2 Bituru 1:12 - Nyaa Shɔɔ Ɓɔɔ Laa a Ɓɛɛ

¹² Ka ruu nɔngkɔ, n kpàarɛ́ nɔɔ danggn rɛɛ vuu keɓe dòo nɛɛ mani ka wee nɔɔ zi ri tɔ, a nɔɔ ti shii tɔ gbãng gbãng ka yuu ruu niizang kɔ nɔɔ ta ɓee.

2 Bituru 1:12 Σταυροειδείς Αναφορές

Zang Shonang Yeesɔ 16:5

Ka ruu nɔngkɔ, Laa yi zang ɓɔɔ ri dũng wu naa ka bii, a ri shing danggn ka bii ɓiɓɛ gbãng gbãng, a ri ti shang kaa diki diki.

Filipi 3:1

Rɛɛ manzung, ń gisi nɔɔ ruu keɓe. Kpanti ɓuru wu shingnɛ nɔ́ɔ tãa tĩnang dɔɔli. Naa wee n bee nɔɔ doo vuu ɓɔɔ n bèe nɔɔ tɔ ka tĩng ɓee, vuu keɓe kpãa m kpang. Niizang n palɛ nɔngkɔ, tɔ̀ɔ, vuu ɓɔɔ wu lee nɔɔ naa kaa tɔ̀ɔ́ bii kpang.

Kolosi 1:5

Nɔɔ palɛ naa wee waati kpang, nɔɔ palɛ ka ruu gn ɓɔɔ nɔɔ shing ka yuu vuu ɓɔɔ zang shing nɔɔ ka lapa, nɔɔ tãa nyaa vuu keɓe tɔ ka ting nɛɛ bìí Ruu Tɔ̃ɔ Laa ɓɔɔ zang kɔ̀ɔrɔ̀ nɔɔ ɓɛɛ.

Kolosi 2:7

Nɔɔ ɓáa saara manɛ ka bii ɓiɓɛ, tɔ̀ɔ, nɔɔ bang kati. Tɔ̀ɔ, nɔɔ shii ka gbãng gbãng ka danggn ɓɔɔ nɔɔ shing ɓɛɛ, naa ɓɔɔ zang tusu nɔɔ ɓɛɛ. Nɔɔ ti zãa Laa ka yeti manɛ diki diki.

1 Timoti 4:6

Naa mɔɔ kɔɔ rɛɛ ɓaazung, ɓɔɔ ri dũng doo Laa kɔ ruu keɓe diki diki, mɔɔ nwang zang shonang tɔ̃ɔ ɓɔ̀ɔ́ Yeesɔ Kirisi. Mɔɔ ti alɛ ɓaa suru bii ɓaaɓɛ ruu niizang ɓɔɔ zang kɔ̀ɔ́ ka yuu danggn shinnang, nɛɛ vuu ɓɔɔ zang tùsù mɔɔ, a mɔɔ yiti gbãng gbãng ɓɛɛ.

2 Timoti 1:6

Ka ruu nɔngkɔ, n kpàá mɔɔ danggn, mɔɔ palɛ shonang nɛɛ vuu ɓɔɔ Laa a mɔɔ ka ɓɔɔ n shìng mɔɔ naa ka yuu ɓɛɛ.

Yahudi 10:32

Nɔɔ kpaa danggn diki ɓɔɔ ɓa tɔ ɓɛɛ, ka knti ɓɔɔ nɔɔ zi ruu ɓɔɔ niizang ɓɔɔ ka yuu Kirisi tɔ. Nɔɔ mã danggn, a nɔɔ táarɛ́ yuu gbãng gbãng ka jĩng dannang.

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

1 Bituru 5:12

Ɓi Siila yì m naa kagn, a bèe nɔɔ labeenang tɔkɔlɔng kɔ n a nɔɔ ɓee. N zi tɔ Siila ɓi dòo zang ɓɔɔ dũng Laa kɔ nɛɛ ruu. Siila daa naa ɓɔɔ zang shing gn ka bii ɓiɓɛ tɔ. N bèé nɔɔ ruu keɓe n tɔɔ, n mã nɔɔ danggn. N ti kɔɔ nɔɔ faarik nɛɛ niizang, wee ɓi naa ɓɔɔ Laa pàlɛ̀ ruu tɔ̃ɔ ɓɛɛ kɔ. Ka ruu nɔngkɔ, nɔɔ shíi nɛɛ kaka ka rɛɛ vuu keɓe.

