2 Bituru 1:3 - Nyaa Shɔɔ Ɓɔɔ Laa a Ɓɛɛ

³ Yeesɔ Kirisi kɔ shingnɛ a ruu zi Laa ɓɔɔ wukɔ zɔ̃ng ruu nɛɛ ruu nwang nɛɛ wu ka nɔng bannang ɓiɓɛ ɓɛɛ, a ruu ti nwang zɔ̃ng nwannang tɔ̃ɔ ɓiɓɛ. Ka ruu ɓɔɔ, ruu zi Laa tɔ, a ruu vuu piti nɛɛ naa vuu palɛnang ɓiɓɛ. Vuu ɓɔɔ yi ruu naa kagn, ruu nwang nwannang tɔ̃ɔ, ruu ti dũng gbalang ɓɔɔ Laa tãa tĩnang ɓɛɛ.

2 Bituru 1:3 Σταυροειδείς Αναφορές

Matiyu 28:18

A Yeesɔ arɛ naa kɔɔ ri tɔɔ, “Laa a m naa tɔ ka yuu vuu ɓɔɔ ka lapa, nɛɛ ɓɔɔ ka tipi nandon.

Rooma 8:32

Laa zãa Jaa ɓiɓɛ jĩng dannang kpang, a zang wu, nɛɛ zang nyɔ wu vɔrɔ ka ruu ɓuru nandon. Naa a ruu vuu piti ɓi kaa tɔ̀ɔ́ waati nɛɛ wu ning kpang ya?

Rooma 9:24

Ka ruu ɓɔɔ, ɓi rukɔ zang ɓɔɔ wu zɔ̃ngkɔ ruu ɓɛɛ. Zɔ̃ngkɔ ruu ka teteng zang Yahudi kɔ shɛ̃ɛning kpang, zɔ̃ngkɔ jong ka teteng zang ɓɔɔ ri zang Yahudi kpang ɓɛɛ.

1 Koranti 1:9

Laa pálɛ̀ vuu ɓɔɔ wu kɔɔyi nɛɛ wu palɛ ɓɛɛ ɓi katɔ diki diki. Wukɔ ɓàa nɔɔ nyaa nɛɛ nɔ́ɔ naa ɓakɛ zɔɔ nɛɛ Jaa ɓiɓɛ, ɓɔɔ zang ɓaa nɛɛ Yeesɔ Kirisi ɓɔɔ wukɔ Kpanti ɓuru ɓɛɛ.

2 Koranti 12:9

A kasɛ m nyaa tɔɔ, “Tɔ̃ɔ ɓɔɔ n pàlɛ́ mɔɔ wukɔ yi mɔɔ naa ka bii, ka ruu ɓɔɔ, naa vuu palɛnang mɛɛ palɛ shonang gbãng gbãng ka ɓɔɔ mɔɔ lakɛ naa ka bii ka vuu Suru Laa kpang ɓɛɛ.” N tãa kaa tĩnang gbãng gbãng, n tuu yuu mɛɛ ka yuu naa ɓɔɔ n lakɛ náa ka bii ka vuu Suru Laa kpang ɓɛɛ, tɔ̀ɔ, n tãa naa vuu palɛnang Yeesɔ Kirisi ɓɔɔ yiti m ɓɛɛ kati.

Afisa 4:1

Ka ruu nɔngkɔ, ǹ ɓɔɔ, zang mã m ka sãa ka ruu ɓɔɔ ǹ palɛ Kpanti Yeesɔ shonang ɓɛɛ, n kɔ̀ɔ́ nɔɔ, nɔɔ nwang nwannang ɓɔɔ daa naa nyaa ɓaanang ɓɔɔ Laa ɓàa nɔɔ ɓɛɛ.

Afisa 4:4

Zang ɓɔɔ ri shing danggn tɔ ka bii Laa, ri kaa bii gbete, a Suru Laa ti gbete, naa ɓɔɔ gn shinnang ɓɔɔ Laa ɓaa nɔɔ nyaa ka ruu ɓiɓɛ ti doo gbete kɔ ɓɛɛ.

Filipi 3:8

Niizang, vuu naa mɛɛ nandon, n risi tɔ naa vuu ɓɔɔ kpang, ka ruu ɓɔɔ zinang ɓɔɔ n zi Kpanti mɛɛ Yeesɔ Kirisi, ɓa vuu piti katɔ ɓɛɛ. Ka ruu Yeesɔ kɔ n yaa vuu piti tɔ. N risi vuu piti naa vuu wɔ̀sɔ̀nang, tɔ̀ɔ, n wàlɛ̀ m kaa Yeesɔ kɔ shɛ̃ɛning.

