1 Bituru 4:1 - Nyaa Shɔɔ Ɓɔɔ Laa a Ɓɛɛ

¹ Ruu zi tɔ nɛɛ Yeesɔ Kirisi dang jĩng nɛɛ bii ɓiɓɛ. Ka ruu nɔngkɔ, nɔɔ kpalɛ bii doo nɔngkɔ, nɔɔ dang jĩng nɛɛ bii manɛ naa ɓɔɔ wu dang ɓɛɛ. Ka ruu ɓɔɔ, zang ɓɔɔ nɛɛ dang jĩng tɔ nɛɛ bii ɓiɓɛ, yaa vuu shi kpang palɛnang ɓi tɔ ɓɛɛ.

1 Bituru 4:1 Σταυροειδείς Αναφορές

Maraku 3:3

A Yeesɔ ɓaa yɔɔ ɓɔɔ naa ɓakɛ katɔ kaɓa nyaa tɔɔ, “Arɛ mɔɔ naa shii ka tĩng zang piti ka nihn.”

Rooma 6:11

Nɔɔ rɛ̃rɛ doo nɔngkɔ, ka yuu manɛ nɛɛ nɔɔ nwàng naa vɔrɔ, nɛɛ a tɔ ka nɔng vuu shi kpang palɛnang ɓɛɛ. A nɔɔ nwàng ningkãari ka Ruu Laa, ka ruu ɓɔɔ, nɔɔ ɓakɛ zɔɔ tɔ nɛɛ Yeesɔ Kirisi ɓɛɛ.

Rooma 6:2

Kpang, ruu palɛ nɔngkɔ kpang. Ɓɔɔ ruu yaa vuu shi kpang palɛnang ɓuru tɔ, ruu palɛ takpang.

Rooma 6:7

Zang ɓɔɔ nɛɛ vɔ tɔ, wɔ ɓi tɔ, palɛ vuu shi kpang ɓi takpang.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Galati 5:24

Zang ɓɔɔ nɛɛ ɓi kaa zang Yeesɔ Kirisi yáa vuu ɓɔɔ bii shɔnzang kasɛ ɓɛɛ palɛnang ɓi tɔ nandon.

Afisa 6:13

Ka ruu nɔngkɔ, nɔɔ sèe vuu waa sĩiri tanang Laa ta, tɔ̀ɔ diki ɓɔɔ shi kpang keɓe nɛ́ɛ a tɔ, nɔɔ shii bang kaa nɛɛ sheetang ka ɓɔɔ wu a nyaa gaanang nɛɛ nɔɔ ɓɛɛ. Nɔɔ nɛɛ gáa nyaa tɔ nɛɛ wu, nɔɔ nɛɛ shaa wu tɔ, nɔɔ shii kaa nɛɛ doo, ka nɔng manɛ gbãng gbãng.

Filipi 2:5

Rɛ̃rɛnang ɓɔɔ nɔɔ rɛ̃rɛ ka yeti manɛ wu nwang naa ɓɔɔ Yeesɔ Kirisi rɛ̃rɛ ɓɛɛ.

Yahudi 12:3

Nɔɔ rɛ̃rɛ karɛ ka yuu Yeesɔ ɓɔɔ mã danggn ka jĩng ɓɔɔ wu dangnɛ ka ɓɔɔ zang bɛ̃ɛ wu ɓɛɛ, tɔ̀ɔ, nɔɔ lee kaa takpang, nɔɔ ti yaa gn naa kpang.

Yahudi 4:10

Ka ruu ɓɔɔ, zang ɓɔɔ nɛɛ daa nɔng ɔ̃sɔnang Laa tɔ, ɔ̃sɔ ɓi tɔ jong ka shonang ɓiɓɛ naa ɓɔɔ Laa ɔ̃sɔ ka ɓɔɔ wu hangsɛ shonang ɓiɓɛ ɓɛɛ.

1 Bituru 2:21

Laa ɓaa nɔɔ nyaa nɛɛ, nɔ́ɔ nwang zang ɓiɓɛ nɛɛ naa nɔɔ nɛɛ palɛ tɔ̃ɔ a zang dang nɔɔ jĩng, nɔɔ mã danggn katɔ. Ka ruu ɓɔɔ, Yeesɔ Kirisi nɛɛ yuu ɓiɓɛ, dang jĩng ka ruu manɛ ɓɛɛ. Nwannang ɓiɓɛ kɔ tusu nɔɔ naa ɓɔɔ nɔɔ nwáng ɓɛɛ.

1 Bituru 3:18

Yeesɔ Kirisi nɛɛ yuu ɓiɓɛ dàng jĩng, ka ruu vuu shi kpang ɓuru a hangsɛ shonang keɓe doo gbete. Zang ɓɔɔ ɓi zang tɔ̃ɔ ka tĩng Laa, vɔ ka ruu zang ɓɔɔ ri palɛ ɓarɛ vuu ɓɔɔ daa bii kpang ɓɛɛ. Nɛɛ tɔ̀ɔ, wu atɛ ruu ka bii Laa. Zang ri nyɔ wu vɔrɔ, a Laa wisi wu paa nɛɛ sàa tɔkn.