1 Bituru 2:8 - Nyaa Shɔɔ Ɓɔɔ Laa a Ɓɛɛ

⁸ Zang bèe ka nɔng ɓɔɔ ka yeti labeenang Laa nɛɛ, “Wee tari ɓɔɔ zang naa kpaa doo kagn, zang watɛ ɓɛɛ kɔ”. Ri kpaa doo, ri watɛ, ka ruu ɓɔɔ, ri dũ̀ng Ruu Laa kpang ɓɛɛ. Laa kɔ kasɛ nɛɛ wu nwang nɔngkɔ, doo ka tĩng tɛ̃ɛ tɛ̃ɛ.

1 Bituru 2:8 Σταυροειδείς Αναφορές

Luka 2:34

Simiyon shìng ri naa ka yuu ɓarɛ, a gaa ri Laa kati. Kɔɔ Marayamu nàá Yeesɔ tɔɔ, “Laa zɔ̃ng jaa keɓe nɛɛ wu naa nwáng zang ɓɔɔ zang Isirela dɔɔli naa shaarɛ ka ruu ɓiɓɛ. Zang dɔɔli ti naa ta yuu ɓarɛ, ka ruu ɓiɓɛ. Wu ti naa nwáng zang ɓɔɔ zang rang wu katɔ ɓɛɛ.

Rooma 9:22

Vuu ɓɔɔ Laa pálɛ̀ nwang doo nɔngkɔ. Laa kasɛ nɛɛ wu tusu gnvɔ ɓiɓɛ wu ti nwangsɛ naa vuu palɛnang ɓiɓɛ. Ka ruu nɔngkɔ, mã danggn gbãng gbãng nɛɛ zang ɓɔɔ bɛ̀ɛ́ nɛɛ wu jɛ̃ɛ ri ruu nɛɛ gnvɔ yeti ɓiɓɛ ɓɛɛ. A ɓɔɔ zang ɓɔɔ ri daa naa ɓɔɔ wu ningsi ri kaa tɔ ɓɛɛ.

1 Koranti 1:23

A ruu kɔ̀ɔrɔ́ zang ɓuru ruu Yeesɔ Kirisi, ɓɔɔ zang ɓaa wu naa ka laa ɓɛɛ. Ruu keɓe làsɛ́ rɛɛ zang Yahudi yeti katɔ, zang ɓɔɔ ri kɔɔ ɓarɛ nɛɛ ɓi ruu shoko.

2 Koranti 2:16

Ka nɔng zang ɓɔɔ ri shàarɛ́ katɔ, ɓi vuu ɓɔɔ a sɛ̃ɛ ɓɔɔ nyɔ zang vɔrɔ ɓɛɛ. Ka nɔng zang ɓɔɔ Laa ta yuu ɓarɛ kana, ɓi vuu ɓɔɔ a zang suru bii ɓɛɛ. Ɓu wi zunung shonang keɓe palɛnang wiya?

Galati 5:11

Rɛɛ manzung, naa n kɔɔrɔ zang doo naa nɛɛ zang ri yee shaa katɔ ɓɛɛ, a zang dang m jĩng ɓi kaa ruu viya? Naa nɛɛ nɔngkɔ niizang, rúu ɓɔɔ n kɔɔrɔ zang ka yuu laa ɓɔɔ zang ɓaa Yeesɔ naa kagn nɛɛ shingnɛ zang nɛɛ hàa nyaa kpang.

1 Tesalonika 5:9

Ka ruu ɓɔɔ, Laa zɔ̃ngkɔ ruu nɛɛ wu dɔng rùu ruu, tɔ̀ɔ, ruu dang jĩng ka diki ɓɔɔ wu naa jɛ̃ɛ zang ruu ɓɛɛ kpang. Zɔ̃ngkɔ ruu nɛɛ wu ta yuu ɓuru nɛɛ bii Kpanti ɓuru Yeesɔ Kirisi.

1 Bituru 2:6

Zang bée ka yeti labeenang Laa ka tĩng tɛ̃ɛ tɛ̃ɛ nɛɛ, Laa kɔɔyi tɔɔ, “Nɔɔ zirɛ, N shíng tari tɔ̃ɔ ka Siyona, tari ɓɔɔ n mãa gãa mɛɛ ka yuu ɓiɓɛ kɔ. Nkɔ zɔ̃ng wu, ɓa vuu piti katɔ ka jĩng mɛɛ. Zang piti ɓɔɔ nɛɛ shing danggn ka bii ɓiɓɛ yusɛ̃ɛ tuu wu kpang.”

1 Bituru 2:7

Ɓɔɔ nɔɔ shing danggn tɔ, Yeesɔ kɔ ɓa vuu piti ka jĩng manɛ. Zang ɓɔɔ ri shing danggn ka bii ɓiɓɛ kpang ri naa zirɛ, “Tari ɓɔɔ zang ɓɔɔ ri mãa gãa ri bɛ̃ɛyi, wukɔ naa ràa tari ɓɔɔ yiti gãa kati.”

2 Bituru 2:3

Rɛɛ maalang ɓɔɔ tùsú zang vuu sèé kaɓa, ri shing jĩng ɓarɛ ka vuu zang, ka ruu nɔngkɔ, ri naa nwãarɛ nɔɔ nɛɛ sèé, tɔ̀ɔ, ri walɛ vuu kaa naa manɛ. Laa dɔng ri ruu ɓi tɔ dòo tɛ̃ɛ tɛ̃ɛ, kpalɛ bii tɔ nɛɛ wu dang ri jĩng. Diki ɓɔɔ wu naa ningsi ri dɔ̃ɔ gbete, a naabm tɔ.

Yahuza 1:4

Zang ɓɔɔ ri dũ̀ng Laa kpang, ɓɔɔ kagn ri hãa tɔ ka teteng manɛ nɛɛ nwĩiri, ruu zi kpang. Zang ɓɔɔ ri kɔ̃sɔ ruu tɔ̃ɔ ɓɔɔ Laa ɓuru pàlɛ́ zang, nwang ri ɓarɛ kaa naa zang yaa ri gbalang dũndũng palɛnang, a ri bɛ̃ɛ Yeesɔ Kirisi ɓɔɔ wukɔ gbete, Kpanti nɛɛ dabang ɓuru ɓɛɛ. Labeenang Laa kɔɔ ruu ɓi tɔ ka yuu ruu kɔ zang dɔ̀ng ri ɓee.