2 Bituru 2:9 - Nyaa Shɔɔ Ɓɔɔ Laa a Ɓɛɛ

⁹ Ruu Nuhu nɛɛ Lootu tusu ruu nɛɛ Laa zi gbalang ɓɔɔ wu naa ta yuu zang ɓiɓɛ nɛɛ mani tɔ, nɛɛ naa vuu ɓɔɔ gãsɛ ri ɓɛɛ. Vuu keɓe kɔ, ti tusu nɛɛ Laa zi gbalang ɓɔɔ wu naa dang zang ɓɔɔ ri palɛ vuu shi kpang jĩng tɔ, diki ɓɔɔ wu naa jɛ̃ɛ zang ruu kagn, wu a nɛɛ mani.

2 Bituru 2:9 Σταυροειδείς Αναφορές

Matiyu 10:15

N kɔ̀ɔ́ nɔɔ ruu ɓɔɔ niizang kɔ nwani, ka diki ɓɔɔ Kpanti Laa naa jɛ̃ɛ zang ruu, jĩng dannang ɓarɛ naa ɓa ɓɔɔ zang gari Sɔɔdom nɛɛ Gomora katɔ.

Matiyu 6:13

Mɔɔ yaa Sheetang wu gãsɛ ruu nɛɛ vuu ɓɔɔ ɓa kaka ɓuru katɔ ɓɛɛ kpang. Ta ruu katɔ kɔ jong nɛɛ naa ɓiɓɛ.

Rooma 2:5

Wee nɔɔ kpãa nyaa nɔngkɔ, a nɔɔ ti kɔ̃sɔ yeti manɛ kpang, nɔɔ kpàlɛ́ yuu manɛ ɓi gnvɔ Laa. Nɔɔ shingnɛ, jĩng ɓɔɔ Laa naa dang nɔɔ, wu bangnɛ ka diki ɓɔɔ gnvɔ ɓiɓɛ, nɛɛ ruu tɔ̃ɔ ɓɔɔ wu jɛ̃ɛ zang ɓɛɛ, naa nwangsɛ bii kagn ɓɛɛ.

1 Koranti 10:13

Vuu gãsɛnang ɓɔɔ kagn ɓɔɔ zang gãsɛ nɔɔ nɛɛ mani, ɓɔɔ ɓi náabm̀ nɛɛ ɓɔɔ zang gãsɛ zang nandon nɛɛ mani ɓɛɛ kpang. Laa palɛ vuu ɓɔɔ wu a nyaa ɓɛɛ, ɓi katɔ. Yaa vuu gãsɛnang ɓɔɔ ɓa kaka manɛ katɔ, wu a ka bii manɛ kpang. Naa vuu gãsɛnang a ka bii manɛ, a nɔɔ kaka katɔ, ɓɔɔ nɔɔ taarɛ yuu, tɔ̀ɔ, nɔɔ walɛ gbalang ɓɔɔ nɔɔ wɔ ɓɛɛ kati.

2 Timoti 3:12

Zang piti ɓɔɔ nɛɛ kasɛ wu nwang zang ɓɔɔ dũng Laa gbãng gbãng ka ɓɔɔ wu ɓakɛ yuu nɛɛ Yeesɔ Kirisi, zang dang wu jĩng katɔ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

2 Bituru 2:4

Ka tĩng tɛ̃ɛ tɛ̃ɛ, rɛɛ zang nyaa shonang Laa ɓɔɔ ri ka lapa ɓɛɛ, ri palɛ vuu shi kpang, gn ɓarɛ kɔng Laa kpang. Laa yiki ri, vang ri ka nɔng waa. Zang mã̀lɛ̀ ri doo nɛɛ soo saka, ka nɔng waa kaɓa ɓɔɔ tɔ̀ɔ kɔngkɔng ɓɛɛ, tɔ̀ɔ, diki ɓɔɔ zang naa jɛ̃ɛ ri ruu wu a nɛɛ mani.

2 Bituru 3:7

A yee ɓɔɔ Laa rangnɛ kɔ shingnɛ, lapa nɛɛ tipi ɓɔɔ kãntang keɓe, wu nwangnɛ, wu gã diki ɓɔɔ waa naa lasɛ vuu ɓɔɔ ka yeti ɓiɓɛ nandon ɓɛɛ. Yaa vuu piti ka nɔngkɔ, nɛɛ diki ɓɔɔ wu naa dɔng zang piti ruu, wu ti ningsi zang ɓɔɔ ri palɛ vuu shi kpang, a ri dũng wu kpang ɓɛɛ.

Yahuza 1:6

Danggn wu ning nɔɔ kpang. Zang nyaa shonang Laa ɓɔɔ ri ka lapa, ɓɔɔ ri nwáng ka nɔng ɓɔɔ Laa a ri naa kagn ɓɛɛ kpang, ri yáa nɔng nwannang ɓarɛ ɓɛɛ. Zang mã ri doo nɛɛ soo saka ka nɔng ɓɔɔ tɔ̀ɔ kɔngkɔng ka tipi dii, ka nɔng ɓɔɔ Laa shing ri, gã diki bang kaɓa ɓɔɔ wu naa dɔ̌ng ri ruu kagn ɓɛɛ.

Vuu ɓɔɔ zang nwangsɛ Yɔhana 3:10

Nɔɔ dũng ruu mɛɛ ɓɔɔ n kɔ̀ɔ nɔɔ nɛɛ nɔɔ mã danggn ɓɛɛ tɔ, ka ruu nɔngkɔ, n naa shingnɛ, nɔ́ɔ wɔ ka jĩng dannang ɓɔɔ a kaa tɔ ka koo piti ɓɔɔ zang gãsɛ zang ɓɔɔ ri nwang ka koo nɛɛ mani ɓɛɛ.