1 Bituru 4:11 - Nyaa Shɔɔ Ɓɔɔ Laa a Ɓɛɛ

¹¹ Zang ɓɔɔ Laa nɛɛ a wu naa yee rannang, wu rang yee ɓɔɔ a nɛɛ bii Laa ɓɛɛ. Zang ɓɔɔ nɛɛ zunung ɓɔɔ wu shǒng zang katɔ, wu shong nɛɛ kaka ɓɔɔ Laa a wu piti. Nɔɔ palɛ nɔngkɔ tɔ̀ɔ, zang ri dɔɔ Laa ka ruu vuu piti, ka ruu Yeesɔ Kirisi. Bannang nɛɛ naa vuu palɛnang ɓi ɓɔɔ ɓiɓɛ kɔ dòndòng. Nɔngkɔ.

1 Bituru 4:11 Σταυροειδείς Αναφορές

Matiyu 6:13

Mɔɔ yaa Sheetang wu gãsɛ ruu nɛɛ vuu ɓɔɔ ɓa kaka ɓuru katɔ ɓɛɛ kpang. Ta ruu katɔ kɔ jong nɛɛ naa ɓiɓɛ.

Yɔhana 13:31

Yahuda nwáng tɔ ka biling, a Yeesɔ kɔɔ zang ɓɔɔ ri mantɛ vuu ka bìí ɓiɓɛ, ɓɔɔ nimbang tɔɔ, “Kãntang keɓe, shɔnzang ri zi bannang mɛɛ ɓɔɔ n Jaa Shɔnzang kaa tɔ. Bannang Laa ti tusu bii kana jong, ka ruu vuu ɓɔɔ n palɛ ɓɛɛ.

Zang Shonang Yeesɔ 7:38

Musa keɓe kɔ nwang nɛɛ rɛɛ zang Isirela ɓɔɔ ri kpalɛ zɔɔ ka jĩngti, a ɓɔɔ zang nyaa shonang Laa ɓɔɔ ka lapa ɓɔɔ rang wu yee ka kɔpɔ Sinayi ɓɛɛ, a ɓɔɔ rɛɛ dabang ɓuru. Wukɔ ti tà ruu rúu Laa ɓɔɔ a zang suru bii ɓɛɛ, a á ruu.

Rooma 11:36

Vuu piti a nɛɛ bii Laa. Mãa vuu piti ka ruu ɓiɓɛ kɔ, a vuu piti ti gbãayu ka bii ɓiɓɛ ka nɔng. Rúu dɔɔ nɔɔ Laa dòndòng. Nɔngkɔ.

Rooma 12:3

A ka ruu tɔ̃ɔ ɓɔɔ Laa pàlɛ̀ m ɓɛɛ, n kɔɔ nɔɔ nandon. Zang ɓu wu rɛ̃rɛ nɛɛ wu ɓa zang piti katɔ kpang. Wu rɛ̃rɛ teetee kɔ jong, wu gãsɛ yuu ɓiɓɛ nɛɛ danggn ɓɔɔ wu shing ka bii Laa ɓɛɛ.

Rooma 16:27

Ruu dɔɔ Laa ɓɔɔ wukɔ gbete, ɓɔɔ zũng dɔɔli ɓɛɛ dòndòng, ka ruu vuu ɓɔɔ Yeesɔ Kirisi palɛ ɓɛɛ. Nɔngkɔ.

Rooma 3:2

Nwǎng zang vuu katɔ dɔɔli. Laa a zang Yahudi kɔ Ruu ɓiɓɛ ka naa, nɛɛ ri yiti.

1 Koranti 10:31

N kàsɛ́ zang keɓe nyaa nɛɛ, ka vuu ɓɔɔ mɔɔ palɛ ɓɛɛ nandon. Naa mɔɔ shaa doo vuu, naa mɔɔ ɓoo doo vuu, palɛ ka gbalang ɓɔɔ mɔɔ a Laa bannang nɛɛ mani ɓɛɛ.

