1 Bituru 2:24 - Nyaa Shɔɔ Ɓɔɔ Laa a Ɓɛɛ

²⁴ Yeesɔ ta vuu shi kpang ɓuru ɓɔɔ ruu palɛ ɓɛɛ ka yuu ɓiɓɛ, ka ɓɔɔ zang ɓaa wu naa ka laa ɓɛɛ. Nɛɛ tɔ̀ɔ, ruu yi tĩng tɔ̀ɔ́ nɛɛ vuu shi kpang palɛnang kpang. Ruu nwángnɛ́ ruu pálɛ́ kaa vuu tɔ̃ɔ. Kɔnang ɓuru valɛ tɔ nandon, ka ruu nyaa vuu waa ɓɔɔ zang shĩili wu ka bii ɓɛɛ.

1 Bituru 2:24 Σταυροειδείς Αναφορές

Matiyu 27:26

A Bilatu yàa ri Baraba naa kati. A kɔɔ zang, nɛɛ zang nyɔ Yeesɔ nɛɛ gbãa, a tuu Yeesɔ a zang kati, nɛɛ zang daa ɓaa wu naa ka laa.

Matiyu 5:20

N kɔɔ nɔɔ naa tɔ̃ɔ manɛ ɓá ɓɔ̀ɔ́ zang ɓɔɔ ri tusu zang labeenang nɛɛ ɓɔ̀ɔ́ zang Farisi kpang, nɔɔ naa daa manɛ ka nɔng ɓɔɔ Laa naa roo kpanti kpang tingkiring.”

Matiyu 8:17

Vuu kɔ Yeesɔ palɛ ɓee, ɓèe ɓi kaa nyaa vuu ɓɔɔ Ishaya zang nyaa shonang Laa kɔɔ ka tĩng tɛ̃ɛ tɛ̃ɛ ɓɛɛ. Ishaya kɔɔyi tɔɔ, “Zang kaɓa kɔ naa masɛ ruu, wu ti naa see kɔnang ɓuru.”

Maraku 15:15

Bilatu kasɛ nɛɛ wu pàlɛ́ zang ɓɔɔ ri kpalɛ zɔɔ vuu ɓɔɔ ri kasɛ ɓɛɛ, a yaa ri Baraba naa. A kɔɔ zang ɓiɓɛ nɛɛ ri nyɔ Yeesɔ nɛɛ gbãa. A á ri Yeesɔ kati nɛɛ zang daa ɓaa wu naa ta ka laa.

Luka 4:18

“Suru Kpanti Laa kagn bii mɛɛ, Laa zɔ̃̀ng m nɛɛ n rang zang ɓɔɔ vuu ka naa kpang yee tɔ̃ɔ ɓiɓɛ. Shong m nɛɛ n kɔɔ zang ɓɔɔ zang mã ri ka sãa, nɛɛ zang yaa ri naa tɔ. Nɛɛ n ti kɔɔ zang jĩng ringtang nɛɛ ri zi nɔng ta. Nɛɛ n ti yaa zang ɓɔɔ zang dang ri jĩng ɓɛɛ, naa.

Yɔhana 1:29

Nɔng naa gãntɛ tɔ, a Yɔhana zi Yeesɔ a kana bìí ɓiɓɛ, a kɔɔyi nɛɛ, “Nɔɔ zirɛ, Jaa Mɛ̀ɛrɛ́ Laa kaɓa, ɓɔɔ naa shingnɛ, Laa yàá zang koo keɓe gbalang vuu shi kpang ɓɔɔ ri pàlɛ̀ ɓɛɛ kɔ.

Yɔhana 19:1

A Bilatu a zang Yeesɔ nɛɛ zang nyɔ wu nɛɛ gbãa.

Zang Shonang Yeesɔ 10:35

Ka zɔ̃ng zang kɔ ka koo nandon, zang ɓɔɔ nɛɛ kaa vɔrɔ Laa, nɛɛ ti palɛ vuu ɓɔɔ wu kasɛ, Laa ta wu ɓi katɔ.

