1 Yɔhana 5:13 - Nyaa Shɔɔ Ɓɔɔ Laa a Ɓɛɛ

¹³ Zang ɓɔɔ ri shing danggn tɔ ka Jaa Laa ɓɛɛ, n bée nɔɔ vuu keɓe, tɔ̀ɔ, nɔ́ɔ zi kati, nɛɛ nɔɔ walɛ suru bii ɓɔɔ waa nyaa kpang manɛ tɔ.

1 Yɔhana 5:13 Σταυροειδείς Αναφορές

Yɔhana 1:12

Zang ɓɔɔ ri ta wu nandon, a ri ti shing danggn ka bii ɓiɓɛ ɓɛɛ, a ri naa nɛɛ, ri nwang ɓarɛ kaa wujɛ Laa.

Yɔhana 2:23

Ɓɔɔ bɛ̀ɛ́ Yeesɔ doo ka Urushalima, ka diki nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ, zang dɔɔli ri shing danggn ka bii ɓiɓɛ, ka ruu ɓɔɔ, ri zili vuu ɓɔɔ zang zirɛ zang mã naa ka danggn ɓɔɔ wu pálɛ́ ɓɛɛ.

Yɔhana 20:31

Zang bee weɓe, nɛɛ tɔ̀ɔ, nɔɔ shing danggn kati, nɛɛ Yeesɔ kɔ Kirisi, Jaa Laa. Nɔɔ nɛɛ shing danggn tɔ ka bii ɓiɓɛ, nɔ́ɔ walɛ suru bii kati.

Yɔhana 21:24

Yɔɔ ɓɔɔ mantɛ vuu ka bii Yeesɔ keɓe kɔ kɔɔrɔ vuu keɓe, wukɔ ti beeyi ka labeenang. Ruu ti zi tɔ, vuu ɓɔɔ wu kɔ̀ɔ ɓɛɛ ɓi niizang kɔ nwani.

Yɔhana 3:18

Zang piti ɓɔɔ nɛɛ shing danggn ka bii Jaa, zang jɛ̃ɛ wu ruu ɓi kpang. Zang ɓɔɔ nɛɛ shing danggn ka bii Jaa kpang, zang dɔng wu ruu ɓi tɔ. Ka ruu ɓɔɔ shing danggn ka bii Jaa gbete Laa kpang ɓɛɛ.

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Zang Shonang Yeesɔ 3:16

Danggn shinnang ka nung Yeesɔ kɔ masɛ yɔɔ kɔ nɔɔ zi nɛɛ jĩng, a nɔɔ ti zì wu nung tɔ ɓee. Ɓi nung Yeesɔ nɛɛ danggn shinnang ka bii ɓiɓɛ kɔ masɛ yɔɔ keɓe dɔ̃ɔ gbete, naa wee nɔɔ zi ɓee.

Zang Shonang Yeesɔ 4:12

“Zang ɓɔɔ ta yuu zang ɓɔɔ takpang, ka ruu ɓɔɔ, zang ɓɔɔ kagn ka koo keɓe gbete ɓɔɔ Laa a zang nung ɓiɓɛ, nɛɛ wukɔ ta yuu zang ɓɛɛ kpang ɓɛɛ.”

2 Koranti 5:1

Ruu zi tɔ, diki ɓɔɔ bii ɓuru kɔ nwàng naa putali nɛɛ tantɛ tɔ, Laa naa a ruu bii ditɔ ka lapa, ɓɔɔ ruu naa nwang kagn. Bii ɓɔɔ wu a ruu keɓe nwang ɓi dòndòng.

Galati 4:6

Ka ruu ɓɔɔ, nɔɔ wujɛ ɓiɓɛ, Laa shong nyaa nɛɛ Suru Jaa ɓiɓɛ, nɛɛ wu nwang ka yeti manɛ. Suru ɓɔɔ kaarɛ nyaa nɛɛ, “Daa mɛɛ, Daa mɛɛ,” ɓɛɛ.

