2 Bituru 1:1 - Nyaa Shɔɔ Ɓɔɔ Laa a Ɓɛɛ

¹ Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.

2 Bituru 1:1 Σταυροειδείς Αναφορές

Matiyu 10:2

Zang kopi tu ziti ɓɔɔ Yeesɔ shong ri, zang ɓaa nung ɓarɛ nɛɛ, Siman ɓɔɔ zang ti ɓaa wu nɛɛ Bituru ɓɛɛ. Wukɔ tĩng shɔɔnang, nɛɛ jaa niiɓɛ Anduru, a ɓɔɔ Yakub jaa Zebedi nɛɛ jaa niiɓɛ Yɔhana,

Matiyu 4:18

Yeesɔ rakɛ kana ka nyaa mii waapo Galili, a zi zang ziti, Siman ɓɔɔ zang ɓaa nɛɛ Bituru ɓɛɛ nɛɛ jaa niiɓɛ Anduru. Ri yi jaazĩi nɛɛ jang ka mii waapo, ka ruu ɓɔɔ, ri ɓarɛ zang jaazĩi yinang ɓɛɛ.

Luka 1:47

Suru bii mɛɛ tã̀á tĩnang ka ruu Laa ɓɔɔ ta yuu mɛɛ ɓɛɛ.

Luka 11:49

Laa rang yee ka yeti zũnang ɓiɓɛ tɔɔ, ‘N shong ri zang nyaa shonang nɛɛ zang ɓɔɔ n shɛ̃ɛrɛ ri katɔ ɓɛɛ ditɔ. Ri naa nyɔkɔ ɓɔɔ vɔrɔ, ri ti dang ɓɔɔ jĩng.’

Yɔhana 1:42

A gɔ̃ Siman daa nɛɛ wu ka bii Yeesɔ. Yeesɔ pɛ̃ɛrɛ Siman a kɔɔyi tɔɔ, “Mɔkɔ Siman jaa Yɔhana waa? Zang ɓáa mɔɔ kaa nɛɛ Kefa” (Dĩiri nung keɓe daa gbete nɛɛ Bituru ɓɔɔ zang ɓaa ɓi “Tari ɓɔɔ bang ɓɛɛ”).

Yɔhana 12:26

Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Yɔhana 20:21

Yeesɔ kɔɔ ri tɔkn tɔɔ, “Yeti manɛ wu lasɛ kpang. Naa ɓɔɔ Daa shong m ka koo, n shong nɔɔ doo nɔngkɔ ka koo.”

Zang Shonang Yeesɔ 15:14

Wee Siman kɔ̀ɔ́ ruu doo naa ɓee, naa ɓɔɔ Laa gaayu kasɛ zang ɓɔɔ ri zang Isirela kpang, a zɔ̃ngkɔ zang ɓɔɔ ka teteng ɓarɛ nɛɛ ri nwang zang ɓiɓɛ tɔ.

Rooma 1:1

Labeenang keɓe, a nɛɛ bii mɛɛ nkɔ Bulu ɓɔɔ n jaafoo Yeesɔ Kirisi ɓɛɛ. A n ti zang shonang ɓɔɔ Yeesɔ zɔ̃ng m, a shing m nɛɛ, n kɔ̀ɔrɔ̀ zang Ruu Tɔ̃ɔ Laa ɓɛɛ.

Rooma 1:12

N tɔɔ, n kɔɔyi nɛɛ, ruu mã nɔɔ zɔɔ danggn, nɛɛ danggn ɓɔɔ ruu shing ka bii Laa ɓɛɛ.

Rooma 1:17

Ka ruu ɓɔɔ, Ruu Tɔ̃ɔ Laa kɔ tusu zang naa ɓɔɔ Laa shingnɛ, zang wu nwang zang tɔ̃ɔ ka tĩng ɓiɓɛ ɓɛɛ. Nwannang tɔ̃ɔ ɓɔɔ gaayu nɛɛ danggn shinnang, wu waa nyaa nɛɛ mani ɓɛɛ. Naa ɓɔɔ Labeenang Laa kɔɔ ɓɛɛ nɛɛ, “Zang ɓɔɔ ɓi zang tɔ̃ɔ ka tĩng Laa, ka ruu danggn ɓɔɔ wu shing ka bii Laa ɓɛɛ, wukɔ walɛ suru bii.”

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

1 Koranti 15:9

Ka teteng zang shonang Yeesɔ nandon, nkɔ waa nyaa knti tingkiring. N daa naa ɓɔɔ zang ɓaa m nɛɛ zang shonang Yeesɔ kpang, ka ruu ɓɔɔ, ka ting, n dang zang ɓɔɔ ri dũng Laa jĩng ɓɛɛ.

1 Koranti 9:1

N zi m tɔ nɛɛ vuu ɓɔɔ zang zãa m katɔ kagn kpang. N m zang shonang Yeesɔ Kirisi. N ti zi Yeesɔ Kirisi ɓɔɔ wukɔ Kpanti ɓuru tɔ nɛɛ jĩng mɛɛ. Nɔɔ manɛ zang ɓɔɔ n atɛ ri nɛɛ ri naa dũng Kpanti Yeesɔ Kirisi ɓɛɛ, ka ruu shonang ɓɔɔ n pàlɛ̀ wu ɓɛɛ.

