2 Bituru 2:3 - Nyaa Shɔɔ Ɓɔɔ Laa a Ɓɛɛ

³ Rɛɛ maalang ɓɔɔ tùsú zang vuu sèé kaɓa, ri shing jĩng ɓarɛ ka vuu zang, ka ruu nɔngkɔ, ri naa nwãarɛ nɔɔ nɛɛ sèé, tɔ̀ɔ, ri walɛ vuu kaa naa manɛ. Laa dɔng ri ruu ɓi tɔ dòo tɛ̃ɛ tɛ̃ɛ, kpalɛ bii tɔ nɛɛ wu dang ri jĩng. Diki ɓɔɔ wu naa ningsi ri dɔ̃ɔ gbete, a naabm tɔ.

2 Bituru 2:3 Σταυροειδείς Αναφορές

Matiyu 23:14

Vuu gn kɔnang kagn yuu manɛ, zang ɓɔɔ tusu zang vuu nɛɛ zang Farisi. Nɔɔ zang ɓɔɔ nɔɔ nwãarɛ zang nɛɛ vuu palɛnang ɓɛɛ, ka ruu ɓɔɔ, nɔɔ mulu suvɔ ɓɛɛ. Nɔɔ ti gaa Laa sasak, nɛɛ tɔɔ zang zi nɔɔ kati ɓɛɛ. Ka ruu nɔngkɔ, Kpanti Laa naa dang nɔɔ jĩng ditɔ dɔɔli, ɓa ɓɔ̀ɔ́ zang piti.

Luka 18:8

N kɔ̀ɔ́ nɔɔ, tantɛ ri naa yinang ka bii katɔ. Naa ɓɔɔ n Jaa Shɔnzang n naa arɛ, n naa ĩi zang ɓɔɔ ri shing danggn ka bii Laa kagn ka koo keɓe ya?”

Luka 20:20

Ka ruu nɔngkɔ, ri kãa gbalang ɓɔɔ ri yi wu ɓɛɛ. Ri shongko zang ɓarɛ nɛɛ ri palɛ bii naa ri zang tɔ̃ɔ, ri tãa ruu ɓɔɔ Yeesɔ kɔɔ ɓɛɛ. Nɛɛ rang yee shi kpang tɔ, ri yi wu, ri a gɔmna ɓɔɔ zang Rooma shing ɓɛɛ.

Luka 22:47

Ɓɔɔ bɛ̀ɛ́ rang yee doo ka nyaa, zang dɔɔli nwang nyaa. Zang gbete ka teteng rɛɛ zang kopi tu ziti, ɓɔɔ ri mantɛ vuu ka bii ɓiɓɛ, ɓɔɔ zang ɓaa wu nɛɛ Yahuda ɓɛɛ, wukɔ sɔɔ ri tĩng. A ka bii Yeesɔ naabm nɛɛ wu kɔ̃ng wu katɔ.

Yɔhana 2:16

A Yeesɔ rang zang ɓɔɔ ri mãlɛ́ ning koro yee nabm tɔɔ, “Nɔɔ see veɓe ta, nɔɔ yaa nɔng. Nɔɔ risi Gãa Daa mɛɛ nwang naa lumang ka ruu viya?”

Rooma 16:18

Ka ruu ɓɔɔ, zang ɓɔɔ ri palɛ naa weɓe ri pàlɛ́ ɓarɛ Kpanti ɓuru Kirisi shonang kpang, ri kãa ɓarɛ ɓɔɔ buru ɓarɛ. Ri nwãarɛ zang ɓɔɔ ri zi vuu kpang nɛɛ nyaa ɓɛlɛɓɛlɛ, nɛɛ nyaa tĩnang ɓarɛ.

2 Koranti 2:17

Ruu ɓuru naa zang dɔɔli ɓɔɔ, Ruu Laa nwàng ri ɓarɛ kaa gbalang ɓɔɔ ri kãa vuu shaanang nɛɛ mani ɓɛɛ kpang. Ruu palɛ shonang ɓuru nɛɛ yeti gbete. Ruu kɔɔ Ruu Laa ɓuru naa ɓɔɔ Laa tusu ruu gbalang ɓɛɛ. Naa zang nyaa shonang ɓiɓɛ, a ɓɔɔ kaa naa zang shonang Yeesɔ Kirisi.

1 Tesalonika 2:5

Nɔɔ zi tɔ̃ɔ tɔ̃ɔ nɛɛ ɓɔɔ ruu a ka bii manɛ, ruu a wu nɛɛ nyaa tãa kpang. Ruu rang nɔɔ yee wu naa ɓɔɔ shingnɛ ruu walɛ vuu ɓɔɔ ruu kasɛ ɓɛɛ kpang, Laa zi yeti ɓuru tɔ.