1 Koranti 12:4

Vuu ɓɔɔ Suru Laa a zang naa nɛɛ zang ri palɛ, ɓi kagn ka zɔ̃ng zɔ̃ng. A Suru Laa ɓi kaa gbete kɔ nwani.

1 Koranti 3:10

Laa pàlɛ̀ m tɔ̃ɔ ka tĩng, yáa m nɛɛ nkɔ n gaayu shonang kaɓa. N loo doo gãa kaɓa waasɛ̃, naa zang ɓɔɔ zunung gãa mãanang katɔ ɓɛɛ. N loo doo gãa tɔ a zang ɓɔɔ mãa ɓi ka gãa. Zang ɓu wu palɛ waasɛ̃ naa ɓɔɔ wu mãa gãa bìí ɓɛɛ.

1 Koranti 6:20

Ka ruu ɓɔɔ, hoo nɔɔ nɛɛ zĩi Yeesɔ Kirisi ɓɛɛ. Ka ruu nɔngkɔ, nɔɔ a Laa bannang nɛɛ bii manɛ.

2 Koranti 2:17

Ruu ɓuru naa zang dɔɔli ɓɔɔ, Ruu Laa nwàng ri ɓarɛ kaa gbalang ɓɔɔ ri kãa vuu shaanang nɛɛ mani ɓɛɛ kpang. Ruu palɛ shonang ɓuru nɛɛ yeti gbete. Ruu kɔɔ Ruu Laa ɓuru naa ɓɔɔ Laa tusu ruu gbalang ɓɛɛ. Naa zang nyaa shonang ɓiɓɛ, a ɓɔɔ kaa naa zang shonang Yeesɔ Kirisi.

2 Koranti 9:13

Shonang tɔ̃ɔ kɔ nɔɔ palɛ ɓee, wukɔ tusu zang nɛɛ nɔɔ manɛ zang ɓɔɔ ri dũng Laa niizang ɓɛɛ. Zang ɓɔɔ ri dũng dòo Laa kɔ, ri dɔɔ Laa ka ruu naa ɓɔɔ nɔɔ kɔɔ zang Ruu Tɔ̃ɔ Yeesɔ Kirisi, a nɔɔ palɛ vuu ɓɔɔ ruu keɓe kɔɔ ɓɛɛ katɔ ɓɛɛ. Ri ti dɔ̀ɔ Laa ka ruu naa ɓɔɔ nɔɔ basɛ vuu manɛ, nɔɔ á ri nɛɛ yeti gbete, a nɔɔ ti á ɓɔɔ zang ɓɔɔ ri shing danggn tɔ jong ka bii Laa ɓɛɛ.

Afisa 1:19

A ɓɔɔ ti naa ɓɔɔ naa vuu palɛnang ɓiɓɛ ɓɔɔ bang dɔɔli, palɛ shonang ka bii ɓuru ɓɛɛ. Naa vuu palɛnang kɔ ka bii ɓuru ɓɔɔ ruu shing danggn tɔ ɓee, ɓi doo naa kaka ɓiɓɛ ɓɔɔ bang dɔɔli,

Afisa 4:29

Nɔ́ɔ rangkɛ yee sãnsãnrãng takpang. Nɔɔ ráng kaa yee ɓɔɔ yi zang naa katɔ ka bii ɓɛɛ, zɔ̃ng yee ɓɔɔ shing zang, zang bangnɛ ka doo vuu ɓɔɔ zang kasɛ ɓɛɛ. Tɔ̀ɔ, vuu ɓɔɔ mɔɔ kɔɔ ɓɛɛ wu nwàng zang ɓɔɔ ri tãa mɔɔ vuu tɔ̃ɔ kati.

Afisa 5:20

Nɔ́ɔ zãa Daa ɓuru Laa diki diki, ka ruu vuu piti, nɛɛ nung Kpanti Yeesɔ Kirisi.

