1 Timoti 3:7 - Nyaa Shɔɔ Ɓɔɔ Laa a Ɓɛɛ

⁷ Wu ti nwang zang ɓɔɔ, zang ɓɔɔ ri dũ̀ng Laa kpang, ri seng wu katɔ ɓɛɛ. Ka ruu ɓɔɔ nɛ̀ɛ́ nwáng vuu dãanang ka nɔng zang, nɛ̀ɛ́ ti watɛ ka yeti jàng ɓɔɔ shɛ̃ɛtang làng ɓɛɛ.

1 Timoti 3:7 Σταυροειδείς Αναφορές

Maraku 4:11

Yeesɔ kɔɔ ri tɔɔ, “Laa a nɔɔ kɔ naa zinang ruu ɓɔɔ zang waasɛ katɔ ka yuu kpanti ɓɔɔ Laa rooyi ɓɛɛ, a vuu piti, zang tusu zang ɓɔɔ ri dũng Laa kpang ɓarɛ nɛɛ nyaa vuu jeenang.

Zang Shonang Yeesɔ 10:22

Ri kasɛ wu nyaa tɔɔ, “Zang bang sɔɔja ɓɔɔ zang ɓaa wu nɛɛ Koneliyu kɔ shong ruu. Koneliyu zang tɔ̃ɔ, bang Laa, a zang Yahudi nandon, ri a wu bannang dɔɔli. Zang nyaa shonang Laa ɓɔɔ ka lapa ɓɛɛ gbete, kɔɔ wu nɛɛ wu ɓaa mɔɔ nyaa ka gãa ɓiɓɛ. Nɛɛ tɔ̀ɔ wu tãa vuu ɓɔɔ mɔɔ kɔɔ ɓɛɛ.”

Zang Shonang Yeesɔ 22:12

“Yɔɔ ɓɔɔ kagn ka gari Damasiku zang ɓaa wu nɛɛ Hananiya. Dṹng nyaa ɓɔɔ Laa dang ɓɛɛ gbãng gbãng, zang Yahudi ɓɔɔ ka gari kaɓa, ri rang ruu ɓiɓɛ tɔ̃ɔ.

Zang Shonang Yeesɔ 6:3

Ka ruu nɔngkɔ, rɛɛ manzung, nɔɔ shɛ̃ɛrɛ zang manziti ka teteng manɛ ɓɔɔ nɔɔ zi tɔ Suru Laa kagn bii ɓarɛ, a ri ti zũng dɔɔli ɓɛɛ. Rúu shing rikɔ ri gãng jĩng ka vuu shaanang basɛnang.

1 Koranti 10:32

Palɛ waasɛ̃, mɔɔ pálɛ̀ vuu ɓɔɔ lasɛ zang ɓɔɔ yeti kpang, naa zang keɓe ri doo zang Yahudi, naa doo zang ɓɔɔ ri dũ̀ng Laa kpang, naa doo zang ɓɔɔ ri dũng Laa ɓɛɛ.

1 Koranti 5:12

Zang a m naa nɛɛ n jɛ̃ɛ zang ɓɔɔ ri dũng Laa kpang ruu kpang. Rùu màngkɛ́ ɓuru zang ɓɔɔ ri dũng Laa kɔ shɛ̃ɛning, ri nɛ̀ɛ́ pálɛ̀ vuu shi kpang.

2 Koranti 6:3

Ruu kasɛ kpang nɛɛ ruu shing zang wu palɛ vuu shi kpang, kpang, ka ruu nɔngkɔ, ruu kasɛ kpang ruu nɔɔ zang ɓɔɔ gbalang kpang.

2 Koranti 8:21

Ruu mang ɓuru ka yeti ɓuru nɛɛ ruu palɛ vuu ɓɔɔ tɔ̃ɔ ɓɛɛ. Wu ka jĩng Kpanti Yeesɔ kɔ shɛ̃ɛning kpang, ka jĩng shɔnzang jong.

