2 Bituru 1:4 - Nyaa Shɔɔ Ɓɔɔ Laa a Ɓɛɛ

⁴ Ka gbalang keɓe, a ruu vuu bang bang ɓɔɔ bɛ̀ɛ́ kɔɔyi nɛɛ wu a ruu ɓɛɛ, ɓɔɔ naa nwǎng ruu vuu tɔ̃ɔ katɔ ɓɛɛ. Palɛ vuu keɓe nɔngkɔ, nɛɛ tɔ̀ɔ, ka ruu rɛɛ vuu keɓe, ruu wɔ nɛɛ naa vuu shi kpang ɓɔɔ ka koo keɓe, ɓɔɔ zang koo keɓe ri kasɛ ɓɛɛ. Tɔ̀ɔ, nɔɔ yi tĩng kɔ jong. Laa wu a nɔɔ zɔ̃ng nwannang ɓiɓɛ.

2 Bituru 1:4 Σταυροειδείς Αναφορές

Rooma 9:4

Rikɔ zang Isirela, Laa shing ri, ri ràa wujɛ ɓiɓɛ, a tusu ri bannang ɓiɓɛ. Laa mã nyaa nɛɛ ri, a ri nyaa ɓɔɔ wu dangnɛ ɓɛɛ. Rikɔ zunung Laa bannang ka gbalang ɓɔɔ tɔ̃ɔ ɓɛɛ. A Laa ti a rikɔ nyaa.

2 Koranti 1:20

Ka ruu ɓɔɔ, nyaa ɓɔɔ Laa a zang nandon, Laa palɛ katɔ nɛɛ bii ɓiɓɛ kɔ. Ka ruu nɔngkɔ, ruu nɛɛ kɔɔ tɔ nɛɛ, “Wu nwang nɔngkɔ,” nɛɛ bii Yeesɔ Kirisi. Ruu a Laa ɓuru bannang.

2 Koranti 3:18

Ɓɔɔ ruu dũng Laa nɔngkɔ, sɛ̃ɛ fɔ̃ɔrɔ keɓe zùu jĩng ɓuru kpang, ruu zi bannang Kpanti Laa katɔ. Bannang keɓe, ɓɔɔ a nɛɛ bii Kpanti Laa ɓɔɔ ɓi suru ɓɛɛ, rìsí ruu kana, tɔ̀ɔ, ruu nwang naa wukɔ. Ti gìsí ruu bannang ɓɔɔ naa ɓɔɔ ɓiɓɛ gbãng gbãng ɓɛɛ kana, ka yuu zɔɔ, yuu zɔɔ.

2 Koranti 6:17

Ka ruu nɔngkɔ, Laa kɔɔyi tɔɔ, “Nwang ta, nɔ́ɔ yaa teteng ɓarɛ, nɔɔ kusu yuu manɛ dang gbete. Nɔ́ɔ pálɛ̀ vuu ɓɔɔ shi kpang, kpang, tɔ̀ɔ, n ta nɔɔ kati, nɔ́ɔ nwang zang mɛɛ.

Galati 3:16

Ruu keɓe doo nɔngkɔ, Laa a ɓi Ibirayi nɛɛ zɔ̃ng ɓiɓɛ rɛɛ nyaa keɓe. Laa kɔɔ kpang ka yeti labeenang ɓiɓɛ nɛɛ, “Rɛɛ zɔ̃ng ɓaaɓɛ” Kpang. Nɛɛ nwàng kaa naa ráng yee ka yuu zang dɔɔli. Kɔɔyi tɔɔ, “Zɔ̃ng ɓaaɓɛ.” Rang yee ka yuu zang gbete kɔ nwani. Zang gbete keɓe wukɔ Kirisi.

Galati 6:8

Naa zang ɓɔɔ ɓaa vuu shi kpang ɓɔɔ bii shɔnzang ɓiɓɛ kasɛ ɓɛɛ, ti naa nwǎng wu ɓi vɔrɔ. Zang ɓɔɔ nɛɛ ɓayi, nɛɛ tɔɔ Suru Laa wu tãa tĩnang, naa nwǎng wu suru bii ɓɔɔ waa nyaa kpang ɓɛɛ.