Afisa 6:10

N di nyaa kaa nɛɛ ruu keɓe, naa vuu palɛnang Kpanti Yeesɔ wu shing nɔɔ, nɔ́ɔ shii nɛɛ kaka ka yuu ruu gn kɔ nɔɔ shing ka bii ɓiɓɛ ɓee.

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Filipi 2:11

Zang ɓu ti kɔɔyi nɛɛ nyaa ɓiɓɛ, ka shoo zang piti, nɛɛ Yeesɔ Kirisi kɔ Kpanti ɓiɓɛ. Wu ti naa a Laa ɓɔɔ wukɔ Daa ɓuru bannang.

Kolosi 4:6

Yee manɛ wu nwang tɔ̃ɔ diki diki, nyaa manɛ wu tɛ̃ɛ tãa kɔ shɛ̃ɛning. Nɔ́ɔ ti zi naa ɓɔɔ nɔɔ kasɛ zang ɓu nyaa tɔ̃ɔ ɓɛɛ.

1 Tesalonika 2:4

Ruu kɔɔrɔ ruu ɓuru naa ɓɔɔ Laa kasɛ nɛɛ ruu kɔɔ ɓɛɛ kɔ jong. Ka ruu ɓɔɔ, Laa zirɛ ruu daa naa ɓɔɔ wu a ruu Ruu Tɔ̃ɔ ɓiɓɛ tɔ ruu daa kɔɔ zang ɓɛɛ. Ruu tɔɔ kpang nɛɛ ruu rang yee tɔ̀ɔ zang ri tãa tĩnang kpang, ruu kasɛ ɓuru nɛɛ Laa ɓɔɔ wukɔ zi vuu ɓɔɔ ka yeti ɓuru tɔ wu tãa tĩnang.

1 Timoti 1:17

Rùu nandon ruu dɔ̀ɔ Laa ɓɔɔ wukɔ kpanti dòndòng ɓɛɛ ta. Laa ɓɔɔ vɔ ɓi jong kpang, zang ti zi wu ɓi jong nɛɛ jĩng kpang ɓɛɛ. Laa ɓɔɔ wukɔ gbete ɓɛɛ. Ruu a wu bannang ta dòndòng. Nɔngkɔ.

1 Timoti 6:16

Wukɔ vɔ ɓi kpang gbete. Nwàng ɓi ka nɔng ɓɔɔ yakɛ ɓi katɔ, ɓɔɔ zang ɓɔɔ zunung daanang ka bii ɓiɓɛ kpang ɓɛɛ. Zang ɓɔɔ zi wu gngn kpang. Zang ɓɔɔ ti zi wu kagn kpang. Zang wu báng wu diki diki, naa vuu palɛnang wu nwang ɓɔɔ ɓiɓɛ dòndòng, Nɔngkɔ.

Titu 2:1

Ɓɔɔ ɓaaɓɛ, tùsù zang ɓɔɔ ri dũng Laa ɓaa vuu ɓɔɔ daa doo vuu ɓɔɔ zang ɓɔɔ ri dũng Laa ri tusu ɓɛɛ.

Titu 2:15

Tusu zang vuu keɓe. Pálɛ́ shonang nɛɛ naa vuu palɛnang ɓaaɓɛ nandon, mɔ́ɔ mã̀ zang ɓaaɓɛ danggn. Mɔɔ ti mangkɛ ri. Mɔɔ yaa zang ɓɔɔ wu risi mɔɔ naa vĩi kpang.

Yahudi 13:7

Danggn wu ning nɔɔ zang bang manɛ ɓɔɔ ri ràng nɔɔ yee Laa ɓɛɛ kpang. Nɔɔ pɛ̃́ɛrɛ́ vuu ɓɔɔ nwannang ɓarɛ nwàng ri ɓɛɛ, nɔɔ màsɛ̀ danggn shinnang ɓarɛ.

Yahudi 5:12

Niizang, kãntang keɓe nɔkɔ nɛɛ tusu zang vuu kati, a nɔɔ kasɛ nɛɛ zang ɓɔɔ wu paasɛ nɔɔ ruu niizang ɓɔɔ kpãa kpang, ɓɔɔ ka Ruu Laa ɓɛɛ tusunang tɔkn. Nɛɛ nɔngkɔ, zang wu a nɔɔ míi, wu vuu shaanang ɓɔɔ lakɛ katɔ kpang.

