2 Bituru 1:8 - Nyaa Shɔɔ Ɓɔɔ Laa a Ɓɛɛ

⁸ Naa nɔɔ palɛ rɛɛ vuu keɓe diki diki, zinang ɓɔɔ nɔɔ zì Kpanti ɓuru Yeesɔ Kirisi naa nwǎng nɔɔ vuu ɓɔɔ katɔ. Nwannang manɛ ti nwǎng nɔɔ vuu ɓɔɔ katɔ.

2 Bituru 1:8 Σταυροειδείς Αναφορές

Matiyu 13:22

Jĩng vuu ɓɔɔ shili ka teteng kɔkɔ, ɓi kaa zang ɓɔɔ ri tãa Ruu Laa, a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, naa mulu Ruu Laa ɓɔɔ ka yeti ɓarɛ kati, a ruu bìí naa nwàng ri vuu kaa takpang.

Matiyu 20:3

Làa naa yuu táà, ti daa ĩi zang shonang ɓɔɔ ri nwalɛ waati ka nyaa lumang,

Matiyu 20:6

Ti naa daa nɛɛ laarang tɔkn, a daa ĩi zang shonang ɓɔɔgn, ri shiiri tɔ. A hɛ̃ɛ ri tɔɔ, ‘Nɔɔ shiiri waati ka ruu vi, doo nɛɛ gãndi sasak viya?’

Matiyu 25:26

“A yɔɔ gãa ɓiɓɛ kasɛ wu nyaa tɔɔ, ‘Mɔɔ ɓáa zang shonang ɓɔɔ shi kpang ɓɛɛ. Mɔɔ lagn dɔɔli. Mɔɔ zi tɔ nɛɛ n yée vuu ka nɔng ɓɔɔ n ɓaa kpang. N ti kpalɛ vuu ka nɔng ɓɔɔ n vang kpang.

Yɔhana 15:2

Nasãng mɛɛ ɓɔɔ nɛɛ ra jaa kpang, Daa mɛɛ dɔng katɔ. Nasãng ɓɔɔ nɛɛ ra jaa katɔ, kpɛ̃lɛ bii ɓiɓɛ katɔ, tɔ̀ɔ, wu gisi jaa ránang kaa dɔɔli.

Yɔhana 17:3

Suru bii ɓɔɔ waa nyaa kpang, ɓi zinang ɓɔɔ zang zirɛ nɛɛ mɔkɔ gbete, Laa ɓɔɔ niizang ɓɛɛ, a ɓɔɔ nkɔ Yeesɔ Kirisi ɓɔɔ mɔɔ shong m ɓɛɛ.

Yɔhana 5:42

N zi zɔ̃ng manɛ m tɔ. Nɔɔ kasɛ Laa nɛɛ yeti manɛ kpang.

Rooma 12:11

Nɔɔ pálɛ́ shonang nɛɛ kaka, nɔɔ si rang kpang. Nɔɔ pàlɛ́ Laa shonang nɛɛ yeti gbete.

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

2 Koranti 13:5

Nɔɔ gãsɛ yuu manɛ karɛ nɔɔ zirɛ, naa nɔɔ nwang doo nwannang danggn ɓɔɔ nɔɔ shing ka bii Yeesɔ Kirisi ɓɛɛ ya? Nɔɔ gãsɛ yuu manɛ ta. Nɔɔ zi tɔ niizang Kirisi nwang ka yeti manɛ. Nɔɔ nɛɛ zi kpang, bɛ̀ɛ́ vuu ɓɔɔ nɔɔ gãsɛ yuu manɛ nɛɛ mani ɓa kaka manɛ tɔ.

2 Koranti 8:2

Naa wee manzung ɓuru ɓɔɔ ri ka Makidoniya ri dang jĩng tɔ gbãng gbãng ɓee, ri tãa tĩnang doo nɛɛ mani diki diki. Naa wee vuu naa ɓarɛ kagn kpang tingkiring ɓee, ri a zang vuu doo nɛɛ mani nɛɛ yeti gbete.

