1 Yɔhana 5:8 - Nyaa Shɔɔ Ɓɔɔ Laa a Ɓɛɛ

⁸ Suru Laa, nɛɛ batizima ɓɔɔ zang palɛ wu, nɛɛ zĩi ɓiɓɛ ɓɔɔ tɛ̃ɛ ka ruu ɓuru ɓɛɛ. Vuu taati keɓe, nyaa ɓarɛ ti daa gbete.

1 Yɔhana 5:8 Σταυροειδείς Αναφορές

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

Maraku 14:56

Zang dɔɔli ri kɔɔ ruu see ka yuu ɓiɓɛ, a nyaa ɓarɛ daa gbete kpang.

Yɔhana 15:26

“Danggn wu ning nɔɔ kpang, zang ɓɔɔ naa yi nɔɔ naa ka bii a ditɔ. N nɛɛ dàá tɔ bii Daa mɛɛ, n shong nɔɔ wu ditɔ. Zang keɓe wukɔ Suru ɓɔɔ a nɛɛ bii Laa ɓɛɛ, wukɔ tusu zang ruu ɓɔɔ niizang ka yuu Laa. Wukɔ naa kɔ̀ɔ́ zang ruu ka yuu mɛɛ.

Yɔhana 19:34

Yɔɔ sɔɔja gbete shu kagň buru ɓiɓɛ nɛɛ shalang, zĩi nɛɛ mii tɛ̃ɛ nɛɛ nɔng ɓɔɔ yɔɔ shu ɓɛɛ.

Zang Shonang Yeesɔ 15:15

Rúu ɓɔɔ rɛɛ zang nyaa shonang Laa ri kɔɔyi daa gbete nɛɛ weɓe. Labeenang Laa kɔɔyi nɛɛ,

Rooma 8:16

Suru Laa ɓakɛ zɔɔ nɛɛ suru bii ɓuru ri kɔɔyi nɛɛ, ruu wujɛ Laa.

2 Koranti 1:22

Shing vuu ka bii ɓuru, tɔ̀ɔ, zang ri zi kaa gn nɛɛ rùu ɓɔɔ ɓiɓɛ. A á ruu Suru ɓiɓɛ tɔ ka yeti, tɔ̀ɔ, ruu zi kaa gn nɛɛ naa á ruu vuu ɓɔɔ wu shing ruu katɔ ɓɛɛ ditɔ nandon.

Yahudi 13:12

Yeesɔ dang jĩng doo nɔngkɔ ka yuu knti gari, nɛɛ tɔ̀ɔ, wu sɔɔ zang vuu shi kpang ɓarɛ kati nɛɛ zĩi ɓiɓɛ.

Yahudi 6:4

Ka ruu ɓɔɔ, naa zang ɓɔɔ ri a tɔ kagn ri zi gbalang Laa tɔ, Laa ti a ri vuu ɓɔɔ wu a zang nɛɛ lapa tɔ, a ri ti walɛ Suru Laa tɔ jong,

1 Bituru 3:21

Mii kaɓa tùsú zang ɓi kaa batizima ɓɔɔ kãntang keɓe ta yuu manɛ ɓɛɛ. Batizima ɓɔɔ zang pàlɛ́ nɔɔ, sɔɔ nɔɔ manɛ bii rĩiti manɛ kpang, ɓi vuu ɓɔɔ ruu gaa Laa nɛɛ mani, nɛɛ wu kɔsɔ ruu vuu shi kpang nɛɛ yeti ɓuru ɓɛɛ. Laa ta yuu ɓuru ka ruu ɓɔɔ Yeesɔ Kirisi yupaa nɛɛ sàa ɓɛɛ.

1 Yɔhana 5:9

Ruu nɛɛ ta vuu ɓɔɔ zang kɔɔ katɔ nɛɛ niizang, vuu ɓɔɔ Laa kɔɔyi ɓa ɓɔɔ zang katɔ. Laa kɔɔyi nɛɛ, Yeesɔ Jaa ɓiɓɛ.