2 Bituru 2:2 - Nyaa Shɔɔ Ɓɔɔ Laa a Ɓɛɛ

² Zang dɔɔli ri naa palɛ dũndũng ɓɔɔ maalang keɓe ri palɛ ɓɛɛ. Tɔ̀ɔ, ri shing zang kati zang ri rang ruu shi kpang ka yuu gbalang Laa ɓɔɔ niizang ɓɛɛ.

2 Bituru 2:2 Σταυροειδείς Αναφορές

Matiyu 22:16

A ri shong zang ɓɔɔ ri mantɛ vuu ka bii ɓarɛ nɛɛ zang ɓɔɔ dũng knti Kpanti Hiridu tɔɔ, ri daa kɔɔ Yeesɔ nɛɛ, “Maalang, ruu zi tɔ, mɔɔ suu see ɓáa kpang. Mɔɔ tùsú zang ɓáa vuu ɓɔɔ niizang, ɓɔɔ Laa kasɛ nɛɛ zang wu palɛ ɓɛɛ. Ruu ɓaaɓɛ hãa ɓi kagn nɛɛ vuu ɓɔɔ shɔnzang rɛ̃rɛ ɓɛɛ kpang, ka ruu ɓɔɔ, mɔɔ ti shɛ̃ɛrɛ zang ɓáa kpang ɓɛɛ.

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Matiyu 7:14

Gbalang ɓɔɔ zang daa nɔng suru bii ɓɔɔ waa nyaa kpang nɛɛ mani, kpãa dɔɔli, nyaa gãa ɓɔɔ zang daa nɔng ɓi ti tɔ̃ntɔ̃rɔng. Zang ɓɔɔ ri ĩi gbalang kaɓa, ri shang kpang.

Maraku 12:14

A ri arɛ, ri hɛ̃ɛ Yeesɔ tɔɔ, “Maalang, ruu zi tɔ mɔɔ suu sèé ɓaa kpang, ruu ɓaaɓɛ hãa ɓi kagn nɛɛ vuu ɓɔɔ shɔnzang rɛ̃rɛ ɓɛɛ kpang, ka ruu ɓɔɔ, mɔɔ ti shɛ̃ɛrɛ zang ɓaa kpang ɓɛɛ. Mɔɔ mung zang ɓaa dɔ̃ɔ gbete ɓɛɛ. Mɔɔ tusu zang ɓaa vuu ɓɔɔ niizang ɓɔɔ Laa kasɛ nɛɛ zang ri palɛ ɓɛɛ. Kɔɔ ruu jong, daa naa ɓɔɔ ruu shu kpanti Kayisa saka tipi katɔ ya, kɔ ruu shu kpang?”

Maraku 13:22

Ka ruu ɓɔɔ, zang ɓɔɔ ri naa ɓaa yuu ɓarɛ nɛɛ Kirisi, nɛɛ zang ɓɔɔ ri naa suu sèé nɛɛ ri zang nyaa shonang Laa, naa alɛ ditɔ. Ri naa tusu vuu bang bang, ɓɔɔ zang zirɛ zang mã naa ka danggn, nɛɛ tɔ̀ɔ ri nwãarɛ zang kati. Naa ri nɛɛ zunung zang ɓɔɔ Laa shɛ̃ɛrɛ ri nwãarɛnang katɔ, ri nɛ̀ɛ́ nwãarɛ ri katɔ.

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Zang Shonang Yeesɔ 13:10

a kɔɔyi tɔɔ, “Jaa suru shi kpang kiɓi. Mɔkɔ kasɛ kpang nɛɛ zang pálɛ̀ vuu ɓɔɔ tɔ̃ɔ kpang. Yeti ɓaaɓɛ ɓi zang nwãarɛnang kɔ shɛ̃ɛning. Mɔɔ kãa gbalang diki diki nɛɛ mɔɔ risi Ruu Laa wu nwang kaa naa sèé.

