1 Bituru 1:6 - Nyaa Shɔɔ Ɓɔɔ Laa a Ɓɛɛ

⁶ Ka ruu nɔngkɔ, nɔɔ tãa tĩnang ta ka ruu rɛɛ vuu kɔ Laa palɛ ɓee. Kãntang keɓe, yeti manɛ lasɛ katɔ, ka ruu ɓɔɔ, zang gãsɛ nɔɔ nɛɛ vuu gãsɛnang ka zɔ̃ng zɔ̃ng ɓɛɛ. Nɔɔ ti zi tɔ, diki ɓɔɔ zang gãsɛ nɔɔ kagn keɓe bée kpang.

1 Bituru 1:6 Σταυροειδείς Αναφορές

Matiyu 11:28

“Nɔɔ a ka bii mɛɛ, zang piti ɓɔɔ dang jĩng, a ti rɛ̃rɛ dɔɔli ɓɛɛ, n á nɔɔ ɔ̃sɔnang katɔ.

Matiyu 26:37

A Yeesɔ daa nɛɛ Bituru, nɛɛ wujɛ Zebedi ɓɔɔ ziti ɓɛɛ. A bii soo wu, gaa tɔɔsung rɛ̃rɛnang kati.

Matiyu 5:12

Nɔɔ dɔɔ bii ta, nɔ́ɔ ti tãa tĩnang, ka ruu ɓɔɔ, Kpanti Laa shing nɔɔ vuu ɓɔɔ kagn lapa ɓɛɛ. Zang dàng zang nyaa shonang Kpanti Laa ɓɔɔ ri a ka tĩng manɛ jĩng doo nɔngkɔ.

Luka 1:47

Suru bii mɛɛ tã̀á tĩnang ka ruu Laa ɓɔɔ ta yuu mɛɛ ɓɛɛ.

Luka 10:20

Nɔ́ɔ tãa tĩnang ka ruu ɓɔɔ suru shi kpang ɓaa shoo ka nyaa manɛ kpang. Nɔɔ tãa tĩnang manɛ, ka ruu ɓɔɔ, zang bee nung manɛ tɔ ka lapa ɓɛɛ.”

Luka 2:10

Zang nyaa shonang Laa ɓɔɔ ka lapa, kɔɔ ri tɔɔ, “Nɔɔ kaa vɔrɔ kpang, n atɛ nɔɔ ruu tɔ̃ɔ, ɓɔɔ a nɔɔ tĩnang tãanang dɔɔli, ɓɔɔ zang piti naa tãa tĩnang ɓiɓɛ ɓɛɛ.

Yɔhana 16:22

Ɓɔɔ manɛ nwáng doo nɔngkɔ, kãntang keɓe, yeti manɛ lasɛ dòo katɔ. N a ditɔ ka bii manɛ tɔkn, nɔɔ naa tãa tĩnang ditɔ ka yeti manɛ dɔɔli. Zang ɓɔɔ zunung ɓɔɔ wu nwangsɛ tĩnang keɓe nɛɛ yeti manɛ kpang.

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Rooma 12:12

Gn ɓɔɔ nɔɔ shing ka vuu ɓɔɔ a ɓɛɛ, wu shing nɔɔ, nɔ́ɔ tãa tĩnang. Zang nɛɛ dang nɔɔ jĩng, nɔɔ mã danggn. Nɔɔ gaa Laa diki diki.

Rooma 5:11

Wu wee kɔ shɛ̃ɛning kpang. Laa shingnɛ nɛɛ, ruu tãa tĩnang nɛɛ bii Kpanti ɓuru Yeesɔ Kirisi ɓɔɔ shing ruu tɔ kãntang ruu kaa wusang Laa ɓee.

Rooma 5:2

Laa pàlɛ̀ ruu tɔ̃ɔ kɔ̀ rùu kagn ɓee, nɛɛ bii ɓiɓɛ kɔ, ka ruu danggn ɓɔɔ ruu shing ɓɛɛ. Ka ruu nɔngkɔ, ruu tãa tĩnang ka wee ruu shing jĩng ka tĩng, nɛɛ Laa naa a ruu bannang ɓiɓɛ jong ɓee.