Afisa 4:13

Ka ruu weɓe kɔ, ruu nandon ruu naa nwang nɔɔ gbete ka danggn ɓɔɔ ruu shing ka bii Jaa Laa ɓɛɛ, a ɓɔɔ ti ka naa ɓɔɔ ruu zì Jaa Laa ɓɛɛ. Tɔ̀ɔ, ruu naa zũng danggn kati, naa Kirisi, tɔ̀ɔ ruu nwang kaa naa wu dɔ̃ɔ gbete.

Kolosi 3:10

Nɔ̀ɔ hãa bii shɔɔ tɔ, ɓɔɔ Laa risi shɔɔ diki diki ka doo nwannang ɓiɓɛ ɓɛɛ. Tɔ̀ɔ, wu shíng nɔɔ, nɔ́ɔ zi wu kaa dɔ̃ɔ gbete.

Yahudi 12:10

Rɛɛ daa ɓuru ri gɔ̃ ruu shoo diki bee kpang, naa ɓɔɔ ri zirɛ daa ɓɛɛ. A shoo ɓɔɔ Laa gɔ̃ ruu nwǎng ɓi rukɔ tɔ̃ɔ, tɔ̀ɔ, ruu nwang kaa jong zang ɓɔɔ shi kpang ka bii ɓuru kpang naa wu.

Yahudi 9:15

Ka ruu ruu keɓe kɔ, Kirisi shing tɔ, Laa mã nyaa shɔɔ nɛɛ ruu. Tɔ̀ɔ, zang ɓɔɔ Laa ɓaa ri nyaa, ri walɛ vuu ɓɔɔ Laa a ri nyaa ka yuu ɓiɓɛ ɓɛɛ, gbinggbing. Ka ruu ɓɔɔ, Kirisi ɓɔɔ vɔ tɔ, ta ri tɔ nɛɛ jĩng ɓɔɔ zang nɛɛ dang ri, ka ruu vuu shi kpang ɓɔɔ ri palɛ, bɛ̀ɛ́ ri dũng doo nyaa tĩng shɔɔnang ɓɔɔ Laa mã́ nɛɛ ri ɓɛɛ.

Yakubu 1:27

Laa dũnnang ɓɔɔ Daa ɓuru Laa zirɛ nɛɛ wukɔ kalang kalang, a ti tɔ̃ɔ ka jĩng ɓiɓɛ keɓe, nɛɛ zang lengke jĩng ka rɛɛ javɔ, nɛɛ rɛɛ suvɔ ɓɔɔ ri dang jĩng ɓɛɛ. Zang wu lee naa ka vuu shi kpang ɓɔɔ ka koo keɓe kpang.

2 Bituru 1:1

Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.

2 Bituru 3:13

Laa kɔɔ ruu ɓuru tɔ, nɛɛ wu naa mãa lapa shɔɔ nɛɛ koo shɔɔ. Nɔng ɓɔɔ vuu piti naa nwang ɓi tɔ̃ɔ diki diki ɓɛɛ. Wee ɓi vuu ɓɔɔ ruu gã ɓɛɛ kɔ.

2 Bituru 3:9

Zang ɓɔɔ ri kɔɔyi nɛɛ Laa sùu zang kãng dɔɔli, pálɛ̀ vuu ɓɔɔ wu kɔɔyi nɛɛ wu palɛ ɓɛɛ kpang. Ɓi nɔngkɔ kpang, Laa mã ɓi danggn kɔ jong nɛɛ nɔɔ. Laa yaa zang ɓi gbalang nɛɛ, wu yaa vuu shi kpang ɓɔɔ wu palɛ ɓɛɛ. Kasɛ kpang nɛɛ zang ɓɔɔ wu shaarɛ kpang, kasɛ nɛɛ zang piti ri kɔ̃sɔ yeti, ri yaa vuu shi kpang ɓɔɔ ri palɛ ɓɛɛ.

1 Yɔhana 2:25

Vuu ɓɔɔ Yeesɔ kɔɔyi tɔɔ, wu naa a ruu, wukɔ suru bii ɓɔɔ waa nyaa kpang ɓɛɛ.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.