2 Bituru 2:4 - Nyaa Shɔɔ Ɓɔɔ Laa a Ɓɛɛ

⁴ Ka tĩng tɛ̃ɛ tɛ̃ɛ, rɛɛ zang nyaa shonang Laa ɓɔɔ ri ka lapa ɓɛɛ, ri palɛ vuu shi kpang, gn ɓarɛ kɔng Laa kpang. Laa yiki ri, vang ri ka nɔng waa. Zang mã̀lɛ̀ ri doo nɛɛ soo saka, ka nɔng waa kaɓa ɓɔɔ tɔ̀ɔ kɔngkɔng ɓɛɛ, tɔ̀ɔ, diki ɓɔɔ zang naa jɛ̃ɛ ri ruu wu a nɛɛ mani.

2 Bituru 2:4 Σταυροειδείς Αναφορές

Matiyu 25:41

“A naa kɔ̀ɔ́ zang ɓɔɔ ka naa nagang ɓiɓɛ nɛɛ, ‘Zang ɓɔɔ Kpanti Laa ku nɔɔ nyaa tɔ ka bii, ka ruu vuu shi kpang manɛ ɓɛɛ, nɔɔ dita yeti waa ɓɔɔ Laa palɛ ka ruu Kpanti suru shi kpang nɛɛ zang nyaa shonang ɓiɓɛ ɓɛɛ.

Matiyu 8:29

Ri sãa nyaa ka lapa nɛɛ, “Rúu ɓaaɓɛ hãa kagn nɛɛ rùu ya, Jaa Laa? Diki a gn kpang, mɔɔ arɛ, nɛɛ mɔɔ naa dang ruu jĩng kaa naa talang ya?”

Maraku 5:7

A mɛɛ nyaa ka lapa tɔɔ, “Mɔɔ kãa vi ka bii mɛɛ viya? Yeesɔ Jaa Kpanti Laa? N zɔɔrɔ mɔɔ katɔ nɛɛ nung Laa, mɔɔ dang m jĩng kpang.”

Luka 10:18

A kɔɔ ri tɔɔ, “N zi sheetang watɛ nɛɛ lapa naa shala ɓɔɔ mang takoti ɓɛɛ.

Luka 8:31

A suru shi kpang kaɓa, ri gaa Yeesɔ nɛɛ wu dɔ̃ɔ ri ka nɔng ɓɔɔ Laa palɛ ka ruu zang shi kpang, kpang.

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

Rooma 11:21

Laa nɛɛ yaa nasãng laa inabi ɓɔɔ zang ɓaa katɔ ɓɛɛ kpang. Nɔɔ kɔ̀ɔ́ ɓu nɛɛ naa yaa nɔɔ katɔ ya?

Rooma 8:32

Laa zãa Jaa ɓiɓɛ jĩng dannang kpang, a zang wu, nɛɛ zang nyɔ wu vɔrɔ ka ruu ɓuru nandon. Naa a ruu vuu piti ɓi kaa tɔ̀ɔ́ waati nɛɛ wu ning kpang ya?

2 Bituru 2:11

Dòo zang nyaa shonang Laa ɓɔɔ ri ka lapa ɓɔɔ ri ɓa rɛɛ maalang ɓɔɔ ri tusu zang vuu sèé keɓe kaka katɔ nɛɛ bannang, ri dãlɛ ri nɔngkɔ ka tĩng Laa kpang.

2 Bituru 2:5

Zang ɓeleng ka tĩng tɛ̃ɛ tɛ̃ɛ, ɓɔɔ ri palɛ vuu shi kpang gn ɓarɛ kɔng Laa dòo kpang kɔ. Shingnɛ mii kpayi, nyɔkɔ zang ɓɔɔ ri ɓaa shoo ka nyaa ɓiɓɛ kpang nandon. Ta ɓi yuu Nuhu, ka ruu ɓɔɔ, Nuhu kɔɔrɔ zang nɛɛ zang ri palɛ vuu tɔ̃ɔ ɓɔɔ Laa kasɛ ɓɛɛ. Ta yuu Nuhu nɛɛ zang ɓɔɔ, ri manziti.

2 Bituru 2:9

Ruu Nuhu nɛɛ Lootu tusu ruu nɛɛ Laa zi gbalang ɓɔɔ wu naa ta yuu zang ɓiɓɛ nɛɛ mani tɔ, nɛɛ naa vuu ɓɔɔ gãsɛ ri ɓɛɛ. Vuu keɓe kɔ, ti tusu nɛɛ Laa zi gbalang ɓɔɔ wu naa dang zang ɓɔɔ ri palɛ vuu shi kpang jĩng tɔ, diki ɓɔɔ wu naa jɛ̃ɛ zang ruu kagn, wu a nɛɛ mani.

1 Yɔhana 3:8

Zang ɓɔɔ palɛ vuu shi kpang sasak, ɓi jaa Sheetang, ka ruu ɓɔɔ, Sheetang pálɛ́ vuu shi kpang ɓi doo ka tĩng ɓɛɛ. Jaa Laa arɛ nɛɛ wu naa jili vuu ɓɔɔ Sheetang pálɛ́ kɔ.

Yahuza 1:13

Ri nwàng ɓarɛ naa mii waapo ɓɔɔ rãa dɔɔli, a vuu shi kpang ɓɔɔ ri palɛ tusu bii ɓi kaa naa puru ɓɔɔ pu ka yuu mii waapo ɓɛɛ. Ri nwàng ɓarɛ naa sang ɓɔɔ jĩli ka lapa ɓɛɛ. Laa shìng ri nɔng tɔ dòndòng, ka nɔng ɓɔɔ tɔ̀ɔ katɔ kɔngkɔng ɓɛɛ.

Yahuza 1:6

Danggn wu ning nɔɔ kpang. Zang nyaa shonang Laa ɓɔɔ ri ka lapa, ɓɔɔ ri nwáng ka nɔng ɓɔɔ Laa a ri naa kagn ɓɛɛ kpang, ri yáa nɔng nwannang ɓarɛ ɓɛɛ. Zang mã ri doo nɛɛ soo saka ka nɔng ɓɔɔ tɔ̀ɔ kɔngkɔng ka tipi dii, ka nɔng ɓɔɔ Laa shing ri, gã diki bang kaɓa ɓɔɔ wu naa dɔ̌ng ri ruu kagn ɓɛɛ.

Vuu ɓɔɔ zang nwangsɛ Yɔhana 20:10

A kpanti suru shi kpang ɓɔɔ nwãarɛ ri ɓɛɛ, zang tasɛ wu ka too waa kaɓa ɓɔɔ tari ɓɔɔ shaa waa katɔ kagn ɓɛɛ. Nɔng ɓɔɔ bɛ̀ɛ́ zang tásɛ́ rɛɛ yɔpɔ jĩngti kagn, nɛɛ zang ɓɔɔ suu sèé nɛɛ wu zang nyaa shonang Laa ɓɛɛ. Ri nwang ka nɔngkɔ, ri dang jĩng nɛɛ zĩi nɛɛ laagɛ̃ gbinggbing.