2 Koranti 8:7

Ka vuu piti, nɔɔ ɓa zang ɓɔɔ ri dũng Laa ɓɔɔ nimbang tɔ. Nɔkɔ ka ting, ka danggn ɓɔɔ nɔɔ shing ka bii Yeesɔ Kirisi, ka naa ɓɔɔ nɔɔ kɔɔrɔ zang Ruu Tɔ̃ɔ Laa ɓɛɛ. Ka naa ɓɔɔ nɔɔ zi ruu ɓɔɔ niizang, ka ɓɔɔ nɔɔ kasɛ shonang palɛnang katɔ ɓɛɛ, a ɓɔɔ ti ka naa ɓɔɔ nɔɔ kasɛ ruu. Ka ruu nɔngkɔ, n kasɛ nɔkɔ nɔ́ɔ sɔɔ tĩng ka shonang keɓe, ɓɔɔ tusu nɛɛ nɔɔ kàsɛ̀ zang katɔ ɓɛɛ.

2 Koranti 9:14

Ka ɓɔɔ ri gaa Laa ka ruu manɛ, ri kasɛ katɔ gbãng gbãng ri zi nɔɔ, ka ruu tɔ̃ɔ ɓɔɔ bang dɔɔli ɓɔɔ Laa palɛ nɔɔ ɓɛɛ.

Filipi 1:9

N gàá Laa ka ruu manɛ, nɛɛ, kasɛnang ɓɔɔ nɔɔ kasɛ ruu zɔɔ nɛɛ manɛ wu daa nɛɛ tĩng sasak. Nɔ́ɔ ti zi vuu dɔɔli, nɔ́ɔ zunung naa ɓɔɔ nɔɔ basɛ teteng vuu tɔ̃ɔ nɛɛ ɓɔɔ shi kpang ɓɛɛ ka vuu piti.

Filipi 2:5

Rɛ̃rɛnang ɓɔɔ nɔɔ rɛ̃rɛ ka yeti manɛ wu nwang naa ɓɔɔ Yeesɔ Kirisi rɛ̃rɛ ɓɛɛ.

Filipi 3:8

Niizang, vuu naa mɛɛ nandon, n risi tɔ naa vuu ɓɔɔ kpang, ka ruu ɓɔɔ zinang ɓɔɔ n zi Kpanti mɛɛ Yeesɔ Kirisi, ɓa vuu piti katɔ ɓɛɛ. Ka ruu Yeesɔ kɔ n yaa vuu piti tɔ. N risi vuu piti naa vuu wɔ̀sɔ̀nang, tɔ̀ɔ, n wàlɛ̀ m kaa Yeesɔ kɔ shɛ̃ɛning.

Kolosi 1:10

Tɔ̀ɔ, nɔ́ɔ naa zunung nwannang ɓɔɔ Kpanti ɓuru kasɛ ɓɛɛ kati, nɔɔ palɛ vuu ɓɔɔ shing wu tãa tĩnang ɓɛɛ kati diki diki. Nwannang manɛ naa shing nɔɔ, nɔ́ɔ palɛ vuu ɓɔɔ tɔ̃ɔ ɓɛɛ ka zɔ̃ng zɔ̃ng. Zinang ɓɔɔ nɔɔ zi vuu ka yuu Laa, naa daa kaa nɛɛ tĩng diki diki.

Kolosi 2:7

Nɔɔ ɓáa saara manɛ ka bii ɓiɓɛ, tɔ̀ɔ, nɔɔ bang kati. Tɔ̀ɔ, nɔɔ shii ka gbãng gbãng ka danggn ɓɔɔ nɔɔ shing ɓɛɛ, naa ɓɔɔ zang tusu nɔɔ ɓɛɛ. Nɔɔ ti zãa Laa ka yeti manɛ diki diki.

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

1 Tesalonika 3:12

Kpanti ɓuru wu shingnɛ zɔɔ kasɛnang manɛ nɛɛ naa ɓɔɔ nɔɔ kasɛ zang piti, wu daa nɛɛ ting kɔ sasak. Tɔ̀ɔ, nɔɔ naa kasɛ zang kaa naa ɓɔɔ ruu kasɛ nɔɔ ɓɛɛ.

1 Tesalonika 4:1

Ka ruu nɔngkɔ, rɛɛ manzung, n gisi nɔɔ ruu nɛɛ, nɔɔ kpɛ̃ɛrɛ naa ɓɔɔ nɔɔ nwang nɛɛ Laa wu tãa tĩnang manɛ tɔ ka bii ɓuru, a nɔɔ ti nwang kana nɔngkɔ kãntang. A ruu gaa nɔɔ nɛɛ nung Kpanti Yeesɔ Kirisi nɛɛ nɔɔ nɛɛ nwang nɔngkɔ sasak.

