1 Bituru 3:8 - Nyaa Shɔɔ Ɓɔɔ Laa a Ɓɛɛ

⁸ N hangsɛ nɔɔ nyaa ruu kaa nɛɛ ruu keɓe. Nɔɔ nandon nyaa manɛ wu daa gbete, gn zɔɔ wu kɔng nɔɔ katɔ, nɔɔ kasɛ ruu zang ɓɔɔ ri dũng doo Laa kɔ katɔ, ka ruu ɓɔɔ ri ɓarɛ rɛɛ ɓaazung ɓɛɛ. Nɔ́ɔ ti pàlɛ̀ zɔɔ tɔ̃ɔ katɔ, a nɔ́ɔ ti lakɛ jĩng kpang.

1 Bituru 3:8 Σταυροειδείς Αναφορές

Matiyu 18:33

Ka ruu vi, gn ɓaasang shonang kɔng mɔɔ jong naa ɓɔɔgn ɓaaɓɛ kɔng m, mɔɔ yàa wu saka ɓɔɔ wu ta nyaa kɔ́pɔ́ ka naa ɓaaɓɛ kpang viya?’

Luka 10:33

“A yɔɔ Samariya ɓɔɔ tɔ̀ɔ wu daa zanti sɔɔ gbalang kaɓa, arɛ naa kpaa jĩng ka wu ka tipi, a gn ɓiɓɛ kɔng wu.

Zang Shonang Yeesɔ 2:1

Diki Pentiku naa arɛ, a zang ɓɔɔ ri shíng danggn tɔ, ri kpalɛ zɔɔ ka nɔng gbete.

Zang Shonang Yeesɔ 27:3

Ɓɔɔ nɔng naa gãntɛ, ruu shɛ̃ɛ gari Sidong. Yuliya palɛ Bulu tɔ̃ɔ. Yaa wu nɛɛ wu daa jee rɛɛ ɓeesang nyaa nɛɛ tɔɔ, ri a wu vuu ɓɔɔ wu kasɛ ɓɛɛ.

Zang Shonang Yeesɔ 28:7

Ka nɔng kɛɓɛ, gãa yɔɔ ɓɔɔ zang ɓaa wu nɛɛ Babiliya, kpanti tipi Malita kagn nɔng naabm. Ta ruu waasɛ̃, ti a ruu vuu shaanang, a ruu nwang zanti ka gãa ɓiɓɛ diki taati.

Zang Shonang Yeesɔ 4:32

Zang ɓɔɔ ri shing danggn tɔ nandon, yeti ɓarɛ gbete. Zang ɓɔɔ tɔɔ kpang nɛɛ vuu naa ɓiɓɛ, ɓi ɓɔ̀ɔ́ ɓiɓɛ ka bm kpang. Ri basɛ vuu ka naa ɓarɛ nɛɛ zɔɔ ri nandon.

Rooma 12:10

Nɔɔ kasɛ ruu zɔɔ gbãng gbãng, ka ruu ɓɔɔ, nɔɔ kaa gbete ka gbalang Kirisi ɓɛɛ. Nɔ́ɔ zarɛ bii ka nɔng ɓɔɔ nɔɔ a zɔɔ bannang kpang.

Rooma 15:5

Laa ɓɔɔ wukɔ shing nɔɔ, nɔɔ mã danggn, nɔɔ ti yi tĩng ka vuu ɓɔɔ nɔɔ shing gn palɛnang ɓɛɛ, wu shingnɛ nɔ́ɔ nwang ka nyaa zɔɔ. Nɔ́ɔ pálɛ́ shonang ɓɔɔ Yeesɔ Kirisi pálɛ́ ɓɛɛ.

1 Koranti 1:10

Manzung, n gaa nɔɔ ka ruu Kpanti ɓuru Yeesɔ Kirisi, nyaa manɛ wu daa gbete, ka vuu ɓɔɔ nɔɔ kɔɔ ɓɛɛ. Nɔ́ɔ ti kusu zɔɔ kpang. Rɛ̃rɛnang manɛ wu daa gbete, nɔ́ɔ ti palɛ vuu gbete.

1 Koranti 12:26

Naa vuu gbete ka bii ɓuru dang jĩng, bii nimbang keɓe ri dang jĩng kaa nyaa zɔɔ.

Afisa 4:2

Nɔ́ɔ tuu yuu manɛ kpang, nɔ́ɔ palɛ vuu hakaka kpang, nɔ́ɔ ti mã danggn nɛɛ zɔɔ diki diki. Nɔɔ tusu zɔɔ naa ɓɔɔ nɔɔ kasɛ zɔɔ ɓɛɛ, ka naa ɓɔɔ nɔɔ yi zɔɔ naa ka bii ɓɛɛ.

Afisa 4:31

Nɔ́ɔ yiti zang ɓɔɔ ka yeti kpang, gnvɔ wu shàa nɔɔ nɛɛ zang ɓɔɔ kpang, mɔɔ lasɛ yeti nɛɛ zang ɓɔɔ kpang, nɔ́ɔ rangkɛ yee shi kpang ka yuu zang ɓɔɔ kpang. Nɔ́ɔ rɛ̃rɛ rɛ̃rɛnang ɓɔɔ shing nɔɔ, nɔɔ bɛ̃ɛ zang kpang tingkiring.