1 Tesalonika 5:3

Ka laa ɓɔɔ zang ri gaayu kɔɔrɔnang nɛɛ, “Ruu nwang tɔ nyaa zɔɔ, a vuu ɓɔɔ shing ruu, rùu kaa vɔrɔ kpang.” A jĩng dannang wu a kaa yuu ɓarɛ tantɛnang naa ɓɔɔ jaa kɔng zang soro ɓɛɛ. Zang gbete wɔ̀ kpang.

1 Timoti 3:3

Wu zang ɓɔɔ ɓoo sàa kpang, wu zang ɓɔɔ gnvɔ ka yeti ɓiɓɛ dɔɔli kpang, gàa nyaa kpang, ti haa nyaa kpang. Wu ti zang ɓɔɔ kasɛ ruu saka dɔɔli kpang.

1 Timoti 3:8

Zang ɓɔɔ ri yi zang naa ka shonang ka Gãa Laa, ri nwang nwannang ɓɔɔ tɔ̃ɔ ɓɛɛ. Ri ti nwang zang ɓɔɔ ta nyaa ziti kpang. Ri ti ɓoo saa kpang, ri ti zang ɓɔɔ ri shing jĩng ka saka kãanang kpang.

1 Timoti 6:5

a ri hãa nyaa diki diki. Zang keɓe, yeti ɓarɛ zunung rɛ̃rɛnang tɔ̃ɔ kpang, ri ti zi ruu ɓɔɔ niizang ɓarɛ kpang. Zang keɓe, ri kɔɔ ɓarɛ nɛɛ gbalang Laa ɓi gbalang ɓɔɔ zang walɛ saka kagn ɓɛɛ.

Titu 1:11

Zãa ri ruu shi kpang ɓɔɔ ri tusu zang ɓɛɛ katɔ. Ri kpantɛ danggn ɓɔɔ zang gaa gaa ri shing ɓɛɛ, nɛɛ vuu ɓɔɔ daa naa tusunang kpang ɓɛɛ. Ri palɛ vuu keɓe, ka ruu ɓɔɔ, ri shing jĩng ɓarɛ ka saka kãanang ɓɛɛ.

Titu 1:7

Ka ruu ɓɔɔ, zang bang Gãa Laa gãng jĩng ɓi ka shonang Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Wu tuu yuu kpang, wu ti ta yeti gbãngko kpang. Wu zang ɓɔɔ sàa si wu kpang, wu zang ɓɔɔ laa nyaa kpang. Wu ti zang ɓɔɔ shing jĩng ka saka kãanang ɓɛɛ kpang, a wu ti zang ɓɔɔ shaa varɛ dɔɔli kpang.

1 Bituru 2:8

Zang bèe ka nɔng ɓɔɔ ka yeti labeenang Laa nɛɛ, “Wee tari ɓɔɔ zang naa kpaa doo kagn, zang watɛ ɓɛɛ kɔ”. Ri kpaa doo, ri watɛ, ka ruu ɓɔɔ, ri dũ̀ng Ruu Laa kpang ɓɛɛ. Laa kɔ kasɛ nɛɛ wu nwang nɔngkɔ, doo ka tĩng tɛ̃ɛ tɛ̃ɛ.

1 Bituru 5:2

gãng jĩng ka rɛɛ zang Laa ɓɔɔ Laa a nɔɔ ri ka naa ɓɛɛ. Nɛɛ nɔ́ɔ gãng jĩng ka ri naa ɓɔɔ jagãng gãng jĩng ka mɛ̀ɛrɛ́ ɓɛɛ, vuu ɓɔɔ wu lee ri naa ka bii kpang. Nɔ́ɔ gãng jĩng wu naa zang mã nɔɔ nyaa kagn kpang, nɔɔ gãng jĩng naa vuu ɓɔɔ nɔɔ tãa tĩnang palɛnang katɔ nɛɛ yeti gbete ɓɛɛ. Wu ka ruu saka ɓɔɔ zang shu nɔɔ kɔ shɛ̃ɛning kpang, ka ruu ɓɔɔ, nɔɔ kasɛ tɔ ka yeti manɛ nɛɛ nɔɔ palɛ shonang keɓe katɔ ɓɛɛ.

2 Bituru 1:16

Rùu kɔɔ nɔɔ ruu, naa ɓɔɔ Kpanti ɓuru Yeesɔ Kirisi naa a nɛɛ naa vuu palɛnang ɓiɓɛ ɓɛɛ tɔ. Vuu ɓɔɔ ruu kɔɔrɔ keɓe wu ruu gbãagbãa ɓɔɔ shɔnzang nwangsɛ nɛɛ zũnang ɓiɓɛ kpang. Ruu zi bannang ɓiɓɛ nɛɛ jĩng ɓuru.

