1 Bituru 5:2 - Nyaa Shɔɔ Ɓɔɔ Laa a Ɓɛɛ

² gãng jĩng ka rɛɛ zang Laa ɓɔɔ Laa a nɔɔ ri ka naa ɓɛɛ. Nɛɛ nɔ́ɔ gãng jĩng ka ri naa ɓɔɔ jagãng gãng jĩng ka mɛ̀ɛrɛ́ ɓɛɛ, vuu ɓɔɔ wu lee ri naa ka bii kpang. Nɔ́ɔ gãng jĩng wu naa zang mã nɔɔ nyaa kagn kpang, nɔɔ gãng jĩng naa vuu ɓɔɔ nɔɔ tãa tĩnang palɛnang katɔ nɛɛ yeti gbete ɓɛɛ. Wu ka ruu saka ɓɔɔ zang shu nɔɔ kɔ shɛ̃ɛning kpang, ka ruu ɓɔɔ, nɔɔ kasɛ tɔ ka yeti manɛ nɛɛ nɔɔ palɛ shonang keɓe katɔ ɓɛɛ.

1 Bituru 5:2 Σταυροειδείς Αναφορές

Luka 12:32

“Wee nɔɔ rukutu ɓee, nɔ́ɔ kaa vɔrɔ kpang, Daa manɛ kasɛ tɔ nɛɛ nɔɔ roo kpanti nɛɛ wu ka nɔng ɓɔɔ wu naa roo kpanti ɓɛɛ.

Zang Shonang Yeesɔ 20:29

N zi tɔ, n nɛɛ daa tɔ, zang ɓɔɔ ri tusu zang vuu, ɓɔɔ ri nwang naa zaa wisi ɓɔɔ shaa varɛ dɔɔli ɓɛɛ, ri naa a ditɔ ka teteng manɛ. Gn manɛ kɔng ri kpang.

Zang Shonang Yeesɔ 21:13

A kasɛ ruu nyaa tɔɔ, “Nɔɔ palɛ ɓu vi, nɔɔ káarɛ̀ nɔngkɔ, nɔɔ lɔɔrɔ m sisĩng viya? N daa Urushalima keɓe m katɔ. Ri nɛɛ kasɛ ri mã m katɔ kɔ shɛ̃ɛning kpang, ri nyɔ m vɔrɔ ka ruu nung Kpanti Yeesɔ, n kasɛ m tɔ.”

Rooma 1:15

Ka ruu nɔngkɔ, bii shaa m, n kasɛ n tɔɔ, n naa rang nɔɔ ɓɔɔ nɔɔ kaa gari Rooma, Ruu Tɔ̃ɔ Laa jong.

1 Koranti 9:7

Sɔɔja ɓɔɔ kagn ta sĩiri, wu ti kãa vuu shaanang nɛɛ yuu ɓiɓɛ ya? Zang ɓɔɔ kagn lang jaa shaa vuu ɓɔɔ wu lang ɓɛɛ kpang ya? Jagãng napo ri ɓoo mii napo kpang ya?

1 Timoti 3:3

Wu zang ɓɔɔ ɓoo sàa kpang, wu zang ɓɔɔ gnvɔ ka yeti ɓiɓɛ dɔɔli kpang, gàa nyaa kpang, ti haa nyaa kpang. Wu ti zang ɓɔɔ kasɛ ruu saka dɔɔli kpang.

1 Timoti 3:8

Zang ɓɔɔ ri yi zang naa ka shonang ka Gãa Laa, ri nwang nwannang ɓɔɔ tɔ̃ɔ ɓɛɛ. Ri ti nwang zang ɓɔɔ ta nyaa ziti kpang. Ri ti ɓoo saa kpang, ri ti zang ɓɔɔ ri shing jĩng ka saka kãanang kpang.

Titu 1:11

Zãa ri ruu shi kpang ɓɔɔ ri tusu zang ɓɛɛ katɔ. Ri kpantɛ danggn ɓɔɔ zang gaa gaa ri shing ɓɛɛ, nɛɛ vuu ɓɔɔ daa naa tusunang kpang ɓɛɛ. Ri palɛ vuu keɓe, ka ruu ɓɔɔ, ri shing jĩng ɓarɛ ka saka kãanang ɓɛɛ.

Titu 1:7

Ka ruu ɓɔɔ, zang bang Gãa Laa gãng jĩng ɓi ka shonang Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Wu tuu yuu kpang, wu ti ta yeti gbãngko kpang. Wu zang ɓɔɔ sàa si wu kpang, wu zang ɓɔɔ laa nyaa kpang. Wu ti zang ɓɔɔ shing jĩng ka saka kãanang ɓɛɛ kpang, a wu ti zang ɓɔɔ shaa varɛ dɔɔli kpang.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Titu 3:1

Kɔɔ ri nɛɛ ri ɓaa shoo ka nyaa rɛɛ kpanti, nɛɛ rɛɛ zang bang tipi. Ri ti kpalɛ bii diki diki, ri pálɛ́ shonang ɓɔɔ tɔ̃ɔ ɓɛɛ.

Filimon 1:14

A n kasɛ kaa tɔ̀ɔ́ n palɛ vuu ɓɔɔ n kɔɔ mɔɔ nyaa kagn kpàng, kpang. N kasɛ tɔ̃ɔ ɓɔɔ mɔɔ pàlɛ́ m, wu nwang nɛɛ yeti ɓaaɓɛ, wu vuu ɓɔɔ nwang naa zang shing mɔɔ nɛɛ gbãng gbãng ning, mɔɔ pálɛ́ ɓɛɛ kpang.

Yahudi 12:15

Nɔɔ gãng jĩng kagn, zang ɓɔɔ ka teteng manɛ nɛ̀ɛ́ wàlɛ̀ tɔ̃ɔ Laa kpang, a zang ɓɔɔ nɛ̀ɛ́ ta yeti ɓɔɔ la katɔ ɓɛɛ, ɓɔɔ shingnɛ, nyaa haanang seepaa, ɓɔɔ lasɛ zang dɔɔli ɓɛɛ.

2 Bituru 2:3

Rɛɛ maalang ɓɔɔ tùsú zang vuu sèé kaɓa, ri shing jĩng ɓarɛ ka vuu zang, ka ruu nɔngkɔ, ri naa nwãarɛ nɔɔ nɛɛ sèé, tɔ̀ɔ, ri walɛ vuu kaa naa manɛ. Laa dɔng ri ruu ɓi tɔ dòo tɛ̃ɛ tɛ̃ɛ, kpalɛ bii tɔ nɛɛ wu dang ri jĩng. Diki ɓɔɔ wu naa ningsi ri dɔ̃ɔ gbete, a naabm tɔ.