1 Bituru 3:18 - Nyaa Shɔɔ Ɓɔɔ Laa a Ɓɛɛ

¹⁸ Yeesɔ Kirisi nɛɛ yuu ɓiɓɛ dàng jĩng, ka ruu vuu shi kpang ɓuru a hangsɛ shonang keɓe doo gbete. Zang ɓɔɔ ɓi zang tɔ̃ɔ ka tĩng Laa, vɔ ka ruu zang ɓɔɔ ri palɛ ɓarɛ vuu ɓɔɔ daa bii kpang ɓɛɛ. Nɛɛ tɔ̀ɔ, wu atɛ ruu ka bii Laa. Zang ri nyɔ wu vɔrɔ, a Laa wisi wu paa nɛɛ sàa tɔkn.

1 Bituru 3:18 Σταυροειδείς Αναφορές

Matiyu 27:19

Bilatu nwang doo ka nɔng ruu jɛ̃ɛnang ɓiɓɛ, a ɓeeso shong wu nyaa tɔɔ, “Mɔɔ yi naa ka bii shɔnzang tɔ̃ɔ kiɓi kpang. N dang jĩng ka yeti rɔ̃kɔnang nɛɛ zĩi lɛɛkɔ ka ruu ɓiɓɛ dɔɔli.”

Matiyu 27:24

Ɓu doo ɓɔɔ Bilatu zirɛ, nɛɛ zang kaɓa ri ɓa wu yuu katɔ, ri ti shii varɛ tɔ, tuu mii sɔɔ naa ɓiɓɛ nɔng ka jĩng ɓarɛ nandon. A kɔɔyi tɔɔ, “Naa mɛɛ ɓi kagn ruu zĩi yɔɔ keɓe kpang. Ɓi kaa ruu manɛ.”

Yɔhana 16:10

Wu ti dɔ̀ng ri ruu ka ruu vuu tɔ̃ɔ ɓɔɔ Laa kasɛ ɓɛɛ, ka ruu ɓɔɔ n gbãayu kaa bii Daa nɔɔ zi m takpang dòndòng ɓɛɛ.

Zang Shonang Yeesɔ 22:14

Kɔɔ m tɔɔ, ‘Làá rɛɛ dabang ɓuru zɔ̃ng mɔɔ nɛɛ mɔɔ zi vuu ɓɔɔ wu kasɛ ɓɛɛ, nɛɛ mɔɔ zi zang shonang ɓiɓɛ ɓɔɔ tɔ̃ɔ ɓɛɛ, nɛɛ mɔɔ ti tãa ruu nɛɛ nyaa ɓiɓɛ.

Zang Shonang Yeesɔ 3:14

“Pálɛ́ vuu shi kpang ɓi kpang, ɓi ti zang tɔ̃ɔ, nɔɔ bɛ̃ɛ wu doo nɛɛ mani. Nɔɔ gàa Bilatu nɛɛ wu pàlɛ̀ nɔɔ tɔ̃ɔ, wu yàa nɔɔ zang ɓɔɔ nyɔkɔ zang vɔrɔ kɔ naa jong.

Rooma 1:4

Ka nwannang ɓiɓɛ ɓɔɔ shi kpang ɓi kagn kpang ɓɛɛ, Laa túsù nɛɛ naa vuu palɛnang ɓiɓɛ nɛɛ, Yeesɔ Kirisi kɔ Jaa ɓiɓɛ, ka ɓɔɔ wu wisi wu paa nɛɛ saa ɓɛɛ.

Rooma 4:25

Laa a Yeesɔ nɛɛ wu vɔ ka ruu vuu shi kpang ɓuru. A Laa ti wisi wu paa tɔkn ningkãari nɛɛ tɔ̀ɔ, ruu nwang zang tɔ̃ɔ kaa tĩng Laa.

Rooma 5:2

Laa pàlɛ̀ ruu tɔ̃ɔ kɔ̀ rùu kagn ɓee, nɛɛ bii ɓiɓɛ kɔ, ka ruu danggn ɓɔɔ ruu shing ɓɛɛ. Ka ruu nɔngkɔ, ruu tãa tĩnang ka wee ruu shing jĩng ka tĩng, nɛɛ Laa naa a ruu bannang ɓiɓɛ jong ɓee.

