2 Bituru 3:4 - Nyaa Shɔɔ Ɓɔɔ Laa a Ɓɛɛ

⁴ Ri naa kɔɔrɔ nɛɛ, “Yeesɔ Kirisi kɔɔ zang nɛɛ wu gbãayu katɔ niizang, a wu kaa kiya? Dabang ɓuru ɓɔɔ ri ta Ruu Laa, ri vɔlɔ tɔ, vuu piti ɓi doo naa ɓeleng. Ɓu dòo ɓɔɔ koo gaayu katɔ dòo tɛ̃ɛ tɛ̃ɛ ɓɛɛ, vuu ɓɔɔ kɔ̃sɔ bii gn kpang.”

2 Bituru 3:4 Σταυροειδείς Αναφορές

Matiyu 16:27

Jaa Shɔnzang naa a ditɔ nɛɛ bannang diiɓɛ, nɛɛ zang nyaa shonang ɓiɓɛ ɓɔɔ ka lapa ɓɛɛ. Tɔ̀ɔ, wu naa alɛ zang vuu, ka naa vuu ɓɔɔ ri palɛ ɓɛɛ.

Matiyu 16:28

N kɔɔ nɔɔ ruu ɓɔɔ niizang kɔ nwani, zang dɔɔli ka teteng zang keɓe, ri vɔ kpang. Ri zi naa ɓɔɔ Jaa Shɔnzang naa a ka yeti bannang kpanti roonang ɓiɓɛ ka gbongkarɛ.”

Matiyu 24:28

Nɔng ɓɔɔ vuu vɔ kagn, jãa kpalɛ zɔɔ ka nɔngkɔ.

Matiyu 24:48

A náa zang shonang kaɓa, yeti ɓiɓɛ shi kpang, a kɔɔyi tɔɔ, ‘Dabang gãa mɛɛ a ɓi pati kpang?’

Maraku 10:6

Ɓɔɔ Laa gaayu vuu ɓɔɔ ka koo keɓe mãanang, ‘Laa mãa zang varɛ nɛɛ zang soro.’

Maraku 13:19

Ka ruu ɓɔɔ, jĩng dannang bang kagn diki kaɓa ɓɛɛ. Zang zi jĩng dannang ɓɔɔ naa weɓe gngn ka koo keɓe doo gbete kpang. Zang naa paasɛ jĩng dannang ɓɔɔ naa weɓe zinang ti takpang.

Luka 12:45

A naa zang shonang kaɓa kɔɔ ka yeti ɓiɓɛ tɔɔ, ‘Diki dabang gãa mɛɛ bee tɔ, a gn kpang,’ a gaa tɔɔsung zang shonang ɓɔɔ varɛ nɛɛ ɓɔɔ soro nyɔkɔnang. Wu ti shaa vuu shaanang, wu ti ɓoo sàa, sàa si wu.

Zang Shonang Yeesɔ 7:60

A tang nɛɛ gutu, mɛɛ nyaa ka lapa tɔɔ, “Kpanti, mɔɔ yiti vuu shi kpang kɔ ri palɛ ɓee ka yeti ɓaaɓɛ kpang.” Kɔɔ vuu keɓe tɔ a vɔ kati.

1 Tesalonika 2:19

Ruu kasɛ nɛɛ ruu naa leng nɔɔ, ka ruu ɓɔɔ, nɔkɔ zang ɓɔɔ ruu shing gn ka bii ɓarɛ ɓɛɛ. Ka ruu ɓɔɔ, ka diki ɓɔɔ kpanti ɓuru Yeesɔ Kirisi a tɔkn, nɔkɔ shing ruu, rùu rangkɛ yee bang bang ka yuu ɓuru, ruu ti tãa tĩnang ka tĩng ɓiɓɛ ɓɛɛ.

2 Bituru 3:12

Nɔɔ shing jĩng manɛ ka diki Laa, nɔ́ɔ ti palɛ vuu ɓɔɔ naa shingnɛ diki kaɓa naa a pati ɓɛɛ. Diki kaɓa, ɓɔɔ waa shaa lapa kagn, tɔ̀ɔ, wu ning kati ɓɛɛ. A waa wu ti yaalɛ vuu ɓɔɔ ka lapa nandon ɓɛɛ.

Vuu ɓɔɔ zang nwangsɛ Yɔhana 3:14

A zang kaɓa kɔɔ tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Lawodikiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ zang ɓaa wu nɛɛ, Wu nwang ta nɔngkɔ ɓɛɛ. Zang ɓɔɔ kɔ̀ɔ́ ɓi ruu ɓɔɔ niizang diki diki, ɓɔɔ ti palɛ vuu ɓɔɔ wu kɔɔ ɓɛɛ katɔ ɓɛɛ. Laa ti mã́arɛ̀ vuu piti nɛɛ bii ɓiɓɛ kɔ.