1 Bituru 5:5 - Nyaa Shɔɔ Ɓɔɔ Laa a Ɓɛɛ

⁵ Ɓɔɔ nɔɔ manɛ dòo jasang n kɔɔ nɔɔ dòo nɔngkɔ. Nɔɔ ɓaa shoo ka nyaa rɛɛ zang bang. Ɓɔɔ nɔɔ nandon ɓɛɛ, nɔɔ seng zɔɔ katɔ, a nɔɔ kpalɛ bii diki diki nɔ́ɔ shòng zɔɔ. Ka ruu ɓɔɔ, zang bee ka yeti labeenang Laa nɛɛ, “Laa kasɛ ruu zang ɓɔɔ ri tuu yuu ɓarɛ kpang, á ɓi zang ɓɔɔ ri tuu yuu ɓarɛ kpang tĩnang tãanang.”

1 Bituru 5:5 Σταυροειδείς Αναφορές

Luka 22:26

Ɓɔɔ manɛ ɓi nɔngkɔ kpang. Zang ɓɔɔ wukɔ bang ka teteng manɛ, wukɔ wu nwáng naa zang wujaa ɓɔɔ shong nɔɔ ɓɛɛ.

Rooma 12:10

Nɔɔ kasɛ ruu zɔɔ gbãng gbãng, ka ruu ɓɔɔ, nɔɔ kaa gbete ka gbalang Kirisi ɓɛɛ. Nɔ́ɔ zarɛ bii ka nɔng ɓɔɔ nɔɔ a zɔɔ bannang kpang.

Rooma 13:14

Nɔɔ yaa Kpanti Yeesɔ Kirisi wu ta rɛ̃rɛnang manɛ. Nɔ́ɔ ràa shoo tɔ̀ɔ́ vuu ɓɔɔ bii manɛ ɓɔɔ palɛ vuu shi kpang kasɛ ɓɛɛ kpang.

Afisa 5:21

Nɔɔ ɓáa shoo ka nyaa zɔɔ ka ruu bannang ɓɔɔ nɔɔ a Kirisi ɓɛɛ.

Filipi 2:3

Nɔ́ɔ kàsɛ̀ wu yuu manɛ kɔ shɛ̃ɛning kpang, nɔ́ɔ ti tuu yuu manɛ kpang. Risi yuu ɓaaɓɛ naa vuu ɓɔɔ kpang, mɔɔ zì zang ɓɔɔ naa ri ɓa mɔɔ katɔ.

Kolosi 3:12

Ka ruu ɓɔɔ, nɔɔ manɛ kaa zang Laa. Laa kasɛ nɔɔ, a zɔ̃ngkɔ nɔɔ, nɛɛ nɔ́ɔ nwang kaa ɓɔɔ ɓiɓɛ. Nɔɔ nwang zang ɓɔɔ gň zang kɔng nɔɔ katɔ ɓɛɛ, nɔɔ pàlɛ̀ zang tɔ̃ɔ, nɔɔ tuu yuu kpang, nɔ́ɔ pálɛ̀ vuu hakaka kpang, nɔɔ mã gn katɔ.

1 Timoti 5:1

Mɔɔ mangkɛ zang bang kpang. Rang wu yee naa ɓɔɔ mɔɔ rang daa ɓaaɓɛ ɓɛɛ. Palɛ rɛɛ jasang naa ɓɔɔ mɔɔ palɛ rɛɛ jaa nàá ɓaaɓɛ ɓɔɔ wujaa ɓɛɛ.

Yahudi 13:17

Nɔɔ ɓaa shoo ka nyaa rɛɛ zang bang manɛ, nɔɔ palɛ vuu ɓɔɔ ri kɔɔ nɔɔ ɓɛɛ. Ka ruu ɓɔɔ, rikɔ gãng jĩng ka nɔɔ ɓɛɛ, ri ti naa kɔɔ Laa naa ɓɔɔ ri yiti nɔɔ ditɔ ɓɛɛ. Ri pálɛ́ shonang keɓe nɛɛ tĩnang tãanang, wu nɛɛ yeti lasɛnang kpang. Ka ruu ɓɔɔ, naa ri palɛ nɔngkɔ, nwàng nɔɔ vuu ɓɔɔ kpang ɓɛɛ.

Yakubu 4:6

Làá kɔ álɛ ruu tɔ̃ɔ ɓiɓɛ dɔɔli nɛɛ ruu dung wu nɛ mani. Ka ruu nɔngkɔ, labeenang Laa kɔɔyi tɔɔ, “Laa kasɛ ruu zang ɓɔɔ tuu yuu ɓiɓɛ ɓi jong kpang, a á zang ɓɔɔ tuu yuu ɓiɓɛ kpang, tɔ̃̀ɔ́ ɓiɓɛ.”

1 Bituru 3:8

N hangsɛ nɔɔ nyaa ruu kaa nɛɛ ruu keɓe. Nɔɔ nandon nyaa manɛ wu daa gbete, gn zɔɔ wu kɔng nɔɔ katɔ, nɔɔ kasɛ ruu zang ɓɔɔ ri dũng doo Laa kɔ katɔ, ka ruu ɓɔɔ ri ɓarɛ rɛɛ ɓaazung ɓɛɛ. Nɔ́ɔ ti pàlɛ̀ zɔɔ tɔ̃ɔ katɔ, a nɔ́ɔ ti lakɛ jĩng kpang.

1 Bituru 4:1

Ruu zi tɔ nɛɛ Yeesɔ Kirisi dang jĩng nɛɛ bii ɓiɓɛ. Ka ruu nɔngkɔ, nɔɔ kpalɛ bii doo nɔngkɔ, nɔɔ dang jĩng nɛɛ bii manɛ naa ɓɔɔ wu dang ɓɛɛ. Ka ruu ɓɔɔ, zang ɓɔɔ nɛɛ dang jĩng tɔ nɛɛ bii ɓiɓɛ, yaa vuu shi kpang palɛnang ɓi tɔ ɓɛɛ.

1 Bituru 4:5

Diki a doo kana, ɓɔɔ zang ɓɔɔ ri dãa nɔɔ keɓe, ri naa shii ka tĩng Laa, ri kɔɔ naa ɓɔɔ ri nwàng ka koo keɓe ɓɛɛ. Diki bee kpang, ɓɔɔ Laa naa dɔng zang ɓɔɔ ri ningkãari ka koo keɓe nɛɛ zang ɓɔɔ ri vɔlɔ tɔ ruu ɓɛɛ.