Rooma 8:11

Laa ɓɔɔ wisi Yeesɔ paa nɛɛ saa, suru ɓiɓɛ nɛɛ nwàng ka yeti manɛ, Laa keɓe ɓɔɔ wisi Kirisi paa nɛɛ saa, a nɔɔ suru bii ditɔ. A nɔɔ suru bii nɛɛ bii Suru ɓiɓɛ ɓɔɔ nwang ka yeti manɛ ɓɛɛ.

Rooma 8:3

Vuu ɓɔɔ nyaa dannang Laa zunung palɛnang kpang, ka ruu ɓɔɔ, bii shɔnzang lakɛ naa bii kpang, Laa palɛ tɔ. Laa ningsi vuu shi kpang ka bii shɔnzang, ka ɓɔɔ wu shong nyaa nɛɛ Jaa ɓiɓɛ ɓɔɔ arɛ, tuu bii naa bii shɔnzang ɓɔɔ palɛ vuu shi kpang ɓɛɛ.

2 Koranti 1:24

Wu ka ruu ɓɔɔ ruu nɛɛ, rukɔ rúu tusu nɔɔ vuu ɓɔɔ nɔɔ shing danggn kagn ɓɛɛ kpang. Ruu zi tɔ, nɔɔ shii tɔ gbãng gbãng, ka danggn ɓɔɔ nɔɔ shing ɓɛɛ. Ruu palɛ shonang ɓuru nɛɛ nɔɔ, tɔ̀ɔ, nɔ́ɔ tãa tĩnang kati kɔ jong.

2 Koranti 13:4

Ka ɓɔɔ zang ɓaa wu naa ka laa, bɛ̀ɛ́ lakɛ naa ka bii kpang, a nwàng ningkãari kãntang keɓe nɛɛ naa vuu palɛnang Laa. Ka ɓɔɔ ruu ɓakɛ zɔɔ nɛɛ wu ɓɛɛ, ruu lakɛ naa doo ka bii kpang kɔ. Vuu ɓɔɔ ruu naa palɛ nɛɛ nɔɔ, ruu naa ɓakɛ yuu kaa nɛɛ Kirisi, ruu walɛ naa vuu palɛnang Laa kati, ruu palɛ nɔɔ shonang nɛɛ mani.

2 Koranti 5:21

Yeesɔ Kirisi palɛ vuu shi kpang ɓi gngn kpang, a ka ruu ɓuru, Laa risi wu naa zang ɓɔɔ pálɛ̀ vuu shi kpang ɓɛɛ. A ka ruu vuu keɓe kɔ, yuu ɓɔɔ ruu ɓakɛ nɛɛ Yeesɔ Kirisi shingnɛ, ruu nwàng zang tɔ̃ɔ ka tĩng Laa.

Galati 1:4

Yeesɔ a zang yuu ɓiɓɛ, nɛɛ tɔ̀ɔ, wu ta yuu ɓuru ɓɔɔ ruu zang shi kpang ɓɛɛ. Wu ti ta ruu nɛɛ gbalang vuu shi kpang ɓɔɔ shɔnzang rɛ̃rɛ a ti palɛ ɓɛɛ. Vuu keɓe nwang nɔngkɔ, ka ruu ɓɔɔ, Daa ɓuru Laa kasɛ nɔngkɔ ɓɛɛ.

Galati 3:13

Yeesɔ Kirisi ta yuu ɓuru tɔ, ka nyaa ɓɔɔ Laa nɛɛ kù ruu, ka ruu ɓɔɔ, ruu dũng nyaa dannang kpang ɓɛɛ. Ka ruu ɓɔɔ, Laa kù Kirisi nyaa jong ka nung ɓɔɔ wu nɛɛ kù ruu ɓɛɛ. Ka ruu ɓɔɔ, zang bee ka yeti labeenang Laa tɔɔ, “Zang ɓɔɔ zang nɛɛ haatɛ wu ka lapa, Laa ku wu nyaa tɔ ɓɛɛ.”

Afisa 3:12

Ka yuu ɓɔɔ ruu ɓakɛ nɛɛ wu, a ɓɔɔ danggn ɓɔɔ ruu shing ka bii ɓiɓɛ, ruu daa katɔ ka tĩng Laa, bii zaa ruu kpang. Zang ɓɔɔ ti zãa ruu kpang.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Yahudi 10:10

Laa kɔ kasɛ a zang shingnɛ ruu nwàng zang tɔ̃ɔ ka tĩng Laa. Ka ɓɔɔ Yeesɔ Kirisi, a Laa yuu ɓiɓɛ zang nyɔ wu vɔrɔ doo gbete kak ɓɛɛ.

