1 Bituru 3:9 - Nyaa Shɔɔ Ɓɔɔ Laa a Ɓɛɛ

⁹ Zang ɓɔɔ nɛɛ pàlɛ̀ nɔɔ shi kpang, nɔ́ɔ ti palɛ ri doo shi kpang kɔ kpang. Zang ri nɛɛ dãa nɔɔ, nɔ́ɔ ti dãa ri jong kpang. Nɔɔ gàa ri manɛ Laa kɔ jong, wu pàlɛ̀ ri tɔ̃ɔ, ka ruu ɓɔɔ, Laa shɛ̃ɛrɛ nɔɔ nɛɛ wu pàlɛ́ nɔɔ tɔ̃ɔ ɓɛɛ.

1 Bituru 3:9 Σταυροειδείς Αναφορές

Matiyu 19:29

Zang piti ɓɔɔ yaa gãa ɓiɓɛ, nɛɛ ɓeezung, nɛɛ ɓeenaa, nɛɛ diiɓɛ, nɛɛ niiɓɛ, nɛɛ wujɛ ɓiɓɛ, a ɓɔɔ tipi jaa lannang ɓiɓɛ, ka ruu mɛɛ, naa walɛ vuu ɓɔɔ wu yaa ɓɛɛ ditɔ dakn laa maani. Ti walɛ suru bii ɓɔɔ waa nyaa kpang ɓɛɛ katɔ.

Matiyu 25:34

Kpanti wu naa kɔɔ zang ɓɔɔ ri ka naa nakn ɓiɓɛ nɛɛ, ‘Zang ɓɔɔ Daa mɛɛ a ri tĩnang tãanang tɔ ɓɛɛ, nɔɔ a ta nɔ́ɔ ta vuu tɔ̃ɔ ɓɔɔ Daa mɛɛ shĩili nɔɔ, doo ka diki ɓɔɔ wu gaayu koo keɓe mãanang ɓɛɛ.

Matiyu 5:39

A n kɔɔ nɔɔ, nɔ́ɔ lɔngsɔ vuu shi kpang ɓɔɔ zang palɛ nɔɔ ɓɛɛ, nɛɛ vuu shi kpang kɔ doori kpang. N kɔɔ nɔɔ, zang nɛɛ nyɔ mɔɔ ka kashoo ɓɔɔ nakn, mɔɔ raa wu ɓɔɔ nagang jong.

Matiyu 5:44

A n kɔɔ nɔɔ, nɔɔ kàsɛ̀ ruu zang ɓɔɔ nɔɔ shing jĩng nɛɛ zɔɔ kpang katɔ. Nɔɔ ti gaa Kpanti Laa ka ruu zang ɓɔɔ ri dang nɔɔ jĩng ɓɛɛ,

Maraku 10:17

Yeesɔ yi gbalang daanang ɓiɓɛ tɔ, daa kana, a jaa varɛ ɓɔɔ yurɛ naa tang ka tĩng ɓiɓɛ, a hɛ̃ɛ wu tɔɔ, “Maalang ɓɔɔ tɔ̃ɔ tɔ̃ɔ ɓɛɛ, n palɛ vi tɔ̀ɔ, Laa wu a m suru bii ɓɔɔ waa nyaa kpang viya?”

Luka 10:25

A yɔɔ ɓɔɔ zi labeenang Laa ɓɔɔ Musa bee ɓɛɛ dɔɔli, seepaa nɛɛ wu gãsɛ Yeesɔ. Hɛ̃ɛ Yeesɔ tɔɔ, “Maalang, naa n palɛ ɓu bɛ̀ɛ vi, n walɛ suru bii ɓɔɔ waa nyaa kpang ɓɛɛ viya?”

