1 Bituru 1:18 - Nyaa Shɔɔ Ɓɔɔ Laa a Ɓɛɛ

¹⁸ Nɔɔ zi tɔ nɛɛ, Yeesɔ Kirisi ta yuu manɛ nɛɛ tɔɔ nɔɔ yaa rɛɛ vuu ɓɔɔ rɛɛ dabang manɛ ri palɛ, ɓɔɔ daa naa kpang ɓɛɛ. Yeesɔ ta yuu manɛ nɛɛ rɛɛ vuu ɓɔɔ lasɛ katɔ naa rɛɛ zinariya nɛɛ azurufa kpang.

1 Bituru 1:18 Σταυροειδείς Αναφορές

Maraku 8:37

Vuu ɓɔɔ shɔnzang kɔ̃sɔ suru bii ɓiɓɛ nɔng kagn ya?

Rooma 1:21

Ka ruu ɓɔɔ, ri zi Laa tɔ, a ri a wu bannang kaa takpang, nɛɛ wukɔ Laa kpang. Ri ti zã̀a wu kpang. A rɛ̃rɛnang ɓarɛ sɔ̀ɔ gbalang kpang. A yeti ɓarɛ tɔɔyi, ri zi vuu ɓɔɔ kaa takpang.

1 Koranti 3:20

Zang ti bèe ka nɔng ɓɔɔ nɛɛ, “Laa zi ɓi tɔ nɛɛ rɛ̃rɛnang zang ɓɔɔ ri zũng katɔ ɓi waati.”

1 Koranti 6:20

Ka ruu ɓɔɔ, hoo nɔɔ nɛɛ zĩi Yeesɔ Kirisi ɓɛɛ. Ka ruu nɔngkɔ, nɔɔ a Laa bannang nɛɛ bii manɛ.

1 Koranti 7:23

Laa ningsi vuu ɓɔɔ tɔ̃ɔ, a hoo nɔɔ nɛɛ mani. Nɔɔ tɔ̀ɔ́ jaafòó shɔnzang kpang, nɔɔ manɛ kaa jaafòó Yeesɔ Kirisi.

Galati 1:4

Yeesɔ a zang yuu ɓiɓɛ, nɛɛ tɔ̀ɔ, wu ta yuu ɓuru ɓɔɔ ruu zang shi kpang ɓɛɛ. Wu ti ta ruu nɛɛ gbalang vuu shi kpang ɓɔɔ shɔnzang rɛ̃rɛ a ti palɛ ɓɛɛ. Vuu keɓe nwang nɔngkɔ, ka ruu ɓɔɔ, Daa ɓuru Laa kasɛ nɔngkɔ ɓɛɛ.

Afisa 4:17

N kɔɔ vuu keɓe nɛɛ nung Kpanti Yeesɔ, n ti shaarɛ nɔɔ nyaa. Nɔ́ɔ nwàng nwannang manɛ tɔ̀ɔ́ naa zang ɓɔɔ ri zi Laa kpang, kpang. Zang ɓɔɔ rɛ̃rɛnang ɓarɛ daa naa ɓi kpang tɔ̃ɔri ɓɛɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Yahudi 9:12

Kirisi daa yeti nɔng ɓɔɔ shi kpang kagn kpang keɓe doo gbete kak, paasɛ kpang. Ti daa ɓi nɛɛ zĩi rɛɛ jàa nɛɛ napo kpang, daa ɓi nɛɛ zĩi bìí ɓiɓɛ. A ta yuu ɓuru kaa gbinggbing.

1 Bituru 1:7

Vuu gãsɛnang alɛ ka bii manɛ, tɔ̀ɔ, zang ri zi kati nɛɛ danggn ɓɔɔ nɔɔ shing ka bii Laa ɓi ɓɔɔ niizang kɔ nwani. Zinariya ɓɔɔ lasɛ katɔ ɓɛɛ, zang dɔɔ ka waa, tɔ̀ɔ, zang zirɛ nɛ́ɛ ɓɔɔ tɔ̃ɔ ɓɛɛ. Zang palɛ danggn shinnang manɛ ɓɔɔ ɓa zinariya shinang katɔ doo nɔngkɔ. Zang gãsɛ danggn ɓɔɔ nɔɔ shing ka bii Laa kãntang keɓe, ka ruu ɓɔɔ, ka diki ɓɔɔ Yeesɔ Kirisi naa nwang nyaa, zang wu dɔɔ nɔɔ, zang ti a nɔɔ bannang ka ruu danggn ɓɔɔ nɔɔ shing ɓɛɛ.

1 Bituru 4:3

Nɔɔ suukãng tɔ dɔɔli, ka nɔng ɓɔɔ nɔɔ palɛ vuu ɓɔɔ zang ɓɔɔ ri zi Laa kpang ri palɛ ɓɛɛ. Nɔɔ di nyaa ta ka nɔngkɔ. Ɓeleng nɔɔ nwang manɛ nwannang ɓɔɔ daa naa kpang ɓɛɛ. Nɔɔ palɛ manɛ vuu ɓɔɔ yeti manɛ kasɛ ɓɛɛ, nɔɔ ɓooro vuu ɓɔɔ si nɔɔ ɓɛɛ, nɔɔ gaarɛ zɔɔ nɔɔ tãa tĩnang diki diki, nɔɔ ɓooro sàa, nɔɔ ti bang vaka, vuu ɓɔɔ Laa dang nyaa nɛɛ nɔ́ɔ pálɛ̀ kpang ɓɛɛ.

1 Yɔhana 3:5

Nɔɔ zi tɔ nɛɛ, Yeesɔ arɛ nɛɛ wu naa kɔ̃̀sɔ́ zang vuu shi kpang. Vuu shi kpang ɓi kagn bii ɓiɓɛ kpang.