2 Bituru 1:13

Ka wee n dòo ningkãari ka koo ɓee, n zirɛ tɔ̃ɔ, ń kpàarɛ̀ nɔɔ danggn rɛɛ vuu keɓe, tɔ̀ɔ nɔ́ɔ kpalɛ bii diki diki.

2 Bituru 1:15

N palɛ vuu ɓɔɔ n zunung katɔ ɓɛɛ ditɔ, n shing nɔɔ danggn rɛɛ vuu keɓe wu ning nɔɔ kpang, ka knti ɓɔɔ bɛ̀ɛ́ n vɔ tɔ ɓɛɛ.

2 Bituru 3:1

Masang, ɓɔɔ n kasɛ ruu manɛ dɔɔli ɓɛɛ, n bèé nɔɔ labeenang daa kaa nɛɛ weɓe doo ziti. Ka yeti labeenang ziti keɓe, n kpàa nɔɔ danggn rɛɛ vuu ɓɔɔ bɛ̀ɛ́ nɔɔ zi tɔ ɓɛɛ, tɔ̀ɔ, wu shing nɔɔ, nɔɔ rɛ̃rɛ kaa tɔ̃ɔ ka yuu rɛɛ vuu keɓe.

2 Bituru 3:17

Masang ɓɔɔ n kasɛ ruu manɛ dɔɔli ɓɛɛ, ɓɔɔ manɛ nɔɔ zi vuu keɓe manɛ tɔ, ka ruu nɔngkɔ, n kɔɔ nɔɔ, nɔɔ gãng jĩng waasɛ̃. Zang ɓɔɔ ri dũng nyaa Laa kpang, ri nɛ̀ɛ́ shing nɔɔ, nɔ́ɔ palɛ vuu shi kpang ɓɔɔ ri palɛ ɓee. Rí nɛɛ ti wàlɛ́ gbalang ri shing nɔɔ, nɔ́ɔ yaa nɔng tɔ̃ɔ kɔ nɔɔ shii kagn ɓɛɛ.

1 Yɔhana 2:21

N bèé nɔɔ wu ka ruu ɓɔɔ nɔɔ zi ruu ɓɔɔ niizang kpang ɓɛɛ kpang. N bèé nɔɔ, ka ruu ɓɔɔ, nɔɔ zi tɔ ɓɛɛ. Nɔɔ ti zi tɔ nɛɛ, ruu sèé hãa naa ɓi kagn nɛɛ ruu ɓɔɔ niizang kpang.

2 Yɔhana 1:2

Ka ruu ruu niizang ɓɔɔ ka yeti ɓuru, ɓɔɔ ti nwàng kaa nɛɛ ruu gbinggbing ɓɛɛ.

Yahuza 1:17

Rɛɛ masang, danggn vuu ɓɔɔ zang nyaa shonang Yeesɔ Kirisi ri kɔɔ nɔɔ ka tĩng, wu ning nɔɔ kpang.

Yahuza 1:3

Masang, ɓɔɔ n kasɛ nɔɔ dɔɔli ɓɛɛ, bɛ̀ɛ́ n wàá doo diki ɓɔɔ n bèé nɔɔ labeenang ka ruu yuu ɓuru ɓɔɔ Yeesɔ ta ɓɛɛ. A vuu ɓɔɔ shing m kãntang keɓe n bèé nɔɔ labeenang, n kasɛ n kɔɔ nɔɔ nɛɛ nɔɔ shii nɛɛ bang, ka ruu danggn shinnang kɔ Laa a zang ɓiɓɛ tɔ dɔ̃ɔ gbete ɓee.

Yahuza 1:5

Ruu kɔ n tɔɔ n kɔ̀ɔ́ nɔɔ ɓee, nɔɔ zi tɔ. N tɔɔ n kpaa nɔɔ m danggn kaa naa ɓɔɔ Laa ta yuu zang Isirela nɛɛ tipi Masara ɓɛɛ, a nɛɛ knti naa ningsi zang ɓɔɔ ka teteng ɓarɛ ɓɔɔ ri shing danggn ka bii ɓiɓɛ kpang ɓɛɛ.