2 Yɔhana 1:1 - Nyaa Shɔɔ Ɓɔɔ Laa a Ɓɛɛ

¹ Jaa soro ɓɔɔ Laa zɔ̃̀ng katɔ ɓɛɛ, nɛɛ wujɛ ɓaaɓɛ ɓɔɔ n kasɛ ruu manɛ katɔ dɔɔli ɓɛɛ. Nkɔ zang bang, nkɔ bèé nɔɔ labeenang keɓe. Wu nkɔ kasɛ ruu manɛ gbete kpang, zang ɓɔɔ ri zi ruu niizang katɔ, ri kasɛ nɔɔ dòo katɔ kɔ.

2 Yɔhana 1:1 Σταυροειδείς Αναφορές

Luka 1:3

Ka ruu nɔngkɔ, n pɛ̃ɛrɛ, n tɔɔ naa n bèé mɔɔ vuu keɓe, gbete, gbete, tɔ̃ɔ tɔ̃ɔ, wukɔ tɔ̃ɔ, ka ruu ɓɔɔ, n tãa tɔ, n ti kãa dĩiri ruu keɓe tɔ tɔ̃ɔ tɔ̃ɔ ɓɛɛ.

Yɔhana 8:32

Nɔɔ naa zi ruu ɓɔɔ niizang katɔ, ruu ɓɔɔ niizang keɓe, ti yaa nɔɔ naa katɔ.”

Zang Shonang Yeesɔ 11:30

Ri kpalɛ kati nɔngkɔ, a ri shòng rɛɛ zang bang, zang ɓɔɔ ri dũng Laa saka bìí kaa nɛɛ naa rɛɛ Baranaba nɛɛ Shaawulu.

Rooma 16:13

Nɔɔ jèe m Rufu nyaa. Zang ɓɔɔ ɓa zang piti nɛɛ shonang Kpanti Yeesɔ palɛnang ɓɛɛ. Nɔ́ɔ ti jèe m ɓéenàa ɓɔɔ nwang kaa doo nàá mɛɛ kɔ ɓɛɛ, nyaa.

Galati 2:14

Ɓɔɔ n zirɛ ri yi gbalang kaarara ka doo ruu niizang ɓɔɔ ka yeti Ruu Tɔ̃ɔ Kirisi kpang, n kɔɔ Bituru ka tĩng ɓarɛ nandon n tɔɔ, “Mɔɔ zang Yahudi, a mɔɔ nwàng kaa tɔ̀ɔ́ naa zang Yahudi kpang. Mɔɔ nwang ɓaa naa zang ɓɔɔ ri zang Yahudi kpang ɓɛɛ. A ka ruu vi, mɔɔ kãa gbalang mɔɔ shing zang ɓɔɔ ri zang Yahudi kpang, ri nwang nwannang zang Yahudi nɛɛ gbãng gbãng ning viya?”

Galati 2:5

Rùu yàa ri bii naa kpang nɛɛ tɔkɔlɔng ning, tɔɔ ruu yìtì nɔɔ ruu niizang ɓɔɔ ka yuu Ruu Tɔ̃ɔ Kirisi kati.

Galati 3:1

Ɓɔɔ nɔɔ zang tipi Galati nɔɔ shoko niizang. Ɓu wi zuu nɔɔ jĩng nɔngkɔ wiya? Zang kɔɔ ka shoo manɛ naa ɓɔɔ zang ɓaa Yeesɔ Kirisi naa ka laa a vɔrɛ ɓɛɛ.

Galati 5:7

Bɛ̀ɛ́ nɔɔ palɛ vuu kana waasɛ̃ ka gbalang Kirisi, nɔɔ daa kana nɛɛ tĩng. Ɓu wi shing nɔɔ, a nɔɔ yaa ruu ɓɔɔ wukɔ niizang dũnnang wiya?

Kolosi 1:5

Nɔɔ palɛ naa wee waati kpang, nɔɔ palɛ ka ruu gn ɓɔɔ nɔɔ shing ka yuu vuu ɓɔɔ zang shing nɔɔ ka lapa, nɔɔ tãa nyaa vuu keɓe tɔ ka ting nɛɛ bìí Ruu Tɔ̃ɔ Laa ɓɔɔ zang kɔ̀ɔrɔ̀ nɔɔ ɓɛɛ.

