1 Bituru 2:7 - Nyaa Shɔɔ Ɓɔɔ Laa a Ɓɛɛ

⁷ Ɓɔɔ nɔɔ shing danggn tɔ, Yeesɔ kɔ ɓa vuu piti ka jĩng manɛ. Zang ɓɔɔ ri shing danggn ka bii ɓiɓɛ kpang ri naa zirɛ, “Tari ɓɔɔ zang ɓɔɔ ri mãa gãa ri bɛ̃ɛyi, wukɔ naa ràa tari ɓɔɔ yiti gãa kati.”

1 Bituru 2:7 Σταυροειδείς Αναφορές

Matiyu 21:42

A Yeesɔ hɛ̃ɛ ri tɔɔ, “Nɔɔ gã̀ gngn ka yeti labeenang Kpanti Laa kpang ya? Laa kɔɔyi tɔɔ: “ ‘Tari ɓɔɔ zang gãa mãanang ri bɛ̃ɛyi, wukɔ ràa tari ɓɔɔ yiti gãa kati. Kpanti Laa kɔ palɛ veɓe. Ɓɔɔ ka jĩng ɓuru, ɓi kaa vuu ɓɔɔ ruu mã naa ka danggn ɓɛɛ.’

Luka 2:32

Wukɔ naa nwang nɔng yakɛnang ɓɔɔ tusu zang ɓɔɔ ri zi kpang, vuu ɓɔɔ mɔɔ kasɛ ɓɛɛ. Wu ti naa shing zang, zang a zang ɓaaɓɛ Isirela bannang.”

Luka 2:34

Simiyon shìng ri naa ka yuu ɓarɛ, a gaa ri Laa kati. Kɔɔ Marayamu nàá Yeesɔ tɔɔ, “Laa zɔ̃ng jaa keɓe nɛɛ wu naa nwáng zang ɓɔɔ zang Isirela dɔɔli naa shaarɛ ka ruu ɓiɓɛ. Zang dɔɔli ti naa ta yuu ɓarɛ, ka ruu ɓiɓɛ. Wu ti naa nwáng zang ɓɔɔ zang rang wu katɔ ɓɛɛ.

Luka 20:17

A pɛ̃ɛrɛ ri, a hɛ̃ɛ ri tɔɔ, “Ruu Laa keɓe kɔɔrɔ ɓu nɛɛ viya? Ruu Laa ɓɔɔ tɔɔ, “ ‘Tari ɓɔɔ zang ɓɔɔ mãa gãa ri bɛ̃ɛyi wukɔ naa raa tari ɓɔɔ yiti gãa ɓɛɛ kati.’

Yɔhana 4:42

A ri kɔɔ jaa soro tɔɔ, “Rùu shing danggn wu ka ruu vuu ɓɔɔ mɔɔ kɔɔ ruu kpang. Ruu tãa ruu ɓiɓɛ tɔ nɛɛ shoo ɓuru, a ruu ti zi tɔ niizang, nɛɛ yɔɔ keɓe kɔ naa ta yuu zang koo.”

Zang Shonang Yeesɔ 26:19

“Ka ruu nɔngkɔ, kpanti Agiripa, n ta nyaa vuu ɓɔɔ n zi nɛɛ lapa ɓɛɛ kpang.

Rooma 10:21

Ɓɔɔ wu a ka yuu zang Isirela, Ishaya kɔɔyi tɔɔ, “N dĩ̀i zang ɓɔɔ ri taarɛ yuu dɔɔli, zang ɓɔɔ ri ɓaa shoo ka nyaa mɛɛ kpang ɓɛɛ, naa, laa hãa nyaa nɛɛ mani.”

Rooma 15:31

Nɔɔ gaayi nɛɛ, zang ɓɔɔ ri shing danggn ɓarɛ ka bii Laa kpang, ɓɔɔ ri ka tipi Yahudi, ri pálɛ̀ m vuu ɓɔɔ kpang. Nɛɛ zang ɓɔɔ ri dũng Laa ɓɔɔ ri ka Urushalima ri tãa tĩnang vuu ɓɔɔ n átɛ̀ ri ɓɛɛ.

