1 Bituru 4:10 - Nyaa Shɔɔ Ɓɔɔ Laa a Ɓɛɛ

¹⁰ Laa palɛ nɔɔ tɔ̃ɔ tɔ ka gbalang náabm̀ náabm̀. Laa a zang ɓu naa vuu palɛnang wu palɛ vuu ka zɔ̃ng zɔ̃ng. Ka ruu nɔngkɔ, zang ɓu wu palɛ tɔ̃ɔ, wu palɛ shonang nɛɛ naa ɓɔɔ Laa a wu, wu yi zang ɓɔɔ naa ka bii.

1 Bituru 4:10 Σταυροειδείς Αναφορές

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Matiyu 24:14

Zang naa rang zang koolaa keɓe Ruu Tɔ̃ɔ Kpanti Laa ditɔ nandon, tɔɔ zang ɓɔɔ ka rɛɛ tipi ɓɔɔ ka koo keɓe ri tãa ruu ɓɔɔ niizang kati. Tɔ̀ɔ, koo keɓe wu naa waa nyaa kati.”

Matiyu 24:21

Ka ruu ɓɔɔ, jĩng dannang bang kagn diki kaɓa ɓɛɛ. Zang zi jĩng dannang ɓɔɔ naa weɓe gngn ka koo keɓe doo gbete kpang. Zang naa paasɛ jĩng dannang ɓɔɔ naa weɓe takpang.

Matiyu 24:45

“A ɓu wi zang shonang tɔ̃ɔ ɓɔɔ zũng katɔ, ɓɔɔ dabang gãa ɓiɓɛ yaa wu zang ɓɔɔ ka gãa ɓiɓɛ nɛɛ wu alɛ ri vuu shaanang ka laa ɓɔɔ ri shaa vuu kagn wiya?

Matiyu 25:17

A zang gbete ɓɔɔ ta saka jaka ziti, ti daa walɛ ɓɔɔgn nɔ́ng ziti.

Matiyu 25:44

“A ri naa kasɛ wu nyaa doo nɔngkɔ nɛɛ, ‘Kpanti Laa, ruu zi mɔɔ gn vi nyɔkɔ nyɔ mɔɔ katɔ, sutu mãa mɔɔ, bii ɓaaɓɛ ti waati, a ruu yi mɔɔ naa ka bii kpang viya? Mɔɔ ti a zanti gn vi, a ruu ta mɔɔ ka gãa ɓuru kpang viya? Kɔnang ti palɛ mɔɔ gn vi, ruu ti zi mɔɔ gn vi ka sãa a ruu lengke jĩng ka mɔɔ kpang viya?’

Maraku 10:45

Ka ruu ɓɔɔ, Jaa Shɔnzang àrɛ́ nɛɛ zang shòng wukɔ shonang kpang, àrɛ́ nɛɛ wu shong zang katɔ kɔ jong. Wu ti mã̀lɛ̀ yuu ɓiɓɛ, ka ruu zang dɔɔli nɛɛ tɔ̀ɔ, wu ta yuu ɓarɛ kati.”

Luka 12:42

A kpanti kasɛ wu nyaa tɔɔ, “Ɓu wi zang shonang tɔ̃ɔ, a ti zũng katɔ wiya? Ɓɔɔ zang gãa ɓiɓɛ yaa wu gãa ka naa, nɛɛ wu alɛ zang vuu shaanang ka laa vuu shaanang ɓarɛ wiya?

Luka 19:13

Ɓɔɔ wu daa gn kpang, a ɓaa nyaa ka zang shonang ɓiɓɛ kopi, a ri pã́ng gbete gbete, kɔɔ ri tɔɔ, ‘Nɔɔ palɛ shonang ɓɔɔ nɔɔ walɛ ɓɔ̀ɔ́gn nɛɛ mani ka yuu weɓe, n gbãayu nɛɛ mani.’

Luka 8:3

Nɛɛ Yuwana soro Kuza ɓɔɔ palɛ shonang ka dabang Kpanti Hiridu ɓɛɛ, nɛɛ Susana, a ɓɔɔ zang soro ɓɔɔgn gaagaa, ɓɔɔ ri see vuu naa ɓarɛ, ri kãa Yeesɔ nɛɛ zang ɓɔɔ ri mantɛ vuu ka bii ɓiɓɛ vuu shaanang nɛɛ mani ɓɛɛ.

Rooma 15:25

A kãntang keɓe, n daa doo ka gari Urushalima, n daa a ri vuu ɓɔɔ yi ri naa ka bii ɓɛɛ.

Rooma 15:27

Rikɔ zɔ̃ng nɛɛ yeti ɓarɛ nɛɛ ri palɛ. Niizang, daa ɓɔɔ ri yi zang ɓɔɔ vuu ka naa ɓarɛ kpang naa katɔ ka bii. Zang ɓɔɔ ri zang Yahudi kpang, ri walɛ vuu tɔ̃ɔ ɓɔɔ Laa a zang Yahudi ka ruu suru ɓarɛ ɓɛɛ tɔ jong. Daa naa ɓɔɔ zang ɓɔɔ ri zang Yahudi kpang ri bàsɛ́ vuu naa ɓarɛ tɔ jong nɛɛ zang Yahudi.