Zang Shonang Yeesɔ 10:39

Vuu ɓɔɔ wu pálɛ́ ka tipi Yahudi nɛɛ gari Urushalima ruu zi nɛɛ jĩng ɓuru. A ri ti nyɔ wu vɔrɔ, ka ɓɔɔ ri ɓaa wu naa ka laa ɓɛɛ.

Zang Shonang Yeesɔ 13:29

Ka ɓɔɔ ri palɛ vuu ɓɔɔ zang beeyi nɛɛ zang naa palɛ wu tɔ nandon, ri witi vɔrɔ ɓiɓɛ nɛɛ yuu laa, ri gbãa wu ka saa.

Zang Shonang Yeesɔ 5:30

Làá rɛɛ dáa ɓuru wisi Yeesɔ paa nɛɛ sàa. Yeesɔ ɓɔɔ nɔɔ nyɔ wu vɔrɔ, ka ɓɔɔ nɔɔ ɓaa wu naa ka laa ɓɛɛ.

Rooma 6:11

Nɔɔ rɛ̃rɛ doo nɔngkɔ, ka yuu manɛ nɛɛ nɔɔ nwàng naa vɔrɔ, nɛɛ a tɔ ka nɔng vuu shi kpang palɛnang ɓɛɛ. A nɔɔ nwàng ningkãari ka Ruu Laa, ka ruu ɓɔɔ, nɔɔ ɓakɛ zɔɔ tɔ nɛɛ Yeesɔ Kirisi ɓɛɛ.

Rooma 6:13

Nɔ́ɔ ti yaa bii manɛ dang gbete wu ràa vuu ɓɔɔ nɔ̀ɔ palɛ vuu shi kpang nɛɛ mani ɓɛɛ kpang. Nɔɔ a Laa, bii manɛ naa zang ɓɔɔ zang wisi ri paa nɛɛ sàa ri nwàng kaa ningkãari ɓɛɛ. Nɔɔ risi bii manɛ dang gbete katɔ kɔ jong wu nwang vuu ɓɔɔ Laa palɛ shonang tɔ̃ɔ nɛɛ mani ɓɛɛ.

Rooma 6:16

Nɔɔ zi tɔ nɛɛ, naa nɔɔ a zang ɓɔɔ yuu manɛ nɛɛ nɔɔ nwang jaafoo ɓiɓɛ, nɔɔ ɓaa shoo ka nyaa ɓiɓɛ. Nɔɔ manɛ jaafòó zang gãa ɓɔɔ nɔɔ ɓaa shoo ka nyaa ɓiɓɛ ɓɛɛ. Naa nɔɔ ɓaa shoo doo ka nyaa vuu shi kpang ɓɔɔ nwǎng zang vɔrɔ ɓɛɛ, naa nɔɔ ti ɓaa shoo ka nyaa Laa, tɔ̀ɔ, Laa wu ta nɔɔ nɛɛ nɔɔ zang tɔ̃ɔ ka tĩng ɓiɓɛ ɓɛɛ.

Rooma 6:2

Kpang, ruu palɛ nɔngkɔ kpang. Ɓɔɔ ruu yaa vuu shi kpang palɛnang ɓuru tɔ, ruu palɛ takpang.

Rooma 6:22

A kãntang keɓe zang ta nɔɔ tɔ nɛɛ, naa vuu shi kpang palɛnang, nɔɔ kaa jaafoo Laa. Vuu keɓe shing nɔɔ, nɔɔ nwang zang ɓɔɔ shi kpang ka bii ɓarɛ kpang ɓɛɛ. Wu ti shingnɛ nɔɔ wàlɛ̀ suru bii ɓɔɔ waa nyaa kpang ɓɛɛ.

Rooma 6:7

Zang ɓɔɔ nɛɛ vɔ tɔ, wɔ ɓi tɔ, palɛ vuu shi kpang ɓi takpang.

Rooma 7:6

Kãntang keɓe, Laa ta ruu tɔ nɛɛ naa nyaa dannang ɓiɓɛ, ka ruu ɓɔɔ, ruu nwalɛ ɓuru kaa naa zang ɓɔɔ vuu shi kpang roo kpanti tɔ̀ɔ́ yuu ɓarɛ kpang ɓɛɛ. Kãntang keɓe, ruu pàlɛ́ Laa shonang kaa tɔ, ka gbalang ɓɔɔgn, ka ɓɔɔ ruu ɓaa shoo ka nyaa Suru ɓiɓɛ ɓɛɛ. Wu ka gbalang gbaala, ka ɓɔɔ ruu dũng nyaa dannang Laa, ɓɔɔ zang bée nɛɛ naa ɓɛɛ kpang.

