1 Bituru 3:20 - Nyaa Shɔɔ Ɓɔɔ Laa a Ɓɛɛ

²⁰ Suru shi kpang keɓe, ɓi ɓɔ̀ɔ́ zang ɓɔɔ ri bɛ̃ɛ Ruu Laa dũnnang doo tɛ̃ɛ tɛ̃ɛ, ka ɓɔɔ Laa mã danggn, gã ri ka diki ɓɔɔ Nuhu pálɛ̀ laana ɓɛɛ. Ka diki kaɓa, zang mantaati ɓɔɔ ri vang laana, ri wɔrɛ.

1 Bituru 3:20 Σταυροειδείς Αναφορές

Matiyu 7:14

Gbalang ɓɔɔ zang daa nɔng suru bii ɓɔɔ waa nyaa kpang nɛɛ mani, kpãa dɔɔli, nyaa gãa ɓɔɔ zang daa nɔng ɓi ti tɔ̃ntɔ̃rɔng. Zang ɓɔɔ ri ĩi gbalang kaɓa, ri shang kpang.

Luka 12:32

“Wee nɔɔ rukutu ɓee, nɔ́ɔ kaa vɔrɔ kpang, Daa manɛ kasɛ tɔ nɛɛ nɔɔ roo kpanti nɛɛ wu ka nɔng ɓɔɔ wu naa roo kpanti ɓɛɛ.

Zang Shonang Yeesɔ 2:41

Zang dɔɔli ri ta ruu ɓiɓɛ, a zang palɛ ri batizima. Ka diki kaɓa, zang ɓɔɔ gisi ka yuu zang ɓɔɔ ri shing danggn tɔ ka bii Laa ɓɛɛ ri daa nung zang labang taati katɔ.

Rooma 9:22

Vuu ɓɔɔ Laa pálɛ̀ nwang doo nɔngkɔ. Laa kasɛ nɛɛ wu tusu gnvɔ ɓiɓɛ wu ti nwangsɛ naa vuu palɛnang ɓiɓɛ. Ka ruu nɔngkɔ, mã danggn gbãng gbãng nɛɛ zang ɓɔɔ bɛ̀ɛ́ nɛɛ wu jɛ̃ɛ ri ruu nɛɛ gnvɔ yeti ɓiɓɛ ɓɛɛ. A ɓɔɔ zang ɓɔɔ ri daa naa ɓɔɔ wu ningsi ri kaa tɔ ɓɛɛ.

Afisa 5:26

Nɛɛ tɔ̀ɔ, wu shing ri, ri nwang zang Laa nɛɛ naa vuu palɛnang ruu ɓiɓɛ, ka knti ɓɔɔ wu sɔɔ ri tɔ nɛɛ mii ɓɛɛ.

Yahudi 11:7

Danggn shinnang Nuhu kɔ shing wu, ɓaa shoo ka nyaa ɓɔɔ Laa shaarɛ wu ka yuu vuu ɓɔɔ naa a ka tĩng ɓɔɔ wu zi gn kpang ɓɛɛ. Ɓaa shoo ka nyaa Laa, a palɛ laana ɓɔɔ wu tá yuu zang ɓɔɔ ri ka gãa ɓiɓɛ ɓɛɛ. Túsú ka danggn ɓɔɔ wu shíng ɓɛɛ nɛɛ, zang koo keɓe ri palɛ ɓarɛ vuu shi kpang, a raa kaa zang ɓɔɔ Laa tɔɔ wu ɓi zang tɔ̃ɔ ɓɛɛ, ka ruu danggn ɓɔɔ wu shing ɓɛɛ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Bituru 1:9

Naa nɔɔ shing danggn ka bii Yeesɔ Kirisi nɔngkɔ sasak, Laa ta yuu manɛ, a nɔɔ suru bii ɓɔɔ waa nyaa kpang.

1 Bituru 2:25

Ɓeleng nɔɔ nwang manɛ naa mɛ̀ɛrɛ́ ɓɔɔ ning katɔ ɓɛɛ, kãntang keɓe, nɔɔ gbãayu tɔ, nɔɔ dũng kaa zang ɓɔɔ gã nɔɔ, kasɛ kpang nɛɛ vuu ɓɔɔ wu lee nɔɔ naa ka bii kpang.

1 Bituru 3:19

Ka knti ɓɔɔ Laa a wu suru bii tɔ, daayi daa ràng rɛɛ suru shi kpang Ruu Laa ka nɔng ɓɔɔ zang mã ri kagn ɓɛɛ.

1 Bituru 4:19

Ka ruu nɔngkɔ, zang ɓɔɔ ri dang jĩng ka ruu ɓɔɔ Laa kɔ kasɛ nɔngkɔ, ri palɛ tɔ̃ɔ diki diki, ri ti a Laa yuu ɓarɛ. Laa ɓɔɔ wukɔ mãa ruu, a ti palɛ vuu ɓɔɔ wu kɔɔyi nɛɛ wu palɛ katɔ ɓɛɛ.

2 Bituru 2:5

Zang ɓeleng ka tĩng tɛ̃ɛ tɛ̃ɛ, ɓɔɔ ri palɛ vuu shi kpang gn ɓarɛ kɔng Laa dòo kpang kɔ. Shingnɛ mii kpayi, nyɔkɔ zang ɓɔɔ ri ɓaa shoo ka nyaa ɓiɓɛ kpang nandon. Ta ɓi yuu Nuhu, ka ruu ɓɔɔ, Nuhu kɔɔrɔ zang nɛɛ zang ri palɛ vuu tɔ̃ɔ ɓɔɔ Laa kasɛ ɓɛɛ. Ta yuu Nuhu nɛɛ zang ɓɔɔ, ri manziti.

2 Bituru 3:15

Nɔɔ zirɛ, Kpanti ɓuru Yeesɔ Kirisi suukãng, ka ruu ɓɔɔ, nɔ́ɔ walɛ gbalang Laa wu ta yuu manɛ kati ɓɛɛ. Manzung ɓuru Bulu ɓɔɔ ruu kasɛ ruu ɓiɓɛ katɔ ɓɛɛ, bee nɔɔ labeenang dòo nɔngkɔ, nɛɛ zũnang ɓɔɔ Laa a wu ɓɛɛ, a kɔɔ nɔɔ doo naa weɓe kɔ.