Yakubu 1:19

Rɛɛ manzung ɓɔɔ n kasɛ ruu manɛ dɔɔli ɓɛɛ, danggn wu ning nɔɔ vuu keɓe kpang. Nɔɔ ɓaa shoo waasɛ̃, nɔ́ɔ tãa ruu pati, nɔ́ɔ kɔlɔ nyaa kaa tɔ̀ɔ́ nɔng yee rannang kpang. Nɔ́ɔ ti see gnvɔ pati kpang.

Yakubu 1:26

Zang ɓɔɔ nɛɛ tɔɔ wu dũng Laa, nɛɛ mung nyaa ɓiɓɛ kpang, nwãarɛ ɓi yuu ɓiɓɛ, Laa dũnnang ɓiɓɛ ɓi ɓɔɔ waati.

1 Bituru 2:12

Nɔɔ nwáng nwannang tɔ̃ɔ, tɔ̀ɔ, zang ɓɔɔ ri zi Laa kpang ri zirɛ. Ka ruu ɓɔɔ, naa ri rang yee shi kpang doo ka yuu manɛ, ri zili vuu tɔ̃ɔ ɓɔɔ nɔɔ palɛ ɓɛɛ, ri naa dɔ̀ɔ Laa ditɔ, ka diki ɓɔɔ wu naa a ka bii ɓarɛ ɓɛɛ.

1 Bituru 2:5

Nɔɔ ɓɔɔ Yeesɔ Kirisi a nɔɔ suru bii tɔ ɓɛɛ, nɔɔ nwàng doo naa rɛɛ tari kɔ. Tari ɓɔɔ Laa mãa gãa ɓɔɔ suru nwang kagn ɓɛɛ. Nɔɔ manɛ zang ɓɔɔ Laa zɔ̃ng ri nɛɛ ri nwang zang ɓɔɔ ri dɔ̀ɔ́ wu vuu ɓɛɛ. Nɛɛ tɔ̀ɔ, nɔ́ɔ shòng wu kaa nɛɛ yeti manɛ piti naa ɓɔɔ wu tãa tĩnang ɓɛɛ, ka ruu Yeesɔ Kirisi.

1 Bituru 4:10

Laa palɛ nɔɔ tɔ̃ɔ tɔ ka gbalang náabm̀ náabm̀. Laa a zang ɓu naa vuu palɛnang wu palɛ vuu ka zɔ̃ng zɔ̃ng. Ka ruu nɔngkɔ, zang ɓu wu palɛ tɔ̃ɔ, wu palɛ shonang nɛɛ naa ɓɔɔ Laa a wu, wu yi zang ɓɔɔ naa ka bii.

1 Bituru 4:16

Naa zang ɓɔɔ dang jĩng, ka ruu ɓɔɔ wu dũng Kirisi, yusɛ̃ɛ wu tuu wu kpang. Wu zãa ɓi Laa kɔ jong, ka ruu ɓɔɔ, zang gã wu ɓi kaa teteng rɛɛ zang Kirisi ɓɛɛ.

1 Bituru 5:11

Kpanti roonang Laa wu nwang ɓɔɔ ɓiɓɛ kɔ dòndòng. Nɔngkɔ.

Yahuza 1:25

Laa ɓɔɔ ɓa zang piti, wukɔ ti gbete, wukɔ tá yuu ɓuru nɛɛ bii Kpanti ɓuru Yeesɔ Kirisi ɓɛɛ. Bannang nɛɛ naa vuu palɛnang ɓi ɓɔɔ ɓiɓɛ dòo ka sáa ɓɔɔ tɛɛrɛ tɔ ɓɛɛ, nɛɛ kãntang keɓe, ti nwang ɓɔɔ ɓiɓɛ gbinggbing. Nɔngkɔ.