18

Kpanti Yeesɔ Kirisi ta m ditɔ, ka vuu shi kpang ɓɔɔ zang nɛɛ ri palɛ m nandon. Wu daa nɛɛ n ka nɔng ɓɔɔ wu roo kpanti ka lapa ɓɛɛ. Zang ri a wu bannang ta dòndòng. Nɔngkɔ.

2 Timoti 4:8

Kãntang keɓe, Laa shing vuu ɓɔɔ wu a m ɓɛɛ tɔ, vuu ɓɔɔ wu a zang ɓɔɔ palɛ vuu ɓɔɔ wu kasɛ ɓɛɛ. Kpanti Yeesɔ Kirisi ɓɔɔ jɛ̃ɛ zang ruu ɓi tɔ̃ɔ, naa a m vuu keɓe ka diki ɓɔɔ wu jɛ̃ɛ zang ruu kagn ɓɛɛ. A nkɔ ka bm kpang, a zang piti ɓɔɔ ri kasɛ wu, ri gãng jĩng diki ɓɔɔ wu gbãayu kagn ɓɛɛ.

Titu 2:13

Ka wee ruu nwangnɛ, ruu gã diki tĩnang tãanang ɓɔɔ ruu shing gn nɛɛ naa a ɓɛɛ. Diki ɓɔɔ bannang Laa ɓuru Yeesɔ Kirisi ɓɔɔ wukɔ ɓa zang piti, ɓɔɔ wukɔ ti ta yuu ɓuru naa nwangsɛ bii ɓɛɛ.

1 Bituru 1:7

Vuu gãsɛnang alɛ ka bii manɛ, tɔ̀ɔ, zang ri zi kati nɛɛ danggn ɓɔɔ nɔɔ shing ka bii Laa ɓi ɓɔɔ niizang kɔ nwani. Zinariya ɓɔɔ lasɛ katɔ ɓɛɛ, zang dɔɔ ka waa, tɔ̀ɔ, zang zirɛ nɛ́ɛ ɓɔɔ tɔ̃ɔ ɓɛɛ. Zang palɛ danggn shinnang manɛ ɓɔɔ ɓa zinariya shinang katɔ doo nɔngkɔ. Zang gãsɛ danggn ɓɔɔ nɔɔ shing ka bii Laa kãntang keɓe, ka ruu ɓɔɔ, ka diki ɓɔɔ Yeesɔ Kirisi naa nwang nyaa, zang wu dɔɔ nɔɔ, zang ti a nɔɔ bannang ka ruu danggn ɓɔɔ nɔɔ shing ɓɛɛ.

1 Bituru 4:5

Diki a doo kana, ɓɔɔ zang ɓɔɔ ri dãa nɔɔ keɓe, ri naa shii ka tĩng Laa, ri kɔɔ naa ɓɔɔ ri nwàng ka koo keɓe ɓɛɛ. Diki bee kpang, ɓɔɔ Laa naa dɔng zang ɓɔɔ ri ningkãari ka koo keɓe nɛɛ zang ɓɔɔ ri vɔlɔ tɔ ruu ɓɛɛ.

1 Bituru 5:4

Naa nɔɔ palɛ nɔngkɔ, ka diki ɓɔɔ Yeesɔ Kirisi ɓɔɔ wukɔ kpanti jagãng tusu yuu ɓiɓɛ nɛɛ tɔ̀ɔ, zang piti ri zi wu nɛɛ jĩng, naa a nɔɔ bannang. Zang kãng nɔɔ lapoo yuu kpanti ɓɔɔ kɔlɔ katɔ ɓɛɛ ka yuu. Kɔlɔnang lapoo keɓe tù ɓi kpang dòndòng.

2 Bituru 1:11

Ka gbalang keɓe kɔ, nɔɔ naa walɛ gbalang daanang nɔng ɓɔɔ kpanti ɓuru Yeesɔ Kirisi naa roo kpanti. Yeesɔ ɓɔɔ wukɔ ti ta yuu ɓuru ɓɛɛ. Ruu naa daa nwang nɛɛ wu ka nɔng kaɓa dòndòng.

2 Bituru 1:17

Ka diki ɓɔɔ Laa tusu ruu bannang nɛɛ naa vuu palɛnang Yeesɔ Kirisi ɓɛɛ, ruu ka nɔng. Ruu ti tãa katɔ ka ɓɔɔ, Laa ɓɔɔ ɓa zang piti bannang kɔɔyi ɓɛɛ nɛɛ, “Wee Jaa mɛɛ ɓɔɔ n kasɛ katɔ gbãng gbãng ɓɛɛ kɔ, shing m n tãa tĩnang dɔɔli.”

1 Yɔhana 2:28

Wujɛ seseere, nɔɔ nwang nɛɛ wu, ka ruu ɓɔɔ nɛɛ nwang nyaa tɔ, ruu naa kaa vɔrɔ kpang ɓɛɛ. Yusɛ̃ɛ ti naa tuu ruu ka tĩng ɓiɓɛ, ka diki ɓɔɔ wu gbãayu ɓɛɛ kpang.

Vuu ɓɔɔ zang nwangsɛ Yɔhana 1:7

Nɔɔ zirɛ, náa a ka yeti sãmbong, zang piti ri naa zi wu jĩng ka bii. Zang ɓɔɔ ri shu wu nɛɛ shalang, ri ti naa zi wu jong. Zang tipi koolaa keɓe nandon, ri naa káa ka ruu ɓiɓɛ. Vuu keɓe naa nwáng ditɔ nɔngkɔ niizang. Nɔngkɔ.