2 Bituru 1:7 - Nyaa Shɔɔ Ɓɔɔ Laa a Ɓɛɛ

⁷ Nɔɔ pàlɛ̀ zɔɔ tɔ̃ɔ, naa nɔɔ jaa nàá gbete, ka yuu nwannang keɓe. Nɔɔ ti kasɛ zang piti.

2 Bituru 1:7 Σταυροειδείς Αναφορές

Rooma 12:10

Nɔɔ kasɛ ruu zɔɔ gbãng gbãng, ka ruu ɓɔɔ, nɔɔ kaa gbete ka gbalang Kirisi ɓɛɛ. Nɔ́ɔ zarɛ bii ka nɔng ɓɔɔ nɔɔ a zɔɔ bannang kpang.

Galati 6:10

Ka ruu nɔngkɔ, diki diki naa ɓɔɔ ruu zunung katɔ ɓɛɛ, ruu pàlɛ̀ zang piti tɔ̃ɔ. Ruu pàlɛ̀ manzung ɓuru ɓɔɔ ri shing danggn tɔ ka bii Laa kɔ tɔ̃ɔ gbãng gbãng.

Kolosi 3:14

Ka yuu rɛɛ vuu keɓe, nɔɔ kàsɛ̀ ruu zɔɔ katɔ. Zɔɔ kasɛnang kɔ ɓákɛ̀ vuu piti wu nwang gbete.

1 Tesalonika 3:12

Kpanti ɓuru wu shingnɛ zɔɔ kasɛnang manɛ nɛɛ naa ɓɔɔ nɔɔ kasɛ zang piti, wu daa nɛɛ ting kɔ sasak. Tɔ̀ɔ, nɔɔ naa kasɛ zang kaa naa ɓɔɔ ruu kasɛ nɔɔ ɓɛɛ.

1 Tesalonika 5:15

Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.

Yahudi 13:1

Nɔɔ yi tĩng nɛɛ zɔɔ kasɛnang, wee nɔɔ manzung zɔɔ ka gbalang Laa dũnnang ɓee.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Bituru 2:17

Nɔ́ɔ a zang piti bannang katɔ. Nɔ́ɔ ti kàsɛ̀ ruu zang ɓɔɔ ri dũng doo Laa kɔ katɔ. Nɔ́ɔ kaa vɔrɔ Laa katɔ. Nɔ́ɔ ti a kpanti bannang katɔ.

1 Bituru 3:8

N hangsɛ nɔɔ nyaa ruu kaa nɛɛ ruu keɓe. Nɔɔ nandon nyaa manɛ wu daa gbete, gn zɔɔ wu kɔng nɔɔ katɔ, nɔɔ kasɛ ruu zang ɓɔɔ ri dũng doo Laa kɔ katɔ, ka ruu ɓɔɔ ri ɓarɛ rɛɛ ɓaazung ɓɛɛ. Nɔ́ɔ ti pàlɛ̀ zɔɔ tɔ̃ɔ katɔ, a nɔ́ɔ ti lakɛ jĩng kpang.

1 Yɔhana 3:14

Ruu zi tɔ nɛɛ ruu ɓuru tɔ̀ɔ́ ka naa vɔrɔ kpang. Ruu ɓuru kaa zang ningkãari, ka ruu ɓɔɔ, ruu kasɛ ruu zɔɔ ɓuru katɔ ɓɛɛ. Zang ɓɔɔ kasɛ ruu ɓeezung kpang, ɓi dòo ka naa vɔrɔ.

1 Yɔhana 3:16

Yeesɔ Kirisi tusu ruu, rúu zang kasɛnang ka ɓɔɔ wu mãlɛ́ bii ɓiɓɛ ka ruu ɓuru ɓɛɛ. Ka ruu nɔngkɔ, ruu mãlɛ́ bii ɓuru ta jong ka ruu manzung ɓuru.

1 Yɔhana 4:21

Kirisi dang ruu nyaa tɔ nɛɛ, zang ɓɔɔ kasɛ Ruu Laa, wu ti kasɛ ruu ɓeezung jong.