Zang Shonang Yeesɔ 14:2

Rɛɛ Yahudi ɓɔɔ ri bɛ̃ɛ danggn shinnang katɔ, ri dɔ̃lɔ rɛɛ zang ɓɔɔ ri zang Isirela kpang, a ri lasɛ zɔɔ nɛɛ rɛɛ zang ɓɔɔ ri shing danggn tɔ ɓɛɛ.

Zang Shonang Yeesɔ 16:17

Dũng ruu nɛɛ Bulu ka knti mɛɛrɛ nyaa, kɔɔyi nɛɛ, “Zang keɓe, ri zang shonang Laa ɓɔɔ ɓa zang piti katɔ ɓɛɛ. Ri kɔ̀ɔ́ nɔɔ, naa ɓɔɔ nɔɔ ta yuu manɛ ɓɛɛ.”

Zang Shonang Yeesɔ 18:26

Gaayu yee rannang ka gãa zɔɔ kpalɛnang kaa vɔrɔ kpang. Rɛɛ Pirisila nɛɛ Akpiila ri tãa vuu ɓɔɔ wu kɔɔrɔ ɓɛɛ, a ri ɓaa wu nyaa, ri daa nɛɛ wu ka gãa ɓarɛ. Ri daa tusu wu gbalang Laa kaa waasɛ̃.

Zang Shonang Yeesɔ 19:9

Zang ɓɔɔ ri taarɛ yuu, ri shing danggn kpang. Ri kɔɔ ruu shi kpang ka yuu gbalang keɓe, ka tĩng zang ɓɔɔ ri kpalɛ zɔɔ ɓɛɛ nandon. Ka ruu nɔngkɔ, Bulu yaa ri, sèe kaa zang ɓɔɔ ri dũng Laa kɔ shɛ̃ɛning daa nɛɛ ri ka yeti gãa ɓɔɔ zang tusu zang labeenang kagn ɓɔɔ zang ɓáa nɛɛ nung Tirana ɓɛɛ. Laa nyaa nɛɛ ri ka nɔngkɔ, ka yuu Ruu Laa diki diki.

Zang Shonang Yeesɔ 22:4

N dang zang ɓɔɔ ri dũng gbalang keɓe jĩng, n nyɔ̀kɔ̀ ri ɓɔɔ vɔrɔ. N yiki zang varɛ nɛɛ zang soro n mã ri, n looro ri ka sãa.

Zang Shonang Yeesɔ 24:14

N kàsɛ́ nyaa katɔ ka tĩng ɓaaɓɛ nɛɛ, n bang Làá rɛɛ dabang ɓuru ka gbalang kɔ ri ɓaa nɛɛ shi kpang ɓɛɛ kɔ. N ti shing danggn ka vuu ɓɔɔ zang bee ka yeti labeenang nyaa dannang Musa nɛɛ ɓɔɔ labeenang rɛɛ zang nyaa shonang Laa.

Rooma 2:24

Labeenang Laa kɔɔyi tɔɔ, “Zang ɓɔɔ ri zang Yahudi kpang, ri rang yee shi kpang ka yuu nung Laa ka ruu manɛ kɔ zang Yahudi.”

1 Timoti 5:14

N kasɛ suvɔ ɓɔɔ ri doo jasang, ri gee varɛ, ri yi jaa. Ri gãng jĩng ka gãa ɓarɛ, tɔ̀ɔ, ruu yàa zang ɓɔɔ ri shing jĩng nɛɛ ruu kpang gbalang kaa tɔ̀ɔ́, ri rang yee shi kpang ka yuu ɓuru kpang.

Titu 2:5

Ri kpɛ̃ɛrɛ ri, ri yiti yuu ɓarɛ waasɛ̃, ri pálɛ̀ dũndũng kpang, ri nwang zang soro ɓɔɔ tɔ̃ɔ, ɓɔɔ ri palɛ shonang gãa ɓarɛ katɔ ɓɛɛ, ri palɛ zang tɔ̃ɔ, ri ɓaa shoo ka nyaa varɛ ɓarɛ. Tɔ̀ɔ, zang ri rang yee shi kpang kaa tɔ̀ɔ́ ka yuu Ruu Laa kpang.