Afisa 4:32

Nɔɔ pàlɛ̀ zang tɔ̃ɔ kɔ jong, gn zɔɔ wu ti kɔng nɔɔ katɔ. Nɔɔ yaa zɔɔ gbalang vuu shi kpang ɓɔɔ nɔɔ palɛ zɔɔ katɔ, naa ɓɔɔ Laa yàa nɔɔ gbalang nɛɛ bii Yeesɔ ɓɛɛ.

Filipi 2:3

Nɔ́ɔ kàsɛ̀ wu yuu manɛ kɔ shɛ̃ɛning kpang, nɔ́ɔ ti tuu yuu manɛ kpang. Risi yuu ɓaaɓɛ naa vuu ɓɔɔ kpang, mɔɔ zì zang ɓɔɔ naa ri ɓa mɔɔ katɔ.

Filipi 3:16

Vuu ɓɔɔ ɓa vuu piti ɓɛɛ, ruu dũng rɛɛ vuu ɓɔɔ bɛ̀ɛ́ ruu dũng ɓɛɛ kɔ sasak.

Kolosi 3:12

Ka ruu ɓɔɔ, nɔɔ manɛ kaa zang Laa. Laa kasɛ nɔɔ, a zɔ̃ngkɔ nɔɔ, nɛɛ nɔ́ɔ nwang kaa ɓɔɔ ɓiɓɛ. Nɔɔ nwang zang ɓɔɔ gň zang kɔng nɔɔ katɔ ɓɛɛ, nɔɔ pàlɛ̀ zang tɔ̃ɔ, nɔɔ tuu yuu kpang, nɔ́ɔ pálɛ̀ vuu hakaka kpang, nɔɔ mã gn katɔ.

Yahudi 13:1

Nɔɔ yi tĩng nɛɛ zɔɔ kasɛnang, wee nɔɔ manzung zɔɔ ka gbalang Laa dũnnang ɓee.

Yakubu 2:13

Ka ruu ɓɔɔ, gn kɔng Laa kpang, ka nɔng ɓɔɔ wu jɛ̃ɛ zang ɓɔɔ gn zang kɔ̀ng wu ɓi kpang ɓɛɛ. Zang ɓɔɔ gn zang kɔng wu katɔ, naa zirɛ nɛɛ gn zang ɓɔɔ kɔng Laa ɓa ruu ɓɔɔ wu dɔng zang ɓɛɛ katɔ.

Yakubu 3:17

Zũnang ɓɔɔ a nɛɛ bii Laa ɓi náabm̀. Zang ɓɔɔ zũnang keɓe kagn yeti ɓiɓɛ, shi kpang nwang ɓi ka bii ɓiɓɛ kpang. Zũnang keɓe, shing zang, zang kasɛ nwannang ka bii zɔɔ, palɛ vuu ɓi hakaka kpang, yi wusang ɓi dɔɔli, gn zang kɔng wu dɔɔli, a ti palɛ vuu tɔ̃ɔ dɔɔli. Pálɛ̀ vuu ɓi jong gn dang gbete kpang, ti nwãarɛ zang ɓi nɛɛ vuu palɛnang kpang.

Yakubu 5:11

Rùu ɓaa ri ɓuru kaa nɛɛ zang ɓɔɔ Laa a ri tĩnang tãanang ɓɛɛ, ka ruu danggn ɓɔɔ ri mã gbãng gbãng ɓɛɛ. Nɔɔ tãa ruu Ayuba tɔ, naa ɓɔɔ wu mã danggn ka laa ɓɔɔ wu dang jĩng ɓɛɛ. Nɔɔ ti tãa tɔ naa ɓɔɔ Laa naa shing jĩng dannang ɓiɓɛ nwǎng wu vuu tɔ̃ɔ ɓɛɛ. Niizang, sisĩng Laa nwãa kpang, gn ɓuru kɔng wu katɔ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Bituru 2:17

Nɔ́ɔ a zang piti bannang katɔ. Nɔ́ɔ ti kàsɛ̀ ruu zang ɓɔɔ ri dũng doo Laa kɔ katɔ. Nɔ́ɔ kaa vɔrɔ Laa katɔ. Nɔ́ɔ ti a kpanti bannang katɔ.

1 Bituru 5:5

Ɓɔɔ nɔɔ manɛ dòo jasang n kɔɔ nɔɔ dòo nɔngkɔ. Nɔɔ ɓaa shoo ka nyaa rɛɛ zang bang. Ɓɔɔ nɔɔ nandon ɓɛɛ, nɔɔ seng zɔɔ katɔ, a nɔɔ kpalɛ bii diki diki nɔ́ɔ shòng zɔɔ. Ka ruu ɓɔɔ, zang bee ka yeti labeenang Laa nɛɛ, “Laa kasɛ ruu zang ɓɔɔ ri tuu yuu ɓarɛ kpang, á ɓi zang ɓɔɔ ri tuu yuu ɓarɛ kpang tĩnang tãanang.”

2 Bituru 1:7

Nɔɔ pàlɛ̀ zɔɔ tɔ̃ɔ, naa nɔɔ jaa nàá gbete, ka yuu nwannang keɓe. Nɔɔ ti kasɛ zang piti.

1 Yɔhana 3:14

Ruu zi tɔ nɛɛ ruu ɓuru tɔ̀ɔ́ ka naa vɔrɔ kpang. Ruu ɓuru kaa zang ningkãari, ka ruu ɓɔɔ, ruu kasɛ ruu zɔɔ ɓuru katɔ ɓɛɛ. Zang ɓɔɔ kasɛ ruu ɓeezung kpang, ɓi dòo ka naa vɔrɔ.