2 Tesalonika 1:3

Rɛɛ manzung ɓuru, daa naa ɓɔɔ ruu zãa Laa diki diki ka ruu manɛ tɔ. Daa naa ɓɔɔ ruu zãa wu tɔ, ka ruu ɓɔɔ, danggn ɓɔɔ nɔɔ shing ka bii Yeesɔ daa kana nɛɛ tĩng dɔɔli, a naa ɓɔɔ zang ɓu ka teteng manɛ ri kasɛ zɔɔ ti daa nɛɛ tĩng kɔ sasak.

1 Timoti 5:13

Naa ti nɔngkɔ kpang, ri si kaa rang, ri kɔng kaa bii ɓɔɔ ri rakɛ ka gãa gãa ɓɛɛ. Bɛ̀ɛ́ ri gaa kaa yuu zang rannang, ri ti ràngkɛ́ yee kaa yuu vuu ɓɔɔ ruu ɓarɛ hãa kagn kpang ɓɛɛ.

Titu 3:14

Zang ɓuru ɓɔɔ ri dũng Laa, ri kpɛ̃ɛrɛ shonang ɓɔɔ tɔ̃ɔ palɛnang, tɔ̀ɔ, ri yi zang ɓɔɔ vuu ka naa ɓarɛ kpang naa jong ka bii. Ri nwàng nwannang waati kpang.

Filimon 1:6

N gaa Laa nɛɛ mɔɔ yi tĩng ka ɓɔɔ mɔɔ kɔɔrɔ zang ruu ka yuu danggn ɓɔɔ mɔɔ shing ka bii Laa ɓɛɛ. Laa wu ti tusu mɔɔ vuu ɓɔɔ kagn ka yeti tɔ̃ɔ piti, ɓɔɔ ɓi ɓɔɔ ɓuru ɓɔɔ ruu zang Kirisi ɓɛɛ.

Yahudi 6:12

Ruu kasɛ, nɔɔ si rang kpang, nɔɔ màsɛ̀ rɛɛ zang ɓɔɔ, ka ruu danggn ɓɔɔ ri shingnɛ, nɛɛ danggn ɓɔɔ ri mã ɓɛɛ, rikɔ naa walɛ vuu ɓɔɔ Laa a nyaa ɓɛɛ.

2 Bituru 1:2

Laa wu palɛ nɔɔ tɔ̃ɔ, wu shingnɛ yeti manɛ wu ti valɛ katɔ, ka ɓɔɔ nɔɔ zi vuu ka yuu Laa nɛɛ yuu Kpanti ɓuru Yeesɔ ka yuu zɔɔ, yuu zɔɔ ɓɛɛ.

2 Bituru 1:3

Yeesɔ Kirisi kɔ shingnɛ a ruu zi Laa ɓɔɔ wukɔ zɔ̃ng ruu nɛɛ ruu nwang nɛɛ wu ka nɔng bannang ɓiɓɛ ɓɛɛ, a ruu ti nwang zɔ̃ng nwannang tɔ̃ɔ ɓiɓɛ. Ka ruu ɓɔɔ, ruu zi Laa tɔ, a ruu vuu piti nɛɛ naa vuu palɛnang ɓiɓɛ. Vuu ɓɔɔ yi ruu naa kagn, ruu nwang nwannang tɔ̃ɔ, ruu ti dũng gbalang ɓɔɔ Laa tãa tĩnang ɓɛɛ.

2 Bituru 2:20

Naa zang ri zi Yeesɔ Kirisi ɓɔɔ wukɔ Kpanti ɓuru, a wukɔ ti ta yuu ɓuru, a ri yaa vuu shi kpang ɓɔɔ koo keɓe, ɓɔɔ shing zang, zang ri nwang zang shi kpang ɓɛɛ. Ri nɛɛ naa ràa jĩng tɔkn, ri gaayu rɛɛ vuu shi kpang keɓe palɛnang nɛɛ knti, nwannang ɓarɛ naa lasɛ, ɓa ɓɔɔ tĩng shɔɔnang kaa tɔ.

2 Bituru 3:18

Nɔɔ dũng manɛ Kpanti ɓuru Yeesɔ Kirisi kɔ jong, ɓɔɔ wukɔ ta yuu ɓuru ɓɛɛ. Tɔ̀ɔ, wu palɛ nɔɔ tɔ̃ɔ kaa yuu zɔɔ, yuu zɔɔ. Zinang ɓɔɔ nɔɔ zi wu, wu ti daa ka tĩng. Zang ri a wukɔ bannang dòndòng. Nɔngkɔ.