1 Bituru 1:7 - Nyaa Shɔɔ Ɓɔɔ Laa a Ɓɛɛ

⁷ Vuu gãsɛnang alɛ ka bii manɛ, tɔ̀ɔ, zang ri zi kati nɛɛ danggn ɓɔɔ nɔɔ shing ka bii Laa ɓi ɓɔɔ niizang kɔ nwani. Zinariya ɓɔɔ lasɛ katɔ ɓɛɛ, zang dɔɔ ka waa, tɔ̀ɔ, zang zirɛ nɛ́ɛ ɓɔɔ tɔ̃ɔ ɓɛɛ. Zang palɛ danggn shinnang manɛ ɓɔɔ ɓa zinariya shinang katɔ doo nɔngkɔ. Zang gãsɛ danggn ɓɔɔ nɔɔ shing ka bii Laa kãntang keɓe, ka ruu ɓɔɔ, ka diki ɓɔɔ Yeesɔ Kirisi naa nwang nyaa, zang wu dɔɔ nɔɔ, zang ti a nɔɔ bannang ka ruu danggn ɓɔɔ nɔɔ shing ɓɛɛ.

1 Bituru 1:7 Σταυροειδείς Αναφορές

Matiyu 19:28

Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, ka diki ɓɔɔ Jaa Shɔnzang naa arɛ, naa nwang ka laa kpanti nɛɛ naa bannang ɓiɓɛ ka koo shɔɔ. Ɓɔɔ nɔɔ dũ̀ng knti mɛɛ, nɔɔ naa nwáng ditɔ jong ka laa nwannang kopi tu ziti. Tɔ̀ɔ nɔ́ɔ jɛ̃̀ɛ zɔ̃ng wujɛ Isirela ɓɔɔ kopi tu ziti ruu kati.

Matiyu 25:21

“Yɔɔ gãa ɓiɓɛ tɔɔ, ‘Nn hn, mɔɔ zang shonang tɔ̃ɔ ɓɔɔ ɓaa shoo ka nyaa zang, ti palɛ vuu tɔ̃ɔ ɓɛɛ. Mɔɔ palɛ vuu tɔ̃ɔ, ka vuu ɓɔɔ tɔkɔlɔng, n shing mɔɔ ka yuu vuu ɓɔɔ dɔɔli ɓɛɛ. A ta, mɔɔ tãa tĩnang nɛɛ n.’

Matiyu 25:23

“Yɔɔ gãa ɓiɓɛ tɔɔ, ‘Nn hn zang shonang tɔ̃ɔ ɓɔɔ ɓaa shoo ka nyaa zang, ti palɛ vuu tɔ̃ɔ ɓɛɛ. Mɔɔ palɛ vuu tɔ̃ɔ ka vuu ɓɔɔ tɔkɔlɔng, n shing mɔɔ ka yuu ɓɔɔ dɔɔli ɓɛɛ. A ta, mɔɔ tãa tĩnang nɛɛ n.’

Luka 12:33

Nɔɔ mãlɛ́ vuu naa manɛ ta, nɔɔ a zang ɓɔɔ vuu ka naa kpang ɓɛɛ saka. Nɔɔ kpalɛ yuu manɛ vuu ɓɔɔ lasɛ kpang, ka nɔng Laa. Ka nɔng ɓɔɔ shaarɛ kpang, shɔngɓɔ daa ɓɔɔ kpang, tuuru ri ti daa lasɛ kpang ɓɛɛ.

Luka 17:30

Naa nwáng doo nɔngkɔ, ka diki ɓɔɔ Jaa Shɔnzang nwang nyaa ɓɛɛ.

Yɔhana 12:26

Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Yɔhana 5:44

Nɔɔ kasɛ nɛɛ nɔɔ dɔ̀ɔ́ zɔɔ ka naa manɛ. Nɔɔ kasɛ kpang nɛɛ Laa ɓɔɔ wukɔ Laa gbete gãagãa, wu dɔɔ nɔɔ kpang. A nɔɔ palɛ biya nɔɔ shing danggn ka bii mɛɛ viya?