Filipi 4:8

Rɛɛ manzung, ruu ɓɔɔ n gɔɔ nyaa nɛɛ mani keɓe. Nɔɔ rɛ̃rɛ ka yuu rɛɛ vuu ɓɔɔ niizang ɓɛɛ, ɓɔɔ daa naa ɓɔɔ zang seng katɔ ɓɛɛ. Rɛɛ vuu ɓɔɔ teetee ɓɛɛ, vuu ɓɔɔ shi kpang kagn kpang ɓɛɛ, vuu ɓɔɔ shi dɔɔli ɓɛɛ, vuu ɓɔɔ zang kasɛ, a zang ti a wu bannang katɔ ɓɛɛ, vuu nandon ɓɔɔ daa naa dɔɔnang katɔ ɓɛɛ.

Kolosi 1:16

ka ruu ɓɔɔ, Laa mãa vuu nandon ka lapa nɛɛ tipi nɛɛ bii ɓiɓɛ kɔ. Ɓɔɔ vuu ɓɔɔ zang zi katɔ nɛɛ rɛɛ vuu ɓɔɔ zang zi nɛɛ jĩng kpang, nɛɛ rɛɛ vuu ɓɔɔ naa vuu palɛnang ɓarɛ kagn ɓɛɛ, nɛɛ rɛɛ zang bang bang nandon. Laa mãa koo keɓe nandon nɛɛ bii ɓiɓɛ kɔ, ti ka ruu ɓiɓɛ.

1 Tesalonika 2:12

Ruu tusu nɔɔ vuu ɓɔɔ daa bii katɔ ɓɛɛ. Ruu mã nɔɔ danggn, ruu yi tĩng, ruu kɔɔ nɔɔ nɛɛ nɔɔ nwang zɔ̃ng nwannang ɓɔɔ shing Laa, Laa tãa tĩnang ɓɛɛ. Laa ɓɔɔ ɓáa nɔɔ nyaa nɛɛ nɔɔ naa nwang jong ka teteng zang ɓɔɔ wu nwang kpanti ɓarɛ ɓɛɛ, nɔɔ zi bannang ɓiɓɛ.

1 Tesalonika 4:7

Laa ɓaa ruu nyaa nɛɛ ruu naa nwang ka yeti dũndũng palɛnang kpang, nɛɛ ruu nwang ɓuru naa ɓɔɔ wu kasɛ ɓɛɛ.

2 Tesalonika 2:14

Laa ɓaa nɔɔ nyaa nɛɛ nɔɔ nwang zang ɓiɓɛ nɛɛ Ruu Tɔ̃ɔ ɓɔɔ ruu kɔɔ nɔɔ ɓɛɛ. Ɓaa nɔɔ nyaa nɛɛ nɔɔ naa tãa tĩnang jong ka ruu bannang Kpanti ɓuru Yeesɔ Kirisi.

1 Timoti 4:8

Pĩirinang ɓi tɔ̃ɔ, ka ruu ɓɔɔ, shing bii ɓaaɓɛ lakɛ katɔ ɓɛɛ. Naa mɔɔ kpɛ̃ɛrɛ yuu ɓaaɓɛ vuu Suru Laa, nwang mɔɔ tɔ̃ɔ, ka gbalang naa bm bm. Nwǎng mɔɔ tɔ̃ɔ ka nwannang ɓuru kãntang keɓe, ti naa nwàng mɔɔ tɔ̃ɔ ka ɓɔɔ koo naa waa nyaa ɓɛɛ.

2 Timoti 1:9

Wukɔ ɓàa ruu nyaa, a tà yuu ɓuru, nɛɛ ruu nwang nwannang tɔ̃ɔ. Wu ka ruu vuu ɓɔɔ ruu pálɛ̀ ɓɛɛ kpang, ɓi ka ruu tɔ̃ɔ ɓɔɔ wu mang ka yeti ɓiɓɛ ɓɛɛ. Laa pàlɛ̀ ruu tɔ̃ɔ ɓiɓɛ nɛɛ bii Yeesɔ Kirisi bɛ̀ɛ́ zang mãa koo gn kpang.

Yahudi 1:3

Jaa keɓe, nɔng yakɛnang bannang Laa kagn bii ɓiɓɛ. Rùu ti zi naa ɓɔɔ Laa nwàng ɓɛɛ, ka bii ɓiɓɛ kɔ dɔ̃ɔ gbete. Wukɔ ti yiti koo nɛɛ naa vuu palɛnang ruu ɓiɓɛ. Ka knti ɓɔɔ wu sɔɔ zang vuu shi kpang ɓarɛ tɔ, daa nwàng ka nɔng nwannang ɓiɓɛ ka lapa, ka nakn Laa ɓɔɔ ɓa zang piti katɔ ɓɛɛ.

1 Bituru 1:15

Naa ɓɔɔ Laa ɓɔɔ ɓaa nɔɔ nyaa nɛɛ, nɔɔ nwang zang ɓiɓɛ, palɛ vuu shi kpang ɓi kpang, nɔ́ɔ palɛ vuu shi kpang doo kpang kɔ, ka nwannang manɛ ka vuu ɓɔɔ nɔɔ palɛ piti.

