1 Yɔhana 5:20 - Nyaa Shɔɔ Ɓɔɔ Laa a Ɓɛɛ

²⁰ Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.

1 Yɔhana 5:20 Σταυροειδείς Αναφορές

Matiyu 13:11

A kasɛ ri nyaa tɔɔ, “Laa a nɔkɔ náa ruu niizang ɓɔɔ zang waasɛ ka yuu kpanti ɓɔɔ Laa rooyi zinang tɔ, a zang a ri ɓarɛ kpang.

Luka 21:15

ka ruu ɓɔɔ, n a nɔɔ yee nɛɛ zũnang naa ɓɔɔ zang ɓɔɔ ri kasɛ ruu manɛ kpang, ri zunung naa ɓɔɔ ri laa nyaa nɛɛ nɔɔ kpang ɓɛɛ.

Luka 24:45

A á ri naa, tɔɔ, ri zi vuu ɓɔɔ ka labeenang Laa ɓɛɛ kati.

Yɔhana 1:18

Zang ɓɔɔ zi Laa tɔ kagn gbete kpang. Ɓi jaa gbete ɓɔɔ wu doo naa Laa kɔ, ɓɔɔ nwang ka ɓuru Laa kɔ, tusu naa ɓɔɔ Laa nwang ɓɛɛ.

Yɔhana 10:30

Ɓɔɔ n nɛɛ Daa ruu gbete.”

Yɔhana 14:20

Diki kaɓa nɛɛ a tɔ, nɔɔ naa zi ka lɛ̀ɛ́kɔ nɛɛ, Daa ka yeti mɛɛ, n ti kagn yeti ɓiɓɛ. A ɓɔɔ n nɛɛ nɔɔ, ruu ti gbete.

Yɔhana 14:23

Yeesɔ kasɛ wu nyaa tɔɔ, “Zang ɓɔɔ nɛɛ kasɛ m katɔ, dũng vuu ɓɔɔ n tusu katɔ. Daa mɛɛ kasɛ wu katɔ. Ruu ti a nɛɛ Daa mɛɛ ka bii ɓiɓɛ ruu nwáng nɛɛ wu.

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 14:9

Yeesɔ kasɛ wu nyaa tɔɔ, “Filibu, n nwáng tɔ, nɛɛ nɔɔ diki mɛɛ bee tɔ, mɔɔ zi m nung gn kpang ya? Zang ɓɔɔ nɛɛ zi m tɔ, zi Daa tɔ. A mɔɔ kɔɔ m ka ruu vi nɛɛ, n shìng nɔɔ ta, nɔɔ zi Daa nung viya?

Yɔhana 15:4

Nɔɔ nwáng nɛɛ n, n ti nwáng nɛɛ nɔɔ. Nasãng ɓɔɔ nɛɛ ka bii laa inabi kpang ra jaa ɓi kpang. Nɔɔ doo nɔngkɔ, nɔɔ nɛɛ nwáng nɛɛ n kpang, nɔɔ zunung vuu ɓɔɔ palɛnang kpang.

Yɔhana 17:14

N a ri nyaa ɓɔɔ mɔɔ shong m nɛɛ mani tɔ, a zang koo bɛ̃ɛ ri tɔ, ka ruu ɓɔɔ, ri ɓarɛ tɔ̀ɔ́ zang koo kpang ɓɛɛ. Naa ɓɔɔ n m zang koo kpang ɓɛɛ.

Yɔhana 17:25

Daa mɛɛ ɓɔɔ palɛ ɓi tɔ̃ɔ ɓɛɛ, zang koo ri zi mɔɔ ɓaa kpang. N zi mɔɔ m tɔ, a zang ɓɔɔ ri mantɛ vuu ka bii mɛɛ keɓe, ri zi tɔ nɛɛ mɔkɔ shong m.

Yɔhana 17:3

Suru bii ɓɔɔ waa nyaa kpang, ɓi zinang ɓɔɔ zang zirɛ nɛɛ mɔkɔ gbete, Laa ɓɔɔ niizang ɓɛɛ, a ɓɔɔ nkɔ Yeesɔ Kirisi ɓɔɔ mɔɔ shong m ɓɛɛ.

Yɔhana 20:28

Tooma kasɛ wu nyaa tɔɔ, “Mɔkɔ Kpanti mɛɛ nɛɛ Laa mɛɛ.”

Yɔhana 8:42

Yeesɔ kɔɔ ri tɔɔ, “Naa Laa kɔ nɛɛ daa manɛ niizang, nɔɔ nɛɛ kàsɛ́ ruu mɛɛ katɔ, ka ruu ɓɔɔ, n nwangnɛ bii Laa kɔ, n a ka nihn ɓɛɛ. N a m̌ anang yuu mɛɛ kpang, wukɔ shong m.