Rooma 9:2

Niizang, yeti mɛɛ lasɛ dɔɔli, vuu ɓɔɔ ti kɔng m ka yeti ka ruu rɛɛ manzung zang Isirela di nyaa kpang.

2 Koranti 4:17

Jĩng dannang kɔ ruu dang ɓee, bee kpang. Daa doo vuu ɓɔɔ a ɓɛɛ kpang. Jĩng dannang keɓe, atɛ vuu ɓɔɔ bang katɔ, ɓɔɔ nwang ɓi dòndòng. Vuu ɓɔɔ zang gãsɛ nɛɛ mani ɓi kagn kpang.

2 Koranti 6:10

Zang làsɛ́ ruu yeti katɔ, a ruu tãa kaa tĩnang diki diki, mɔɔ kɔɔ nɛɛ vuu ka naa ɓuru kpang, a ɓi rukɔ shing zang ri wàlɛ́ vuu naa. Mɔɔ kɔɔ nɛɛ vuu ka naa ɓuru kpang, a ɓeekpang vuu piti ɓi ka naa ɓuru.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Filipi 2:26

Kasɛ ka yeti ɓiɓɛ gbãng gbãng nɛɛ wu zi nɔɔ nandon tɔkn. Vuu bìí kpãa wu dɔɔli, ka ruu ɓɔɔ, nɔɔ tãayi nɛɛ vuu pálɛ́ wu katɔ ɓɛɛ.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

Filipi 4:4

Nɔɔ ɓɔɔ nɔɔ ɓakɛ yuu tɔ nɛɛ Kirisi ɓɛɛ, nɔɔ tãa tĩnang diki diki. N paasɛ nɔɔ kɔɔnang tɔkn, nɔɔ tãa tĩnang.

1 Tesalonika 1:6

Nɔɔ kpɛ̃ɛrɛ nwannang tɔ naa ɓɔɔ ruu nwang ɓɛɛ, a ɓɔɔ ti naa ɓɔɔ Kpanti Yeesɔ nwang ɓɛɛ. Zang dang nɔɔ jĩng dɔɔli, a nɔɔ ta ruu ɓɔɔ ka yuu Yeesɔ Kirisi doo nɛɛ mani, nɔɔ tãa tĩnang ɓɔɔ Suru Laa shing zang, zang tãa ɓɛɛ.

Yakubu 1:2

Rɛɛ manzung, nɔɔ tãa manɛ tĩnang kɔ jong, naa zang gãsɛ nɔɔ nɛɛ vuu ka zɔ̃ng zɔ̃ng ɓɛɛ.

Yakubu 1:9

Zang ɓɔɔ wu zang ying kpang, ɓɔɔ dũng Laa, wu tãa tĩnang, ka ruu ɓɔɔ ka tĩng Laa wu ɓi zang bang ɓɛɛ.

Yakubu 4:9

Yeti manɛ wu lasɛ ta kati, nɔɔ kaa nyavɔ. Tabɛ̀ɛ́ manɛ wu raa kaa nyavɔ. Tĩnang ɓɔɔ nɔɔ tãa ɓɛɛ, wu raa kaa yeti lasɛnang, ka ruu vuu shi kpang ɓɔɔ nɔɔ palɛ ɓɛɛ.

1 Bituru 3:17

Naa nɔɔ dang jĩng ka ruu ɓɔɔ nɔɔ palɛ tɔ̃ɔ, wukɔ tɔ̃ɔ, Laa nɛɛ kàsɛ́ nɔngkɔ ɓɛɛ, ka ɓɔɔ nɔɔ nɛ̀ɛ́ dang jĩ́ng ka ruu shi kpang palɛnang ɓɛɛ.

1 Bituru 4:7

Diki ɓɔɔ koo keɓe waa nyaa kagn, a naabm tɔ, ka ruu nɔngkɔ, nɔɔ yiti yuu manɛ waasɛ̃, nɔ́ɔ shii tɔ̃ɔ, tɔ̀ɔ, nɔ́ɔ gaa Laa kati.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.