2 Bituru 2:13 - Nyaa Shɔɔ Ɓɔɔ Laa a Ɓɛɛ

¹³ Laa naa dang ri jĩng jong ka ruu ɓɔɔ ri dang zang jĩng ɓɛɛ. Zang keɓe, ri kasɛ nɛɛ ri tãa ɓarɛ tĩnang naa doo nɛɛ laagɛ̃ piti. Nwannang ɓarɛ ɓi vuu ɓɔɔ shingnɛ yusɛ̃ɛ tuu nɔɔ ɓɛɛ. Ri nwalɛ nɛɛ nɔɔ, ri shaa vuu shaanang a ɓeekpang ri nwãarɛ nɔɔ manɛ waati. Ri palɛ ɓarɛ vuu shi kpang ɓɔɔ ri kasɛ ɓɛɛ.

2 Bituru 2:13 Σταυροειδείς Αναφορές

Rooma 13:13

Rúu gaayu nwannang waasɛ̃, naa zang ɓɔɔ ri nwang ka nɔng ɓɔɔ yakɛ katɔ ɓɛɛ. Wu ka ɓɔɔ nɔɔ gaarɛ zɔɔ, nɔɔ ɓooro saa ɓɛɛ kpang, nɔɔ palɛ dũndũng kpang, nɔɔ ti pálɛ̀ shi kpang, kpang, nɔɔ hàa nyaa kpang, nɔɔ ti kaa sũnyaa kpang.

Afisa 5:27

Kirisi palɛ vuu keɓe nɛɛ tɔ̀ɔ, zang ɓɔɔ ri dũng wu, ri nwang kaa zang ɓɔɔ ri shi dɔɔli, kalang kalang, shi kpang kagn bii ɓarɛ kpang ɓɛɛ. Vuu ɓɔɔ ti luku ri ka bii kpang, bii ɓarɛ ti gɔ́ɔrɔ̀ kpang, a vuu shi kpang ti kagn bii ɓarɛ kpang.

Filipi 3:19

Zang keɓe, ri daa ɓarɛ ka nɔng waa. Ka ruu ɓɔɔ, ɓi buru ɓarɛ kɔ nwang kaa naa Laa ɓarɛ, ri ti tuu yuu ɓarɛ ka rɛɛ vuu ɓɔɔ yusɛ̃ɛ nɛɛ tuu ri kagn kɔ jong ɓɛɛ. Ri rɛ̃rɛ ɓarɛ ka yuu rɛɛ vuu ɓɔɔ ka koo keɓe kɔ shɛ̃ɛning.

2 Timoti 4:14

Alezanda yɔɔ ɓɔɔ sã vuu ɓɛɛ palɛ m vuu shi kpang dɔɔli. Laa naa palɛ wu vuu ditɔ jong ka doo vuu ɓɔɔ wu pálɛ̀ ɓɛɛ.

Yakubu 5:5

Nɔɔ nwàng manɛ ka koo keɓe nɔɔ tãa tĩnang nɔɔ sháa vuu tɔ, nɔɔ ɔ̃rɛ naa napo ɓɔɔ gã diki ɓɔɔ zang naa yele ri kagn ɓɛɛ.

1 Bituru 4:4

Kãntang keɓe nɔɔ kpálɛ̀ zɔɔ tɔ̀ɔ́ nɛɛ ri, nɔɔ palɛ zɔ̃ng rɛɛ vuu shi kpang ɓɔɔ ɓa kaka katɔ kaɓa kpang. Ɓɔɔ ri zi naa weɓe ri mã naa kaa danggn, ri dãa nɔɔ.

2 Bituru 2:15

Ri yaa gbalang tɔ̃ɔ tɔ, ri dũng ɓarɛ kaa gbalang Balamu jaa Beeyɔ kɔ jong. Ka tĩng tɛ̃ɛ tɛ̃ɛ, Balamu kasɛ nɛɛ yuu ɓiɓɛ, wu palɛ vuu shi kpang nɛɛ tɔɔ zang a wu saka.

Vuu ɓɔɔ zang nwangsɛ Yɔhana 18:6

Nɔɔ pálɛ́ wu vuu doo naa ɓɔɔ wu pálɛ́ zang ɓɛɛ kɔ. Nɔɔ dang wu jĩng, wu ɓa ɓɔɔ wu dang zang katɔ dakn ziti. Juwa ɓɔɔ wu a zang Sàa ɓiɓɛ kagn, nɔɔ tɛ̃ɛ wu saa ɓɔɔ gbangnɛ, ɓa ɓɔɔ ɓiɓɛ katɔ dakn ziti ɓɛɛ. Doo ka wukɔ, nɔɔ a wu, wu ɓooyi.