2 Bituru 2:1

Ka tĩng tɛ̃ɛ tɛ̃ɛ, zang nyaa shonang Laa ɓɔɔ sèé, ri nwáng nyaa ka teteng rɛɛ zang Laa. Kãntang keɓe dòo nɔngkɔ, maalang ɓɔɔ ri tusu zang vuu sèé, ri naa nwang nyaa ditɔ ka teteng manɛ. Ri naa arɛ, ri tusu zang vuu sèé ɓɔɔ shing zang, ri ning gbalang ɓɛɛ. Ri naa làá nyaa nɛɛ ri zi dabang ɓuru Yeesɔ Kirisi ɓɔɔ tá yuu ɓarɛ ka vuu shi kpang ɓarɛ kpang. Ka ruu vuu kɔ ri palɛ ɓee, diki bee kpang, jĩng dannang bang a ditɔ ka yuu ɓarɛ, wu nyɔkɔ ri vɔrɔ.

2 Bituru 2:9

Ruu Nuhu nɛɛ Lootu tusu ruu nɛɛ Laa zi gbalang ɓɔɔ wu naa ta yuu zang ɓiɓɛ nɛɛ mani tɔ, nɛɛ naa vuu ɓɔɔ gãsɛ ri ɓɛɛ. Vuu keɓe kɔ, ti tusu nɛɛ Laa zi gbalang ɓɔɔ wu naa dang zang ɓɔɔ ri palɛ vuu shi kpang jĩng tɔ, diki ɓɔɔ wu naa jɛ̃ɛ zang ruu kagn, wu a nɛɛ mani.

Yahuza 1:11

Jĩng dannang kagn yuu ɓarɛ. Ri sɔ̀ɔ gbalang Kayinu. Ka ruu saka ɓɔɔ ri kasɛ ɓɛɛ, ri pálɛ́ vuu shi kpang ɓɔɔ Balamu pálɛ́ ɓɛɛ tɔ. Ri taarɛ yuu naa Koora, a zang ti ningsi ri naa ɓɔɔ zang nyɔ wu vɔrɔ ɓɛɛ.

Yahuza 1:15

Wu naa jɛ̃ɛ zang nandon ruu, wu dɔ̀ng zang ɓɔɔ ri palɛ vuu shi kpang, ɓɔɔ ri dũng Laa kpang ɓɛɛ ruu, ka ruu vuu shi kpang ɓɔɔ ri palɛ ka gbalang ɓarɛ ɓɛɛ. A ɓɔɔ ti ka vuu shi kpang ɓɔɔ zang ɓɔɔ ri dũ̀ng Laa kpang keɓe ri kɔɔrɔ ka yuu Laa ɓɛɛ.”

Yahuza 1:16

Zang keɓe ri gɔ̃ɔrɔ ɓarɛ yee diki diki, a ri kɔɔyi nɛɛ zang ɓɔɔ kɔ, wu palɛ vuu. Ri dũng ɓarɛ vuu shi kpang ɓɔɔ yeti ɓarɛ kasɛ ɓɛɛ. Ri rangkɛ yee bang bang ka yuu ɓarɛ, ri nyɔ zang nɛɛ nyaa nɛɛ tɔ̀ɔ, ri walɛ vuu.

Yahuza 1:4

Zang ɓɔɔ ri dũ̀ng Laa kpang, ɓɔɔ kagn ri hãa tɔ ka teteng manɛ nɛɛ nwĩiri, ruu zi kpang. Zang ɓɔɔ ri kɔ̃sɔ ruu tɔ̃ɔ ɓɔɔ Laa ɓuru pàlɛ́ zang, nwang ri ɓarɛ kaa naa zang yaa ri gbalang dũndũng palɛnang, a ri bɛ̃ɛ Yeesɔ Kirisi ɓɔɔ wukɔ gbete, Kpanti nɛɛ dabang ɓuru ɓɛɛ. Labeenang Laa kɔɔ ruu ɓi tɔ ka yuu ruu kɔ zang dɔ̀ng ri ɓee.

Yahuza 1:7

Danggn gari Sɔɔdom nɛɛ Gomora nɛɛ rɛɛ gari ɓɔɔ ri naabm ɓɛɛ, wu ning nɔɔ kpang. Ri pálɛ́ dũndũng ka zɔ̃ng zɔ̃ng. Laa dang ri jĩng, ningsi ri nɛɛ waa ɓɔɔ ning ɓi kpang dòndòng ɓɛɛ, tɔ̀ɔ zang piti ri zi kaa gn.