2 Bituru 3:11 - Nyaa Shɔɔ Ɓɔɔ Laa a Ɓɛɛ

¹¹ Wee nɔɔ zi tɔ nɛɛ, vuu piti naa yaalɛ nɔngkɔ ɓee, nɔɔ nwang nwannang manɛ waasɛ̃. Nɔɔ a Laa yuu manɛ dɔ̃ɔ gbete, nɔɔ dũng wu ka vuu piti ɓɔɔ wu kɔɔ nɔɔ ɓɛɛ.

2 Bituru 3:11 Σταυροειδείς Αναφορές

Matiyu 8:27

Zang ɓɔɔ ri mantɛ vuu ka bii ɓiɓɛ, ri mã naa ka danggn, ri tɔɔ, “Ɓi lɛ̀ɛ́ zang viya, jasung nɛɛ mii ɓɔɔ gɔnsɔ zɔɔ ɓaa shoo ka nyaa ɓiɓɛ nɔngkɔ viya?”

Rooma 13:11

Nɔɔ palɛ vuu keɓe, ka ruu ɓɔɔ nɔɔ zi diki keɓe tɔ ɓɛɛ. Laa ɓɔɔ nɔɔ hìngsí jĩng nɛɛ hingro a tɔ. Ka ruu ɓɔɔ, diki ɓɔɔ zang ta yuu ɓuru kagn, a naabm tɔ, ɓa ɓɔ̀ɔ́ diki ɓɔɔ ruu gaayu danggn shinnang ka bii Yeesɔ Kirisi kagn tɔ.

Rooma 13:12

Nwàng kaa naa ɓɔɔ nɔng gãntɛ kana, nɔng laagɛ̃ a kaa tɔ ɓɛɛ. Ruu yaa vuu shi kpang ɓɔɔ zang ri palɛ ka nɔng ɓɔɔ tɔ̀ɔ katɔ ɓɛɛ ta. Ruu palɛ vuu ɓɔɔ zang ɓɔɔ ri nwàng ka nɔng ɓɔɔ yakɛ katɔ ri palɛ ɓɛɛ.

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

Filipi 1:27

Nwannang manɛ, wu nwang naa ɓɔɔ Ruu Tɔ̃ɔ Yeesɔ Kirisi kɔɔ ɓɛɛ. Wukɔ daayi, tɔ̀ɔ, naa n naa leng nɔɔ, naa n nɛɛ ti leng nɔɔ dòo kpang, n tãa nyaa katɔ nɛɛ rɛ̃rɛnang manɛ dàá gbete. N ti tãa katɔ nɛɛ nɔɔ kpalɛ yuu nɛɛ zɔɔ, nɔɔ shii gbãng gbãng, nɔɔ kasɛ nɛɛ zang ri shing danggn ka Ruu Tɔ̃ɔ Laa.

Filipi 3:20

Rùu ɓuru zang lapa kɔ jong, a ruu shu jĩng, ruu gã Kpanti ɓuru Yeesɔ Kirisi, ɓɔɔ wu tá yuu ɓuru ɓɛɛ, wu a nɛɛ lapa.

1 Tesalonika 1:5

Ruu Tɔ̃ɔ ɓɔɔ ka yuu Yeesɔ Kirisi ɓɔɔ ruu kɔɔ nɔɔ ɓɛɛ, ruu kɔɔ wu nɛɛ nyaa waati kpang. Laa a ruu naa vuu palɛnang ɓiɓɛ tɔ nɛɛ Suru ɓiɓɛ, a ruu ti shing danggn tɔ gbãng gbãng ka yuu Ruu Tɔ̃ɔ ɓɔɔ ka yuu Yeesɔ Kirisi ɓɔɔ ruu kɔ̀ɔ nɔɔ ɓɛɛ. Nɔɔ zi zɔ̃ng nwannang ɓɔɔ ruu nwangnɛ, ɓɔɔ bɛ̀ɛ́ ruu doo nɛɛ nɔɔ ɓɛ̀ɛ́ tɔ. Ruu palɛ vuu keɓe nandon ruu tɔɔ ruu yi nɔɔ naa ka bii.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

1 Timoti 4:12

Mɔ́ɔ yaa zang ɓɔɔ wu risi mɔɔ naa vĩi, ka ruu ɓɔɔ, mɔɔ doo jasang ɓɛɛ kpang. Nwang ɓaa zang ɓɔɔ, zang ɓɔɔ ri dũng Laa ri kpɛ̃ɛrɛ́ vuu ka bii ɓaaɓɛ ɓɛɛ. Ri kpɛ̃ɛrɛ vuu ka yee ɓɔɔ mɔɔ rang ɓɛɛ, nɛɛ vuu ɓɔɔ mɔɔ palɛ, nɛɛ naa ɓɔɔ mɔɔ kasɛ zang ɓɛɛ, ka danggn ɓɔɔ mɔɔ shing ɓɛɛ, a ɓɔɔ kaa nwannang tɔ̃ɔ ɓaaɓɛ.