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

Rooma 9:5

Ri ɓarɛ zɔ̃ng rɛɛ dabang ɓɔɔ ka tĩng tɛ̃ɛ tɛ̃ɛ ɓɛɛ. Kirisi ka bii shɔnzang ɓiɓɛ, nwangnɛ doo laa ɓarɛ kɔ. Zang wu dɔɔ Laa ta dòndòng, ɓɔɔ wukɔ kpanti ka yuu vuu piti ɓɛɛ. Nɔngkɔ.

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

2 Koranti 4:6

Laa ɓɔɔ kɔɔyi nɛɛ, “Nɔng yakɛ ta ka nɔng ɓɔɔ tɔ̀ɔ katɔ ɓɛɛ,” ɓi doo wukɔ shing nɔng yakɛnang ɓiɓɛ, yakɛ yeti ɓuru. A shingnɛ ruu zi bannang Laa ka waa nyaating Yeesɔ Kirisi.

2 Koranti 5:17

Ka ruu nɔngkɔ, zang ɓɔɔ nɛɛ ɓakɛ yuu ɓiɓɛ tɔ nɛɛ Yeesɔ Kirisi, ɓi kaa zang shɔɔ. Gbalang nwannang gbaala ɓiɓɛ ɓa ɓi tɔ. Nwannang ka gbalang shɔɔ gaayu tɔ.

Afisa 3:18

Tɔ̀ɔ, nɔ̀ɔ nɛɛ zang Laa nimbang nandon, nɔ́ɔ zi naa ɓɔɔ zang kasɛnang Yeesɔ Kirisi bangnɛ. Bangnɛ ɓa ɓɔɔ zang kɔɔ nɛɛ nyaa katɔ ɓɛɛ.

Filipi 3:9

Ń ti nwang ɓɔɔ ɓiɓɛ. Laa wu tuu m zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii Kirisi ɓɛɛ. Wu ka ruu vuu ɓɔɔ kagn ɓɔɔ n palɛ ɓɛɛ kpang, wu ti ka ruu ɓɔɔ n dũng nyaa ɓɔɔ zang Yahudi dang ɓɛɛ kpang. Ɓi Laa kɔ risi m, n nwang zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii ɓiɓɛ ɓɛɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

Titu 2:13

Ka wee ruu nwangnɛ, ruu gã diki tĩnang tãanang ɓɔɔ ruu shing gn nɛɛ naa a ɓɛɛ. Diki ɓɔɔ bannang Laa ɓuru Yeesɔ Kirisi ɓɔɔ wukɔ ɓa zang piti, ɓɔɔ wukɔ ti ta yuu ɓuru naa nwangsɛ bii ɓɛɛ.

Yahudi 1:8

Ka yuu Jaa ɓiɓɛ, Laa kɔɔyi nɛɛ, “Mɔkɔ Laa, kpanti roonang ɓaaɓɛ ɓi ɓɔɔ gbinggbing ɓɛɛ. Vuu ɓɔɔ mɔɔ palɛ teetee, wukɔ nwang laa naa yitinang, ɓɔɔ mɔɔ roo kpanti nɛɛ mani ɓɛɛ.

1 Yɔhana 2:23

Zang ɓɔɔ bɛ̃ɛ Jaa, Daa ɓi kagn yeti ɓiɓɛ kpang. Zang ɓɔɔ nɛɛ ta Jaa, Daa ɓi kagn yeti ɓiɓɛ kɔ doori.

1 Yɔhana 2:24

Nɔɔ yaa yee Laa ɓɔɔ nɔɔ tãa ka diki ɓɔɔ nɔɔ gaayu yee Laa tanang wu nwang ka yeti manɛ. Ruu Laa keɓe nɛɛ nwang tɔ ka yeti manɛ, nɔɔ nwang ditɔ ka nyaa zɔɔ nɛɛ Jaa Laa nɛɛ Daa ɓiɓɛ Laa.

1 Yɔhana 2:6

Zang ɓɔɔ nɛɛ tɔɔ, wu zang Yeesɔ Kirisi nwang dòo naa ɓɔɔ Yeesɔ Kirisi nwáng ɓɛɛ kɔ.

1 Yɔhana 4:14

Ruu zi ka wukɔ a ruu ti kɔɔyi nɛɛ Daa shong Jaa ɓiɓɛ nɛɛ wu naa ta yuu zang koo keɓe.

1 Yɔhana 4:16

Ruu zi naa ɓɔɔ Laa kasɛ ruu tɔ ka yeti ɓuru, a ruu ti shing gn ka ruu zang kasɛnang ɓiɓɛ keɓe katɔ. Kasɛ ruu zang ɓi katɔ. Zang ɓɔɔ kasɛ ruu zang katɔ sasak, nwàng ɓi nɛɛ Laa, a Laa ti nwàng ɓi kagn yeti ɓiɓɛ.

1 Yɔhana 4:2

Wee naa ɓɔɔ nɔɔ zi suru Laa ɓɛɛ. Suru ɓɔɔ kasɛ katɔ nɛɛ, Yeesɔ Kirisi a ka koolaa keɓe, tuu bii shɔnzang ɓɛɛ, suru kaɓa kɔ Suru Laa.

