2 Bituru 3:17 - Nyaa Shɔɔ Ɓɔɔ Laa a Ɓɛɛ

¹⁷ Masang ɓɔɔ n kasɛ ruu manɛ dɔɔli ɓɛɛ, ɓɔɔ manɛ nɔɔ zi vuu keɓe manɛ tɔ, ka ruu nɔngkɔ, n kɔɔ nɔɔ, nɔɔ gãng jĩng waasɛ̃. Zang ɓɔɔ ri dũng nyaa Laa kpang, ri nɛ̀ɛ́ shing nɔɔ, nɔ́ɔ palɛ vuu shi kpang ɓɔɔ ri palɛ ɓee. Rí nɛɛ ti wàlɛ́ gbalang ri shing nɔɔ, nɔ́ɔ yaa nɔng tɔ̃ɔ kɔ nɔɔ shii kagn ɓɛɛ.

2 Bituru 3:17 Σταυροειδείς Αναφορές

Matiyu 16:11

Ka ruu vi nɔɔ zi gn kpang, nɛɛ n rang yee m ka yuu borodi kpang viya? N kɔɔ m nɛɛ nɔɔ gãng jĩng ka yisi ɓɔ̀ɔ́ zang Farisi nɛɛ Saduki ning.”

Matiyu 16:6

A Yeesɔ kɔɔ ri tɔɔ, “Nɔɔ shing danggn kagn, nɔɔ gãng jĩng ka yisi, vuu ɓɔɔ puu zũng ɓɔɔ zang palɛ borodi nɛɛ mani, ɓɔ̀ɔ́ zang Farisi nɛɛ ɓɔ̀ɔ́ zang Saduki ning.”

Matiyu 7:15

“Nɔɔ gãng jĩng ka zang sèé ɓɔɔ ri tɔɔ, ri zang nyaa shonang Laa ɓɛɛ. Ri a ka bii manɛ náa mɛ̀ɛrɛ́ ɓɔɔ pálɛ̀ zang vuu kpang ɓɛɛ, a yeti ɓarɛ nwang naa zaa wisi ɓɔɔ jĩng raa ri katɔ ɓɛɛ.

Yɔhana 16:4

N kɔɔ nɔɔ vuu keɓe, ka ruu ɓɔɔ, laa ɓɔɔ ri palɛ vuu keɓe nɛɛ a tɔ, nɔ́ɔ kpaa danggn kati nɛɛ bɛ̀ɛ́ n kɔɔ nɔɔ tɔ ɓɛɛ. N kɔ̀ɔ nɔɔ ruu keɓe ka tĩng kpang, ka ruu ɓɔɔ, bɛ̀ɛ́ n doo nɛɛ nɔɔ ɓɛɛ.

Zang Shonang Yeesɔ 2:42

Zang keɓe ri shing yuu ɓarɛ ɓi ka vuu ɓɔɔ zang shonang ri tusu ɓɛɛ. A ɓɔɔ kaa yuu ɓɔɔ ri kpalɛ nɛɛ zɔɔ ɓɛɛ, ɓɔɔ ti ka vuu shaanang ɓɔɔ ri shaa ka nyaa zɔɔ ɓɛɛ, a ɓɔɔ ti ka Laa gaanang.

Rooma 16:18

Ka ruu ɓɔɔ, zang ɓɔɔ ri palɛ naa weɓe ri pàlɛ́ ɓarɛ Kpanti ɓuru Kirisi shonang kpang, ri kãa ɓarɛ ɓɔɔ buru ɓarɛ. Ri nwãarɛ zang ɓɔɔ ri zi vuu kpang nɛɛ nyaa ɓɛlɛɓɛlɛ, nɛɛ nyaa tĩnang ɓarɛ.

1 Koranti 10:12

Ka ruu nɔngkɔ, zang ɓɔɔ nɛɛ zirɛ nɛɛ wu shii ɓi katɔ nɛɛ kaka gbatagbata, wu palɛ waasɛ̃, wu nɛɛ watɛ ka ɓɔɔ zang gãsɛ wu ɓɛɛ.

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

2 Koranti 11:3

N kaa vɔrɔ, zang naa shingnɛ, nɔɔ rɛ̃rɛ shi kpang, nɔɔ yaa naa ɓɔɔ nɔɔ a Kirisi yeti manɛ ɓɔɔ kankalang dɔ̃ɔ gbete, nɔɔ pàlɛ́ wu shonang ɓɛɛ. Naa ɓɔɔ sɔkɔ nwãarɛ Hawawu nɛɛ zũnang sèé ɓɛɛ.

Galati 5:4

Zang ɓɔɔ ka teteng manɛ ɓɔɔ ri kãa gbalang ɓɔɔ ri nwang zang tɔ̃ɔ ka tĩng Laa nɛɛ nyaa dannang ɓɔɔ ri dũng ɓɛɛ, ri basɛ zɔɔ ɓarɛ tɔ nɛɛ Kirisi. Nɔɔ bɛ̃ɛ manɛ tɔ̃ɔ ɓɔɔ Laa palɛ zang katɔ ɓɛɛ ya?

