1 Bituru 3:1 - Nyaa Shɔɔ Ɓɔɔ Laa a Ɓɛɛ

¹ Doo nɔngkɔ, ɓɔɔ nɔɔ zang soro ɓɛɛ, nɔ́ɔ gãsɛ yuu nɛɛ varɛ manɛ kpang. Ka ruu ɓɔɔ, naa varɛ zang ɓɔɔ nɛɛ shing danggn ka Ruu Laa kpang, nwannang tɔ̃ɔ soro ɓiɓɛ shing wu katɔ, wu arɛ, wu dũng Ruu Laa naa nɔɔ rang ri yee dòo nɛɛ nyaa manɛ kpang ɓɛɛ.

1 Bituru 3:1 Σταυροειδείς Αναφορές

Matiyu 18:15

“Ɓaazung nɛɛ palɛ mɔɔ vuu shi kpang, daa ka bm ka gbongkarɛ, mɔɔ daa kɔɔ wu vuu shi kpang ɓɔɔ wu palɛ mɔɔ ɓɛɛ. Nɛɛ ɓaa shoo tɔ ka nyaa ɓaaɓɛ, mɔɔ ta yuu ɓiɓɛ tɔ.

Rooma 10:16

A kaa tɔ̀ɔ́ zang piti ri dũ̀ng vuu ɓɔɔ Ruu Tɔ̃ɔ Laa kɔɔ ɓɛɛ kpang. Ka ruu ɓɔɔ Ishaya kɔɔ ka yeti Labeenang ɓiɓɛ tɔɔ, “Kpanti, zang ɓɔɔ ri shing danggn ka ruu ɓɔɔ ruu kɔɔ ri ɓɛɛ kpang.”

Rooma 6:17

Ruu zãa Laa tɔ, ka ruu ɓɔɔ, bɛ̀ɛ́ nɔɔ manɛ jaafòó vuu shi kpang ɓɔɔ nɔɔ palɛ ɓɛɛ. A nɔɔ naa ɓaa shoo ka ruu ɓɔɔ niizang ka vuu ɓɔɔ zang tusu nɔɔ, a nɔɔ tarɛ nɛɛ yeti manɛ nandon.

Rooma 7:2

Nyaa ɓɔɔ Laa dangnɛ kɔɔyi nɛɛ, soro ɓɔɔ zang gee tɔ, ri basɛ zɔɔ nɛɛ ɓeevɛ kpang, ɓeevɛ nɛɛ doo ningkãari ɓɛɛ. Ɓeevɛ nɛɛ vɔ tɔ, wɔ tɔ nɛɛ naa nyaa dannang ɓɔɔ ɓakɛ wu nɛɛ ɓeevɛ ɓɛɛ.

1 Koranti 11:3

A n kasɛ nɔɔ zi vuu keɓe katɔ. Kirisi wukɔ zang bang ka yuu zang varɛ, a zang bang zang soro ɓi kaa varɛ ɓiɓɛ. A zang bang Kirisi ɓi kaa Laa.

1 Koranti 14:34

Zang soro ri vɔ̃ nyaa katɔ ka nɔng ɓɔɔ nɔɔ kpalɛ zɔɔ nɔɔ bang Laa ɓɛɛ. Ri rang yee ɓarɛ kpang. Ri tuu yuu ɓarɛ katɔ kpang, naa ɓɔɔ zang bee ka yeti labeenang Laa ɓɛɛ.

1 Koranti 7:16

Ɓɔɔ nɔɔ soro ɓɔɔ ri dũng Laa ɓɛɛ, nɔɔ zi kpang Laa tá yuu varɛ manɛ katɔ, ka ruu manɛ kpang ya? Ɓɔɔ nɔɔ varɛ ɓɔɔ nɔɔ dũng Laa ɓɛɛ nɔɔ zi kpang Laa ta yuu soro manɛ katɔ ka ruu manɛ kpang ya?

Afisa 5:33

Zang ráng nɔkɔ ruu keɓe jong. Varɛ ɓu wu kasɛ ɓeeso naa ɓɔɔ wu kasɛ yuu ɓiɓɛ ɓɛɛ, a soro ɓu wu seng ɓeevɛ katɔ.

Kolosi 3:18

Zang soro ɓɔɔ zang gee nɔɔ katɔ ɓɛɛ, nɔɔ ɓaa shoo ka nyaa varɛ manɛ. Ka ruu ɓɔɔ, wee ɓi vuu ɓɔɔ, nɔɔ ɓɔɔ nɔɔ dũng Laa nɔɔ nɛ̀ɛ́ palɛ kɔ nwani ɓɛɛ.

Kolosi 4:5

Nɔɔ palɛ vuu nɛɛ zũnang ka bii zang ɓɔɔ ri dũ̀ng Laa kpang ɓɛɛ. Naa ri yàa nɔɔ gbalang tɔkɔlɔng, nɔɔ kɔɔ ri ruu kagn waasɛ̃.

2 Tesalonika 1:8

Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

Yahudi 11:8

Danggn shinnang Ibirayi shing wu ka ɓɔɔ zang ɓaa wu nyaa nɛɛ wu daa nɔng ɓɔɔ naa nwáng ɓɔɔ ɓiɓɛ ɓɛɛ, ɓaa shoo a daayi. Naa doo ka ɓɔɔ wu zi nɔng ɓɔɔ wu daa kpang ɓɛɛ.

Yahudi 5:9

Ka ɓɔɔ hangsɛ shonang ɓiɓɛ tɔ ɓɛɛ, nwàng zang ɓɔɔ ta yuu zang nandon, ɓɔɔ ri dũng nyaa ɓiɓɛ ɓɛɛ. Tɔ̀ɔ, yuu ɓarɛ ɓɔɔ zang tarɛ, wu nwang kaa ɓɔɔ gbinggbing ɓɛɛ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Bituru 3:2

Ka ruu ɓɔɔ, varɛ manɛ ri zìlí nwannang tɔ̃ɔ manɛ, ri ti zìlí naa ɓɔɔ nɔɔ kaa vɔrɔ Laa ɓɛɛ.

1 Bituru 3:7

Ɓɔɔ nɔɔ varɛ zang ɓɛɛ, nɔɔ nwang nwannang tɔ̃ɔ nɛɛ soro manɛ, nɔɔ zi tɔ, ri lakɛ naa ka bii naa nɔkɔ kpang. Ka ruu nɔngkɔ, nɔɔ a ri bannang jong ka ruu ɓɔɔ nɔɔ nandon nɔɔ wàlɛ́ suru bii ɓɔɔ Laa a zang waati kɔ ɓɛɛ. Naa nɔɔ palɛ nɔngkɔ, vuu ɓɔɔ zãyi, Laa tãa gaanang ɓɔɔ nɔɔ gaa wu kpang ɓɛɛ kagn kpang.

1 Bituru 4:17

Diki a tɔ, ɓɔɔ Laa dɔng zang ruu ɓɛɛ, gaayu dɔng zang ɓiɓɛ kɔ ruu shɔɔnang. Laa nɛɛ gaayu nɛɛ dɔng rukɔ ruu shɔɔnang, a naa hangsɛ nyaa ɓi kaa biya nɛɛ zang ɓɔɔ ri dũng Ruu Tɔ̃ɔ Laa kpang viya?