1 Bituru 1:5

Laa ti gã nɔɔ nɛɛ naa vuu palɛnang ɓiɓɛ, nɔɔ ɓɔɔ nɔɔ shing danggn ka bii ɓiɓɛ ɓɛɛ. Tɔ̀ɔ, zang piti ri zi kati nɛɛ jĩng ɓarɛ, nɛɛ Laa ta yuu manɛ ditɔ ka diki ɓɔɔ koo waa nyaa kagn ɓɛɛ.

1 Bituru 2:21

Laa ɓaa nɔɔ nyaa nɛɛ, nɔ́ɔ nwang zang ɓiɓɛ nɛɛ naa nɔɔ nɛɛ palɛ tɔ̃ɔ a zang dang nɔɔ jĩng, nɔɔ mã danggn katɔ. Ka ruu ɓɔɔ, Yeesɔ Kirisi nɛɛ yuu ɓiɓɛ, dang jĩng ka ruu manɛ ɓɛɛ. Nwannang ɓiɓɛ kɔ tusu nɔɔ naa ɓɔɔ nɔɔ nwáng ɓɛɛ.

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.

1 Bituru 3:9

Zang ɓɔɔ nɛɛ pàlɛ̀ nɔɔ shi kpang, nɔ́ɔ ti palɛ ri doo shi kpang kɔ kpang. Zang ri nɛɛ dãa nɔɔ, nɔ́ɔ ti dãa ri jong kpang. Nɔɔ gàa ri manɛ Laa kɔ jong, wu pàlɛ̀ ri tɔ̃ɔ, ka ruu ɓɔɔ, Laa shɛ̃ɛrɛ nɔɔ nɛɛ wu pàlɛ́ nɔɔ tɔ̃ɔ ɓɛɛ.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

2 Bituru 1:10

Ka ruu nɔngkɔ, rɛɛ manzung, n gaa nɔɔ, nɔɔ shing jĩng kagn, nɔɔ palɛ rɛɛ vuu keɓe nɛɛ kaka manɛ, ka ruu ɓɔɔ, Laa ɓaa nɔɔ nyaa a ti zɔ̃ng nɔɔ nɛɛ nɔ́ɔ palɛ naa weɓe kɔ ɓɛɛ. Naa nɔɔ palɛ rɛɛ vuu keɓe, nɔɔ yaa gbalang Laa kpang dòndòng.

2 Bituru 1:2

Laa wu palɛ nɔɔ tɔ̃ɔ, wu shingnɛ yeti manɛ wu ti valɛ katɔ, ka ɓɔɔ nɔɔ zi vuu ka yuu Laa nɛɛ yuu Kpanti ɓuru Yeesɔ ka yuu zɔɔ, yuu zɔɔ ɓɛɛ.

2 Bituru 1:5

Ka ruu nɔngkɔ, wee nɔɔ shing danggn tɔ ka bii Yeesɔ Kirisi ɓee, nɔɔ gisi nwannang tɔ̃ɔ kaa gn, nɔ́ɔ ti gisi zũnang ka yuu nwannang tɔ̃ɔ manɛ.

2 Bituru 1:6

Wu zũnang kɔ shɛ̃ɛning kpang, nɔɔ ti yiti yuu manɛ waasɛ̃. Nɔɔ ti mã danggn gbãng gbãng, nɔɔ nɛɛ mã danggn tɔ, nɔɔ ti nwang nwannang ɓɔɔ Laa tãa tĩnang ɓɛɛ.

2 Bituru 1:8

Naa nɔɔ palɛ rɛɛ vuu keɓe diki diki, zinang ɓɔɔ nɔɔ zì Kpanti ɓuru Yeesɔ Kirisi naa nwǎng nɔɔ vuu ɓɔɔ katɔ. Nwannang manɛ ti nwǎng nɔɔ vuu ɓɔɔ katɔ.

2 Bituru 2:20

Naa zang ri zi Yeesɔ Kirisi ɓɔɔ wukɔ Kpanti ɓuru, a wukɔ ti ta yuu ɓuru, a ri yaa vuu shi kpang ɓɔɔ koo keɓe, ɓɔɔ shing zang, zang ri nwang zang shi kpang ɓɛɛ. Ri nɛɛ naa ràa jĩng tɔkn, ri gaayu rɛɛ vuu shi kpang keɓe palɛnang nɛɛ knti, nwannang ɓarɛ naa lasɛ, ɓa ɓɔɔ tĩng shɔɔnang kaa tɔ.

2 Bituru 3:18

Nɔɔ dũng manɛ Kpanti ɓuru Yeesɔ Kirisi kɔ jong, ɓɔɔ wukɔ ta yuu ɓuru ɓɛɛ. Tɔ̀ɔ, wu palɛ nɔɔ tɔ̃ɔ kaa yuu zɔɔ, yuu zɔɔ. Zinang ɓɔɔ nɔɔ zi wu, wu ti daa ka tĩng. Zang ri a wukɔ bannang dòndòng. Nɔngkɔ.