1 Bituru 3:7 - Nyaa Shɔɔ Ɓɔɔ Laa a Ɓɛɛ

⁷ Ɓɔɔ nɔɔ varɛ zang ɓɛɛ, nɔɔ nwang nwannang tɔ̃ɔ nɛɛ soro manɛ, nɔɔ zi tɔ, ri lakɛ naa ka bii naa nɔkɔ kpang. Ka ruu nɔngkɔ, nɔɔ a ri bannang jong ka ruu ɓɔɔ nɔɔ nandon nɔɔ wàlɛ́ suru bii ɓɔɔ Laa a zang waati kɔ ɓɛɛ. Naa nɔɔ palɛ nɔngkɔ, vuu ɓɔɔ zãyi, Laa tãa gaanang ɓɔɔ nɔɔ gaa wu kpang ɓɛɛ kagn kpang.

1 Bituru 3:7 Σταυροειδείς Αναφορές

Matiyu 18:19

“Nɔɔ ɓaa shoo ta, nɔ́ɔ tãa tɔkn. Naa zang ziti ka teteng manɛ ri mã̀ zɔɔ naa ka yuu vuu piti ɓɔɔ ri gaayi, Daa mɛɛ ɓɔɔ ka lapa palɛ ri katɔ.

1 Koranti 7:3

Zang varɛ wu pàlɛ̀ ɓeeso vuu ɓɔɔ daa naa ɓɔɔ zang varɛ pàlɛ́ soro ɓiɓɛ ɓɛɛ. Zang soro wu ti pàlɛ̀ ɓeevɛ, vuu ɓɔɔ daa naa ɓɔɔ soro pàlɛ́ ɓeevɛ ɓɛɛ.

Afisa 3:6

Vuu waasɛnang keɓe, ɓi ka wukɔ, nɛɛ bìí Ruu Tɔ̃ɔ Laa, Laa shingnɛ zang ɓɔɔ ri zang Isirela kpang, ri nwang wujɛ Daa kaa jong nɛɛ zang Isirela. Ri nandon ri nwang kaa gbete ka nyaa ɓɔɔ Laa a nɛɛ bìí Yeesɔ Kirisi ɓɛɛ.

Afisa 4:30

Nɔ́ɔ lasɛ Suru Laa yeti kpang, ka ruu ɓɔɔ, Suru Laa kɔ tusu nɛɛ nɔɔ manɛ zang Laa ɓɛɛ. Suru keɓe kɔ tusu zang nɛɛ diki a ditɔ, ɓɔɔ Laa naa ta yuu manɛ ɓɛɛ.

Afisa 5:33

Zang ráng nɔkɔ ruu keɓe jong. Varɛ ɓu wu kasɛ ɓeeso naa ɓɔɔ wu kasɛ yuu ɓiɓɛ ɓɛɛ, a soro ɓu wu seng ɓeevɛ katɔ.

Afisa 6:18

Nɔɔ gaa Laa diki diki naa ɓɔɔ Suru Laa tusu nɔɔ ɓɛɛ. Nɔɔ gaa wu ka yuu vuu ɓɔɔ nɔɔ kasɛ ɓɛɛ nandon. Nɔɔ palɛ vuu keɓe nɔngkɔ, nɔ́ɔ lee kpang. Nɔ́ɔ ti gaa Laa diki diki ka ruu zang Laa nandon.

Kolosi 3:19

Varɛ, nɔɔ kasɛ soro manɛ katɔ. Nɔ́ɔ palɛ ri hakaka kpang.

1 Tesalonika 4:4

Zang varɛ ɓu wu yiti yuu ɓiɓɛ waasɛ̃, ka gbalang tɔ̃ɔ naa ɓɔɔ Laa nɛɛ shɔnzang piti ri kasɛ katɔ ɓɛɛ.

Titu 3:7

Tɔ̀ɔ, ka ruu tɔ̃ɔ Yeesɔ Kirisi, ruu nwang zang tɔ̃ɔ kaa tĩng Laa, a ruu wàlɛ́ suru bii ɓɔɔ waa nyaa kpang ɓɔɔ ruu shing gn ɓiɓɛ kati.

Yahudi 1:14

Ka ruu nɔngkɔ zang nyaa shonang Laa ɓɔɔ ri ka lapa, ri ɓarɛ zang ɓɔɔ ri pàlɛ́ Laa shonang ɓɛɛ waati. Laa shong ri, nɛɛ ri yi rɛɛ zang ɓɔɔ wu naa ta yuu ɓarɛ naa ka bii.

1 Bituru 3:1

Doo nɔngkɔ, ɓɔɔ nɔɔ zang soro ɓɛɛ, nɔ́ɔ gãsɛ yuu nɛɛ varɛ manɛ kpang. Ka ruu ɓɔɔ, naa varɛ zang ɓɔɔ nɛɛ shing danggn ka Ruu Laa kpang, nwannang tɔ̃ɔ soro ɓiɓɛ shing wu katɔ, wu arɛ, wu dũng Ruu Laa naa nɔɔ rang ri yee dòo nɛɛ nyaa manɛ kpang ɓɛɛ.