1 Bituru 3:14 - Nyaa Shɔɔ Ɓɔɔ Laa a Ɓɛɛ

¹⁴ Naa zang dàng mɔɔ doo jĩng, ka ruu ɓɔɔ mɔɔ palɛ vuu ɓɔɔ daa bii katɔ, Laa pàlɛ́ mɔɔ tɔ̃ɔ katɔ. Ka ruu nɔngkɔ, mɔɔ kaa vɔrɔ zang ɓɔɔ ri kasɛ nɛɛ ri palɛ mɔɔ shi kpang, kpang. Vuu ɓɔɔ wu ti kpãa mɔɔ kpang.

1 Bituru 3:14 Σταυροειδείς Αναφορές

Matiyu 10:28

Nɔ́ɔ kaa vɔrɔ zang ɓɔɔ ri nyɔ gãmpãng bii, a ri zunung ɓɔɔ ri nyɔ suru bii kpang ɓɛɛ kpang. Nɔɔ Kaa vɔrɔ Kpanti Laa ɓɔɔ nyɔ gãmpãng bii nɛɛ suru bii piti, ka nɔng ɓɔɔ waa ning ɓi jong kpang ɓɛɛ.

Matiyu 10:31

Ka ruu nɔngkɔ, nɔ́ɔ kaa vɔrɔ kpang, ka ruu ɓɔɔ nɔɔ ɓa tɔkɔsisi ɓɔɔ dɔɔli katɔ ɓɛɛ.

Matiyu 10:39

Zang ɓɔɔ nɛɛ kasɛ ruu suru bii ɓiɓɛ, walɛ ɓi kpang. A zang ɓɔɔ mãlɛ́ yuu ɓiɓɛ ka ruu nung mɛɛ, wukɔ naa wàlɛ́ jong.”

Matiyu 16:25

Ka ruu ɓɔɔ, zang piti ɓɔɔ kasɛ nɛɛ wu ta yuu ɓiɓɛ, naa loo ɓi katɔ kɔ jong ɓɛɛ. A zang piti ɓɔɔ loo yuu ɓiɓɛ, ka ruu mɛɛ, naa walɛ ɓi katɔ kɔ jong ɓɛɛ.

Matiyu 19:29

Zang piti ɓɔɔ yaa gãa ɓiɓɛ, nɛɛ ɓeezung, nɛɛ ɓeenaa, nɛɛ diiɓɛ, nɛɛ niiɓɛ, nɛɛ wujɛ ɓiɓɛ, a ɓɔɔ tipi jaa lannang ɓiɓɛ, ka ruu mɛɛ, naa walɛ vuu ɓɔɔ wu yaa ɓɛɛ ditɔ dakn laa maani. Ti walɛ suru bii ɓɔɔ waa nyaa kpang ɓɛɛ katɔ.

Maraku 10:29

A Yeesɔ kasɛ wu nyaa tɔɔ, “N kɔɔ nɔɔ ruu ɓɔɔ niizang kɔ nwani, zang ɓɔɔ nɛɛ yaa gãa ɓiɓɛ, nɛɛ ɓeezung, nɛɛ ɓeenaa, nɛɛ diiɓɛ, nɛɛ niiɓɛ, nɛɛ wujɛ ɓiɓɛ, nɛɛ tipi ɓiɓɛ, ka ruu mɛɛ nɛɛ Ruu Tɔ̃ɔ Laa,

Maraku 8:35

Ka ruu ɓɔɔ, zang ɓɔɔ kasɛ nɛɛ wu ta yuu ɓiɓɛ, naa loo ɓi katɔ kɔ jong ɓɛɛ. A Zang ɓɔɔ loo yuu ɓiɓɛ ka ruu mɛɛ, nɛɛ ka ruu, Ruu Tɔ̃ɔ Laa, wukɔ naa ta yuu ɓiɓɛ ɓi jong.

Yɔhana 14:1

Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Yeti manɛ wu lasɛ kpang. Nɔɔ shíng danggn ka bii Laa, nɔɔ ti shíng jong ka bii mɛɛ.

Yɔhana 14:27

“Nɔɔ nwang waasɛ̃, vuu koo keɓe shing nɔɔ, nɔɔ nwáng waasɛ̃ kpang. Nwannang waasɛ̃ keɓe a ɓi nɛɛ bii mɛɛ. Yeti manɛ wu lasɛ kpang, nɔɔ ti kaa vɔrɔ kpang.

Zang Shonang Yeesɔ 9:16

Ń ti tusu wu naa ɓɔɔ wu naa dang jĩng dɔɔli, ka ruu mɛɛ ɓɛɛ.”

2 Koranti 12:10

Ka ruu nɔngkɔ, n tãa tĩnang ka ɓɔɔ n lakɛ naa ka bii kpang, nɛɛ dãanang ɓɔɔ zang dãa m, nɛɛ vuu ɓɔɔ kpãa m ka yeti, nɛɛ jĩng ɓɔɔ zang dang m, nɛɛ vuu ɓɔɔ kpãarɛ m ka zɔ̃ng zɔ̃ng ɓɛɛ ka ruu Yeesɔ Kirisi. Ka ruu ɓɔɔ, kaka nɛɛ tɔ̀ɔ́ ka bii mɛɛ kpang, n tãa kaka ka laa kaɓa kɔ jong.

Filipi 1:29

Laa ɓɔɔ yàa nɔɔ gbalang nɛɛ nɔ́ɔ shing danggn ka bii Kirisi ɓɛɛ, ti yaa nɔɔ gbalang tɔ nɛɛ nɔ́ɔ dang jĩng ka ruu ɓiɓɛ.

Yakubu 1:12

Zang ɓɔɔ zang nɛɛ gãsɛ wu, nɛɛ watɛ kpang wukɔ tãa tĩnang. Ka ruu ɓɔɔ, nɛɛ shìi kakata, nɛɛ watɛ kpang, naa ta vuu ɓɔɔ Kpanti Laa tɔɔ wu a zang ɓɔɔ kasɛ wu katɔ ɓɛɛ. Vuu keɓe wukɔ suru bii ɓɔɔ waa nyaa kpang ɓɛɛ.

Yakubu 5:11

Rùu ɓaa ri ɓuru kaa nɛɛ zang ɓɔɔ Laa a ri tĩnang tãanang ɓɛɛ, ka ruu danggn ɓɔɔ ri mã gbãng gbãng ɓɛɛ. Nɔɔ tãa ruu Ayuba tɔ, naa ɓɔɔ wu mã danggn ka laa ɓɔɔ wu dang jĩng ɓɛɛ. Nɔɔ ti tãa tɔ naa ɓɔɔ Laa naa shing jĩng dannang ɓiɓɛ nwǎng wu vuu tɔ̃ɔ ɓɛɛ. Niizang, sisĩng Laa nwãa kpang, gn ɓuru kɔng wu katɔ.

1 Bituru 3:6

Saratu nwáng dòo nwannang keɓe kɔ. A Ibirayi bannang, ɓaa wu nɛɛ, “Daa mɛɛ”. Nɔɔ nɛɛ nwang nwannang ɓɔɔ tɔ̃ɔ, nɔɔ nɛɛ ti kaa vɔrɔ vuu ɓɔɔ kpang ɓɛɛ, kãntang nɔɔ kaa wujɛ ɓiɓɛ kɔ.