1 Bituru 2:25 - Nyaa Shɔɔ Ɓɔɔ Laa a Ɓɛɛ

²⁵ Ɓeleng nɔɔ nwang manɛ naa mɛ̀ɛrɛ́ ɓɔɔ ning katɔ ɓɛɛ, kãntang keɓe, nɔɔ gbãayu tɔ, nɔɔ dũng kaa zang ɓɔɔ gã nɔɔ, kasɛ kpang nɛɛ vuu ɓɔɔ wu lee nɔɔ naa ka bii kpang.

1 Bituru 2:25 Σταυροειδείς Αναφορές

Matiyu 18:12

“Nɔɔ zi ɓu bɛ̀ɛ́ ka yeti manɛ viya? Naa shɔnzang mã mɛ̀ɛrɛ́ laa maani, a ɓɔɔ gbete ning ka teteng ɓarɛ, palɛ biya? Yaa ɓɔɔ laa dɛ̃ɛti tu kopi tu mandɛ̃ɛti kaɓa ka kɔpɔ ka nɔngkɔ ka gbongkarɛ, wu daa kãa ɓɔɔ gbete ɓɔɔ ning ɓɛɛ kpang ya?

Matiyu 9:36

Yeesɔ pɛ̃ɛrɛ zang nimbang ɓɔɔ ri kpalɛ zɔɔ, a gn ɓarɛ kɔng wu, ka ruu jĩng ɓɔɔ ri dang ɓɛɛ. Zang ɓɔɔ yi ri naa ka bii kpang. Ri nwang naa mɛ̀ɛrɛ́ ɓɔɔ jagãng ɓarɛ kagn kpang ɓɛɛ.

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

Yahudi 13:20

N gaa Laa ɓɔɔ shingnɛ, zang nwáng ka nyaa zɔɔ, ɓɔɔ wisi Kpanti ɓuru Yeesɔ paa tɔkn nɛɛ sàa ɓɛɛ. Yeesɔ ɓɔɔ wukɔ kpanti jagãng mɛ̀ɛrɛ́ ɓɛɛ, ka ruu zĩi ɓiɓɛ ɓɔɔ Laa mã nyaa ɓɔɔ gbinggbing nɛɛ mani ɓɛɛ.

Yahudi 3:1

Ka ruu nɔngkɔ, rɛɛ manzung ɓɔɔ nɔɔ doo zang Laa kɔ ɓɛɛ, ɓɔɔ Laa ɓáa nɔɔ nyaa tɔ jong ɓɛɛ. Nɔɔ shing rɛ̃rɛnang manɛ ka bii Yeesɔ, ɓɔɔ wukɔ zang shonang nɛɛ kpanti zang ɓɔɔ ri dɔɔ vuu ka Gãa Laa ɓɔ̀ɔ́ danggn kɔ ruu shing ɓee.

Yahudi 5:2

Zunung ɓɔɔ wu pàlɛ́ zang ɓɔɔ ri zi vuu kpang, a ri ning gbalang kati ɓɛɛ, hakaka kpang. Ka ruu ɓɔɔ palɛ vuu shi kpang ɓi doo katɔ kɔ ɓɛɛ.

1 Bituru 3:20

Suru shi kpang keɓe, ɓi ɓɔ̀ɔ́ zang ɓɔɔ ri bɛ̃ɛ Ruu Laa dũnnang doo tɛ̃ɛ tɛ̃ɛ, ka ɓɔɔ Laa mã danggn, gã ri ka diki ɓɔɔ Nuhu pálɛ̀ laana ɓɛɛ. Ka diki kaɓa, zang mantaati ɓɔɔ ri vang laana, ri wɔrɛ.

1 Bituru 5:4

Naa nɔɔ palɛ nɔngkɔ, ka diki ɓɔɔ Yeesɔ Kirisi ɓɔɔ wukɔ kpanti jagãng tusu yuu ɓiɓɛ nɛɛ tɔ̀ɔ, zang piti ri zi wu nɛɛ jĩng, naa a nɔɔ bannang. Zang kãng nɔɔ lapoo yuu kpanti ɓɔɔ kɔlɔ katɔ ɓɛɛ ka yuu. Kɔlɔnang lapoo keɓe tù ɓi kpang dòndòng.