Afisa 4:14

Tɔ̀ɔ ruu nwàng kaa tɔ̀ɔ́ naa wujɛ ɓɔɔ zang ráarɛ̀ ri yuu, nɛɛ vuu ɓɔɔ zang ɓɔɔ ri nwãarɛ zang, ri tusu ɓɛɛ kpang. Zang sèé keɓe, ri shing zang, zang ri palɛ vuu shi kpang nɛɛ zũnang ɓɔɔ ri nwangsɛ nɛɛ yeti ɓarɛ ɓɛɛ.

Filipi 3:2

Nɔɔ gãng jĩng waasɛ̃ ka zang ɓɔɔ ri nwang naa zaa ɓɛɛ. Zang ɓɔɔ ri palɛ vuu shi kpang ɓɛɛ. Ri yi tĩng nɛɛ, zang ri yee shaa katɔ ɓɛɛ.

Kolosi 2:5

Ka ruu ɓɔɔ, naa wee n nɛɛ nɔɔ kpang ɓee, n nɛɛ nɔɔ ka suru. N tãa tĩnang ka ɓɔɔ n zi naa ɓɔɔ nɔɔ palɛ vuu teetee, a nɔɔ ti shii gbãng gbãng ka danggn ɓɔɔ nɔɔ shing ka bìí Kirisi ɓɛɛ.

Kolosi 2:8

Nɔɔ gãng jĩng kagn, zang ɓɔɔ nɛ̀ɛ́ nwãarɛ nɔɔ nɛɛ zũnang ɓɔɔ a nɛɛ bìí shɔnzang, ɓɔɔ nwàng zang vuu tɔ̃ɔ kpang ɓɛɛ. Zũnang ɓɔɔ nwáng ɓi nɛɛ vuu ɓɔɔ dabang ri tusu ka tĩng a ɓɔɔ nɛɛ nyaa dannang sèé ɓɔɔ shɔnzang ri túsù ɓɛɛ, wu nɛɛ bii Yeesɔ Kirisi kpang ɓɛɛ.

2 Timoti 4:15

Gãng jĩng ka wu gbãng gbãng, ka ruu ɓɔɔ, kasɛ vuu ɓɔɔ ruu kɔɔrɔ zang kpang tingkiring ɓɛɛ.

Yahudi 3:14

Ka ruu ɓɔɔ, ruu ɓuru kaa zang ɓɔɔ ri walɛ vuu ka bii Kirisi ɓɛɛ. Ruu nɛɛ yaa gn ɓɔɔ ruu gaayu, ruu shingnɛ kpang, diki ɓɔɔ koo waa nyaa wu a nɛɛ mani ɓɛɛ.

1 Bituru 5:9

Nɔ́ɔ yàa wu gbalang kpang, nɔɔ shii gbãng gbãng. Nɔɔ shing danggn ka bii Laa diki diki nɔ́ɔ kaa vɔrɔ kpang. Nɔɔ zi tɔ, zang ɓɔɔ ri dũng Laa ɓɔɔ ri ka nɔng piti piti ka koo keɓe, ri dang jĩng doo nɔngkɔ, naa ɓɔɔ nɔɔ dǎng ɓɛɛ.

2 Bituru 2:7

Ka diki kaɓa, ta yuu Lootu ɓɔɔ wukɔ zang tɔ̃ɔ ɓɛɛ kɔ shɛ̃ɛning. Ka ruu ɓɔɔ, dũndũng ɓɔɔ zang shi kpang kaɓa ri palɛ ka gari, kpãa Lootu ka yeti dɔɔli ɓɛɛ.

2 Bituru 3:1

Masang, ɓɔɔ n kasɛ ruu manɛ dɔɔli ɓɛɛ, n bèé nɔɔ labeenang daa kaa nɛɛ weɓe doo ziti. Ka yeti labeenang ziti keɓe, n kpàa nɔɔ danggn rɛɛ vuu ɓɔɔ bɛ̀ɛ́ nɔɔ zi tɔ ɓɛɛ, tɔ̀ɔ, wu shing nɔɔ, nɔɔ rɛ̃rɛ kaa tɔ̃ɔ ka yuu rɛɛ vuu keɓe.

Vuu ɓɔɔ zang nwangsɛ Yɔhana 2:5

Ka ruu nɔngkɔ, nɔɔ kpaa danggn zɔ̃ng nwannang ɓɔɔ nɔɔ nwang ka tĩng ɓɛɛ ta, nɔɔ kɔ̃sɔ yeti, nɔɔ gaayu vuu ɓɔɔ nɔɔ pálɛ́ ka tĩng ɓɛɛ palɛnang tɔkn. Naa nɔɔ kɔ̃sɔ yeti nɔɔ yaa vuu shi kpang ɓɔɔ nɔɔ palɛ keɓe kpang, n a ditɔ ka bii manɛ. N naa tuu vuu ɓɔɔ nɔɔ shĩili waa zàáng sɔɔ manɛ kagn ɓɛɛ, n daa nɛɛ mani.