1 Timoti 6:11

A ɓɔɔ ɓaaɓɛ Timoti, ɓɔɔ mɔɔ ɓaa zang Laa ɓɛɛ, yaa vuu keɓe ɓaa nandon. Kãa ɓaa gbalang ɓɔɔ mɔɔ nwang zang tɔ̃ɔ ka tĩng Laa ɓɛɛ diki diki, zang ɓɔɔ dũng Laa niizang ɓɛɛ, zang ɓɔɔ shing danggn ka bii Laa ɓɛɛ, zang ɓɔɔ kasɛ zang katɔ ɓɛɛ, zang ɓɔɔ mã danggn dɔɔli ɓɛɛ, a ɓɔɔ zang ɓɔɔ pàlɛ́ zang tɔ̃ɔ ɓɛɛ.

1 Timoti 6:3

Zang ɓɔɔ nɛɛ tusu vuu ɓɔɔgn ɓɔɔ daa gbete nɛɛ ruu ɓɔɔ niizang ɓɔɔ Kpanti ɓuru Yeesɔ Kirisi nɛɛ vuu ɓɔɔ ruu tusu ka yuu gbalang Laa kɔ ruu dũng ɓɛɛ kpang.

1 Timoti 6:6

Zang ɓɔɔ nɛɛ shing danggn ka bii Laa, a vuu ɓɔɔ ka naa ɓiɓɛ daa wu katɔ, vuu naa ɓiɓɛ kɛɓɛ shing yeti ɓiɓɛ valɛ katɔ.

Yahudi 13:5

Ka nwannang manɛ, nɔɔ tɔɔ kpang nɛɛ, nɔɔ shing jĩng ka saka kasɛnang kpang. Vuu ɓɔɔ ka naa manɛ, wu tiisi nɔɔ katɔ. Ka ruu ɓɔɔ, Laa kɔɔyi nɛɛ, “N yàasɛ̀ mɔɔ gn naa kpang, n ti yaa mɔɔ kpang ɓɛɛ.”

Yakubu 1:24

Nɛɛ zi waa nyaating ɓiɓɛ tɔ, ɓɔɔ wu yaa nɔng nyaa kɔ doo naa ɓee, danggn ning wu naa ɓɔɔ waa nyaating ɓiɓɛ nwang ɓɛɛ tɔ.

Yakubu 3:13

Ɓu wi zũng dɔɔli, a ti zi vuu dɔɔli ka teteng manɛ wiya? Wu palɛ vuu ɓɔɔ tɔ̃ɔ wu ti lakɛ jĩng kpang, tɔɔ zang zi zũnang ɓiɓɛ kati.

1 Bituru 1:15

Naa ɓɔɔ Laa ɓɔɔ ɓaa nɔɔ nyaa nɛɛ, nɔɔ nwang zang ɓiɓɛ, palɛ vuu shi kpang ɓi kpang, nɔ́ɔ palɛ vuu shi kpang doo kpang kɔ, ka nwannang manɛ ka vuu ɓɔɔ nɔɔ palɛ piti.

1 Bituru 2:12

Nɔɔ nwáng nwannang tɔ̃ɔ, tɔ̀ɔ, zang ɓɔɔ ri zi Laa kpang ri zirɛ. Ka ruu ɓɔɔ, naa ri rang yee shi kpang doo ka yuu manɛ, ri zili vuu tɔ̃ɔ ɓɔɔ nɔɔ palɛ ɓɛɛ, ri naa dɔ̀ɔ Laa ditɔ, ka diki ɓɔɔ wu naa a ka bii ɓarɛ ɓɛɛ.

2 Bituru 1:3

Yeesɔ Kirisi kɔ shingnɛ a ruu zi Laa ɓɔɔ wukɔ zɔ̃ng ruu nɛɛ ruu nwang nɛɛ wu ka nɔng bannang ɓiɓɛ ɓɛɛ, a ruu ti nwang zɔ̃ng nwannang tɔ̃ɔ ɓiɓɛ. Ka ruu ɓɔɔ, ruu zi Laa tɔ, a ruu vuu piti nɛɛ naa vuu palɛnang ɓiɓɛ. Vuu ɓɔɔ yi ruu naa kagn, ruu nwang nwannang tɔ̃ɔ, ruu ti dũng gbalang ɓɔɔ Laa tãa tĩnang ɓɛɛ.

2 Bituru 1:6

Wu zũnang kɔ shɛ̃ɛning kpang, nɔɔ ti yiti yuu manɛ waasɛ̃. Nɔɔ ti mã danggn gbãng gbãng, nɔɔ nɛɛ mã danggn tɔ, nɔɔ ti nwang nwannang ɓɔɔ Laa tãa tĩnang ɓɛɛ.

2 Bituru 3:10

Naa dòo nɔngkɔ piti, diki nɛɛ a tɔ, Kpanti Yeesɔ Kirisi naa gbãayu naa shɔngɓɔ ka diki kaɓa, zang ri naa tãa nyaa ɓɔɔ zang mɛɛ ɓɛɛ, a lapa wu ning kati. Waa wu shaa vuu ɓɔɔ ka lapa nɛɛ koo kati nandon. Tipi nɛɛ vuu ɓɔɔ ka yuu ɓiɓɛ piti naa ning katɔ nandon.

2 Bituru 3:12

Nɔɔ shing jĩng manɛ ka diki Laa, nɔ́ɔ ti palɛ vuu ɓɔɔ naa shingnɛ diki kaɓa naa a pati ɓɛɛ. Diki kaɓa, ɓɔɔ waa shaa lapa kagn, tɔ̀ɔ, wu ning kati ɓɛɛ. A waa wu ti yaalɛ vuu ɓɔɔ ka lapa nandon ɓɛɛ.