Titu 2:8

Tusu vuu ɓɔɔ tɔ̃ɔ ɓɔɔ zang ɓɔɔ kɔɔ kpang nɛɛ shi kpang, kpang ɓɛɛ. Tɔ̀ɔ, yusɛ̃ɛ wu tuu zang ɓɔɔ ri shing jĩng nɛɛ mɔɔ kpang kati, ri wàlɛ̀ vuu shi kpang ɓɔɔ ri kɔ̀ɔ́ ka yuu ɓaaɓɛ kaa takpang.

1 Bituru 2:12

Nɔɔ nwáng nwannang tɔ̃ɔ, tɔ̀ɔ, zang ɓɔɔ ri zi Laa kpang ri zirɛ. Ka ruu ɓɔɔ, naa ri rang yee shi kpang doo ka yuu manɛ, ri zili vuu tɔ̃ɔ ɓɔɔ nɔɔ palɛ ɓɛɛ, ri naa dɔ̀ɔ Laa ditɔ, ka diki ɓɔɔ wu naa a ka bii ɓarɛ ɓɛɛ.

2 Bituru 2:12

Zang keɓe ri rangkɛ yee shi kpang ka yuu vuu ɓɔɔ ri zi tɔ̃ɔ tɔ̃ɔ kpang ɓɛɛ. Ri palɛ vuu naa shoko. Ri palɛ vuu teetee naa yɔpɔ jĩngti ɓɔɔ zang yi ri nɛɛ, ri nɛɛ bang tɔ, zang yirɛ zang yee ɓɛɛ. Niizang, ri shàarɛ́ dòo nɔngkɔ, naa yɔpɔ jĩngti, zang tãa nung ɓarɛ takpang.

2 Bituru 2:15

Ri yaa gbalang tɔ̃ɔ tɔ, ri dũng ɓarɛ kaa gbalang Balamu jaa Beeyɔ kɔ jong. Ka tĩng tɛ̃ɛ tɛ̃ɛ, Balamu kasɛ nɛɛ yuu ɓiɓɛ, wu palɛ vuu shi kpang nɛɛ tɔɔ zang a wu saka.

2 Bituru 2:18

Ri rangkɛ yee bang bang ɓɔɔ waati ka yuu ɓarɛ. Ri ti kasɛ ri nwãarɛ zang ɓɔɔ ri kasɛ nɛɛ ri yaa vàá zang ɓɔɔ ri zi gbalang Laa kpang ɓɛɛ. Maalang ɓɔɔ ri tusu zang vuu sèé keɓe, ri kasɛ nɛɛ ri shing zang, zang ri palɛ zɔ̃ng dũndũng piti nɛɛ vuu shi kpang, shi kpang ɓɔɔ ri tãa tĩnang palɛnang doo katɔ kɔ ɓɛɛ.

2 Bituru 2:21

Ri nɛ̀ɛ́ zi gbalang ɓɔɔ tɔ̃ɔ kpang gbã̀ágbãa, wukɔ nɛɛ tɔ̃ɔ. Ka ɓɔɔ ri zi tɔ, ri naa yaa nyaa dannang Laa tɔkn ri dũng takpang ɓɛɛ.

2 Bituru 2:7

Ka diki kaɓa, ta yuu Lootu ɓɔɔ wukɔ zang tɔ̃ɔ ɓɛɛ kɔ shɛ̃ɛning. Ka ruu ɓɔɔ, dũndũng ɓɔɔ zang shi kpang kaɓa ri palɛ ka gari, kpãa Lootu ka yeti dɔɔli ɓɛɛ.

Yahuza 1:10

A zang keɓe ri dãlɛ vuu piti ɓɔɔ ri zi dĩiri ɓiɓɛ kpang ɓɛɛ. Vuu ɓɔɔ kagn ri zi katɔ, a ri zi kaa tɔ̀ɔ́ ka rɛ̃rɛnang ɓɔɔ ri rɛ̃rɛ ka yuu ɓiɓɛ kpang, ri tãa ɓarɛ nɛɛ bii naa ɓɔɔ yɔpɔ jĩngti ɓɔɔ rang yee ɓi kpang tãa ɓɛɛ. Ti vuu keɓe kɔ ningsi ri.

