1 Bituru 4:4 - Nyaa Shɔɔ Ɓɔɔ Laa a Ɓɛɛ

⁴ Kãntang keɓe nɔɔ kpálɛ̀ zɔɔ tɔ̀ɔ́ nɛɛ ri, nɔɔ palɛ zɔ̃ng rɛɛ vuu shi kpang ɓɔɔ ɓa kaka katɔ kaɓa kpang. Ɓɔɔ ri zi naa weɓe ri mã naa kaa danggn, ri dãa nɔɔ.

1 Bituru 4:4 Σταυροειδείς Αναφορές

Matiyu 23:25

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi. Nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Nɔɔ nwang naa waka, nɛɛ gbanti ɓɔɔ zang sɔɔ dakn biling kɔ shɛ̃ɛning, a yeti ɓiɓɛ tɔ̀ɔ ɓi katɔ ɓɛɛ. Yeti manɛ nwang doo nɔngkɔ. Yeti manɛ ɓi ɓangge nɛɛ yuu kasɛnang kɔ shɛ̃ɛning.

Luka 15:13

Diki nɛɛ tɔɔ wu bee tɔkɔlɔng, ɓɔɔ wujaa naa kpalɛ vuu ɓiɓɛ nandon, a daa zanti nɛɛ mani ka koolaa ɓɔɔgn kpala kpala. Daa shɛ̃ɛ nɔng tɔ, a ningsi vuu ɓiɓɛ ka nɔng dũndũng palɛnang.

Zang Shonang Yeesɔ 13:45

Ɓɔɔ rɛɛ zang Yahudi ri zi zang ɓɔɔ ri kpalɛ dɔɔli ri kaa sũnyaa gbãng gbãng. Ri laa nyaa vuu ɓɔɔ Bulu kɔɔrɔ ɓɛɛ ri ti dãlɛ wu.

Zang Shonang Yeesɔ 18:6

Ri bɛ̃ɛ ruu ɓiɓɛ, a ri kɔɔrɔ vuu shi kpang ka yuu ɓiɓɛ. Yeti ɓiɓɛ lasɛ nɛɛ ri, a waa zũng tapuru ɓɔɔ ka fɔ̃ɔrɔ ɓiɓɛ ɓɛɛ, a kɔɔ ri tɔɔ, “Nɔɔ nɛɛ shaarɛ, ɓi nɔkɔ kãa nɛɛ yuu manɛ. Ruu mɛɛ hãa ɓi kagn kpang. Vuu ɓɔɔ gaayu nɛɛ lɛ̀ɛ́kɔ, n daarɛ m kaa bii rɛɛ zang ɓɔɔ ri zang Isirela kpang ɓɛɛ.”

Rooma 13:13

Rúu gaayu nwannang waasɛ̃, naa zang ɓɔɔ ri nwang ka nɔng ɓɔɔ yakɛ katɔ ɓɛɛ. Wu ka ɓɔɔ nɔɔ gaarɛ zɔɔ, nɔɔ ɓooro saa ɓɛɛ kpang, nɔɔ palɛ dũndũng kpang, nɔɔ ti pálɛ̀ shi kpang, kpang, nɔɔ hàa nyaa kpang, nɔɔ ti kaa sũnyaa kpang.

Afisa 5:18

Nɔ́ɔ yaa sàa wu si nɔɔ kpang, lasɛ nɔɔ katɔ. Nɔɔ yaa Suru Laa kɔ jong wu nwang ka yeti manɛ.

1 Bituru 2:12

Nɔɔ nwáng nwannang tɔ̃ɔ, tɔ̀ɔ, zang ɓɔɔ ri zi Laa kpang ri zirɛ. Ka ruu ɓɔɔ, naa ri rang yee shi kpang doo ka yuu manɛ, ri zili vuu tɔ̃ɔ ɓɔɔ nɔɔ palɛ ɓɛɛ, ri naa dɔ̀ɔ Laa ditɔ, ka diki ɓɔɔ wu naa a ka bii ɓarɛ ɓɛɛ.

1 Bituru 3:16

Ka ɓɔɔ nɔɔ kɔɔ zang Ruu Laa ɓɛɛ, nɔɔ tuu yuu manɛ katɔ kpang, nɔɔ seng zang katɔ. Nɔɔ ti pálɛ́ vuu ɓɔɔ nɔɔ zi ka yeti manɛ nɛɛ tɔ̃ɔ ɓɛɛ. Ka ruu ɓɔɔ, zang ɓɔɔ ri nɛɛ tɔɔ ri rang yee shi kpang ka yuu manɛ, yusɛ̃ɛ wu tuu ri ka ɓɔɔ ri dãlɛ nɔɔ ɓɛɛ. Ka ruu ɓɔɔ, ri naa zǐ nwannang manɛ ɓɔɔ daa naa ɓɔ̀ɔ́ zang ɓɔɔ ri dũng Kirisi ditɔ ɓɛɛ.

2 Bituru 2:12

Zang keɓe ri rangkɛ yee shi kpang ka yuu vuu ɓɔɔ ri zi tɔ̃ɔ tɔ̃ɔ kpang ɓɛɛ. Ri palɛ vuu naa shoko. Ri palɛ vuu teetee naa yɔpɔ jĩngti ɓɔɔ zang yi ri nɛɛ, ri nɛɛ bang tɔ, zang yirɛ zang yee ɓɛɛ. Niizang, ri shàarɛ́ dòo nɔngkɔ, naa yɔpɔ jĩngti, zang tãa nung ɓarɛ takpang.

2 Bituru 2:22

Vuu kɔ zɔ̃ng zang keɓe ri palɛ ɓee, daa teetee nɛɛ nyaa vuu jeenang ɓɔɔ zang ɓuru ri kɔɔrɔ ɓɛɛ, nɛɛ, “Zaa gbã̀ayu daa sháa jennang ɓiɓɛ, a ɓɔɔ ti nɛɛ gãnya ɓɔɔ zang sɔɔ wu bii katɔ, gbãayu ɓi tɔ, daa gbãa bii ɓi kana ɔ̃ti tɔkn.”

Yahuza 1:10

A zang keɓe ri dãlɛ vuu piti ɓɔɔ ri zi dĩiri ɓiɓɛ kpang ɓɛɛ. Vuu ɓɔɔ kagn ri zi katɔ, a ri zi kaa tɔ̀ɔ́ ka rɛ̃rɛnang ɓɔɔ ri rɛ̃rɛ ka yuu ɓiɓɛ kpang, ri tãa ɓarɛ nɛɛ bii naa ɓɔɔ yɔpɔ jĩngti ɓɔɔ rang yee ɓi kpang tãa ɓɛɛ. Ti vuu keɓe kɔ ningsi ri.