2 Koranti 4:13

Wee Suru ɓɔɔ shing zang, zang shing danggn a zang bee vuu keɓe nɛɛ, “N shing danggn tɔ, ka ruu nɔngkɔ, n rang yee.” Wukɔ ti kagn yeti ɓuru. Ka ruu nɔngkɔ, ruu rang yee jong.

2 Koranti 5:21

Yeesɔ Kirisi palɛ vuu shi kpang ɓi gngn kpang, a ka ruu ɓuru, Laa risi wu naa zang ɓɔɔ pálɛ̀ vuu shi kpang ɓɛɛ. A ka ruu vuu keɓe kɔ, yuu ɓɔɔ ruu ɓakɛ nɛɛ Yeesɔ Kirisi shingnɛ, ruu nwàng zang tɔ̃ɔ ka tĩng Laa.

Galati 2:8

Ka ruu ɓɔɔ, naa ɓɔɔ Laa shing Bituru nɛɛ wu nwang zang shonang Yeesɔ ka teteng zang Yahudi, Laa shing m doo nɔngkɔ nɛɛ naa vuu palɛnang ɓiɓɛ, nɛɛ n nwang zang shonang Yeesɔ ka teteng zang ɓɔɔ ri zang Yahudi kpang.

Afisa 3:5

Ka tĩng tɛ̃ɛ tɛ̃ɛ, zang tusu rɛɛ shɔnzang vuu ɓɔɔ zang waasɛ katɔ keɓe kpang, a kãntang keɓe Laa nwàngsɛ̀ rɛɛ zang shonang Yeesɔ ɓɔɔ shi kpang ka bii ɓarɛ kpang, nɛɛ rɛɛ zang nyaa shonang ɓiɓɛ tɔ nɛɛ bii Suru ɓiɓɛ.

Afisa 4:11

Wukɔ alɛ shɔnzang vuu Suru. Zɔ̃̀ng zang ɓɔɔ nɛɛ ri nwang zang shonang ɓiɓɛ. Zang ɓɔɔ nɛɛ ri nwang zang nyaa shonang Laa. Zang ɓɔɔ nɛɛ ri nwang ɓarɛ zang ɓɔɔ ri rakɛ, ri kɔɔrɔ zang Ruu Laa ɓɛɛ. A shing zang ɓɔɔ nɛɛ ri ɓarɛ kaa zang ɓɔɔ ri gãng jĩng ka zang Laa ɓɛɛ. A zang ɓɔɔ nɛɛ ri ɓarɛ zang ɓɔɔ ri tusu zang vuu ɓɛɛ.

Afisa 4:5

Kpanti ɓuru ɓi gbete, danggn shinnang ti gbete, a batizima doo gbete kɔ.

Filipi 1:1

Labeenang keɓe nɛɛ bii mɛɛ Bulu nɛɛ Timoti, ɓɔɔ ruu jaafoo Yeesɔ Kirisi ɓɛɛ. Ruu bèé nɔɔ, zang Laa nandon, ɓɔɔ nɔɔ shing danggn tɔ ka bii Yeesɔ Kirisi, ɓɔɔ nɔɔ ka gari Filipi ɓɛɛ. A ɓɔɔ nɔkɔ zang bang bang nɛɛ zang ɓɔɔ ri palɛ shonang ka ruu zang Laa ɓɛɛ.

Filipi 1:29

Laa ɓɔɔ yàa nɔɔ gbalang nɛɛ nɔ́ɔ shing danggn ka bii Kirisi ɓɛɛ, ti yaa nɔɔ gbalang tɔ nɛɛ nɔ́ɔ dang jĩng ka ruu ɓiɓɛ.

Filipi 3:9

Ń ti nwang ɓɔɔ ɓiɓɛ. Laa wu tuu m zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii Kirisi ɓɛɛ. Wu ka ruu vuu ɓɔɔ kagn ɓɔɔ n palɛ ɓɛɛ kpang, wu ti ka ruu ɓɔɔ n dũng nyaa ɓɔɔ zang Yahudi dang ɓɛɛ kpang. Ɓi Laa kɔ risi m, n nwang zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii ɓiɓɛ ɓɛɛ.

2 Timoti 1:5

Danggn ɓɔɔ mɔɔ shing gbãng gbãng, ning m kpang, naa ɓɔɔ nabang ɓaaɓɛ Looyi nɛɛ naaɓɛ Yunis, ri shing ɓɛɛ. N ti zi zɔ̃ng danggn shinnang keɓe kagn yeti ɓaaɓɛ.

Titu 1:1

Labeenang keɓe nɛɛ bii mɛɛ nkɔ Bulu, zang ɓɔɔ pàlɛ́ Laa shonang, n ti zang shonang Yeesɔ Kirisi ɓɛɛ. Laa zɔ̃ng m nɛɛ n nwang zang shonang ɓiɓɛ, a shong m nɛɛ n yi zang ɓɔɔ Laa zɔ̃ng ri katɔ naa ka bii, ri shing danggn gbãng gbãng. N ti shing ri, ri zi vuu ɓɔɔ niizang ɓɔɔ shingnɛ ri nwang nwannang ɓɔɔ Laa kasɛ ɓɛɛ.