1 Koranti 15:3

N kɔɔ nɔɔ Ruu Tɔ̃ɔ keɓe tɔ ka tĩng, ɓɔɔ Yeesɔ Kirisi kɔɔ m ka tĩng ɓɛɛ. Ruu Tɔ̃ɔ keɓe ɓa vuu piti katɔ, Ruu Tɔ̃ɔ keɓe, kɔɔ ruu nɛɛ Kirisi vɔ ka ruu vuu shi kpang ɓɔɔ ruu palɛ ɓɛɛ. Naa ɓɔɔ zang bée ka yeti labeenang Laa ka tĩng tɛ̃ɛ tɛ̃ɛ nɛɛ wu naa palɛ ɓɛɛ.

2 Koranti 6:17

Ka ruu nɔngkɔ, Laa kɔɔyi tɔɔ, “Nwang ta, nɔ́ɔ yaa teteng ɓarɛ, nɔɔ kusu yuu manɛ dang gbete. Nɔ́ɔ pálɛ̀ vuu ɓɔɔ shi kpang, kpang, tɔ̀ɔ, n ta nɔɔ kati, nɔ́ɔ nwang zang mɛɛ.

Galati 3:13

Yeesɔ Kirisi ta yuu ɓuru tɔ, ka nyaa ɓɔɔ Laa nɛɛ kù ruu, ka ruu ɓɔɔ, ruu dũng nyaa dannang kpang ɓɛɛ. Ka ruu ɓɔɔ, Laa kù Kirisi nyaa jong ka nung ɓɔɔ wu nɛɛ kù ruu ɓɛɛ. Ka ruu ɓɔɔ, zang bee ka yeti labeenang Laa tɔɔ, “Zang ɓɔɔ zang nɛɛ haatɛ wu ka lapa, Laa ku wu nyaa tɔ ɓɛɛ.”

Afisa 5:9

Ka ruu ɓɔɔ, ɓi nɔng yakɛnang kɔ nwangsɛ vuu piti ɓɔɔ tɔ̃ɔ, nɛɛ ɓɔɔ waasɛ̃, nɛɛ ɓɔɔ niizang ɓɛɛ.

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Kolosi 2:14

Laa ningsi nyaa dannang tɔ, nɛɛ vuu ɓɔɔ wu kasɛ ɓɛɛ, a àlɛ̀ vuu shi kpang ɓɔɔ zang bee ka yuu ɓuru ɓɔɔ nɛ̀ɛ́ nwang ruu naa nyaa kɔ́pɔ́ ɓɛɛ tɔ. Ningsi tɔ nandon ka ɓɔɔ wu ɓaa vuu keɓe jong ka laa ɓɔɔ zang ɓaa Yeesɔ naa kagn ɓɛɛ.

Kolosi 2:20

Nɔɔ vɔ manɛ tɔ, nɛɛ Yeesɔ Kirisi, a zang ti ta yuu manɛ tɔ, nɛɛ naa rɛɛ nyaa dannang ɓɔɔ shɔnzang ri tusu ɓɛɛ. A ka ruu vi nɔɔ nwang nwannang naa nɔɔ manɛ zang koo keɓe viya? Ka ruu vi nɔɔ dũng rɛɛ nyaa ɓɔɔ zang dangnɛ nɛɛ,

Kolosi 3:3

Ka ruu ɓɔɔ, nwàng ɓi naa ɓɔɔ nɔɔ vɔ tɔ, a suru bii manɛ ɓɔɔ kãntang zang waasɛ ka bii Kirisi ɓɔɔ wu ka bii Laa ɓɛɛ.

Yahudi 10:10

Laa kɔ kasɛ a zang shingnɛ ruu nwàng zang tɔ̃ɔ ka tĩng Laa. Ka ɓɔɔ Yeesɔ Kirisi, a Laa yuu ɓiɓɛ zang nyɔ wu vɔrɔ doo gbete kak ɓɛɛ.