Zang Shonang Yeesɔ 8:20

Bituru kasɛ wu nyaa tɔɔ, “Mɔ́ɔ shaarɛ nɛɛ saka ɓaaɓɛ ning, ka ruu ɓɔɔ, mɔɔ kɔɔ nɛɛ mɔɔ hoo vuu ɓɔɔ Laa a zang waati katɔ ɓɛɛ.

Rooma 2:10

A Laa naa a zang ɓɔɔ ri pálɛ̀ vuu tɔ̃ɔ kɔ bannang, wu ti dɔɔ ri, wu ti shing ri, ri nwáng ka nyaa zɔɔ. Gaayu nɛɛ zang Yahudi kɔ shɔɔnang, wu naa tɛɛ zang ɓɔɔ ri zang Yahudi kpang ɓɛɛ.

Rooma 2:29

Zang Yahudi ɓɔɔ niizang ɓi, zang Yahudi ɓɔɔ yeti ɓiɓɛ tɔ̃ɔ ɓɛɛ, ɓɔɔ Suru Laa kɔ̃sɔ wu ɓoro tɔ, naa ɓɔɔ zang yée shaa ɓɛɛ. Wu nyaa ɓɔɔ Musa dangnɛ kɔ̃sɔ wu kpang. Zang keɓe ɓi Laa dɔɔ wu, wu shɔnzang ri dɔɔ wu kpang.

Rooma 2:7

Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

Rooma 8:19

Niizang, vuu ɓɔɔ Laa mã́arɛ̀ ɓɛɛ nandon, ri gã diki ɓɔɔ Laa naa nwàngsɛ́ wujɛ ɓiɓɛ bii ɓɛɛ.

1 Koranti 3:13

Diki ɓɔɔ shonang zang naa tusu bii kagn a ditɔ. Ka ruu ɓɔɔ, ka diki kaɓa, ɓɔɔ Yeesɔ Kirisi gbãayu ka koo keɓe, Laa naa gãsɛ shonang zang ɓu nɛɛ waa, waa kɔ naa túsù kati waasɛ̃ naa ɓɔɔ zɔ̃ng shonang zang ɓu nwàng ɓɛɛ.

1 Koranti 4:5

Ka ruu nɔngkɔ, daa naa ɓɔɔ nɔɔ dɔng zang ruu ɓɛɛ kpang. Nɔɔ yaa gbongkarɛ diki ɓiɓɛ wu arɛ. Diki ɓɔɔ Kpanti Yeesɔ gbãayu kagn ɓɛɛ. Naa nwangsɛ dĩiri vuu ɓɔɔ zang waasɛ̃ katɔ kãntang keɓe ditɔ. Ti naa nwangsɛ rɛ̃rɛnang ɓɔɔ zang ɓu rɛ̃rɛ ka yeti ɓiɓɛ ditɔ. Ka diki kaɓa kɔ, Laa naa dɔ̀ɔ zang ɓu nɛɛ dɔɔnang ɓɔɔ daa teetee nɛɛ zang ɓu ɓɛɛ.

Yakubu 1:12

Zang ɓɔɔ zang nɛɛ gãsɛ wu, nɛɛ watɛ kpang wukɔ tãa tĩnang. Ka ruu ɓɔɔ, nɛɛ shìi kakata, nɛɛ watɛ kpang, naa ta vuu ɓɔɔ Kpanti Laa tɔɔ wu a zang ɓɔɔ kasɛ wu katɔ ɓɛɛ. Vuu keɓe wukɔ suru bii ɓɔɔ waa nyaa kpang ɓɛɛ.

1 Bituru 1:13

Ka ruu nɔngkɔ, nɔɔ yiti yuu manɛ waasɛ̃ nɔɔ kpalɛ bii tɔ̃ɔ. Nɔɔ ti shing manɛ gn dɔ̃ɔ gbete ka vuu ɓɔɔ Laa naa a nɔɔ ɓɛɛ, ka diki ɓɔɔ Yeesɔ Kirisi naa nwang nyaa ɓɛɛ.

