1 Bituru 4:8 - Nyaa Shɔɔ Ɓɔɔ Laa a Ɓɛɛ

⁸ Nɔɔ kasɛ ruu zɔɔ katɔ gbãng gbãng nɛɛ yeti manɛ nandon, wukɔ ɓa vuu piti. Ka ruu ɓɔɔ, naa nɔɔ kasɛ ruu zang, nɔɔ yaa ri gbalang vuu shi kpang ɓɔɔ ri pàlɛ̀ nɔɔ dɔɔli ɓɛɛ katɔ.

1 Bituru 4:8 Σταυροειδείς Αναφορές

1 Koranti 13:1

Naa n zunung yee rannang doo katɔ nɛɛ nyaa shɔnzang ɓɔɔ ka koo, a ɓɔɔ nɛɛ nyaa zang nyaa shonang Laa ɓɔɔ ri ka lapa ɓɛɛ. A n kasɛ zang kaa takpang, n nwang naa gbongshɛng ɓɔɔ kaa nyaa ɓɛɛ. N ti nwang naa gbongbolong ɓɔɔ ri goo nyaa ɓɛɛ.

1 Koranti 13:4

Naa mɔɔ kàsɛ̀ zang katɔ, mɔɔ mã danggn dɔɔli. Mɔɔ ti pàlɛ́ zang tɔ̃ɔ, mɔɔ kaa sũnyaa kpang. Mɔɔ ràng yee bang bang ka yuu ɓaaɓɛ kpang. Mɔɔ ti tuu yuu ɓaa kpang.

Kolosi 3:14

Ka yuu rɛɛ vuu keɓe, nɔɔ kàsɛ̀ ruu zɔɔ katɔ. Zɔɔ kasɛnang kɔ ɓákɛ̀ vuu piti wu nwang gbete.

1 Tesalonika 3:12

Kpanti ɓuru wu shingnɛ zɔɔ kasɛnang manɛ nɛɛ naa ɓɔɔ nɔɔ kasɛ zang piti, wu daa nɛɛ ting kɔ sasak. Tɔ̀ɔ, nɔɔ naa kasɛ zang kaa naa ɓɔɔ ruu kasɛ nɔɔ ɓɛɛ.

2 Tesalonika 1:3

Rɛɛ manzung ɓuru, daa naa ɓɔɔ ruu zãa Laa diki diki ka ruu manɛ tɔ. Daa naa ɓɔɔ ruu zãa wu tɔ, ka ruu ɓɔɔ, danggn ɓɔɔ nɔɔ shing ka bii Yeesɔ daa kana nɛɛ tĩng dɔɔli, a naa ɓɔɔ zang ɓu ka teteng manɛ ri kasɛ zɔɔ ti daa nɛɛ tĩng kɔ sasak.

1 Timoti 1:5

N kɔɔ mɔɔ nɔngkɔ, tɔ̀ɔ, ruu kasɛ ruu zɔɔ nɛɛ zɔɔ kasɛnang ɓɔɔ nwang nɛɛ yeti ɓɔɔ vuu shi kpang kagn kpang ɓɛɛ. Ruu ti kasɛ ruu zɔɔ nɛɛ rɛ̃rɛnang ɓɔɔ shi kpang kagn kpang ɓɛɛ. A ɓɔɔ nɛɛ danggn ɓɔɔ niizang keɓe ɓɔɔ ruu shing ka bii Yeesɔ Kirisi ɓɛɛ.

Yahudi 13:1

Nɔɔ yi tĩng nɛɛ zɔɔ kasɛnang, wee nɔɔ manzung zɔɔ ka gbalang Laa dũnnang ɓee.

Yakubu 5:12

Manzung, vuu ɓɔɔ ɓa weɓe nandon keɓe. Nɔɔ nɛɛ tɔɔ nɔɔ palɛ vuu ɓɔɔ, nɔ́ɔ tũng vuu kpang. Nɔ́ɔ tũng vuu nɛɛ nung Laa kpang. Nɔ́ɔ ti tũng vuu nɛɛ nung koo keɓe kpang. Nɔ́ɔ tũng vuu nɛɛ nung vuu ɓɔɔ kpang tingkiring. Nɔɔ nɛɛ kasɛ ruu katɔ, nɔɔ kasɛ nyaa nɛɛ, “Nn” nɔɔ di nyaa ka nɔngkɔ. Nɔɔ nɛɛ ti bɛ̃ɛ ruu katɔ, nɔɔ kasɛ nyaa nɛɛ “Kpang”, nɔɔ di nyaa ka nɔngkɔ. Ka ruu ɓɔɔ, Laa nɛ̀ɛ́ jɛ̃ɛ nɔɔ ruu nɛɛ nɔɔ palɛ vuu shi kpang tɔ ɓɛɛ.

Yakubu 5:20

nɔɔ zi ka yeti manɛ nɛɛ, zang ɓɔɔ shing zang ɓɔɔ palɛ vuu shi kpang, wu yaa gbalang vuu shi kpang ɓɔɔ wu palɛ ɓɛɛ, ta yuu zang kaɓa tɔ nɛɛ naa vɔrɔ. Laa ti yàá zang ɓɔɔ palɛ vuu shi kpang kaɓa gbalang vuu shi kpang ɓɔɔ wu palɛ dɔɔli ɓɛɛ katɔ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

3 Yɔhana 1:2

Masang ɓɔɔ n kasɛ mɔɔ katɔ dɔɔli ɓɛɛ, n gaa Laa nɛɛ, mɔɔ nwang waasɛ̃. Bii ɓaaɓɛ wu nwang tɔ̃ɔ, ka ruu ɓɔɔ, n zi tɔ, mɔɔ nwang ɓaa tɔ̃ɔ nɛɛ Kpanti Laa ɓɛɛ.