1 Yɔhana 5:1

Zang ɓɔɔ nɛɛ kasɛ tɔɔ nɛɛ Yeesɔ wukɔ Kirisi ɓi jaa Laa. Zang ɓɔɔ nɛɛ kasɛ Daa jaa, kàsɛ́ jaa ɓi dòo katɔ kɔ.

1 Yɔhana 5:15

Ruu nɛɛ zi tɔ nɛɛ, Laa tãa vuu piti ɓɔɔ ruu gaa wu katɔ, ruu zi katɔ nɛɛ ruu wàlɛ̀ vuu ɓɔɔ ruu gàa wu ɓɛɛ tɔ.

1 Yɔhana 5:18

Ruu zì tɔ nɛɛ, zang ɓɔɔ Laa yirɛ, huu shoo ɓi nɛɛ vuu shi kpang palɛnang kpang. Ka ruu ɓɔɔ, Jaa Laa yiti wu katɔ ɓɛɛ. Sheetang pálɛ̀ wu vuu ɓɔɔ ɓi kpang.

1 Yɔhana 5:5

Ɓu wi ɓa yuu vuu ɓɔɔ nwãarɛ zang ka koo keɓe yuu wiya? Zang ɓɔɔ shing danggn nɛɛ Yeesɔ Jaa Laa ɓɛɛ.

Vuu ɓɔɔ zang nwangsɛ Yɔhana 15:3

Ri gaa soo ɓɔɔ Musa zang nyaa shonang Laa ri gaa ɓɛɛ, a Jaa Mɛ̀ɛrɛ́ ti gáa jong ɓɛɛ, ri kɔɔyi nɛɛ, “Laa ɓɔɔ mɔkɔ kpanti ɓuru ɓɛɛ, ɓɔɔ mɔɔ ɓa zang piti katɔ ɓɛɛ. Shonang ɓaaɓɛ bang dɔɔli, ti shing zang, zang mã naa ka danggn. Mɔkɔ kpanti zang ɓɔɔ ri ka koo nandon Vuu ɓɔɔ mɔɔ palɛ ɓɛɛ, ɓi tɔ̃ɔ, a mɔɔ ti zang ɓɔɔ palɛ vuu ɓɔɔ niizang.

Vuu ɓɔɔ zang nwangsɛ Yɔhana 19:11

Vuu keɓe ɓa tɔ, a n zi nyaa gãa puu ka lapa. Gbantang puru nwangnɛ. Zang ɓaa nung zang ɓɔɔ vang kagn nɛɛ, “Zang ɓɔɔ palɛ vuu ɓɔɔ wu kɔɔ ɓɛɛ katɔ, ɓɛɛ.” A ɓɔɔ, “Zang ɓɔɔ kɔɔ ɓi ruu ɓɔɔ niizang diki diki,” ɓɛɛ. Palɛ ɓi vuu tɔ̃ɔ, ka ɓɔɔ wu jɛ̃ɛ zang ruu, nɛɛ ɓɔɔ wu ta sĩiri ɓɛɛ.

Vuu ɓɔɔ zang nwangsɛ Yɔhana 3:14

A zang kaɓa kɔɔ tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Lawodikiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ zang ɓaa wu nɛɛ, Wu nwang ta nɔngkɔ ɓɛɛ. Zang ɓɔɔ kɔ̀ɔ́ ɓi ruu ɓɔɔ niizang diki diki, ɓɔɔ ti palɛ vuu ɓɔɔ wu kɔɔ ɓɛɛ katɔ ɓɛɛ. Laa ti mã́arɛ̀ vuu piti nɛɛ bii ɓiɓɛ kɔ.

Vuu ɓɔɔ zang nwangsɛ Yɔhana 3:7

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Filadifiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ shi kpang ɓi ka bii ɓiɓɛ kpang, zang ɓɔɔ wu ɓi niizang ɓɛɛ. Wukɔ yiti shɔng saka nyaa gãa ɓɔɔ bɛ̀ɛ́ Dawuda yiti ɓɛɛ. Nɛɛ puu nyaa gãa tɔ, zang ɓɔɔ zunung kunang kagn kpang, nɛɛ ti ku tɔ, zang ɓɔɔ zunung puunang kagn kpang.

Vuu ɓɔɔ zang nwangsɛ Yɔhana 6:10

A ri mɛɛ nyaa nabm nɛɛ, “Laa ɓɔɔ mɔkɔ kpanti ɓɛɛ, shi kpang ka bii ɓaaɓɛ kpang. Mɔkɔ kɔɔ ruu ɓɔɔ niizang ɓɛɛ, ruu nwáng diki nɛya ka nihn, tɔ̀ɔ, mɔɔ dɔng zang koo ɓɔɔ ri nyɔkɔ rùu ruu, mɔɔ waa ruu pãng wiya?”