2 Bituru 1:10 - Nyaa Shɔɔ Ɓɔɔ Laa a Ɓɛɛ

¹⁰ Ka ruu nɔngkɔ, rɛɛ manzung, n gaa nɔɔ, nɔɔ shing jĩng kagn, nɔɔ palɛ rɛɛ vuu keɓe nɛɛ kaka manɛ, ka ruu ɓɔɔ, Laa ɓaa nɔɔ nyaa a ti zɔ̃ng nɔɔ nɛɛ nɔ́ɔ palɛ naa weɓe kɔ ɓɛɛ. Naa nɔɔ palɛ rɛɛ vuu keɓe, nɔɔ yaa gbalang Laa kpang dòndòng.

2 Bituru 1:10 Σταυροειδείς Αναφορές

Matiyu 22:14

A Yeesɔ naa hangsɛ nyaa kati tɔɔ, “Zang ɓɔɔ zang gaarɛ, ri dɔɔli, a zang ɓɔɔ zang shɛ̃ɛrɛ, ri kaa tɔ̀ɔ́ dɔɔli kpang.”

Rooma 11:29

Ka ruu ɓɔɔ, Laa nɛɛ zɔ̃́ng zang tɔ, bɛ̃ɛ ri ɓi takpang, nɛɛ ti a zang vuu tɔ, tà ɓi tɔ̀ɔ́ tɔkn kpang.

2 Timoti 2:19

A doo gãa ɓɔɔ Laa loo ɓɛɛ, shii ɓi katɔ katakata, zang zĩiti kpang. Zang bee vuu keɓe ka bii ɓiɓɛ nɛɛ, “Laa zi rɛɛ zang ɓɔɔ ri ɓarɛ ɓɔɔ ɓiɓɛ tɔ”. A “Zang ɓɔɔ nɛɛ kɔɔyi nɛɛ, wu ɓɔɔ Kpanti Laa, wu yaa gbalang vuu shi kpang ɓɔɔ wu palɛ katɔ.”

Yahudi 6:11

Rùu kasɛ zang ɓu ka teteng manɛ wu shing yuu kagn, diki ɓɔɔ koo waa nyaa wu a nɛɛ mani. Tɔ̀ɔ, wu wàlɛ̀ vuu ɓɔɔ wu shing gn kagn ɓɛɛ kati.

Yahudi 6:19

Gn ɓɔɔ ruu shing keɓe kɔ yiti ruu gbatagbata, vuu ɓɔɔ lee ruu naa ka bii kpang. Ka ruu nɔngkɔ, ruu dàa ka nɔng ɓɔɔ Laa kagn. Ruu ɓa fɔ̃ɔrɔ ɓɔɔ zang ku nyaa gãa Nɔng ɓɔɔ shi kpang kagn kpang, nɛɛ mani ɓɛɛ.

Yakubu 2:10

Zang ɓɔɔ nɛɛ dũng nyaa dannang Laa nandon tɔ̃ɔ tɔ̃ɔ, a naa ta gbete, nwang ɓi kaa naa ɓɔɔ ta nandon ɓɛɛ.

1 Bituru 1:2

Nɔɔ manɛ zang ɓɔɔ Daa ɓuru Laa zi vuu ɓɔɔ nɛɛ wu palɛ nɛɛ nɔɔ tɔ, doo ka tĩng tɛ̃ɛ tɛ̃ɛ ɓɛɛ. Laa shɛ̃ɛrɛ nɔɔ nɛɛ naa vuu palɛnang Suru ɓiɓɛ, nɛɛ nɔ́ɔ nwang zang ɓiɓɛ, nɔ́ɔ ɓaa shoo ka nyaa Yeesɔ Kirisi. Zĩi Yeesɔ keɓe wu sɔ̀ɔ nɔɔ, nɔ́ɔ nwang zang tɔ̃ɔ ka tĩng Laa. Laa wu gisi nɔɔ tĩnang tãanang, wu ti shingnɛ yeti manɛ wu valɛ katɔ diki diki.

1 Bituru 1:5

Laa ti gã nɔɔ nɛɛ naa vuu palɛnang ɓiɓɛ, nɔɔ ɓɔɔ nɔɔ shing danggn ka bii ɓiɓɛ ɓɛɛ. Tɔ̀ɔ, zang piti ri zi kati nɛɛ jĩng ɓarɛ, nɛɛ Laa ta yuu manɛ ditɔ ka diki ɓɔɔ koo waa nyaa kagn ɓɛɛ.

2 Bituru 1:3

Yeesɔ Kirisi kɔ shingnɛ a ruu zi Laa ɓɔɔ wukɔ zɔ̃ng ruu nɛɛ ruu nwang nɛɛ wu ka nɔng bannang ɓiɓɛ ɓɛɛ, a ruu ti nwang zɔ̃ng nwannang tɔ̃ɔ ɓiɓɛ. Ka ruu ɓɔɔ, ruu zi Laa tɔ, a ruu vuu piti nɛɛ naa vuu palɛnang ɓiɓɛ. Vuu ɓɔɔ yi ruu naa kagn, ruu nwang nwannang tɔ̃ɔ, ruu ti dũng gbalang ɓɔɔ Laa tãa tĩnang ɓɛɛ.

2 Bituru 1:5

Ka ruu nɔngkɔ, wee nɔɔ shing danggn tɔ ka bii Yeesɔ Kirisi ɓee, nɔɔ gisi nwannang tɔ̃ɔ kaa gn, nɔ́ɔ ti gisi zũnang ka yuu nwannang tɔ̃ɔ manɛ.

2 Bituru 3:14

Ka ruu nɔngkɔ, masang ɓɔɔ n kasɛ ruu manɛ dɔɔli ɓɛɛ, n kɔɔ nɔɔ ka wee nɔɔ gã diki ɓɔɔ Yeesɔ a tɔkn ɓee, nɔɔ shing yuu manɛ, nɔ́ɔ nwang nwannang tɔ̃ɔ, tɔ̀ɔ Laa wu kɔɔ kpang nɛɛ, nɔɔ palɛ vuu shi kpang, kpang. Nɔɔ nwang kaa nyaa zɔɔ nɛɛ wu.

2 Bituru 3:17

Masang ɓɔɔ n kasɛ ruu manɛ dɔɔli ɓɛɛ, ɓɔɔ manɛ nɔɔ zi vuu keɓe manɛ tɔ, ka ruu nɔngkɔ, n kɔɔ nɔɔ, nɔɔ gãng jĩng waasɛ̃. Zang ɓɔɔ ri dũng nyaa Laa kpang, ri nɛ̀ɛ́ shing nɔɔ, nɔ́ɔ palɛ vuu shi kpang ɓɔɔ ri palɛ ɓee. Rí nɛɛ ti wàlɛ́ gbalang ri shing nɔɔ, nɔ́ɔ yaa nɔng tɔ̃ɔ kɔ nɔɔ shii kagn ɓɛɛ.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.

Vuu ɓɔɔ zang nwangsɛ Yɔhana 22:14

Tĩnang naa nwang ɓi ɓɔ̀ɔ́ zang kaɓa, ɓɔɔ ri sɔ̀ɔ́ fɔ̃ɔrɔ, tu kalang kalang ɓɛɛ. Zang naa yaa rikɔ, ri shɛ̃ɛ nɛɛ nyaa gãa gari kaɓa, ri daa yeti gari. Ri ti shaa jaa laa, ɓɔɔ a zang suru bii ɓɔɔ waa nyaa kpang ɓɛɛ.