2 Koranti 2:16

Ka nɔng zang ɓɔɔ ri shàarɛ́ katɔ, ɓi vuu ɓɔɔ a sɛ̃ɛ ɓɔɔ nyɔ zang vɔrɔ ɓɛɛ. Ka nɔng zang ɓɔɔ Laa ta yuu ɓarɛ kana, ɓi vuu ɓɔɔ a zang suru bii ɓɛɛ. Ɓu wi zunung shonang keɓe palɛnang wiya?

Kolosi 2:10

a zang a nɔɔ vuu piti tɔ, nyaa kiiri ka ɓɔɔ nɔɔ ɓakɛ yuu nɛɛ wu ɓɛɛ. Yeesɔ kɔ zang bang ka yuu rɛɛ kpanti nɛɛ rɛɛ zang bang bang.

Titu 3:3

Ka ruu ɓɔɔ, ɓeleng ruu nɛɛ yuu ɓuru bɛ̀ɛ́ ruu palɛ vuu shoko, ruu ɓaa shoo ka nyaa Laa kpang, zang nwãarɛ ruu. Ruu nwang ɓuru jaafoo, vuu ɓɔɔ bii ɓuru kasɛ ɓɛɛ, nɛɛ vuu ɓɔɔ shingnɛ zang tãa tĩnang ɓɛɛ ka zɔ̃ng zɔ̃ng. Ruu sùúkãng ka nɔng vuu shi kpang palɛnang nɛɛ sũnyaa kaanang. Zang piti bɛ̃ɛ ruu katɔ, a ruu ti bɛ̃ɛ zang piti.

Yahudi 11:31

Danggn shinnang Rahab, jaa soro ɓɔɔ rakɛ wàázaa ɓɛɛ, shingnɛ, zang nyɔ wu vɔrɔ, ɓi nɛɛ zang ɓɔɔ ri dũng nyaa Laa kpang ɓɛɛ kpang. Ka ruu ɓɔɔ, ta zang Isirela waasɛ̃ ka gãa ɓiɓɛ, ka ɓɔɔ ri daayi nɛɛ ri daa zili nwannang zang gari Jeriko ɓɛɛ.

Yahudi 4:11

Ka ruu nɔngkɔ, ruu palɛ vuu ɓɔɔ ruu zunung katɔ ɓɛɛ, ruu daa nɔɔ nɔng ɔ̃sɔnang kaɓa. Zang ɓɔɔ ka teteng ɓuru wu ta nyaa Laa naa ɓɔɔ ri palɛ, a ri daa nɔng ɔ̃sɔnang Laa kpang ɓɛɛ kpang.

1 Bituru 1:8

Nɔɔ zi Yeesɔ gngn nɛɛ jĩng manɛ kpang, nɔɔ kasɛ ruu ɓiɓɛ doo nɛɛ mani, a nɔɔ ti shing danggn tɔ ka bii ɓiɓɛ, ka ruu nɔngkɔ, nɔɔ tã̀a tĩnang ka yeti manɛ dɔɔli ɓa ɓɔɔ zang kɔ̀ɔ́ nɛɛ nyaa ɓɛɛ katɔ.

1 Bituru 2:4

Ka ruu nɔngkɔ, nɔɔ a naabm ka bii ɓiɓɛ. Wukɔ tari ɓɔɔ nwang ɓi dòndòng kaɓa, ɓɔɔ a zang suru bii, ɓɔɔ shɔnzang ri bɛ̃ɛyi naa vuu ɓɔɔ shi kpang ɓɛɛ. Ka jĩng Laa ɓɔɔ zɔ̃ng wu, wu ɓi zang ɓɔɔ daa naa ɓɔɔ zang a wu bannang ɓa zang piti katɔ ɓɛɛ.

1 Bituru 2:8

Zang bèe ka nɔng ɓɔɔ ka yeti labeenang Laa nɛɛ, “Wee tari ɓɔɔ zang naa kpaa doo kagn, zang watɛ ɓɛɛ kɔ”. Ri kpaa doo, ri watɛ, ka ruu ɓɔɔ, ri dũ̀ng Ruu Laa kpang ɓɛɛ. Laa kɔ kasɛ nɛɛ wu nwang nɔngkɔ, doo ka tĩng tɛ̃ɛ tɛ̃ɛ.