Titu 1:4

N bèé mɔkɔ Titu, ɓɔɔ ka gbalang danggn kɔ ruu shing nandon ɓee, mɔɔ ɓaa kaa jaa mɛɛ niizang ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi ɓɔɔ wukɔ ta yuu ɓuru, ri pàlɛ̀ mɔɔ tɔ̃ɔ, ri shingnɛ, mɔɔ nwang waasɛ̃.

Titu 2:13

Ka wee ruu nwangnɛ, ruu gã diki tĩnang tãanang ɓɔɔ ruu shing gn nɛɛ naa a ɓɛɛ. Diki ɓɔɔ bannang Laa ɓuru Yeesɔ Kirisi ɓɔɔ wukɔ ɓa zang piti, ɓɔɔ wukɔ ti ta yuu ɓuru naa nwangsɛ bii ɓɛɛ.

Yakubu 1:1

Nkɔ Yakub zang shonang Laa nɛɛ ɓɔɔ Kpanti Yeesɔ Kirisi, n bèé nɔɔ labeenang keɓe, nɔɔ nyaa zang Isirela, laa gãa kopi tu ziti, ɓɔɔ zang tantɛ nɔɔ ka koo nandon ɓɛɛ. N jee nɔɔ nyaa.

1 Bituru 1:1

Nkɔ Bituru zang nyaa shonang Yeesɔ Kirisi, n bèé nɔɔ labeenang keɓe, n jee nɔɔ nyaa, zang ɓɔɔ Laa shɛ̃ɛrɛ ri katɔ ɓɛɛ. Ɓɔɔ zang tantɛ nɔɔ nɛɛ nɔng piti piti ka rɛɛ tipi Pontu nɛɛ Galati nɛɛ Kapaadoosiya nɛɛ Asiya a ɓɔɔ tipi Bitiniya ɓɛɛ. Nɔɔ nwalɛ zanti ka nɔngkɔ ɓɛɛ.

1 Bituru 1:7

Vuu gãsɛnang alɛ ka bii manɛ, tɔ̀ɔ, zang ri zi kati nɛɛ danggn ɓɔɔ nɔɔ shing ka bii Laa ɓi ɓɔɔ niizang kɔ nwani. Zinariya ɓɔɔ lasɛ katɔ ɓɛɛ, zang dɔɔ ka waa, tɔ̀ɔ, zang zirɛ nɛ́ɛ ɓɔɔ tɔ̃ɔ ɓɛɛ. Zang palɛ danggn shinnang manɛ ɓɔɔ ɓa zinariya shinang katɔ doo nɔngkɔ. Zang gãsɛ danggn ɓɔɔ nɔɔ shing ka bii Laa kãntang keɓe, ka ruu ɓɔɔ, ka diki ɓɔɔ Yeesɔ Kirisi naa nwang nyaa, zang wu dɔɔ nɔɔ, zang ti a nɔɔ bannang ka ruu danggn ɓɔɔ nɔɔ shing ɓɛɛ.

1 Bituru 2:7

Ɓɔɔ nɔɔ shing danggn tɔ, Yeesɔ kɔ ɓa vuu piti ka jĩng manɛ. Zang ɓɔɔ ri shing danggn ka bii ɓiɓɛ kpang ri naa zirɛ, “Tari ɓɔɔ zang ɓɔɔ ri mãa gãa ri bɛ̃ɛyi, wukɔ naa ràa tari ɓɔɔ yiti gãa kati.”

1 Bituru 5:1

Ruu ɓɔɔ n kɔɔ rɛɛ zang bang Gãa Laa ɓɔɔ ri ka teteng manɛ kagn. N m doo zang bang kɔ. N zi jĩng ɓɔɔ Kirisi dang ɓɛɛ nɛɛ jĩng mɛɛ. N ti naa walɛ bannang jong nɛɛ nɔɔ ka diki ɓɔɔ Laa naa a ruu bannang keɓe ɓɛɛ. Ka ruu nɔngkɔ, n gaa nɔɔ n tɔɔ nɔ́ɔ,

2 Bituru 1:4

Ka gbalang keɓe, a ruu vuu bang bang ɓɔɔ bɛ̀ɛ́ kɔɔyi nɛɛ wu a ruu ɓɛɛ, ɓɔɔ naa nwǎng ruu vuu tɔ̃ɔ katɔ ɓɛɛ. Palɛ vuu keɓe nɔngkɔ, nɛɛ tɔ̀ɔ, ka ruu rɛɛ vuu keɓe, ruu wɔ nɛɛ naa vuu shi kpang ɓɔɔ ka koo keɓe, ɓɔɔ zang koo keɓe ri kasɛ ɓɛɛ. Tɔ̀ɔ, nɔɔ yi tĩng kɔ jong. Laa wu a nɔɔ zɔ̃ng nwannang ɓiɓɛ.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.