Yahudi 9:14

Zĩi Kirisi palɛ vuu ɓɔɔ ɓa weɓe kpang ya? Kirisi ɓɔɔ shi kpang ka bii kpang, a Laa yuu ɓiɓɛ nɛɛ naa vuu palɛnang Suru Laa ɓɔɔ nwang ɓi dòndòng ɓɛɛ. Zĩi ɓiɓɛ shing katɔ rɛ̃rɛnang ɓɔɔ nɔɔ rɛ̃rɛ ka yuu vuu shi kpang palɛnang, wu nwang tɔ̃ɔ, tɔ̀ɔ, ruu pàlɛ̀ Laa ɓɔɔ ɓi ningkãari shonang kati.

Yahudi 9:26

Naa nɛɛ nɔngkɔ, Kirisi nɛ̀ɛ́ dàng jĩng tɔ, ka yuu zɔɔ, yuu zɔɔ, ɓu doo ɓɔɔ koo gaayu ɓɛɛ. A kaa tɔ̀ɔ́ nɔngkɔ kpang. Kirisi nwang nyaa kaa doo gbete kak, paasɛ takpang, ka wee koo waa nyaa kaa tɔ ɓee, nɛɛ tɔ̀ɔ, wu kɔsɔ vuu shi kpang nɛɛ yuu ɓiɓɛ ɓɔɔ wu a ɓɛɛ.

Yahudi 9:28

Kirisi dòo nɔngkɔ, á zang yuu ɓiɓɛ nɛɛ zang nyɔ wu vɔrɔ doo gbete kak, nɛɛ tɔ̀ɔ, wu kɔsɔ zang dɔɔli vuu shi kpang ɓarɛ kati. Nwang nyaa ditɔ tɔkn, daa kaa doo ziti. Wu ka ruu ɓɔɔ wu naa kɔsɔ zang vuu shi kpang ɓarɛ kpang, nɛɛ tɔɔ wu ta ɓi kaa yuu zang ɓɔɔ ri gã wu ɓɛɛ.

Yakubu 5:6

Nɔɔ dɔng zang tɔ̃ɔ ruu, a nɔɔ nyɔ ri vɔrɔ. Ri shii bàng nɛɛ nɔɔ kpang.

1 Bituru 3:19

Ka knti ɓɔɔ Laa a wu suru bii tɔ, daayi daa ràng rɛɛ suru shi kpang Ruu Laa ka nɔng ɓɔɔ zang mã ri kagn ɓɛɛ.

1 Bituru 4:1

Ruu zi tɔ nɛɛ Yeesɔ Kirisi dang jĩng nɛɛ bii ɓiɓɛ. Ka ruu nɔngkɔ, nɔɔ kpalɛ bii doo nɔngkɔ, nɔɔ dang jĩng nɛɛ bii manɛ naa ɓɔɔ wu dang ɓɛɛ. Ka ruu ɓɔɔ, zang ɓɔɔ nɛɛ dang jĩng tɔ nɛɛ bii ɓiɓɛ, yaa vuu shi kpang palɛnang ɓi tɔ ɓɛɛ.

1 Bituru 4:6

Kirisi ràng zang ɓɔɔ ri vɔlɔ tɔ Ruu Laa tɔ jong nɛɛ tɔ̀ɔ, suru bii ɓarɛ wu nwang kaa naa ɓɔɔ Laa nwàng ɓɛɛ. Ruu zi tɔ nɛɛ Laa jɛ̃ɛ ri ruu tɔ kaa ɓɔɔ ri ka koo keɓe naa ɓɔɔ wu jɛ̃ɛ zang piti ɓɛɛ.

1 Yɔhana 1:9

Ruu nɛɛ kasɛ nyaa tɔɔ nɛɛ, ruu pálɛ́ vuu shi kpang tɔ, Laa ta nyaa ɓiɓɛ ɓi kpang, palɛ vuu shi kpang ɓi kpang, yàá ruu gbalang vuu shi kpang ɓɔɔ ruu palɛ ɓee katɔ. Wu ti sɔɔ ruu vuu shi kpang ɓuru nandon.