Yahuza 1:15

Wu naa jɛ̃ɛ zang nandon ruu, wu dɔ̀ng zang ɓɔɔ ri palɛ vuu shi kpang, ɓɔɔ ri dũng Laa kpang ɓɛɛ ruu, ka ruu vuu shi kpang ɓɔɔ ri palɛ ka gbalang ɓarɛ ɓɛɛ. A ɓɔɔ ti ka vuu shi kpang ɓɔɔ zang ɓɔɔ ri dũ̀ng Laa kpang keɓe ri kɔɔrɔ ka yuu Laa ɓɛɛ.”

Yahuza 1:4

Zang ɓɔɔ ri dũ̀ng Laa kpang, ɓɔɔ kagn ri hãa tɔ ka teteng manɛ nɛɛ nwĩiri, ruu zi kpang. Zang ɓɔɔ ri kɔ̃sɔ ruu tɔ̃ɔ ɓɔɔ Laa ɓuru pàlɛ́ zang, nwang ri ɓarɛ kaa naa zang yaa ri gbalang dũndũng palɛnang, a ri bɛ̃ɛ Yeesɔ Kirisi ɓɔɔ wukɔ gbete, Kpanti nɛɛ dabang ɓuru ɓɛɛ. Labeenang Laa kɔɔ ruu ɓi tɔ ka yuu ruu kɔ zang dɔ̀ng ri ɓee.

Yahuza 1:7

Danggn gari Sɔɔdom nɛɛ Gomora nɛɛ rɛɛ gari ɓɔɔ ri naabm ɓɛɛ, wu ning nɔɔ kpang. Ri pálɛ́ dũndũng ka zɔ̃ng zɔ̃ng. Laa dang ri jĩng, ningsi ri nɛɛ waa ɓɔɔ ning ɓi kpang dòndòng ɓɛɛ, tɔ̀ɔ zang piti ri zi kaa gn.

Vuu ɓɔɔ zang nwangsɛ Yɔhana 12:9

A ri nwangsɛ sɔkɔ bang nɛɛ lapa, ri tasɛ wu ka koo nɛɛ rɛɛ zang ɓɔɔ ri dũng wu nandon. Sɔkɔ bang kaɓa zang ɓaa nung ɓiɓɛ nɛɛ Sheetang, wukɔ kpanti rɛɛ suru shi kpang. Wukɔ ti nwãarɛ zang ka koo dɔɔ tɛ̃ɛ tɛ̃ɛ.

Vuu ɓɔɔ zang nwangsɛ Yɔhana 13:14

Tuu vuu ɓɔɔ zang a wu naa palɛnang ka tĩng yɔpɔ jĩngti ɓɔɔ tĩng shɔɔnang kaɓa, a nwãarɛ zang piti, ɓɔɔ ri nwalɛ ka koo nandon nɛɛ mani. Kɔɔ ri nɛɛ, ri pálɛ́ vuu ɓɔɔ nwang yɔpɔ jĩngti ɓɔɔ tĩng shɔɔnang, ɓɔɔ bɛ̀ɛ́ zang shing wu nyaa vuu waa ka bii nɛɛ yere bang a nwang doo ningkãari ɓɛɛ, ri a wu bannang nɛɛ mani.

Vuu ɓɔɔ zang nwangsɛ Yɔhana 13:8

Zang ɓɔɔ ri nwang ka koo nandon ri naa bang wu. Rɛɛ zang ɓɔɔ zang bee nung ɓarɛ doo tɛ̃ɛ tɛ̃ɛ kpang, ka yeti labeenang Jaa Mɛ̀ɛrɛ́ Laa, ɓɔɔ bɛ̀ɛ́ zang nyɔ wu vɔrɔ ɓɛɛ.