Yahudi 10:5

Ka ruu nɔngkɔ, ka ɓɔɔ Kirisi a ka koo, kɔɔ Laa tɔɔ, “Mɔɔ kasɛ vuu ɓɔɔ zang dɔɔ mɔɔ, a zang ti a mɔɔ ɓɛɛ kpang. A mɔɔ palɛ m ɓaa, bii ɓɔɔ mɔɔ kasɛ nɛɛ n a mɔɔ wukɔ tɔkn ɓɛɛ.

Yahudi 12:13

Nɔɔ yaa shi kpang palɛnang, nɔɔ dũng gbalang Laa ta, tɔ̀ɔ, zang ɓɔɔ kàa katɔ, ka ruu shi kpang palɛnang wu lakɛ katɔ kɔ jong, wu kpaa sáa doo ɓiɓɛ sasak kpang.

Yahudi 7:26

Zɔ̃ng kpanti zang ɓɔɔ ri dɔɔ vuu ka Gãa Laa keɓe, ɓɔɔ ruu kasɛ ɓɛɛ kɔ. Zang ɓɔɔ shi kpang ka bii ɓiɓɛ kpang, ɓɔɔ zang dãa wu kpang, ɓɔɔ ɓi kankalang ɓɛɛ, a zang zɔ̃ng wu katɔ nɛɛ teteng zang ɓɔɔ ri palɛ vuu shi kpang, zang shing wu dang gbete, ɓɔɔ zang a wu nɔng nwannang ka lapa kpala kpala.

Yahudi 9:28

Kirisi dòo nɔngkɔ, á zang yuu ɓiɓɛ nɛɛ zang nyɔ wu vɔrɔ doo gbete kak, nɛɛ tɔ̀ɔ, wu kɔsɔ zang dɔɔli vuu shi kpang ɓarɛ kati. Nwang nyaa ditɔ tɔkn, daa kaa doo ziti. Wu ka ruu ɓɔɔ wu naa kɔsɔ zang vuu shi kpang ɓarɛ kpang, nɛɛ tɔɔ wu ta ɓi kaa yuu zang ɓɔɔ ri gã wu ɓɛɛ.

Yakubu 5:16

Ka ruu nɔngkɔ, nɔɔ kɔɔ zɔɔ vuu shi kpang manɛ katɔ, nɔ́ɔ gaa zɔɔ Laa, tɔɔ nɔ́ɔ valɛ. Laa gaanang zang ɓɔɔ ɓi zang tɔ̃ɔ ka tĩng Laa palɛ vuu bang bang dɔɔli.

1 Yɔhana 2:29

Nɔɔ nɛɛ zi tɔ nɛɛ Kirisi ɓi zang tɔ̃ɔ, nɔɔ zi katɔ nɛɛ zang ɓɔɔ palɛ vuu tɔ̃ɔ, ɓi zang ɓɔɔ Laa yi ɓɛɛ kɔ.

1 Yɔhana 3:7

Wujɛ mɛɛ, zang ɓɔɔ wu nwãarɛ nɔɔ kpang. Zang ɓɔɔ palɛ vuu tɔ̃ɔ, ɓi zang tɔ̃ɔ, naa ɓɔɔ Yeesɔ zang tɔ̃ɔ ɓɛɛ.

Vuu ɓɔɔ zang nwangsɛ Yɔhana 22:2

Zɛ̃ɛyi tɛɛ teteng gbabang ɓɔɔ ka yeti gari bìí ɓɛɛ. Láa ɓɔɔ a zang suru bii ɓɔɔ waa nyaa kpang ɓɛɛ, takɛ ka nyaa rang keɓe, ka zingzing. Ri ra jaa ka shala shala, ka saa gbete jaa ɓɔɔ ri ra ɓɛɛ ka zɔ̃ng zɔ̃ng kopi tu ziti. Gɔpɔ laa bìí ɓi gãnang, vàlɛ́ zang ɓɔɔ ri ka nɔng piti piti ka koo, kɔnang ɓarɛ katɔ.