1 Bituru 1:5

Laa ti gã nɔɔ nɛɛ naa vuu palɛnang ɓiɓɛ, nɔɔ ɓɔɔ nɔɔ shing danggn ka bii ɓiɓɛ ɓɛɛ. Tɔ̀ɔ, zang piti ri zi kati nɛɛ jĩng ɓarɛ, nɛɛ Laa ta yuu manɛ ditɔ ka diki ɓɔɔ koo waa nyaa kagn ɓɛɛ.

1 Bituru 2:4

Ka ruu nɔngkɔ, nɔɔ a naabm ka bii ɓiɓɛ. Wukɔ tari ɓɔɔ nwang ɓi dòndòng kaɓa, ɓɔɔ a zang suru bii, ɓɔɔ shɔnzang ri bɛ̃ɛyi naa vuu ɓɔɔ shi kpang ɓɛɛ. Ka jĩng Laa ɓɔɔ zɔ̃ng wu, wu ɓi zang ɓɔɔ daa naa ɓɔɔ zang a wu bannang ɓa zang piti katɔ ɓɛɛ.

1 Bituru 2:7

Ɓɔɔ nɔɔ shing danggn tɔ, Yeesɔ kɔ ɓa vuu piti ka jĩng manɛ. Zang ɓɔɔ ri shing danggn ka bii ɓiɓɛ kpang ri naa zirɛ, “Tari ɓɔɔ zang ɓɔɔ ri mãa gãa ri bɛ̃ɛyi, wukɔ naa ràa tari ɓɔɔ yiti gãa kati.”

1 Bituru 4:12

Rɛɛ masang, ɓɔɔ n kasɛ ruu manɛ dɔɔli ɓɛɛ, nɔ́ɔ mã naa ka danggn ka ruu rɛɛ jĩng dannang ɓɔɔ bang dɔɔli kɔ ri alɛ ka bii manɛ ɓee kpang. Vuu keɓe ri alɛ nɛɛ ri gãsɛ danggn ɓɔɔ nɔɔ shing ka bii Laa ɓɛɛ, ka ruu nɔngkɔ, nɔ́ɔ rɛ̃rɛ kpang nɛɛ ɓi vuu shɔɔ kpang.

1 Bituru 4:13

Nɔ́ɔ tãa tĩnang kɔ jong, ka ruu ɓɔɔ nɔɔ kpalɛ yuu manɛ doo ka jĩng dannang ɓɔɔ Kirisi dang ɓɛɛ kɔ. Ka ruu ɓɔɔ, ka diki ɓɔɔ zang nɛɛ tusu bannang ɓiɓɛ tɔ, nɔɔ tãa tĩnang kaa dɔɔli.

1 Bituru 5:1

Ruu ɓɔɔ n kɔɔ rɛɛ zang bang Gãa Laa ɓɔɔ ri ka teteng manɛ kagn. N m doo zang bang kɔ. N zi jĩng ɓɔɔ Kirisi dang ɓɛɛ nɛɛ jĩng mɛɛ. N ti naa walɛ bannang jong nɛɛ nɔɔ ka diki ɓɔɔ Laa naa a ruu bannang keɓe ɓɛɛ. Ka ruu nɔngkɔ, n gaa nɔɔ n tɔɔ nɔ́ɔ,

2 Bituru 1:1

Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.

2 Bituru 1:4

Ka gbalang keɓe, a ruu vuu bang bang ɓɔɔ bɛ̀ɛ́ kɔɔyi nɛɛ wu a ruu ɓɛɛ, ɓɔɔ naa nwǎng ruu vuu tɔ̃ɔ katɔ ɓɛɛ. Palɛ vuu keɓe nɔngkɔ, nɛɛ tɔ̀ɔ, ka ruu rɛɛ vuu keɓe, ruu wɔ nɛɛ naa vuu shi kpang ɓɔɔ ka koo keɓe, ɓɔɔ zang koo keɓe ri kasɛ ɓɛɛ. Tɔ̀ɔ, nɔɔ yi tĩng kɔ jong. Laa wu a nɔɔ zɔ̃ng nwannang ɓiɓɛ.