Kolosi 4:5

Nɔɔ palɛ vuu nɛɛ zũnang ka bii zang ɓɔɔ ri dũ̀ng Laa kpang ɓɛɛ. Naa ri yàa nɔɔ gbalang tɔkɔlɔng, nɔɔ kɔɔ ri ruu kagn waasɛ̃.

1 Tesalonika 4:12

Ka naa weɓe kɔ, nɔɔ shing zang ɓɔɔ ri shing danggn gn kpang, ri seng nɔɔ. Nɔ̀ɔ ti shing jĩng tɔ̀ɔ́ ka bii zang ɓɔɔ, ka ruu vuu ɓɔɔ nɔɔ kasɛ ɓɛɛ kpang.

1 Tesalonika 5:22

Ruu manɛ wu hãa kagn nɛɛ vuu shi kpang palɛnang kpang tingkiring.

1 Timoti 3:6

Wu ti zang ɓɔɔ shing danggn ka bii Laa diki bee gn kpang, kpang. Ka ruu ɓɔɔ, nɛ̀ɛ́ tuu yuu ɓiɓɛ dɔɔli, zang nɛ̀ɛ́ dɔng wu ruu naa ɓɔɔ zang dɔng Sheetang ɓɛɛ.

1 Timoti 5:14

N kasɛ suvɔ ɓɔɔ ri doo jasang, ri gee varɛ, ri yi jaa. Ri gãng jĩng ka gãa ɓarɛ, tɔ̀ɔ, ruu yàa zang ɓɔɔ ri shing jĩng nɛɛ ruu kpang gbalang kaa tɔ̀ɔ́, ri rang yee shi kpang ka yuu ɓuru kpang.

1 Timoti 6:9

Zang ɓɔɔ nɛɛ tɔɔ ri kasɛ ɓarɛ vuu naa, sheetang gãsɛ ri katɔ. Wu shing ri, ri palɛ vuu shoko nɛɛ vuu ɓɔɔ lasɛ ri katɔ, ɓɔɔ ri kàsɛ̀ ka yeti ɓarɛ ɓɛɛ. Vuu keɓe kɔ ri shing zang, zang wu shaarɛ dɔ̃ɔ gbete.

2 Timoti 2:26

Shoo naa lu ri ditɔ, ri wɔ nɛɛ naa suru shi kpang ɓɔɔ lang saka yi ri kagn, a shing ri, nɛɛ ri palɛ vuu ɓɔɔ wu kasɛ ɓɛɛ.

Titu 2:5

Ri kpɛ̃ɛrɛ ri, ri yiti yuu ɓarɛ waasɛ̃, ri pálɛ̀ dũndũng kpang, ri nwang zang soro ɓɔɔ tɔ̃ɔ, ɓɔɔ ri palɛ shonang gãa ɓarɛ katɔ ɓɛɛ, ri palɛ zang tɔ̃ɔ, ri ɓaa shoo ka nyaa varɛ ɓarɛ. Tɔ̀ɔ, zang ri rang yee shi kpang kaa tɔ̀ɔ́ ka yuu Ruu Laa kpang.

Titu 2:8

Tusu vuu ɓɔɔ tɔ̃ɔ ɓɔɔ zang ɓɔɔ kɔɔ kpang nɛɛ shi kpang, kpang ɓɛɛ. Tɔ̀ɔ, yusɛ̃ɛ wu tuu zang ɓɔɔ ri shing jĩng nɛɛ mɔɔ kpang kati, ri wàlɛ̀ vuu shi kpang ɓɔɔ ri kɔ̀ɔ́ ka yuu ɓaaɓɛ kaa takpang.

3 Yɔhana 1:12

Zang piti ri kɔɔ ruu tɔ̃ɔ ka yuu Dimitiriyu. Vuu ɓɔɔ Dimitiriyu pálɛ̀, wukɔ tusu zang nɛɛ wu zang tɔ̃ɔ niizang. Ruu ti kɔɔ ruu tɔ̃ɔ ɓiɓɛ doo nɔngkɔ. Mɔɔ ti zi tɔ, nɛɛ n suu sèé kpang.