Luka 18:18

A yɔɔ ɓɔɔ wukɔ zang bang zang Yahudi hɛ̃ɛ Yeesɔ tɔɔ, “Maalang ɓɔɔ tɔ̃ɔ ɓɛɛ, naa n palɛ bɛ̀ɛ́, ń walɛ suru ɓɔɔ waa nyaa kpang viya?”

Rooma 12:14

Gàa Laa, wu palɛ zang ɓɔɔ ri dang nɔɔ jĩng tɔ̃ɔ. Gàa wu, wu palɛ ri tɔ̃ɔ, nɔɔ gàa wu, wu ku ri nyaa ka bii kpang.

Rooma 12:17

Zang ɓɔɔ nɛɛ pàlɛ̀ nɔɔ shi kpang, nɔɔ wàa pãng doo nɛɛ vuu shi kpang kɔ kpang. Nɔɔ gãng jĩng kagn nɔ́ɔ pálɛ́ vuu ɓɔɔ zang piti ri zirɛ nɛɛ vuu tɔ̃ɔ ɓɛɛ.

Rooma 8:28

Ruu zi tɔ nɛɛ, ka yeti vuu piti, Laa palɛ shonang ka ruu zang ɓɔɔ ri kasɛ wu katɔ ɓɛɛ. Tɔ̀ɔ, vuu keɓe wu nwàng ri tɔ̃ɔ kati. Rikɔ zang ɓɔɔ Laa ɓaa ri nyaa nɛɛ tɔ̀ɔ, ri palɛ vuu ɓɔɔ wu kasɛ nɛɛ wu pàlɛ́ nɛɛ ri ɓɛɛ.

Rooma 8:30

A Laa tá (shɛ̃ɛrɛ) rɛɛ zang ɓɔɔ wu ɓàa ri nyaa dang gbete. Zang kɔ wu ɓaa ri nyaa ɓee, risi ri nɛɛ ri nwang zang tɔ̃ɔ ka tĩng ɓiɓɛ. A á zang kɔ wu risi ri nɛɛ ri nwang zang tɔ̃ɔ ɓee, bannang kati.

Galati 3:14

Yeesɔ Kirisi palɛ vuu keɓe nɛɛ, tɔ̀ɔ wu shingnɛ, tĩnang ɓɔɔ Laa a Ibirayi nyaa ka yuu ɓiɓɛ, wu raa kaa ɓɔ̀ɔ́ zang ɓɔɔ ri zang Yahudi kpang, ri nɛɛ shing gn ka bii ɓiɓɛ ɓɛɛ. Tɔ̀ɔ, rùu ɓɔɔ ruu shing danggn tɔ ka bii Kirisi, Laa wu a ruu Suru ɓiɓɛ ɓɔɔ a ruu nyaa ka ruu ɓiɓɛ kati.

Afisa 4:32

Nɔɔ pàlɛ̀ zang tɔ̃ɔ kɔ jong, gn zɔɔ wu ti kɔng nɔɔ katɔ. Nɔɔ yaa zɔɔ gbalang vuu shi kpang ɓɔɔ nɔɔ palɛ zɔɔ katɔ, naa ɓɔɔ Laa yàa nɔɔ gbalang nɛɛ bii Yeesɔ ɓɛɛ.

1 Tesalonika 5:15

Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.

Yahudi 12:17

Nɔɔ zi tɔ, nɛɛ knti, naa kasɛ nɛɛ daa ɓiɓɛ wu gàa wu Laa, Laa wu palɛ wu tɔ̃ɔ. A daa ɓiɓɛ bɛ̃ɛ wu. Gbalang ɓɔɔ wu kɔ̃sɔ vuu ɓɔɔ wu palɛ ɓɛɛ takpang, naa doo ɓɔɔ wu kãayi nɛɛ miiri ka jĩng ɓɛɛ.

Yahudi 6:14

Kɔɔyi tɔɔ, “Niizang, n shing mɔɔ mɔ́ɔ tãa tĩnang, n a mɔɔ zɔ̃ng dɔɔli.”

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.