1 Bituru 2:20 - Nyaa Shɔɔ Ɓɔɔ Laa a Ɓɛɛ

²⁰ Naa zang ɓɔɔ palɛ vuu shi kpang, a mã danggn ka ɓɔɔ zang nyɔ wu, ka ruu vuu shi kpang ɓɔɔ wu palɛ ɓɛɛ, zang dɔ̀ɔ́ wu katɔ ya? Zang pálɛ̀ wu ɓi vuu ɓɔɔ daa naa ɓɔɔ zang nɛɛ palɛ wukɔ nwani. Naa zang ɓɔɔ palɛ tɔ̃ɔ, a zang dang wu jĩng ka ruu tɔ̃ɔ ɓɔɔ wu palɛ, a mã danggn, zang keɓe daa naa ɓɔɔ Laa dɔ̀ɔ́ wu tɔ.

1 Bituru 2:20 Σταυροειδείς Αναφορές

Matiyu 26:67

A ri tùlù wu sisãa ka jĩng, ri ti ma wu nɛɛ naa tung, a zang ɓɔɔ ri ti nyɔ wu nɛɛ naa.

Matiyu 5:47

Naa nɔɔ ti jee rɛɛ ɓaazung kɔ nyaa shɛ̃ɛning, nɔɔ ɓa rɛɛ zang ɓɔɔ ɓu kaa nɛɛ viya? Zang ɓɔɔ ri dũng Kpanti Laa kpang, ri palɛ ɓu doo nɔngkɔ kpang ya?

Maraku 14:65

A zang ɓɔɔ ri gaa tɔɔsung ɓɔɔ ri tùlù wu sisãa ka bii ɓɛɛ kati. A ri mung wu jĩng, ri nyɔ wu nɛɛ naa, a ri ti kpaa wu nɛɛ, “Kɔɔ ruu zang ɓɔɔ nyɔ mɔɔ ɓɛɛ ta.” A zang ɓɔɔ ri gãng jĩng ka gãa, ri ta wu, ri ti nyɔ wu jong nɛɛ naa.

Luka 6:32

“Naa nɔɔ kasɛ ruu zang ɓɔɔ ri kasɛ ruu manɛ kɔ shɛ̃ɛning, nɔɔ naa walɛ ɓu vi ka bii Kpanti Laa viya? Ka ruu ɓɔɔ, zang ɓɔɔ ri dũng Kpanti Laa kpang, ri kàsɛ́ ruu zang ɓɔɔ kasɛ ruu ɓarɛ katɔ ɓɛɛ.

1 Koranti 4:11

Wee ruu rang yee ka nyaa ɓee, nyɔkɔ nyɔ ruu katɔ, sutu mã ruu, ruu hã̀lɛ̀ ɓuru sɛ̃ɛ fɔ̃ɔrɔ ka bii, zang dang ruu jĩng, a gãa ɓɔɔ ruu nwáng kagn ti kpang.

Galati 4:18

Naa zang kasɛ ruu zang ka ruu tɔ̃ɔ ɓɔɔ zang mang ka yeti ka yuu zang, wukɔ tɔ̃ɔ. Zang wu palɛ nɔngkɔ diki diki, wu ka laa ɓɔɔ n ka nɔng shɛ̃ɛning kpang.

Afisa 5:10

Nɔɔ kãa vuu ɓɔɔ shing Kpanti Yeesɔ tãa tĩnang ɓɛɛ.

Filipi 4:18

Nɔɔ a m vuu piti ɓɔɔ daa naa katɔ ɓɛɛ tɔ. Nɔɔ ti gisi vuu ɓɔɔ tɔ dɔɔli ɓa vuu ɓɔɔ n shing gn ɓiɓɛ tɔ. Ɓɔɔ Abafaroditu atɛ m vuu ɓɔɔ nɔɔ alɛ wu. Vuu bìí daa m katɔ, vuu ɓɔɔ n kasɛ ɓɛɛ takpang. Vuu keɓe nwang naa vuu ɓɔɔ á sɛ̃ɛ tɔ̃ɔ ɓɛɛ, vuu ɓɔɔ zang dɔɔ Laa ɓɔɔ shingnɛ Laa tãa tĩnang ɓɛɛ.

1 Bituru 2:19

Zang ɓɔɔ nɛɛ mã danggn ka jĩng ɓɔɔ wu dang ɓɛɛ, ka ruu ɓɔɔ, wu zi tɔ nɛɛ Laa tãa tĩnang nwannang ɓɔɔ naa weɓe katɔ, naa nɛɛ dang jĩng ka ruu vuu shi kpang ɓɔɔ wu palɛ ɓɛɛ kpang, zang dɔ̀ɔ́ zang keɓe kɔ.

1 Bituru 3:14

Naa zang dàng mɔɔ doo jĩng, ka ruu ɓɔɔ mɔɔ palɛ vuu ɓɔɔ daa bii katɔ, Laa pàlɛ́ mɔɔ tɔ̃ɔ katɔ. Ka ruu nɔngkɔ, mɔɔ kaa vɔrɔ zang ɓɔɔ ri kasɛ nɛɛ ri palɛ mɔɔ shi kpang, kpang. Vuu ɓɔɔ wu ti kpãa mɔɔ kpang.

1 Bituru 3:17

Naa nɔɔ dang jĩng ka ruu ɓɔɔ nɔɔ palɛ tɔ̃ɔ, wukɔ tɔ̃ɔ, Laa nɛɛ kàsɛ́ nɔngkɔ ɓɛɛ, ka ɓɔɔ nɔɔ nɛ̀ɛ́ dang jĩ́ng ka ruu shi kpang palɛnang ɓɛɛ.