1 Bituru 5:12

Ɓi Siila yì m naa kagn, a bèe nɔɔ labeenang tɔkɔlɔng kɔ n a nɔɔ ɓee. N zi tɔ Siila ɓi dòo zang ɓɔɔ dũng Laa kɔ nɛɛ ruu. Siila daa naa ɓɔɔ zang shing gn ka bii ɓiɓɛ tɔ. N bèé nɔɔ ruu keɓe n tɔɔ, n mã nɔɔ danggn. N ti kɔɔ nɔɔ faarik nɛɛ niizang, wee ɓi naa ɓɔɔ Laa pàlɛ̀ ruu tɔ̃ɔ ɓɛɛ kɔ. Ka ruu nɔngkɔ, nɔɔ shíi nɛɛ kaka ka rɛɛ vuu keɓe.

1 Yɔhana 1:4

Ruu bèé nɔɔ ruu keɓe, tɔ̀ɔ, tĩnang tãanang ɓuru wu ɓee nyaa kati.

1 Yɔhana 2:1

Wujɛ mɛɛ, n bèé nɔɔ ruu keɓe, ka ruu ɓɔɔ, nɔɔ nɛ̀ɛ́ pàlɛ́ vuu shi kpang ɓɛɛ. Zang ɓɔɔ nɛɛ palɛ vuu shi kpang, wu zirɛ nɛɛ, zang ɓɔɔ rang ruu yee nɛɛ Daa ɓuru Laa kagn. Wukɔ Yeesɔ Kirisi ɓɔɔ zang tɔ̃ɔ ɓɛɛ.

1 Yɔhana 2:21

N bèé nɔɔ wu ka ruu ɓɔɔ nɔɔ zi ruu ɓɔɔ niizang kpang ɓɛɛ kpang. N bèé nɔɔ, ka ruu ɓɔɔ, nɔɔ zi tɔ ɓɛɛ. Nɔɔ ti zi tɔ nɛɛ, ruu sèé hãa naa ɓi kagn nɛɛ ruu ɓɔɔ niizang kpang.

1 Yɔhana 2:25

Vuu ɓɔɔ Yeesɔ kɔɔyi tɔɔ, wu naa a ruu, wukɔ suru bii ɓɔɔ waa nyaa kpang ɓɛɛ.

1 Yɔhana 2:26

N bèé nɔɔ vuu keɓe, ka yuu zang ɓɔɔ ri kongso nɛɛ ri nwãarɛ nɔɔ ɓɛɛ.

1 Yɔhana 3:23

Laa dang nyaa tɔ nɛɛ ruu shing danggn ka bii Jaa ɓiɓɛ Yeesɔ Kirisi. Nɛɛ ruu ti kasɛ ruu zɔɔ katɔ naa ɓɔɔ wu dang ruu nyaa ɓɛɛ.

1 Yɔhana 4:9

Laa tusu ruu naa ɓɔɔ wu kasɛ ruu ɓuru ka Jaa gbete ɓiɓɛ ɓɔɔ wu shong ka koolaa ɓɛɛ. Laa shong wu nɛɛ tɔɔ ruu walɛ suru bii ɓɔɔ waa nyaa kpang ka bii ɓiɓɛ.

1 Yɔhana 5:10

Ka ruu nɔngkɔ, zang ɓɔɔ shing danggn ka bii Jaa Laa, zi katɔ ka yeti ɓiɓɛ nɛɛ ruu keɓe ɓi niizang. Zang ɓɔɔ ta vuu ɓɔɔ Laa kɔɔ kpang, ɓaa Laa sèé tɔ. Ka ruu ɓɔɔ, kasɛ vuu ɓɔɔ Laa kɔɔ ka yuu Jaa ɓiɓɛ kpang ɓɛɛ.

1 Yɔhana 5:11

Vuu ɓɔɔ Laa kɔɔ keɓe kɔ. Laa a ruu suru bii ɓɔɔ waa nyaa kpang tɔ. Suru bii ɓɔɔ waa nyaa kpang keɓe, ruu wálɛ̀ ka bii Jaa ɓiɓɛ.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.