1 Bituru 3:13 - Nyaa Shɔɔ Ɓɔɔ Laa a Ɓɛɛ

¹³ Naa mɔɔ shing ka yeti ɓaaɓɛ nɛɛ, mɔɔ palɛ ɓaa tɔ̃ɔ kɔ gbete, zang ɓɔɔ palɛ mɔɔ shi kpang kagn ya?

1 Bituru 3:13 Σταυροειδείς Αναφορές

Rooma 13:3

Zang ɓɔɔ ri nɛɛ palɛ vuu tɔ̃ɔ, ri kaa vɔrɔ zang bang kpang. Zang ɓɔɔ ri pálɛ̀ vuu shi kpang kɔ, ri kaa vɔrɔ. Mɔɔ kasɛ nɛɛ mɔɔ kaa vɔrɔ zang bang kpang ya? Palɛ vuu ɓɔɔ tɔ̃ɔ, zang bang dɔ̀ɔ́ mɔɔ ditɔ.

Rooma 8:28

Ruu zi tɔ nɛɛ, ka yeti vuu piti, Laa palɛ shonang ka ruu zang ɓɔɔ ri kasɛ wu katɔ ɓɛɛ. Tɔ̀ɔ, vuu keɓe wu nwàng ri tɔ̃ɔ kati. Rikɔ zang ɓɔɔ Laa ɓaa ri nyaa nɛɛ tɔ̀ɔ, ri palɛ vuu ɓɔɔ wu kasɛ nɛɛ wu pàlɛ́ nɛɛ ri ɓɛɛ.

1 Koranti 14:1

Ka ruu nɔngkɔ, nɔɔ shing jĩng ka zang kasɛnang gbãng gbãng. A nɔɔ ti shing jĩng nɛɛ yeti gbete, Suru Laa wu a nɔɔ naa ɓɔɔ nɔɔ palɛ shonang nɛɛ mani ka teteng zang ɓɔɔ ri dũng Laa ɓɛɛ. Nɔɔ shing jĩng, wu a nɔɔ naa, ɓɔɔ nɔɔ kɔɔ zang ruu ɓɔɔ a nɛɛ bii Laa ɓɛɛ kɔ gbãng gbãng.

Afisa 5:1

Wee nɔɔ kaa wujɛ Laa, ɓɔɔ Laa kasɛ nɔɔ dɔɔli ɓee, nɔɔ nwáng nwannang naa ɓɔɔ Laa nwàng ɓɛɛ.

1 Tesalonika 5:15

Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.

1 Timoti 5:10

Nɛɛ ti suvɔ ɓɔɔ zang zi wu tɔ nɛɛ shonang tɔ̃ɔ palɛnang ɓɛɛ. Nɛɛ ti gãng jĩng ka wujɛ ɓiɓɛ waasɛ̃ ɓɛɛ. Nɛɛ tá zang zanti katɔ ɓɛɛ, nɛɛ ti pálɛ̀ zang ɓɔɔ ri dũng doo Laa kɔ vuu, tuu yuu ɓiɓɛ kpang ɓɛɛ. Nɛɛ ti yi zang ɓɔɔ ri dang jĩng naa ka bii ɓɛɛ, nɛɛ ti shing yuu ɓiɓɛ nɛɛ wu palɛ tɔ̃ɔ ka zɔ̃ng zɔ̃ng ɓɛɛ. Mɔɔ bee nung ɓiɓɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.