1 Timoti 2:4

Ka ruu ɓɔɔ, Laa kasɛ nɛɛ wu ta yuu zang piti, nɛɛ ri ti zi ruu ɓɔɔ niizang.

Yahudi 10:26

Ka ruu ɓɔɔ, naa ruu yi tĩng nɛɛ vuu shi kpang palɛnang nɛɛ gbãa, ka knti ɓɔɔ ruu zi ruu ɓɔɔ niizang tɔ, vuu ɓɔɔ zang dɔɔyi ka ruu vuu shi kpang ɓɛɛ takpang.

1 Bituru 1:2

Nɔɔ manɛ zang ɓɔɔ Daa ɓuru Laa zi vuu ɓɔɔ nɛɛ wu palɛ nɛɛ nɔɔ tɔ, doo ka tĩng tɛ̃ɛ tɛ̃ɛ ɓɛɛ. Laa shɛ̃ɛrɛ nɔɔ nɛɛ naa vuu palɛnang Suru ɓiɓɛ, nɛɛ nɔ́ɔ nwang zang ɓiɓɛ, nɔ́ɔ ɓaa shoo ka nyaa Yeesɔ Kirisi. Zĩi Yeesɔ keɓe wu sɔ̀ɔ nɔɔ, nɔ́ɔ nwang zang tɔ̃ɔ ka tĩng Laa. Laa wu gisi nɔɔ tĩnang tãanang, wu ti shingnɛ yeti manɛ wu valɛ katɔ diki diki.

1 Bituru 5:1

Ruu ɓɔɔ n kɔɔ rɛɛ zang bang Gãa Laa ɓɔɔ ri ka teteng manɛ kagn. N m doo zang bang kɔ. N zi jĩng ɓɔɔ Kirisi dang ɓɛɛ nɛɛ jĩng mɛɛ. N ti naa walɛ bannang jong nɛɛ nɔɔ ka diki ɓɔɔ Laa naa a ruu bannang keɓe ɓɛɛ. Ka ruu nɔngkɔ, n gaa nɔɔ n tɔɔ nɔ́ɔ,

1 Bituru 5:13

Zang ɓɔɔ ri dũng Laa ɓɔɔ ri ka Babila, ɓɔɔ Laa ti zɔ̃̀ng ri dòo katɔ kɔ ɓɛɛ ri jee nɔɔ nyaa. Jaa mɛɛ Maraku jee nɔɔ nyaa jong.

1 Yɔhana 2:21

N bèé nɔɔ wu ka ruu ɓɔɔ nɔɔ zi ruu ɓɔɔ niizang kpang ɓɛɛ kpang. N bèé nɔɔ, ka ruu ɓɔɔ, nɔɔ zi tɔ ɓɛɛ. Nɔɔ ti zi tɔ nɛɛ, ruu sèé hãa naa ɓi kagn nɛɛ ruu ɓɔɔ niizang kpang.

1 Yɔhana 3:18

Wujɛ mɛɛ, ruu kasɛ nɔɔ zang, wu nɛɛ nyaa waati kpang. Zang kasɛnang ɓuru wu nwang ɓɔɔ niizang, ka vuu ɓɔɔ ruu pálɛ̀ ɓɛɛ ning.

2 Yɔhana 1:13

Wujɛ jaa nàáɓɛ ɓɔɔ Laa zɔ̃ng ri katɔ, ri jee mɔɔ nyaa.

2 Yɔhana 1:5

N gàá mɔɔ katɔ jaa soro, n bèé mɔɔ wu nyaa shɔɔ kpang, ɓi doo ɓɔɔ gbaala ɓɔɔ ruu tãa ka diki ɓɔɔ ruu gaayu Ruu Laa tanang ɓɛɛ. Laa kɔɔyi tɔɔ, ruu kasɛ ruu zɔɔ katɔ.

3 Yɔhana 1:1

Masang Gaayu, ɓɔɔ n kasɛ ruu ɓaaɓɛ katɔ niizang ɓɛɛ, nkɔ zang bang, n bèé mɔɔ labeenang keɓe.