1 Koranti 15:10

A gn mɛɛ naa kɔng Laa. Ka ruu tɔ̃ɔ ɓɔɔ wu palɛ zang, palɛ m tɔ̃ɔ, a shing m n raa zang ɓɔɔ nɔɔ zi m kãntang keɓe. Tɔ̃ɔ ɓɔɔ wu palɛ m, wu waati kpang. Nwáng vuu tɔ̃ɔ tɔ, ka ruu ɓɔɔ, n palɛ shonang nɛɛ kaka mɛɛ, n ɓa zang shonang ɓɔɔ nimbang nandon ɓɛɛ. N palɛ vuu keɓe wu nɛɛ yuu mɛɛ kpang, ɓi tɔ̃ɔ ɓiɓɛ ɓɔɔ ka bii mɛɛ palɛ.

1 Koranti 3:10

Laa pàlɛ̀ m tɔ̃ɔ ka tĩng, yáa m nɛɛ nkɔ n gaayu shonang kaɓa. N loo doo gãa kaɓa waasɛ̃, naa zang ɓɔɔ zunung gãa mãanang katɔ ɓɛɛ. N loo doo gãa tɔ a zang ɓɔɔ mãa ɓi ka gãa. Zang ɓu wu palɛ waasɛ̃ naa ɓɔɔ wu mãa gãa bìí ɓɛɛ.

1 Koranti 4:7

Ɓɔɔ mɔɔ zi yuu ɓaaɓɛ nɛɛ mɔɔ ɓa zang piti katɔ ɓɛɛ, mɔɔ ɓu wiya? Vuu ɓaaɓɛ ɓɔɔ kagn ɓɔɔ wu Laa kɔ a mɔɔ kpang kagn ya? Laa kɔ nɛɛ a mɔɔ vuu piti, a mɔɔ rangkɛ yee vi bang bang ka yuu vuu kaɓa naa kaka ɓaaɓɛ a mɔɔ viya?

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

2 Koranti 9:1

Dàa naa ɓɔɔ n bèé nɔɔ labeenang tɔ̀ɔ́ sasak, ka yuu vuu ɓɔɔ zang kpalɛ zang ɓɔɔ ri dũng doo Laa kɔ, ɓɔɔ ri ka tipi Yahudi ɓɛɛ kpang.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Afisa 4:11

Wukɔ alɛ shɔnzang vuu Suru. Zɔ̃̀ng zang ɓɔɔ nɛɛ ri nwang zang shonang ɓiɓɛ. Zang ɓɔɔ nɛɛ ri nwang zang nyaa shonang Laa. Zang ɓɔɔ nɛɛ ri nwang ɓarɛ zang ɓɔɔ ri rakɛ, ri kɔɔrɔ zang Ruu Laa ɓɛɛ. A shing zang ɓɔɔ nɛɛ ri ɓarɛ kaa zang ɓɔɔ ri gãng jĩng ka zang Laa ɓɛɛ. A zang ɓɔɔ nɛɛ ri ɓarɛ zang ɓɔɔ ri tusu zang vuu ɓɛɛ.

2 Timoti 1:18

Kpanti Yeesɔ wu palɛ wu tɔ̃ɔ ka diki ɓɔɔ koo waa nyaa ɓɛɛ. Mɔɔ ti zì vuu ɓɔɔ wu pàlɛ̀ m ka Afisa ɓɛɛ tɔ gbayi gbayi.

Titu 1:7

Ka ruu ɓɔɔ, zang bang Gãa Laa gãng jĩng ɓi ka shonang Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Wu tuu yuu kpang, wu ti ta yeti gbãngko kpang. Wu zang ɓɔɔ sàa si wu kpang, wu zang ɓɔɔ laa nyaa kpang. Wu ti zang ɓɔɔ shing jĩng ka saka kãanang ɓɛɛ kpang, a wu ti zang ɓɔɔ shaa varɛ dɔɔli kpang.

Yahudi 6:10

Ka ruu ɓɔɔ, Laa ɓi zang ɓɔɔ palɛ vuu gn dang gbete kpang, danggn ning wu shonang manɛ kpang. Nɛɛ naa ɓɔɔ nɔɔ tusu nɛɛ nɔɔ kasɛ wu katɔ, ka ɓɔɔ nɔɔ yí zang ɓiɓɛ naa ka bii, a nɔɔ ti yi ri doo naa ɓɛɛ.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

1 Bituru 5:12

Ɓi Siila yì m naa kagn, a bèe nɔɔ labeenang tɔkɔlɔng kɔ n a nɔɔ ɓee. N zi tɔ Siila ɓi dòo zang ɓɔɔ dũng Laa kɔ nɛɛ ruu. Siila daa naa ɓɔɔ zang shing gn ka bii ɓiɓɛ tɔ. N bèé nɔɔ ruu keɓe n tɔɔ, n mã nɔɔ danggn. N ti kɔɔ nɔɔ faarik nɛɛ niizang, wee ɓi naa ɓɔɔ Laa pàlɛ̀ ruu tɔ̃ɔ ɓɛɛ kɔ. Ka ruu nɔngkɔ, nɔɔ shíi nɛɛ kaka ka rɛɛ vuu keɓe.