2 Bituru 3:14

Ka ruu nɔngkɔ, masang ɓɔɔ n kasɛ ruu manɛ dɔɔli ɓɛɛ, n kɔɔ nɔɔ ka wee nɔɔ gã diki ɓɔɔ Yeesɔ a tɔkn ɓee, nɔɔ shing yuu manɛ, nɔ́ɔ nwang nwannang tɔ̃ɔ, tɔ̀ɔ Laa wu kɔɔ kpang nɛɛ, nɔɔ palɛ vuu shi kpang, kpang. Nɔɔ nwang kaa nyaa zɔɔ nɛɛ wu.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.

Vuu ɓɔɔ zang nwangsɛ Yɔhana 1:7

Nɔɔ zirɛ, náa a ka yeti sãmbong, zang piti ri naa zi wu jĩng ka bii. Zang ɓɔɔ ri shu wu nɛɛ shalang, ri ti naa zi wu jong. Zang tipi koolaa keɓe nandon, ri naa káa ka ruu ɓiɓɛ. Vuu keɓe naa nwáng ditɔ nɔngkɔ niizang. Nɔngkɔ.

Vuu ɓɔɔ zang nwangsɛ Yɔhana 2:10

Nɔ́ɔ kaa vɔrɔ jĩng dannang ɓɔɔ yaa kaa tɔkɔlɔng nɔɔ dǎng kaa tɔ kaɓa kpang. Nɔɔ ɓaa shoo, Sheetang naa gãsɛ nɔɔ ditɔ, naa shingnɛ zang wu mã zang ɓɔɔ ka teteng manɛ ka sãa. Zang naa dang nɔɔ jĩng diki kopi kɔ nwani. Nɔ́ɔ yaa danggn ɓɔɔ nɔɔ shing ka bii mɛɛ kpang, naa zang nyɔ nɔɔ doo vɔrɔ ɓɛɛ. Tɔ̀ɔ, n a nɔɔ suru bii ɓɔɔ waa nyaa kpang, nɔ́ɔ walɛ bannang kati.

Vuu ɓɔɔ zang nwangsɛ Yɔhana 3:10

Nɔɔ dũng ruu mɛɛ ɓɔɔ n kɔ̀ɔ nɔɔ nɛɛ nɔɔ mã danggn ɓɛɛ tɔ, ka ruu nɔngkɔ, n naa shingnɛ, nɔ́ɔ wɔ ka jĩng dannang ɓɔɔ a kaa tɔ ka koo piti ɓɔɔ zang gãsɛ zang ɓɔɔ ri nwang ka koo nɛɛ mani ɓɛɛ.

Vuu ɓɔɔ zang nwangsɛ Yɔhana 3:18

Ka ruu nɔngkɔ, n kɔɔ nɔɔ, nɔɔ arɛ nɔ́ɔ hoo zɔ̃ng zinariya ɓɔɔ zang dɔɔ nɛɛ waa nɛɛ, tɔ̀ɔ, bii ɓiɓɛ wu turɛ wu nwang kaa tɔ̃ɔ ɓɛɛ, tɔ̀ɔ, nɔ́ɔ nwang kaa zang ying ɓɔɔ niizang ɓɛɛ. Nɔɔ ti arɛ nɔɔ hooro fɔ̃ɔrɔ puru nɔ́ɔ hãayi, tɔ̀ɔ, bii bɔ̃bɔ̃rɔ manɛ wu shing kaa tɔ̀ɔ́ yusɛ̃ɛ wu tuu nɔɔ kpang. Nɔɔ hoo gãnang ɓɔɔ zang tɛ̃̀ɛ́ nɔɔ ka jĩng ɓɛɛ, tɔ̀ɔ, nɔ́ɔ zi nɔng kati.